导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋلينمەن تەلەفوندا سويلەستى

日期:2025年01月17日
来源:新疆日报
【字体:

  شينحۋا اگەنتتىگىنىڭ 1 ـ ايدىڭ 15 ـ كۇنى بەيجيڭنەن بەرگەن حابارى. 1 ـ ايدىڭ 15 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋلينمەن تەلەفوندا سويلەستى.

  شي جينپيڭ مىنالاردى ٴبىلدىردى: كونە جىلدىڭ سوڭى مەن جاڭا جىلدىڭ باسىندا، جۇڭگو مەن ۆيەتنامنىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى قارساڭىندا باس شۋجي سۋلين جولداسپەن تەلەفوندا سويلەسكەنىمە وتە قۋانىشتىمىن. بىلتىر 8 ـ ايدا ٴسىز جۇڭگودا مەملەكەتتىك ساپاردا بولدىڭىز، ٴبىز ەكى پارتيانىڭ، ەكى ەلدىڭ قارىم ـ قاتىناسىن تەرەڭدەتۋ، سوتسياليزم ىستەرىنىڭ دامۋىن بىرگە جەبەۋ سياقتىلار جونىندە ىشكەرىلەي پىكىر اۋىستىرىپ، كەڭ كولەمدى ورتاق تانىمعا كەلدىك. جارتى جىلدان بەرى، جۇڭگو مەن ۆيەتنام ەكى پارتيانىڭ، ەكى ەلدىڭ ٴارقايسى تاراۋلارى، ٴارقايسى جەرگىلىكتى ورىندارى تياناقتاندىرۋدى بەلسەنە يگەردى، ٴبىز اقىلداسىپ بەلگىلەگەن سەلبەستىك ىستەرىندە بەلسەندى ىلگەرىلەۋشىلىككە قول جەتتى.

  شي جينپيڭ بىلاي دەپ باسا دارىپتەدى: بيىل _ جۇڭگونىڭ ”14 ـ بەسجىلدىق“ جوباسى اياقتالاتىن جىل، ۆيەتنام كوممۋنيستىك پارتياسىنىڭ 14 ـ قۇرىلتايعا دايىندالۋىنداعى شەشۋشى جىل، بۇل جۇڭگو مەن ۆيەتنام ەكى ەل جونىنەن بۇرىنعىعا مۇراگەر بولىپ، كەيىنگىگە جول اشاتىن ماڭىزدى مانگە يە. ەكى جاق پارتيانى ۇزدىكسىز گۇلدەندىرىپ، پارتيانى قۇدىرەتتەندىرىپ، سوتسياليزم نازارياسى مەن امالياتتىق تاجىريبە اۋىس ـ كۇيىسىن تەرەڭدەتىپ، سوتسياليزم ىستەرىنىڭ دۇنيە ٴجۇزىنىڭ 100 جىلدىق وزگەرىس جاعدايىندا دامۋىن، زورايۋىن ىلگەرىلەتۋى كەرەك. جوعارى جىكتەگىلەر بارىس ـ كەلىسىنىڭ ساياسي جەتەكشىلىك رولىن تولىق ساۋلەلەندىرىپ، ٴجيى بارىس ـ كەلىستى ۇزدىكسىز ساقتاۋ كەرەك. ٴوزارا پايدا جەتكىزۋ سەلبەستىگىنىڭ اناعۇرلىم كوپ جەتىستىككە قول جەتكىزۋىن ىلگەرىلەتىپ، ۇلاستىرۋدى، تۇتاستىرۋدى جەدەل ىلگەرىلەتىپ، جاڭاشا وندىرگىش كۇشتەر سەلبەستىگىنىڭ الدىڭعى شەپ تۇعىرىن قول ۇستاسا سومداپ، ورنىقتى، ىركىلىسسىز شەكارا اتتاعان كاسىپ سالاسى تىزبەگى مەن قامداۋ تىزبەگىن ورناتۋ كەرەك. جۇرت تىلەگىن توعىستىراتىن، ىقىلاسقا تولى، جەرگىلىكتى جاعدايعا جاناسىمدى گۋمانيتارلىق اۋىس ـ كۇيىس ورىستەتىپ، اقپارات، مادەنيەت، ساياحات، جەرگىلىكتى ورىن، جاستار سالاسىنداعى بارىس ـ كەلىستى، سەلبەستىكتى كۇشەيتىپ، اناعۇرلىم كوپ حالىق تىلەگى ينجەنەرياسىن تۇلعالاۋ كەرەك. حالىقارالىق جانە وڭىرلىك سەلبەستىكتى كۇشەيتىپ، حالىقارالىق ادىلدىك پەن ادىلەتتىلىكتى قورعاپ، ادامزاتتىڭ تاعدىرلاس ورتاق تۇلعاسىن بىرگە قۇرۋ كەرەك.

