شينحۋا اگەنتتگىنىڭ 9 ـ ايدىڭ 5 ـ كۇنى بەيجيڭنەن بەرگەن حابارى (تىلشىلەر دۇڭ شۋە، ۋاڭ جۇنلۋ). 9 ـ ايدىڭ 5 ـ كۇنى تۇستە مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن بوتسۆانا زۇڭتۇڭى ماسيسيمەن كەزدەستى. ەكى ەلدىڭ مەملەكەت باسشىلارى جۇڭگو مەن بوتسۆانانىڭ ستراتەگيالىق سەرىكتەستىك قارىم ـ قاتىناس ورناتقاندىعىن جاريالادى.
شي جينپيڭ بىلاي دەپ اتاپ كورسەتتى: جۇڭگو مەن بوتسۆانا ەكى ەل ٴداستۇرلى دوستار، باستان ـ اياق ٴبىر ـ بىرىنە شىنايى قولداۋ كورسەتىپ كەلەدى. سوڭعى جىلدارى ەكى جاق ىنتىماقتى، سەلبەستىكتى ساياسات ىرگە تاسى ەتىپ، حالىقتىڭ قۇت ـ ىرىسىن ارتتىرۋدى الدىڭعى ورىنعا قويىپ، ەكى ەل قارىم ـ قاتىناسىنىڭ باياندى دامۋعا قول جەتكىزۋىن ىلگەرىلەتتى. كەلەر جىل ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعى. ەكى جاق ديپلوماتيالىق قارىم ـ قاتىناس ورناتقان جارتى عاسىر ۋاقىتتان بەرگى تابىستى تاجىريبەلەردى جۇيەلى قورىتىندىلاپ، ٴبىر ـ بىرىنە سەنىم ارتاتىن، بىرگە داميتىن، حالىق تىلەگى توعىسقان سەرىكتەر بولۋعا تاباندى بولۋى كەرەك. تاباندىلىقپەن ٴوزارا قولداۋ كورسەتىپ، ونەركاسىپ، اۋىل شارۋاشىلىعى، كەن ونىمدەرى، تازا ەنەرگيا، وقۋ ـ اعارتۋ، ەمدەۋ ـ دەنساۋلىق ساقتاۋ سياقتى سالالارداعى سەلبەستىكتى كۇشەيتۋى كەرەك.
شي جينپيڭ بىلاي دەپ باسا دارىپتەدى: قازىر جۇڭگو _ افريكا سەلبەستىگىنىڭ ەكپىندەي ىلگەرىلەۋ ارىنى كۇشتى، جۇڭگو _ افريكا حالقىنا ناقتى يگىلىك اكەلۋمەن بىرگە، حالىقارانىڭ افريكامەن سەلبەستىگىن دە پارمەندى جەتەكتەپ، افريكانىڭ دامىپ گۇلدەنۋىنە ٴتيىمدى شارت ـ جاعداي جاسادى. جۇڭگو افريكالىق باۋىرلاستارمەن الگىندە عانا تاعى دا باس قوسىپ، جۇڭگونىڭ دامۋىن، افريكانىڭ دامۋىن، دۇنيە ٴجۇزىنىڭ دامۋىن اناعۇرلىم تىعىز ۇشتاستىرىپ، سۇبەلى جەتىستىكتەرگە قول جەتكىزىپ، جەر شارىنىڭ وڭتۇستىگىنىڭ دۇنيە ٴجۇزى بەيبىتشىلىگىن، حاۋىپسىزدىگىن، گۇلدەنۋىن، العا باسۋىن ىلگەرىلەتۋىنىڭ وڭ ەنەرگياسىن تاراتتى. جۇڭگو جاق بوتسۆانا جاقپەن بىرگە وسى جولعى باسشىلار ٴماجىلىسىنىڭ تابىستارىن ويداعىداي تياناقتاندىرىپ، ەكى ەل حالقىنا اناعۇرلىم ويداعىداي باقىت جاراتۋدى قالايدى.
