导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ شريلانكا زۇڭتۇڭى ديسساناياكەمەن كەڭەس وتكىزدى

日期:2025年01月17日
来源:新疆日报
【字体:

  شينحۋا اگەنتتىگىنىڭ 1 ـ ايدىڭ 15 ـ كۇنى بەيجيڭنەن بەرگەن حابارى (ٴتىلشى فىڭ شينران). 1 ـ ايدىڭ 15 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن شريلانكا زۇڭتۇڭى ديسساناياكەمەن كەڭەس وتكىزدى.

  شي جينپيڭ بىلاي دەپ اتاپ كورسەتتى: جۇڭگو مەن شريلانكا ٴداستۇرلى دوس. ديپلوماتيالىق قارىم ـ قاتىناس ورناتقان 68 جىلدان بەرى، ەكى ەل قارىم ـ قاتىناسى باستان ـ اياق اقاۋسىز، ورنىقتى دامۋدى ساقتاپ، تۇرلىشە مەملەكەتتەردىڭ تاتۋ ٴوتۋىنىڭ، ٴوزارا پايدا جەتكىزۋ سەلبەستىگىنىڭ ۇلگىسىن ورناتتى. ەكى جاقتىڭ بىرگە قۇلشىنۋىندا، جۇڭگو مەن شريلانكانىڭ شىنايى ٴوزارا كومەكتەسەتىن، ۇرپاقتار بويى دوس وتەتىن ستراتەگيالىق سەلبەستىك سەرىكتەستىك قارىم ـ قاتىناسى ۇزدىكسىز ىشكەرىلەي دامىپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋدا جانە ٴار سالاداعى اۋىس ـ كۇيىستە، سەلبەستىكتە سۇبەلى تابىستارعا قول جەتكىزىپ، ەكى ەل حالقىنا ناقتى قۇت ـ ىرىس الا كەلدى. قازىر جۇڭگو _ شريلانكا قارىم ـ قاتىناسى بۇرىنعىعا مۇراگەر بولىپ، كەيىنگىگە جول اشاتىن، الدىڭعىلاردىڭ ٴىزىن باسىپ بولاشاققا جول اشاتىن تاريحي ورايعا ٴدوپ كەلىپ وتىر، ەكى جاق جۇڭگو _ شريلانكا قارىم ـ قاتىناسىن ستراتەگيالىق دەڭگەيدەن يگەرىپ، جۇڭگو _ شريلانكا تاعدىرلاس ورتاق تۇلعاسىن بىرگە قۇرۋى كەرەك.

  شي جينپيڭ بىلاي دەپ باسا دارىپتەدى: جۇڭگو شريلانكانى باستان ـ اياق توڭىرەكتىك ديپلوماتيادا ماڭىزدى بەتالىس ەتىپ كەلەدى، شريلانكانىڭ مەملەكەتتىڭ تاۋەلسىزدىگىن، يەلىك ۇقىعىن جانە تەرريتوريا تۇتاستىعىن قورعاۋىن بۇرىنعىداي قولدايدى، شريلانكا جاقتىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس قاراستىرۋىن قولدايدى، شريلانكا جاقپەن ساياسي ٴوزارا سەنىمدىلىكتى تەرەڭدەتىپ، ەل باسقارۋ تاجىريبەلەرىن اۋىستىرىپ، ەكى ەلدىڭ ٴارقايسى تاراۋلارىنىڭ تىلدەسۋىن، بايلانىسىن كۇشەيتۋدى قالايدى. جۇڭگو رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتىپ، شريلانكانىڭ دامۋىنا تىڭ وراي اكەلەدى. جۇڭگو جاق شريلانكا جاقتىڭ نازاردى ەكونوميكالىق قۇرىلىسقا شوعىرلاندىرىپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋ، وسى زامانعى اۋىل شارۋاشىلىعى، سيفرلى ەكونوميكا، تەڭىز ـ مۇحيت ەكونوميكاسى سياقتى سالالارداعى سەلبەستىكتى ىلگەرىلەتىپ، جاڭا جارقىن تۇيىندەر قالىپتاستىرۋىن بەلسەنە قولدايدى. ەكى جاقتىڭ گۋمانيتارلىق اۋىس ـ كۇيىسىن كۇشەيتىپ، ەكى ەل حالقىنىڭ جۇرەكتەرىن توعىستىرۋدى نىعايتۋ كەرەك. جۇڭگو جاق شريلانكا جاقپەن بىرلەسكەن مەملەكەتتەر ۇيىمى سياقتى كوپ جاقتى قۇرىلىمدارداعى سايكەسۋدى، سەلبەسۋدى كۇشەيتىپ، كليمات وزگەرىسى سياقتى ادامزاتتىڭ دامۋىنا ساياتىن كەلەلى ماسەلەلەرگە بىرگە توتەپ بەرىپ، جەر شارىنىڭ وڭتۇستىگىنىڭ بىرلەسىپ ٴوزىن الۋەتتەندىرۋىنە تاباندى بولىپ، ٴوڭىردىڭ بەيبىتشىلىگىنە، ورنىقتىلىعىنا جانە دامۋىنا، گۇلدەنۋىنە ۇلەس قوسۋدى قالايدى.