  شي جينپيڭ بىلاي دەپ اتاپ كورسەتتى: ۆيەتنام كوممۋنيستىك پارتياسىنىڭ 13 ـ قۇرىلتايىنان بەرى، ۆيەتنام كوممۋنيستىك پارتياسى بۇكىل ۆيەتنام حالقىن ىنتىماقتاستىرىپ جانە باستاپ، كوپ جاقتاعى قيىنشىلىقتار مەن سىن ـ سايىستاردى جەڭىپ، سوتسياليستىك قۇرىلىس پەن جاڭارتۋ ىستەرىندە تىڭ تابىستارعا قول جەتكىزدى. سۋلين جولداس جەتەكشىلىگىندەگى ۆيەتنام كوممۋنيستىك پارتياسى ورتالىق كوميتەتىنىڭ باسشىلىعىندا، ۆيەتنام پارتياسىنىڭ، مەملەكەتىنىڭ، حالقىنىڭ 14 ـ قۇرىلتايدى قارسى الۋدى، 14 ـ قۇرىلتايدى جاقسى اشۋدى ارقاۋ ەتىپ، ۆيەتنامنىڭ ”قوس 100 جىلدىق“ كۇرەس نىساناسىنا قاراي تاباندىلىقپەن ىلگەرىلەيتىندىگىنە سەنەمىن.

  سۋلين الدىمەن جۇڭگونىڭ شيزاڭىنداعى جەر سىلكىنىسىندە ادام جانە مال ـ مۇلىك اۋىر زيانعا ۇشىراعاندىعى جونىندە شىنايى حال سۇرادى ٴارى مىنالاردى ٴبىلدىردى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، جۇڭگونىڭ جەر سىلكىنىسىنەن تۋىلعان زياندى، ٴسوز جوق، تەز ارادا جەڭەتىندىگىنە سەنەمىن. ۆيەتنام جۇڭگو كوممۋنيستىك پارتياسىنىڭ حالىقتى باستاپ قول جەتكىزگەن وراسان زور دامۋ تابىستارىنا شىن جۇرەكتەن سۇيىنەدى، جۇڭگونىڭ، ٴسوز جوق، ەكونوميكالىق كولەم مەن جاڭاشا وندىرگىش كۇشتەردى دامىتۋ سياقتى باسىمدىقتارىن ساۋلەلەندىرىپ، اناعۇرلىم زور دامۋ تابىستارىنا ۇزدىكسىز قول جەتكىزەتىندىگىنە سەنەدى. ۆيەتنام جاق باس شۋجي شي جينپيڭ العا قويعان 3 ۇلكەن الەمدىك باستامانى بەلسەنە قولدايدى ٴارى وسى جۇلگەدە جۇڭگو جاقپەن سەلبەستىكتى كۇشەيتۋدى قالايدى. وتكەن ٴبىر جىلدا، ۆيەتنام بۇكىل پارتياسى، بۇكىل ەلى ەل بىرلىگىنەن بەرىك قامال تۇرعىزىپ، كوپتەگەن قيىنشىلىقتار مەن سىن ـ سايىستاردى جەڭىپ، ەكونوميكالىق، قوعامدىق دامۋدا تىڭ دا ماڭىزدى جەتىستىكتەرگە قول جەتكىزدى. ۆيەتنام ۆيەتنام كوممۋنيستىك پارتياسىنىڭ 14 ـ قۇرىلتايىنا دايىندالۋدى نىسانا ەتىپ، حالىقتى بايىتىپ، مەملەكەتتى قۇدىرەتتەندىرۋدى، دەموكراتيالى، ٴادىل، وركەنيەتتى بولۋدى ەرەكشەلىك ەتكەن جاڭا دامۋ داۋىرىنە قادام تاستايدى، وسى بارىستا جۇڭگونىڭ دامۋ تاجىريبەلەرىنەن، اسىرەسە، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جاڭا نازاريالىق جانە امالياتتىق جاڭالىق اشۋىنان تولىق ۇلگى الادى. ۆيەتنام ۆيەتنام _ جۇڭگو قارىم ـ قاتىناسىن دامىتۋدى سىرتقى ساياساتتا ۇزدىكسىز ماڭداي الدى ورىنعا قويىپ، جۇڭگومەن ەكى پارتيانىڭ، ەكى ەلدىڭ ستراتەگيالىق تىلدەسۋىن كۇشەيتىپ، ساياساتتاردى ۇشتاستىرۋدى كۇشەيتىپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن قۇتتىقتاۋ قيمىلدارىن بىرگە ويداعىداي وتكىزىپ، الاۋىزدىقتاردى ۇيلەسىمدى مەڭگەرىپ جانە شەشىپ، ستراتەگيالىق مانگە يە ۆيەتنام _ جۇڭگو تاعدىرلاس ورتاق تۇلعاسى قۇرىلىسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتەدى.

  شي جينپيڭ مەن سۋلين جۇڭگو _ ۆيەتنام گۋمانيتارلىق اۋىس ـ كۇيىس جىلىنىڭ رەسمي باستالعاندىعىن بىرگە جاريالادى، سونداي ـ اق ٴبىر ـ بىرىنە كوكتەم مەرەكەسىنە قۇتتى بولسىن ايتىپ، ەكى ەل حالقىنىڭ ساۋ ـ سالامات بولۋىن تىلەدى.