كۇش ۇستىنە كۇش قوسىپ، قولايلى ساتتەن پايدالانىپ العا ۇمتىلىپ، عارىش ىستەرىندە قۋاتتى ەل قۇرۋدى جەدەلدەتۋ كەرەك

شي جينپيڭ ايدى بارلاۋ ينجەنەرياسى چاڭى - 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلداعاندا ماڭىزدى ٴسوز سويلەپ، بىلاي دەپ باسا دارىپتەدى

كۇش ۇستىنە كۇش قوسىپ، قولايلى ساتتەن پايدالانىپ العا ۇمتىلىپ، عارىش ىستەرىندە قۋاتتى ەل قۇرۋدى جەدەلدەتۋ كەرەك

سونداي ـ اق اي شارىنان الىنعان ۇلگى مەن ايدى بارلاۋ ينجەنەرياسى جەتىستىكتەرى كورمەسىن ەكسكۋرسيالادى

لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قيمىلعا قاتىناستى

　　9 ـ ايدىڭ 23 ـ كۇنى پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار حالىق سارايىندا ايدى بارلاۋ ينجەنەرياسى چاڭى _ 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلدادى، سونداي ـ اق اي شارىنان الىنعان ۇلگى مەن ايدى بارلاۋ ينجەنەرياسى جەتىستىكتەرى كورمەسىن ەكسكۋرسيالادى. سۋرەتتە: شي جينپيڭ ماڭىزدى ٴسوز سويلەۋدە.

□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن

　　9 ـ ايدىڭ 23 ـ كۇنى پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار حالىق سارايىندا ايدى بارلاۋ ينجەنەرياسى چاڭى _ 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلدادى، سونداي ـ اق اي شارىنان الىنعان ۇلگى مەن ايدى بارلاۋ ينجەنەرياسى جەتىستىكتەرى كورمەسىن ەكسكۋرسيالادى. سۋرەتتە: شي جينپيڭ قاتارلىلار ايدى بارلاۋ ينجەنەرياسى چاڭى _ 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلداۋدا.

□ سۋرەتتى شينحۋا اگەنتتىگىنىڭ ٴتىلشىسى ياۋ داۋي تۇسىرگەن

　　شينحۋا اگەنتتىگىنىڭ 9 ـ ايدىڭ 23 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 9 ـ ايدىڭ 23 ـ كۇنى تۇستەن بۇرىن حالىق سارايىندا ايدى بارلاۋ ينجەنەرياسى چاڭى _ 6 مىندەتىنە قاتىستى زەرتتەۋگە، سىناققا قاتىناسقان قىزمەتكەرلەردىڭ ۋاكىلدەرىن قابىلداعاندا ماڭىزدى ٴسوز سويلەدى. ول بىلاي دەپ باسا دارىپتەدى: ايدى بارلاۋ ينجەنەرياسىنىڭ جەتىستىكتەرىنە ەلىمىزدەگى نەشە ۇرپاق عارىش قىزمەتكەرلەرىنىڭ اقىل ـ پاراساتى مەن جۇرەك قانى سىڭگەن، ول ٴبىزدىڭ جۋىق جىلدارى عىلىم ـ تەحنيكادا ٴوز كۇشىنە سۇيەنۋ، ٴوزىن الۋەتتەندىرۋ جاعىندا قول جەتكىزگەن كورنەكتى تابىستارىمىزدى ٴبىر قىرىنان بەينەلەپ، جۇڭگولىقتاردىڭ جىگەرىن، قايسارلىعىن، سەنىمىن تولىق ايگىلەدى. تۇتاس قوعامدا ارمانعا ۇمتىلۋ، باتىلدىقپەن ىزدەنۋ، سايكەسە قامال الۋ، سەلبەسىپ بىرگە جەڭىسكە جەتۋ سىندى ايدى بارلاۋ رۋحىن بارىنشا اسقاقتاتىپ، بارلىق جۇڭحۋا ۇلاندارىنىڭ ۇلتتىق سەنىمى مەن ماقتانىش سەزىمىن ونان ارى كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ تەلەگەي كۇشىن ۇيىستىرۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قيمىلعا قاتىناستى.