ماسيسي مىنالاردى ٴبىلدىردى: بۇگىن جۇڭگو _ افريكا قارىم ـ قاتىناسىنىڭ تاريحي ٴساتى. ٴتوراعا شي جينپيڭ جاڭا جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ اشىلۋ سالتىندا تاماشا لەكسيا جاساپ، افريكاعا ەسىكتى ونان ارى ايقارا اشۋدى قامتىعان جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋ سەرىكتەستىك ارەكەتى جاڭا شاراسىن جاريالادى، بۇل افريكا جاقتى ەرەكشە قۋانتتى، ەرەكشە شابىتتاندىردى. بوتسۆانا مۇنى بۇكىلدەي قولدايدى، بۇل جولعى تالقى مىنبەرى باسشىلار ٴماجىلىسى كەسكىندەگەن بولاشاقتىق جوبانىڭ، ٴسوز جوق، جۇزەگە اساتىندىعىنا سەنەمىن. بوتسۆانا ٴبىر جۇڭگو پرينسيبىنە تاباندىلىقپەن بويسۇنادى، جۇڭگو حالقى مەملەكەتتى بىرلىككە كەلتىرۋدى جۇزەگە اسىرۋعا ٴتيىس ٴارى قولىنان دا ابدەن كەلەدى. جۇڭگونىڭ ۇزاق ۋاقىتتان بەرى بوتسۆاناعا قىمباتتى قولداۋ كورسەتىپ كەلگەندىگىنە العىس ايتامىن، بوتسۆانا كەلەر جىلعى ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن وراي ەتىپ، ەكى ەل قارىم ـ قاتىناسىنىڭ ىشكەرىلەي دامۋىن ىلگەرىلەتۋدى قالايدى.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 5 ـ كۇنى بەيجيڭنەن بەرگەن حابارى (تىلشىلەر جۋ چاۋ، لي دىشين). 9 ـ ايدىڭ 5 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن ناميبيا زۇڭتۇڭى مبەمبامەن كەزدەستى.
شي جينپيڭ مبەمبانىڭ بۇل جولعى جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ تولىق تابىستى بولۋىنا بەلسەندى ۇلەس قوسقاندىعىن القاي كەلىپ، بىلاي دەپ اتاپ كورسەتتى: ”بۇل جولعى باسشىلار ٴماجىلىسى جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋ بەرىك سەنىمىن ايگىلەدى، جۇڭگو جاق ناميبيا قاتارلى افريكا ەلدەرىمەن بىرگە باسشىلار ٴماجىلىسىنىڭ ٴتۇرلى جەتىستىكتەرىن جاپپاي تياناقتاندىرىپ، بىرگە دامىپ گۇلدەنۋدى جەبەپ، جوعارى دەڭگەيلى جۇڭگو _ افريكا تاعدىرلاس ورتاق تۇلعاسىن بىرگە قۇرۋدى قالايدى“.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى مەن ناميبيا باتىس وڭتۇستىك افريكا حالىقتىق ۇيىمى _ ۇزاق ۋاقىت بيلىك جۇرگىزىپ كەلگەن العاباسار ساياسي پارتيا، باتىس وڭتۇستىك افريكا حالىقتىق ۇيىمى ”ناميبياشا سوتسياليزم قۇرۋدى“ پارتيا ۋستاۆىنا ەنگىزدى. جۇڭگو جاق ناميبيا جاقپەن ەكى ەلدىڭ، ەكى پارتيانىڭ دوستىعىن، سەلبەستىگىن جيىلەتىپ، پارتيا باسقارۋ، ەل باسقارۋ تاجىريبەلەرى جونىندەگى اۋىس ـ كۇيىستى كۇشەيتىپ، دامۋ ورايىنان بىرگە يگىلىكتەنىپ، ٴوز ەلدەرىنىڭ وسىزامانداندىرۋ اياق الىسىن قول ۇستاسا ىلگەرىلەتۋدى قالايدى. ەكى جاق دامۋ ستراتەگياسىن ٴتۇيىلىستىرۋدى كۇشەيتىپ، اۋىل شارۋاشىلىعى، تازا ەنەرگيا، نەگىزدىك قۇرىلعى، ەنەرگيا، كەن ونىمدەرى، عىلىم ـ تەحنيكا سياقتى سالالاردا جاڭا سەلبەستىك جارقىن تۇيىندەرىن تۇلعالاۋعا ٴتيىس. جۇڭگو جاق جۇڭگو كاسىپورىندارىن ناميبياعا بارىپ قارجى قوسىپ، شارۋاشىلىعىن شالقىتۋعا شابىتتاندىرادى، ناميبيانىڭ ۇزدىكسىز قاتىستى قولايلىلىقتار جاساپ، قولداۋ كورسەتۋىن ٴۇمىت ەتەمىن. جۇڭگو جاق ناميبيانىڭ بىرلەسكەن مەملەكەتتەر ۇيىمى بولاشاق باسشىلار ٴماجىلىسىن بىرگە سايكەستىرۋشى ەل بولۋ قىزمەتىن اتقارۋىن قولدايدى، ناميبيا جاقپەن كوپ جاقتى ستراتەگيالىق ىستەستىكتى كۇشەيتۋدى، جەر شارىنىڭ وڭتۇستىگىندەگى ەلدەردىڭ كۇش ـ قۋاتىن ٴۇرتىس بەكەمدەۋدى، زورايتۋدى، ادامزاتتىڭ تاعدىرلاس ورتاق تۇلعاسىن قۇرۋعا كۇش ـ قۋات ارناۋدى قالايدى.
