شينحۋا اگەنتتىگىنىڭ 1 ـ ايدىڭ 18 ـ كۇنى بەيجيڭنەن بەرگەن حابارى. 1 ـ ايدىڭ 18 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ٴتوراعاسى لياڭ چياڭمەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن قىزۋ قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن ۆيەتنام سوتسياليستىك دوس كورشى ەل جانە ستراتەگيالىق مانگە يە تاعدىرلاس ورتاق تۇلعا. ديپلوماتيالىق قارىم ـ قاتىناس ورناتقان 75 جىلدان بەرى مەملەكەتتىڭ تاۋەلسىزدىگىنە جانە ۇلت ازاتتىعىنا قول جەتكىزۋدىڭ داڭقتى جىلدارىندا ەكى جاق تىزە قوسا كۇرەس جۇرگىزىپ، ٴوزارا قولداۋ كورسەتتى، ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس بولۋى“ ەكى پارتيا، ەكى ەل قارىم ـ قاتىناسىنىڭ ەڭ جاندى ايعاعىنا اينالدى. سوتسياليستىك قۇرىلىس ىستەرىندە ەكى جاق ٴوزارا ۇيرەنىپ، ٴوزارا ۇلگى الىپ، قول ۇستاسا بىرگە ىلگەرىلەپ، جالپى بەتتىك ستراتەگيالىق سەلبەستىكتى ۇزدىكسىز تەرەڭدەتتى، مۇراتتاس بولۋ، تاعدىرلاس بولۋ ەكى پارتيا، ەكى ەل قارىم ـ قاتىناسىنىڭ ەڭ كورنەكتى ەرەكشەلىگىنە اينالدى. مەن 2023 ـ جىلى ۆيەتنامدا تابىستى ساپاردا بولدىم، ەكى جاق ستراتەگيالىق مانگە يە جۇڭگو _ ۆيەتنام تاعدىرلاس ورتاق تۇلعاسىن قول ۇستاسا بىرگە قۇرۋدى جاريالادى، ەكى پارتيا، ەكى ەل قارىم ـ قاتىناسى تىڭ ساتىعا كوتەرىلدى.
شي جينپيڭ بىلاي دەپ اتاپ كورسەتتى: كەزەكتە دۇنيە ٴجۇزى وزگەرىسى، ٴداۋىر وزگەرىسى، تاريح وزگەرىسى بۇرىن بولىپ كورىلمەگەن تاسىلمەن قانات جايۋدا، جۇڭگو مەن ۆيەتنام ەكى ەلدىڭ سوتسياليزم جولىمەن ۇزدىكسىز ويداعىداي ٴجۇرۋى ەكى پارتيانىڭ، ەكى ەلدىڭ بولاشاق تاعدىرىنا، دۇنيە ٴجۇزى سوتسياليزم ىستەرىنىڭ بولاشاعىنا قاتىستى، وسى ٴوڭىردىڭ، اۋەلى، دۇنيە ٴجۇزىنىڭ بەيبىتشىلىگى، ورنىقتىلىعى جانە دامىپ گۇلدەنۋى جونىنەن ماڭىزدى ٴمان الادى. مەن جۇڭگو _ ۆيەتنام قارىم ـ قاتىناسىنىڭ دامۋىنا ايرىقشا ٴمان بەرەمىن، سىزدەرمەن بىرگە قۇلشىنىپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن جانە ”جۇڭگو _ ۆيەتنام گۋمانيتارلىق اۋىس ـ كۇيىس جىلىن“ وراي ەتىپ، اۋەلگى ماقساتتى، بورىشتى ەستە بەرىك ساقتاپ، ستراتەگيالىق ٴوزارا سەنىمدىلىكتى تەرەڭدەتىپ، ناقتى ىستەر سەلبەستىگىن كۇشەيتىپ، سوتسياليستىك وسىزامانداندىرۋ قۇرىلىسىنىڭ جاڭا جورىعىندا ۇزدىكسىز قيىندىقتى بىلەك بىرىكتىرە جەڭىپ، قول ۇستاسا العا باسىپ، ستراتەگيالىق مانگە يە جۇڭگو _ ۆيەتنام تاعدىرلاس ورتاق تۇلعاسىن قۇرۋدى ىلگەرىلەتۋدە ۇزدىكسىز تىڭ جەتىستىكتەرگە قول جەتكىزىپ، ەكى ەل حالقىن اناعۇرلىم ويداعىداي باقىتقا كەنەلتىپ، دۇنيە ٴجۇزى سوتسياليزم ىستەرىن گۇلدەندىرۋگە، ادامزاتتىڭ دامۋىن، العا باسۋىن جەبەۋگە ماڭىزدى ۇلەس قوسۋدى قالايمىن.