　　تۇستەن بۇرىن ساعات 10 مولشەرىندە شي جينپيڭ قاتارلى پارتيا مەن مەملەكەت باسشىلارى حالىق سارايىنىڭ سولتۇستىك زالىنا كەلدى، تۇتاس زالدى ۇزاققا دەيىن شاتىرلاعان قول شاپالاق ٴۇنى كەرنەدى. شي جينپيڭ قاتارلىلار كوپشىلىكپەن ىقىلاسپەن قول الىستى ٴارى ەستەلىك سۋرەتكە ٴتۇستى.

　　دۋ قول شاپالاق ٴۇنى ىشىندە شي جينپيڭ ماڭىزدى ٴسوز سويلەدى. ول مىنالاردى ٴبىلدىردى: بيىل 6 ـ ايدىڭ 25 ـ كۇنى چاڭى _ 6 مىندەتىن ورىنداپ بولعاننان كەيىن، ٴساتتى قايتىپ كەلدى، مەن قۇتتىقتاۋ تەلەگرامماسىن جولدادىم. بۇگىن مەن ورتالىقتاعى باسقا دا باسشى جولداستارمەن بىرگە كوپشىلىككە امانداسا كەلىپ، پارتيا ورتالىق كوميتەتى اتىنان كوپشىلىكتى تاعى دا قىزۋ قۇتتىقتايمىن جانە ىقىلاستى سالەم جولدايمىن!

　　شي جينپيڭ بىلاي دەپ اتاپ كورسەتتى: چاڭى _ 6 ادامزات تاريحىندا تۇڭعىش رەت ايدىڭ ارعى بەتىنەن ۇلگى الىپ، كوپ ٴتۇرلى شەشۋشى تەحنيكادان قامال الدى، ول ەلىمىزدىڭ عارىش ىستەرىندە قۋاتتى ەل، عىلىم ـ تەحنيكادا قۋاتتى ەل قۇرۋدا قول جەتكىزگەن تاعى ٴبىر بەلگى سيپاتتى جەتىستىگى، ەلىمىزدىڭ ايدى بارلاۋ ينجەنەرياسىنىڭ ماڭىزدى بەلەسى. 20 جىلدان بەرى ايدى بارلاۋ ينجەنەرياسى نازاردى شەشۋشى، وزەكتى تەحنيكا سالاسىندا ۇزدىكسىز قامال الۋعا شوعىرلاندىرىپ، عىلمي بايقاۋ، تەحنيكالىق جاڭالىق اشۋ، ينجەنەريا امالياتى، جەتىستىكتەردى كادەگە جاراتۋ، حالىقارالىق سەلبەستىك سياقتى جاقتاردا سۇبەلى تابىستارعا قول جەتكىزىپ، جوعارى ساپالى، جوعارى ٴونىمدى اي شارىن بارلاۋ جولىن اشىپ، ەلىمىز عارىش ىستەرىنىڭ دامۋىنا، ادامزاتتىڭ الەم كەڭىستىگى جونىندە ىزدەنىس جاساۋىنا كەلەلى ۇلەس قوستى.

　　شي جينپيڭ بىلاي دەپ باسا دارىپتەدى: ۇشى ـ قيىرسىز الەم جونىندە ىزدەنىس جاساپ، عارىش ىستەرىندە قۋاتتى ەل قۇرۋ _ ٴبىزدىڭ قاجىماي ـ تالماي تالپىناتىن عارىش ارمانىمىز. جاڭا جۇڭگو قۇرىلعان 75 جىلدان بەرى جۇڭگو كوممۋنيستىك پارتياسىنىڭ باسشىلىعىندا، ەلىمىزدىڭ نەشە ۇرپاق عارىش قىزمەتكەرلەرى ٴوز كۇشىنە سۇيەنىپ ٴومىر سۇرۋگە، دەربەس جاڭالىق اشۋعا تاباندى بولىپ، عارىش ىستەرىنىڭ جوقتان بار بولۋىن، السىزدەن كۇشەيۋىن ىلگەرىلەتىپ، ”جوبا ارقىلى ارماندى كەسكىندەۋدەن“ ”كۇرەس جۇرگىزۋ ارقىلى ارماندى ورىنداۋعا“ دەيىن تاريحي سيپاتتى، جوعارى ساپالى، سەكىرمەلى دامۋدى جۇزەگە اسىرىپ، عارىش ىستەرىندە قۋاتتى ەل قۇرۋدا نىق قادام تاستادى.