مبەمبا مىنالاردى ٴبىلدىردى: ۇسىنىسقا ساي جۇڭگوعا كەلىپ جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسقاندىعىمدى ٴارى جۇڭگوشا ەرەكشەلىككە باي جانە ٴداستۇرلى ىستىق ىقىلاستى كۇتىپ الۋعا بولەنگەندىگىمدى ايرىقشا مەرەي سانايمىن. بۇگىن تۇستەن بۇرىن تالقى ٴماجىلىسى باسشىلار ٴماجىلىسى ماقۇلداعان 2 جەتىستىك حۇجاتى افريكا مەن جۇڭگونىڭ باۋىرلاستارداي دوستىق سۇيىسپەنشىلىگىن بەكەمدەۋگە، افريكا مەن جۇڭگونىڭ ٴتۇرلى سالاداعى سەلبەستىگىن جەبەۋگە ٴتيىمدى، اسىرەسە، ٴتوراعا شي جينپيڭ جاريالاعان افريكا مەن جۇڭگونىڭ قول ۇستاسا وسىزامانداندىرۋدى ىلگەرىلەتۋ جونىندەگى ٴبىرقىدىرۋ جاڭا شارالارى افريكا مەن جۇڭگو ەكى جاقتى بىرگە دامىپ گۇلدەنۋدىڭ جارقىن بولاشاعىن اشۋعا جەتەكتەپ، افريكا _ جۇڭگو تاعدىرلاس ورتاق تۇلعاسىن قۇرۋدى ىلگەرىلەتەدى. ناميبيا جاق بۇل جولعى باسشىلار ٴماجىلىسىنىڭ جەتىستىكتەرىن مۇقيات جاپپاي تياناقتاندىرىپ، جۇڭگو جاقپەن اۋىس ـ كۇيىستى جيىلەتىپ، اۋىل شارۋاشىلىعى، كەن ونىمدەرى، نەگىزدىك قۇرىلعى، تازا ەنەرگيا، عارىش، اۆياتسيا سياقتى سالالارداعى سەلبەستىكتى كۇشەيتەدى. ناميبيا جاق ٴبىر جۇڭگو ساياساتىن تاباندىلىقپەن اتقارادى، جۇڭگونىڭ مەملەكەت تەرريتورياسى تۇتاستىعىن قورعاۋىن تاباندىلىقپەن قولدايدى، جۇڭگونىڭ تابىستى جۇڭگوشا سوتسياليزم جولىمەن جۇرۋگە تاباندى بولۋىن قولدايدى، ٴتوراعا شي جينپيڭنىڭ العا قويعان ٴبىرقىدىرۋ الەمدىك باستامالارىن قولدايدى، بۇل دۇنيە ٴجۇزىنىڭ بەيبىتشىلىك پەن وسىزامانداندىرۋدى جۇزەگە اسىرۋىنا ٴتيىمدى.
باسشىلار ٴماجىلىسى كەزىندە جۇڭگو مەن ناميبيا ەكى جاق قوي جانە ەشكى ەتىن جۇڭگوعا شىعارۋ، دامۋ سەلبەستىگى سياقتى سالالارداعى كوپ تۇردەگى ەكى جاقتى سەلبەستىك حۇجاتتارىنا قول قويادى.
ۋاڭ ي كەزدەسۋگە قاتىناستى.
شينحۋا اگەنتتگىنىڭ 9 ـ ايدىڭ 5 ـ كۇنى بەيجيڭنەن بەرگەن حابارى (تىلشىلەر دۇڭ شۋە، لي چۇنيۇي). 9 ـ ايدىڭ 5 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن گانا زۇڭتۇڭى اكۋفو _ اددومەن كەزدەستى. ەكى ەلدىڭ مەملەكەت باسشىلارى جۇڭگو _ گانا قارىم ـ قاتىناسىن ستراتەگيالىق سەرىكتەستىك قارىم ـ قاتىناس دەڭگەيىنە كوتەرگەندىگىن جاريالادى.