  ديسساناياكە مىنالاردى ٴبىلدىردى: جاڭا جىل باستالىسىمەن جۇڭگوعا ساپارلاي كەلگەنىمە توتەنشە قۋانىشتىمىن. شريلانكا جاق جۇڭگونىڭ ەكونوميكا، عىلىم ـ تەحنولوگيا، نەگىزدىك قۇرىلعى سياقتى سالالاردا قول جەتكىزگەن كەلەلى دامۋ تابىستارىنا سۇيىنەدى. جۇڭگو ەجەلدەن شريلانكانىڭ سەنىمدى دوسى جانە سەرىگى. شريلانكا جاق جۇڭگومەن قارىم ـ قاتىناسقا ايرىقشا ٴمان بەرەدى، ٴبىر جۇڭگو پرينسيبىن باتىل اتقارادى، جۇڭگو جاقتىڭ شريلانكا جاقتىڭ تاۋەلسىزدىگىن، يەلىك ۇقىعىن جانە ورىندى ۇقىق ـ مۇددەسىن قورعاۋىنا كورسەتكەن قىمباتتى قولداۋىنا العىس ايتادى. شريلانكا جاق ”ٴبىر بەلدەۋ، ٴبىر جولدى“ بىرگە قۇرۋعا كۇش سالىپ، ٴوڭىردىڭ ٴوزارا ۇلاسۋ، تۇتاسۋ دەڭگەيىن جوعارىلاتۋعا دەم بەرەدى، ٴتىپتى دە كوپ جۇڭگو كاسىپورىندارىنىڭ شريلانكاعا بارىپ قارجى قوسىپ، شارۋاشىلىقتارىن گۇلدەندىرۋىن قارسى الادى، جۇڭگو جاقپەن نەگىزدىك قۇرىلعى، ەنەرگيا، اۋىل شارۋاشىلىعى، فينانس، كەدەيلىكتى ازايتۋ، سيفرلى تيپ جاڭالاۋ، ساياحات، تەڭىز ـ مۇحيت، قىزمەتكەرلەردى باۋلۋ سياقتى سالالارداعى سەلبەستىكتى كۇشەيتۋدى قالايدى. جۇڭگو _ جەر شارىنىڭ وڭتۇستىگىندەگى ماڭىزدى جەتەكشى ەل، حالىقارالىق ىستەردە سىندارلى رول اتقارۋدا. شريلانكا جاق جۇڭگو جاقپەن بىرگە كوپ جاقتى ورىنداردا سايكەسۋدى، ٴوزارا قولداۋدى ۇزدىكسىز كۇشەيتىپ، ورتاق مۇددەنى ويداعىداي قورعاۋدى قالايدى.

  كەڭەستەن كەيىن، ەكى ەلدىڭ مەملەكەت باسشىلارى ”ٴبىر بەلدەۋ، ٴبىر جولدى“ بىرگە قۇرۋ سەلبەستىك جوباسىنا جانە اۋىل شارۋاشىلىعى ونىمدەرىن جۇڭگوعا ەنگىزۋ، قوعام، حالىق تۇرمىسى، اقپارات، راديو ـ تەلەۆيزيا سياقتى كوپ جاقتى، ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.

  كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ديسساناياكەنى قارسى الۋ سالتىن وتكىزدى.

  تيان ـ انمىن الاڭىندا 21 رەت قۇرمەت ساليۋتى اتىلىپ، قۇرمەت قاراۋىلى قاتار تۇزەپ قۇرمەت ٴبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن شريلانكا ەكى ەلدىڭ مەملەكەت ٴانىن ورىندادى. ديسساناياكە شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ٴارى سالتانات قاتارىن تاماشالادى.

  سول كۇنى كەشتە شي جينپيڭ حالىق سارايىنىڭ جينسى زالىندا ديسساناياكەنى قارسى الۋ قوناعاسىن وتكىزدى.

  ۋاڭ ي جوعارىداعى قيمىلدارعا قاتىناستى.