سۋ لين مىنالاردى ٴبىلدىردى: 75 جىلدان بەرى ەكى پارتيانىڭ، ەكى ەلدىڭ قول ۇستاسا بىرگە ىلگەرىلەۋى ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس بولۋ“ سىندى ٴداستۇرلى سۇيىسپەنشىلىك بولىپ ۇيىستى. ۆيەتنام پارتياسى، ۇكىمەتى جانە حالقى جۇڭگومەن قارىم ـ قاتىناسىن دامىتۋدى باستان ـ اياق ۆيەتنامنىڭ ديپلوماتيالىق ساياساتىنداعى دايەكتى قۋاتتاماسى سانايدى جانە ونى ماڭداي الدى ورىنعا قويادى. حالىقارالىق، وڭىرلىك جاعدايدا كۇردەلى دە تەرەڭ وزگەرىستەر تۋىلعان، ەكى ەلدىڭ سوتسياليزم ىستەرى شەشۋشى ساتىعا قادام تاستاعان جاعدايدا ەكى پارتيانىڭ، ەكى ەلدىڭ ەڭ جوعارى باسشىلارى ستراتەگيالىق مانگە يە ۆيەتنام _ جۇڭگو تاعدىرلاس ورتاق تۇلعاسىن قۇرۋعا ٴبىر اۋىزدان قوسىلدى. مەن ەكى پارتيانىڭ، ەكى ەلدىڭ جوعارى جىكتەگىلەرىنىڭ تىكەلەي قامقورلىعىندا، جەتەكشىلىگىندە، ەكى جاقتىڭ ٴارقايسى تاراۋلارىنىڭ تىعىز سايكەسىپ، ۆيەتنام _ جۇڭگو تاعدىرلاس ورتاق تۇلعاسى قۇرىلىسىن تىڭ ساتىعا كوتەرۋدى ىلگەرىلەتەتىندىگىنە كامىل سەنەمىن.
لياڭ چياڭ مىنالاردى ٴبىلدىردى: ۆيەتنام مەن جۇڭگو ديپلوماتيالىق قارىم ـ قاتىناس ورناتقان 75 جىلدان بەرگى تاريحي اماليات مىنانى دالەلدەدى: ەكى ەلدىڭ ٴداستۇرلى دوستىق قارىم ـ قاتىناسىن دامىتۋ ەكى ەل حالقىنىڭ ٴتۇبىرلى ارمانىنا جانە ۇزاق بولاشاقتىق مۇددەسىنە ۇيلەسەدى، ٴوڭىردىڭ، اۋەلى، دۇنيە ٴجۇزىنىڭ بەيبىتشىلىگىنە، ورنىقتىلىعىنا، سەلبەستىگىنە جانە دامۋىنا ۇلەس قوسادى. ۆيەتنام جاق جۇڭگو جاقپەن بىرگە جالپى بەتتىك ستراتەگيالىق سەلبەستىكتى ۇزدىكسىز تەرەڭدەتىپ، ستراتەگيالىق مانگە يە ۆيەتنام _ جۇڭگو تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگونىڭ، ٴسوز جوق، پارتيا 20 ـ قۇرىلتايىندا العا قويىلعان ٴتۇرلى نىسانا ـ مىندەتتەردى جەڭىسپەن جۇزەگە اسىرىپ، جۇڭگونى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعاتىندىعىنا سەنەمىن.
سول كۇنى مەملەكەتتىك كەڭەستىڭ زۇڭليى لي چياڭ ۆيەتنام ۇكىمەتىنىڭ زۇڭليى فان ميڭجىڭمەن ٴوزارا قۇتتىقتاۋ تەلەگرامماسىن جولدادى. لي چياڭ مىنالاردى ٴبىلدىردى: مەن زۇڭلي جولداسپەن بىرگە قۇلشىنىپ، ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، ەكى جاقتى قارىم ـ قاتىناستىڭ دامۋىنىڭ جانە ەكى ەلدىڭ ٴار سالاداعى سەلبەستىگىنىڭ تىڭ ساتىعا كوتەرىلۋىن ىلگەرىلەتۋدى قالايمىن.
فان ميڭجىڭ مىنالاردى ٴبىلدىردى: ۆيەتنام جاق جۇڭگو جاقپەن ەكى جاقتىڭ ٴارقايسى تاراۋلارىنا، ٴارقايسى جەرلەرىنە قاراتىلعان قۋزاۋدى، جەتەكشىلىك ەتۋدى كۇشەيتىپ، ماڭىزدى سەلبەستىك جوباسىن جەدەل تياناقتاندىرىپ، ەكى پارتيانىڭ، ەكى ەلدىڭ جوعارى جىكتەگىلەرىنىڭ ”التى اناعۇرلىم“جونىندەگى ورتاق تانىمىنىڭ تياناقتانىپ، ونىمدىلىك كورسەتۋىن جەبەۋدى قالايدى.