شي جينپيڭ بىلاي دەپ اتاپ كورسەتتى: گانا _ جاڭا جۇڭگومەن ەكىنشى بولىپ ديپلوماتيالىق قارىم ـ قاتىناس ورناتقان ساحارانىڭ وڭتۇستىگىندەگى افريكا ەلى. ديپلوماتيالىق قارىم ـ قاتىناس ورناتقان 64 جىلدان بەرى حالىقارالىق جاعدايدا مەيلى نەندەي وزگەرىستەر بولسا دا ەكى ەل دوستىعى ۋاقىت وتكەن سايىن بەكەمدەلە ٴتۇستى. جۇڭگو جاق گانا جاقپەن بىرگە ەكى ەلدىڭ اعا بۋىن باسشىلارى ورناتقان تەرەڭ دوستىقتى ويداعىداي جالعاستىرىپ، ساۋلەلەندىرىپ، ساياسي ٴوزارا سەنىمدىلىك دەڭگەيىن ۇزدىكسىز جوعارىلاتىپ، ٴار سالاداعى بارىس ـ كەلىستى، سەلبەستىكتى ىلگەرىلەتۋدى، ٴبىر ـ بىرىنە سەنىم ارتاتىن جاقسى دوستار، بىرگە داميتىن جاقسى سەرىكتەر، تىعىز ىستەستىك جاساساتىن جاقسى باۋىرلاستار بولۋدى قالايدى. جۇڭگو جاق گانا جاقپەن بىرگە دامۋ ستراتەگياسىن ٴتۇيىلىستىرۋدى كۇشەيتۋدى، گانا جاقتىڭ ەكونوميكانى دامىتۋىنا، حالىق تۇرمىسىن جاقسارتۋىنا ۇزدىكسىز مۇمكىندىگىنشە كومەكتەسىپ، اۋىل شارۋاشىلىعى، بالىقشىلىق، ەنەرگيا، كەن ونىمدەرى، نەگىزدىك قۇرىلعى سياقتى سالالارداعى سەلبەستىك اياسىن كەڭەيتۋدى قالايدى، گانا جاقتىڭ جۇڭگو كاسىپورىندارىنا جانە ازاماتتارىنا ۇزدىكسىز قاتىستى قولداۋ كورسەتۋىن جانە قولايلىلىقتار جاساۋىن ٴۇمىت ەتەمىن. جۇڭگو جاق گانانىڭ 2024 ـ جىلدان 2026 ـ جىلعا دەيىن بىرلەسكەن مەملەكەتتەر ۇيىمى ادامدىق ۇقىق القالار كەڭەسى مۇشەسى بولۋ قىزمەتىن قولدايدى، گانا جاقپەن بىرگە حالىقارالىق جانە وڭىرلىك ىستەردە ستراتەگيالىق ىستەستىكتى كۇشەيتۋدى قالايدى.
شي جينپيڭ بىلاي دەپ باسا دارىپتەدى: بۇل جولعى جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسى جۇڭگو _ افريكا دوستىعىنىڭ تاريحي تاجىريبەلەرىن قورىتىندىلاپ، جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋىنىڭ قۇلشىنۋ بەتالىسى مەن جۇزەگە اسىرۋ جولىن ايقىنداپ، جەر شارىنىڭ وڭتۇستىگىندەگى ەلدەردىڭ ەكپىندەي ىلگەرىلەۋ بەتالىسىنا جەتەكشىلىك ەتتى. جۇڭگو جاق گانا جاقپەن بىرگە باسشىلار ٴماجىلىسىنىڭ ٴتۇرلى جەتىستىكتەرىن بىرگە ويداعىداي تياناقتاندىرۋدى قالايدى.
