导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ ەۆروپا القالار كەڭەسىنىڭ ٴتوراعاسى كوستامەن تەلەفوندا سويلەستى

日期:2025年01月16日
来源:新疆日报
【字体:

  شينحۋا اگەنتتىگىنىڭ 1 ـ ايدىڭ 14 ـ كۇنى بەيجيڭنەن بەرگەن حابارى. 1 ـ ايدىڭ 14 ـ كۇنى تۇستەن كەيىن مەملەكەت ٴتوراعاسى شي جينپيڭ ۋاعدا بويىنشا ەۆروپا القالار كەڭەسىنىڭ ٴتوراعاسى كوستامەن تەلەفوندا سويلەستى.

  شي جينپيڭ كوستانىڭ ەۆروپا القالار كەڭەسىنىڭ ٴتوراعاسى بولىپ تاعايىندالعاندىعىن تاعى ٴبىر رەت قۇتتىقتاپ بىلاي دەپ اتاپ كورسەتتى: بيىل _ جۇڭگو مەن ەۆروپا وداعىنىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعى، بۇرىنعىعا مۇراگەر بولىپ، كەيىنگىگە جول اشاتىن ماڭىزدى كەزەڭ. جۇڭگو مەن ەۆروپا وداعى قارىم ـ قاتىناسىنىڭ دامۋ بارىسى مىنانى اڭعارتتى: ەكى جاق ٴوزارا قۇرمەت ەتىپ، تەڭ تۇرعىدا ٴوزارا مامىلە جاساپ، بۇكپەسىز پىكىرلەسسە عانا، سەلبەستىكتى ىلگەرىلەتىپ، ٴىرى ىستەر تىندىرۋعا بولادى. ٴبىر نيەت، ٴبىر ماقساتتاعىلار سەرىكتەستەر، ورتاقتىققا ۇمتىلىپ، پارىقتاردى ساقتاعاندار دا سەرىكتەستەر. مۇنىڭ تەتىگى _ ٴار ەكى جاق حالقىنىڭ تاڭداعان قوعامدىق ٴتۇزىمى مەن دامۋ جولىنا قۇرمەت ەتۋ، ٴبىر ـ ٴبىرىنىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە قۇرمەت ەتۋ. جۇڭگو جاق باستان ـ اياق ەۆروپانى كوپ ۇيەكتى دۇنيە ٴجۇزىنىڭ ماڭىزدى ٴبىر ۇيەگى دەپ سانايدى، ەۆروپانىڭ ٴبىر تۇلعالانۋىن جانە ەۆروپا وداعىنىڭ ستراتەگيادا ٴوز ـ وزىنە قوجايىن بولۋىن قولدايدى. ەكى جاق جۇڭگو مەن ەۆروپا وداعى قارىم ـ قاتىناسىن دامىتۋدىڭ تاجىريبەلەرىن قورىتىندىلاپ، وسىدان ماڭىزدى شابىت الىپ، جۇڭگو مەن ەۆروپا وداعى قارىم ـ قاتىناسىنىڭ ساياسي نەگىزىن بىرگە ويداعىداي قورعاپ، جۇڭگو مەن ەۆروپا وداعى قارىم ـ قاتىناسىنىڭ جاقسارۋىن، العا قاراي دامۋىن ىلگەرىلەتىپ، جۇڭگو مەن ەۆروپا وداعى حالقىنا اناعۇرلىم مول قۇت ـ ىرىس اكەلىپ، اۋمالى ـ توكپەلى حالىقارالىق جاعدايعا اناعۇرلىم كوپ ورنىقتىلىق جانە ايقىندىق ۇستەۋى كەرەك.