　　شي جينپيڭ بىلاي دەپ اتاپ كورسەتتى: سىرتقى كەڭىستىك _ ادامزاتتىڭ ورتاق مەكەنى، كەڭىستىك جونىندەگى ىزدەنىس _ ادامزاتتىڭ ورتاق ٴىسى. ايدى بارلاۋ ينجەنەرياسى تەڭ تۇرعىدا ٴوزارا پايدا جەتكىزۋ، بەيبىت پايدالانۋ، سەلبەسىپ تەڭ يگىلىككە كەنەلۋ پرينسيبىن ۇستانىپ كەلەدى، ”چاڭى“ ٴارى جۇڭگونىكى، ٴارى بۇكىل ادامزاتقا ٴتان بولىپ، حالىقارالىق عىلىم ـ تەحنيكا سەلبەستىگىنە كەڭ ساحنا ازىرلەپ، بۇكىل جەر شارىنىڭ شالعاي كەڭىستىك ىزدەنىسىنە جۇڭگونىڭ اقىل ـ پاراساتى مەن جۇڭگونىڭ كۇش ـ قۋاتىن ارنادى. ٴبىز ۇزدىكسىز كەڭ پەيىل بولىپ، كوپ ٴتۇرلى فورماداعى عارىش جونىندەگى حالىقارالىق اۋىس ـ كۇيىستى، سەلبەستىكتى ىشكەرىلەي ىلگەرىلەتىپ، ٴار ەلمەن دامۋ جەتىستىكتەرىنەن بىرگە يگىلىكتەنىپ، سىرتقى كەڭىستىكتى جونگە سالۋدى كەمەلدەندىرىپ، عارىش عىلىم ـ تەحنيكا جەتىستىكتەرىنىڭ ادامزاتقا اناعۇرلىم ويداعىداي باقىت جاراتۋىنا مۇمكىندىك جاساۋىمىز كەرەك.

　　شي جينپيڭ بىلاي دەپ باسا دارىپتەدى: عارىشتى بارلاۋدىڭ ماڭگى شەگى بولمايدى. عارىش ىستەرى شەبىندەگى جولداستاردىڭ كۇش ۇستىنە كۇش قوسىپ، قولايلى ساتتەن پايدالانىپ العا ۇمتىلىپ، اي شارى ۇلگىسىنە عىلمي زەرتتەۋدى دەن قويا ورىستەتىپ، شالعاي كەڭىستىكتى بارلاۋ سياقتى عارىش كەلەلى ينجەنەريالارىن ۇزدىكسىز ويداعىداي اتقارىپ، كەڭىستىك عىلىمىنىڭ، كەڭىستىك تەحنيكاسىنىڭ، كەڭىستىكتەن پايدالانۋدىڭ جاپپاي دامۋىن ىلگەرىلەتىپ، عارىش ىستەرىندە قۋاتتى ەل قۇرۋعا تاعى دا تىڭ ۇلەس قوسۋىن ٴۇمىت ەتەمىن.

　　وسىدان كەيىن شي جينپيڭ قاتارلىلار حالىق سارايىنىڭ شىعىس زالىنا كەلىپ، اي شارىنان الىنعان ۇلگى مەن ”كوكتەگى ايعا قول سوزۋ · ايدى بارلاۋ ينجەنەرياسىنا 20 جىل“ اتتى جەتىستىكتەر كورمەسىن ەكسكۋرسيالادى.

　　لي گانجيە، لي شۋلەي، جاڭ يوۋشيا، جاڭ گوچيڭ، ۋ جىڭلۇڭ جوعارىداعى قيمىلدارعا قاتىناستى.

　　ايدى بارلاۋ ينجەنەرياسىن اتقارۋ _ پارتيا ورتالىق كوميتەتىنىڭ ەلىمىزدىڭ ەكونوميكالىق، عىلىم ـ تەحنيكالىق دامۋ ۇلكەن اۋقىمىن يگەرىپ جاساعان كەلەلى ستراتەگيالىق شەشىمى. ەلىمىزدىڭ عارىش تاريحىندا قازىرگە دەيىن تەحنيكالىق دەڭگەيى ەڭ جوعارى بولعان ايدى بارلاۋ مىندەتى رەتىندە، چاڭى _ 6 ادامزات تاريحىندا تۇڭعىش رەت ايدىڭ ارعى بەتىنەن ۇلگى الىپ قايتۋدى ىسكە اسىرىپ، بولاشاقتا ەلىمىزدىڭ اي شارىندا جانە قىدىرما جۇلدىزداردا بارلاۋ جۇرگىزۋىنە بەرىك نەگىز قالادى.