اكۋفو _ اددو مىنالاردى ٴبىلدىردى: جۇڭگوعا كەلىپ جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسقاندىعىما توتەنشە قۋانىشتامىن، باسشىلار ٴماجىلىسىنىڭ تولىق تابىستى بولعاندىعىن قۇتتىقتايمىن. گانا افريكاداعى ٴبىرىنشى توپتا جاڭا جۇڭگومەن ديپلوماتيالىق قارىم ـ قاتىناس ورناتقان ەل. 60 نەشە جىلدان بەرى جۇڭگو گانانىڭ سەنىم ارتۋعا ەڭ تاتيتىن دوسى ٴارى سەرىگى بولىپ كەلدى. گانا جاق جۇڭگومەن دوستىق قارىم ـ قاتىناسىن بارىنشا قاستەرلەيدى، ٴبىر جۇڭگو ساياساتىن تاباندىلىقپەن اتقارادى، جۇڭگو جاقتىڭ ادامدىق ۇقىق سياقتى جاقتارداعى تۇرعىسىن قولدايدى. جۇڭگو جاقتىڭ ۇزاق ۋاقىتتان بەرى گانا جاققا ٴتۇرلى قولداۋ كورسەتىپ كەلگەندىگىنە العىس ايتادى، جۇڭگو كاسىپورىندارىنىڭ قارجى قوسىپ، سەلبەستىك جۇرگىزۋى گانانىڭ ەكونوميكالىق، قوعامدىق دامۋىن پارمەندى جەبەدى. گانا جاق ەلەكتر، كەن ونىمدەرى، جاڭا ەنەرگيا سياقتى سالالارداعى سەلبەستىك اياسىن ونان ارى كەڭەيتۋدى، تەرەڭدەتۋدى ٴۇمىت ەتەدى، جۇڭگو كاسىپورىندارىنا قولايلىلىقتار جاساۋدى قالايدى. ٴتوراعا شي جينپيڭنىڭ بۇگىن تۇستەن بۇرىن تالقى مىنبەرى باسشىلار ٴماجىلىسىنىڭ اشىلۋ سالتىندا افريكا مەن جۇڭگونىڭ وسىزامانداندىرۋدى قول ۇستاسا ىلگەرىلەتۋىنىڭ ”10 ٴىرى سەرىكتەستىك ارەكەتىن“ العا قويعاندىعىنا العىس ايتامىن، قاتىستى ۇسىنىستار توتەنشە كورەگەندىككە يە، گانا جاق جۇڭگو جاقپەن بىرگە بەلسەنە تياناقتاندىرىپ، تاباندىلىقپەن ٴبىر ـ ٴبىرىنىڭ جاقسى دوسى، جاقسى سەرىگى بولۋدى قالايدى.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 5 ـ كۇنى بەيجيڭنەن بەرگەن حابارى (تىلشىلەر جۋ چاۋ، لو شين). 9 ـ ايدىڭ 5 ـ كۇنى كەشتە مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن رۋاندا زۇڭتۇڭى كاگاميمەن كەزدەستى. ەكى ەلدىڭ مەملەكەت باسشىلارى جۇڭگو _ رۋاندا قارىم ـ قاتىناسىن جالپى بەتتىك ستراتەگيالىق سەرىكتەستىك قارىم ـ قاتىناس دەڭگەيىنە كوتەرگەندىگىن جاريالادى.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى مەن رۋاندا وتانشىلدىق شەبى جالپى ٴۇشىن پارتيا قۇرۋ، حالىق ٴۇشىن بيلىك جۇرگىزۋ ۇستانىمىنان جازباي، پارتيا قۇرىلىسى مەن مەملەكەتتىڭ دامۋىنا باسشىلىق ەتۋ جاعىندا كورنەكتى تابىسقا قول جەتكىزىپ، قالىڭ حالىقتىڭ قولداۋىنا يە بولدى. جۇڭگو جاق رۋاندانىڭ دەربەس، ٴوز ـ وزىنە قوجايىن بولۋ سىندى دامۋ جولىمەن ٴجۇرۋىن قولدايدى، رۋاندا جاقپەن پارتيا باسقارۋ، ەل باسقارۋ تاجىريبەسى جونىندە اۋىس ـ كۇيىس جاساۋدى تەرەڭدەتىپ، ساياسي ٴوزارا سەنىمدىلىكتى ارتتىرىپ، ۇستانىم جاعىنداعى ورتاق تانىمدى كەڭەيتىپ، ٴوز ـ ٴوزىنىڭ وسىزامانداندىرۋدى جۇزەگە اسىرۋ جولىندا تىزە قوسا ىلگەرىلەۋدى قالايدى.