  شي جينپيڭ بىلاي دەپ باسا دارىپتەدى: جۇڭگو مەن ەۆروپا وداعى اراسىندا ٴتۇبىرلى مۇددە قاقتىعىسى جوق، وڭىرلىك ساياسي قايشىلىق تا جوق، قايتا ولار ٴبىر ـ ٴبىرىنىڭ تابىسقا جەتۋىن دەمەيتىن سەرىكتەر. 50 جىلدان بەرى، جۇڭگو مەن ەۆروپا وداعى قارىم ـ قاتىناسى تەك وزدەرىنىڭ دامۋىنا دەم بەرىپ قانا قويماي، دۇنيە ٴجۇزىنىڭ بەيبىتشىلىگى مەن گۇلدەنىپ ـ كوركەيۋىنە دە ماڭىزدى ۇلەس قوستى. حالىقارالىق جاعداي قاتاڭ دا كۇردەلى بولعان سايىن، جۇڭگو مەن ەۆروپا وداعى ديپلوماتيالىق قارىم ـ قاتىناس ورناتقانداعى اۋەلگى ماقساتىنان جازباي، ستراتەگيالىق بايلانىستى كۇشەيتىپ، ستراتەگيالىق ٴوزارا سەنىمدىلىكتى نىعايتىپ، سەرىكتەستىك قارىم ـ قاتىناس ورنىنا تاباندى بولۋى كەرەك. جۇڭگو ەۆروپا وداعىنا سەنىم ارتادى، ەۆروپا وداعىنىڭ دا جۇڭگو جاقتىڭ سەنىم ارتاتىن سەلبەستىك سەرىگى بولۋىن ٴۇمىت ەتەدى. جۇڭگو مەن ەۆروپا وداعى ەكونوميكا ـ ساۋدا سەلبەستىگى باسىمدىقتارىمەن ٴبىرىن ـ ٴبىرى تولىقتاپ، ٴوزارا پايدا جەتكىزىپ تەڭ يگىلىككە كەنەلەدى، ەكى جاق تا كوپ جاقتى ساۋدا ٴتۇزىلىسىنىڭ قورعاۋشىسى بولىپ، ەكونوميكادا بىرگە ٴومىر ٴسۇرۋ كۇشتى قارىم ـ قاتىناسىن قالىپتاستىردى. جۇڭگو جوعارى ساپالى دامۋعا تاباندى بولىپ، جوعارى دەڭگەيدەگى سىرتقا ەسىك اشۋدى كەڭەيتىپ، جۇڭگو مەن ەۆروپا وداعى سەلبەستىگىنە جاڭا وراي اكەلەدى. جۇڭگو مەن ەۆروپا وداعى ٴوزارا ەسىك اشۋدى كەڭەيتىپ، قازىر بار سەلبەستىك مەحانيزمىن بەكەمدەپ، سەلبەستىكتىڭ جاڭا ارتۋ ٴتۇيىنىن تۇلعالاۋى كەرەك. ەكى جاق ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن قۇتتىقتاۋ قيمىلىن ويداعىداي وتكىزىپ، گۋمانيتارلىق اۋىس ـ كۇيىستى جانە ادامداردىڭ بارىس ـ كەلىسىن جيىلەتىپ، جۇڭگو مەن ەۆروپا وداعى حالقىن قوس باعىتتا اتتانۋعا شابىتتاندىرىپ، جەرگىلىكتى ورىنداردىڭ بارىس ـ كەلىسىنە جانە وقۋ ـ اعارتۋ سەلبەستىگىنە قولداۋ كورسەتىپ، جۇڭگو مەن ەۆروپا وداعى دوستىعىنىڭ حالىق رايى نەگىزىن بەكەمدەۋى كەرەك.

  كوستا مىنالاردى ٴبىلدىردى: 2025 ـ جىل _ ەۆروپا وداعى مەن جۇڭگو قارىم ـ قاتىناسىنداعى ماڭىزدى جىل. ەۆروپا وداعى جاق جۇڭگو جاقپەن بىرگە ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن بىرگە قۇتتىقتاپ، تىلدەسۋدى، بايلانىستى كۇشەيتىپ، ستراتەگيالىق ٴوزارا سەنىمدىلىكتى ارتتىرىپ، سەرىكتەستىك قارىم ـ قاتىناستى كۇشەيتىپ، ەۆروپا وداعى _ جۇڭگو قارىم ـ قاتىناسىنىڭ اناعۇرلىم ويداعىداي دامۋ بولاشاعىن اشۋدى قالايدى. ەۆروپا وداعى جاق جۇڭگو جاقپەن تىلدەسۋ، كەڭەسۋ ارقىلى ەكونوميكا ـ ساۋدا الاۋىزدىقتارىن ۇيلەسىمدى ٴبىر جاقتى ەتۋدى قالايدى. ەۆروپا وداعى مەن جۇڭگو ەكەۋى دە بىرلەسكەن مەملەكەتتەر ۇيىمى ۋستاۆىنىڭ باس ماقساتىنا قۇرمەت ەتەدى، كوپ جاقتىلىققا تاباندى بولىپ، ەركىن ساۋدانى قورعايدى، توپقا ٴبولىنىپ قارسىلاسۋعا قارسى تۇرادى، ەكى جاق باسەكەلەسۋ ەمەس، قايتا سەلبەسۋى كەرەك. قازىرگى ٴداۋىر سىن ـ سايىسقا تولى، دۇنيە ٴجۇزى ەۆروپا وداعى مەن جۇڭگونىڭ اناعۇرلىم تىعىز سەلبەسىپ، كليمات وزگەرىسى سياقتى الەمدىك سىن ـ سايىسقا بىرگە توتەپ بەرىپ، دۇنيە ٴجۇزىنىڭ بەيبىتشىلىگىنە، ورنىقتىلىعىنا، دامۋىنا بىرگە بەلسەندى ۇلەس قوسۋىن قاجەت ەتەدى.

  ەكى جاق تاعى ۋكراينا سياقتى ماسەلەلەر جونىندە كوزقاراستارىن اۋىستىردى، شي جينپيڭ جۇڭگو جاقتىڭ تاتۋلاسۋعا ٴناسيحاتتاپ كەلىسسوزدى جەبەۋدەگى پرينسيبىن، تۇرعىسىن باياندادى.