شي جينپيڭ بىلاي دەپ باسا دارىپتەدى: وسى رەتكى جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسى جۇڭگو _ رۋاندا دوستىق قارىم ـ قاتىناسىنىڭ ساپاسىن جوعارىلاتىپ، دارەجەسىن وسىرۋىنە تاريحي وراي اكەلدى. جۇڭگو جاق رۋاندا جاقپەن وسى رەتكى باسشىلار ٴماجىلىسىنىڭ جەتىستىگىن تياناقتاندىرىپ، نەگىزدىك قۇرىلعى، اۋىل شارۋاشىلىعى، جاساندى سەرىك قولدانۋ سياقتى سالالاردا سەلبەستىكتى كۇشەيتىپ، رۋاندا داشۋەسى كۇڭزى شۋەيۋانىن، لۋبان شەبەرحاناسىن بىرلىكتە ويداعىداي باسقارىپ، ەكى ەلدىڭ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋ سەلبەستىگىنىڭ اناعۇرلىم كوپ جەتىستىككە قول جەتكىزۋىن ىلگەرىلەتۋدى قالايدى. جۇڭگو جاق رۋاندا جاقتىڭ افريكا ٴوڭىرىنىڭ بەيبىتشىلىگى مەن حاۋىپسىزدىگىن قورعاۋ جولىندا ساۋلەلەندىرگەن بەلسەندى رولىن القايدى، رۋاندا جاقپەن بەيبىتشىلىكتى قورعاۋ سياقتى سالالارداعى سەلبەستىكتى تەرەڭدەتۋدى قالايدى.
كاگامي مىنالاردى ٴبىلدىردى: مەن ٴتوراعا شي جينپيڭنىڭ 2018 ـ جىلى رۋانداعا بولعان تاريحي سيپاتتى ساپارىن كۇنى كەشەگىدەي ەستە ساقتاپ كەلەمىن. رۋاندا _ جۇڭگو ەكى ەل حالقىنىڭ ۇستانىمى ۇقساس، قارايلاس، تۇگەل كوپ جاقتىلىقتى دارىپتەيدى، تۇگەل يەلىك ۇقىققا، تاۋەلسىزدىككە قۇرمەت ەتەدى. رۋاندا جاق ٴبىر جۇڭگو ساياساتىن باتىل اتقارادى، جۇڭگونىڭ مەملەكەتتىڭ بىرلىككە كەلۋىن جۇزەگە اسىرۋىن قولدايدى، بۇل تۇرعى ەكى ەلدىڭ دوستىعى جانە ٴوزارا ٴتۇسىنىسۋى نەگىزىندە ورناعان. ٴتوراعا شي جينپيڭنىڭ افريكانىڭ بەيبىتشىلىگىن، حاۋىپسىزدىگىن جەبەۋ، افريكانىڭ ىنتىماعىن، سەلبەستىگىن كۇشەيتۋ، افريكا مەن جۇڭگونىڭ دوستىق سەلبەستىگىن تەرەڭدەتۋ جولىندا ساۋلەلەندىرگەن ماڭىزدى جەتەكشىلىك رولىنا العىس ايتامىن. رۋاندا جاق جۇڭگونى ۇزاق ۋاقىت سەنىم ارتۋعا تاتيتىن دوسى جانە سەرىگى ەتەدى، جۇڭگو جاقپەن ەل باسقارۋ تاجىريبەلەرى جونىندەگى اۋىس ـ كۇيىستى كۇشەيتىپ، ٴار سالاداعى ناقتى ىستەر سەلبەستىگىن ىلگەرىلەتىپ، ٴتوراعا شي جينپيڭ العا قويعان ٴۇش ۇلكەن الەمدىك باستامانى بىرلىكتە ويداعىداي تياناقتاندىرۋدى قالايدى.
ەكى جاق «جۇڭحۋا حالىق رەسپۋبليكاسى مەن رۋاندا رەسپۋبليكاسىنىڭ ٴۇش ۇلكەن الەمدىك باستامانى تياناقتاندىرۋدى بىرگە ىلگەرىلەتۋ جونىندەگى بىرلەسكەن مالىمدەمەسىن» جاريالادى.
باسشىلار ٴماجىلىسى كەزىندە جۇڭگو _ رۋاندا ەكى جاق الەمدىك دامۋ باستاماسىن تياناقتاندىرۋدى ىلگەرىلەتۋ، بال اراسىن جۇڭگوعا شىعارۋ، سيفر جانە ينفورماتسيا ـ حابارلاسۋ، اقپارات مەدياسى سياقتى سالالاردا كوپ ٴتۇرلى ەكى جاقتى سەلبەستىك حۇجاتىنا قول قويادى.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 5 ـ كۇنى بەيجيڭنەن بەرگەن حابارى (تىلشىلەر جۋ چاۋ، دۇڭ شۋە). 9 ـ ايدىڭ 5 ـ كۇنى كەشتە مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن گۆينەيا _ بيساۋ زۇڭتۇڭى ەمبالومەن كەزدەستى.
شي جينپيڭ بىلاي دەپ اتاپ كورسەتتى: ەمبالو زۇڭتۇڭ بيىل جۇڭگوعا كەلىپ مەملەكەتتىك ساپاردا بولدى، بۇل رەت تاعى ۋادە بويىنشا بەيجيڭگە كەلىپ جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋى جۇڭگوعا دەگەن دوستىق سۇيىسپەنشىلىگىن جانە جۇڭگو مەن افريكانىڭ ىنتىماعىنا، سەلبەستىگىنە وسكەلەڭ ٴمان بەرگەندىگىن ايگىلەدى. جۇڭگو جاق گۆينەيا _ بيساۋمەن ٴداستۇرلى دوستىقتى اسقاقتاتىپ، ستراتەگيالىق سەلبەستىكتى ىلگەرىلەتىپ، ٴوز ەلدەرىنىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋدى قالايدى. ەكى جاقتىڭ ٴار سالاداعى سەلبەستىگى ناقتى، جوعارى ٴونىمدى بولىپ، گۆينەيا _ بيساۋدىڭ ياۋگونى جۇڭگوعا شىعارۋ، جۇڭگونىڭ جاڭا ٴبىر توپتا اۋىل شارۋاشىلىق تەحنيكاسى ماماندارىن تاڭداپ جىبەرۋى سياقتى سەلبەستىكتەرى نىق قاداممەن ىلگەرىلەتىلدى. ەكى جاقتىڭ وسى رەتكى جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ جەتىستىكتەرىن بەلسەنە تياناقتاندىرىپ، جۇڭگو _ گۆينەيا _ بيساۋ، جۇڭگو _ افريكا قارىم ـ قاتىناسىن دامىتۋعا جاڭا قوزعاۋشى كۇش ۇستەپ، جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋىن ٴۇمىت ەتەمىن.
ەمبالو مىنالاردى ٴبىلدىردى: جۇڭگوعا تاعى دا كەلىپ ٴتوراعا شي جينپيڭمەن كەزدەسكەنىمە وتە قۋانىشتامىن. ٴتوراعا شي جينپيڭ العا قويعان ”ٴبىر بەلدەۋ، ٴبىر جولدى“ بىرگە قۇرۋ سياقتى ماڭىزدى باستامالار ەرەن ستراتەگيالىق كوز ايا مەن تاريحي كەڭ پەيىلدى ايگىلەدى، نازاريالىق جانە امالياتتىق جاسامپازدىعى كۇشتى، گۆينەيا _ بيساۋ وسكەلەڭ القايدى، بەلسەنە قولدايدى. افريكا جونىنەن العاندا جۇڭگو _ بولاشاق، باۋىرلاس. گۆينەيا _ بيساۋ جۇڭگونىڭ سەنىم ارتۋعا بولاتىن دوسى جانە سەرىگى بولۋدى قالايدى، وسى رەتكى جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىن وراي ەتىپ، ەكى ەلدىڭ دوستىق بارىس ـ كەلىسىن جانە ناقتى ىستەر سەلبەستىگىن ۇزدىكسىز تەرەڭدەتۋدى ٴۇمىت ەتەمىن.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 5 ـ كۇنى بەيجيڭنەن بەرگەن حابارى (تىلشىلەر دۇڭ شۋە، ديڭ جيڭ). 9 ـ ايدىڭ 5 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴارى رەسمي ساپاردا بولۋ ٴۇشىن جۇڭگوعا كەلگەن سان ـ تومە جانە پرينسيپي زۇڭليى تروۆودامەن كەزدەستى. ەكى ەلدىڭ باسشىلارى ەكى جاقتى قارىم ـ قاتىناستى ستراتەگيالىق سەرىكتەستىك قارىم ـ قاتىناس دەڭگەيىنە كوتەرگەندىگىن جاريالادى.
شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگونىڭ سان ـ تومە جانە پرينسيپيمەن قارىم ـ قاتىناسى تاماشا دامۋ جاعدايىن ساقتادى، ەكى ەلدىڭ ٴار سالاداعى ناقتى ىستەر سەلبەستىگى قوماقتى تابىسقا قول جەتكىزدى. اماليات: سان _ تومە جانە پرينسيپيدىڭ جۇڭگو _ افريكا دوستىق سەلبەستىگى ۇلى شاڭىراعىنا قايتا ورالۋى ەكى ەل حالقىنىڭ ورتاق مۇددەسىنە بۇكىلدەي ۇيلەسەتىندىگىن دالەلدەدى. جۇڭگو جاق سان _ تومە جانە پرينسيپيدىڭ مەملەكەت قۇرىلىسى مەن ەكونوميكالىق دامۋدى ىلگەرىلەتۋدەگى قۇلشىنىسىن اۋەلگىدەي قولدايدى، سان ـ تومە جانە پرينسيپي جاقپەن وسى رەتكى جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ جەتىستىگىن بەلسەنە تياناقتاندىرىپ، ەكى ەلدىڭ ستراتەگيالىق سەرىكتەستىك قارىم ـ قاتىناسىن ىلگەرىلەتىپ، حالىققا اناعۇرلىم ويداعىداي باقىت جاراتۋدى قالايدى.
شي جينپيڭ بىلاي دەپ باسا دارىپتەدى: ەكى جاق دوستىقتىڭ ۇلكەن بەتالىسىن مىقتاپ يگەرىپ، ەل باسقارۋ جونىندەگى تاجىريبە اۋىس ـ كۇيىسىن كۇشەيتىپ، ستراتەگيالىق ٴوزارا سەنىمدىلىكتى بەكەمدەپ جانە ونىڭ دارەجەسىن ٴوسىرىپ، ٴبىر ـ ٴبىرىنىڭ وزەكتى مۇددەسى مەن ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە ٴوزارا باتىل قولداۋ كورسەتۋى كەرەك. ساياحات كاسىبى، اۋىل شارۋاشىلىعى، بالىقشىلىق، نەگىزدىك قۇرىلعى سياقتى سالالاردا سەلبەستىك ورىستەتۋدى تالقىلاپ، سان ـ تومە جانە پرينسيپي جاقتى وسى رەتكى باسشىلار ٴماجىلىسنىڭ جەتىستىگىنەن اناعۇرلىم كوپ يگىلىكتەندىرۋ كەرەك. جۇڭگو جاق سان _ تومە جانە پرينسيپي جاقپەن حالىقارالىق جانە وڭىرلىك ماسەلەلەر جونىندە كەڭەسۋدى جانە سايكەسۋدى كۇشەيتىپ، ەكى ەلدىڭ جانە وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
تروۆودا مىنالاردى ٴبىلدىردى: ٴار رەت جۇڭگوعا كەلگەنىمدە ۇيگە كەلگەندەي سەزىمدە بولامىن. جۇڭگو جاقتىڭ سان _ تومە جانە پرينسيپيدىڭ ەكونوميكالىق دامۋىنا قۇندى كومەك كورسەتكەندىگىنە العىس ايتادى، اسىرەسە، بۇگىن تۇستەن بۇرىن ٴتوراعا شي جينپيڭنىڭ جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ اشىلۋ سالتىندا جاريالاعان جاڭا شاراسى سان _ تومە جانە پرينسيپيدىڭ جانە افريكانىڭ دامۋىن پارمەندى جەبەيتىن بولادى. سان ـ تومە جانە پرينسيپي ٴتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسى سياقتى ماڭىزدى ۇستانىمدارى مەن باستامالارىن بارىنشا القايدى، ٴبىر جۇڭگو پرينسيبىنە باتىل بويسۇنادى، ەكى ەلدىڭ ساياسي ٴوزارا سەنىمدىلىگىن ونان ارى بەكەمدەپ، سەرىكتەستىك قارىم ـ قاتىناستى نىعايتىپ، سان _ تومە جانە پرينسيپيدىڭ ۇزاق ۋاقىت ەكونوميكالىق دامۋدى جۇزەگە اسىرۋىنا پارمەندى قامتاماسىزدىق ازىرلەۋدى ٴۇمىت ەتەدى.
ەكى جاق «جۇڭحۋا حالىق رەسپۋبليكاسى مەن سان ـ تومە جانە پرينسيپي دەموكراتيالىق رەسپۋبليكاسىنىڭ ستراتەگيالىق سەرىكتەستىك قارىم ـ قاتىناس ورناتۋ جونىندەگى بىرلەسكەن مالىمدەمەسىن» جاريالادى.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 5 ـ كۇنى بەيجيڭنەن بەرگەن حابارى (تىلشىلەر تۋ ميڭ، دۇڭ شۋە). 9 ـ ايدىڭ 5 ـ كۇنى تۇستە مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن كەزدەستى.
شي جينپيڭ گۋتەرەستىڭ ەرەكشە ۇسىنىس ەتىلگەن سيلى قوناق رەتىندە جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەندىگىن قارسى الدى. شي جينپيڭ بىلاي دەپ اتاپ كورسەتتى: ٴبىز الگىندە جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ اشىلۋ سالتىنا بىرگە قاتىناستىق. جۇڭگو جاق جۇڭگو _ افريكا قارىم ـ قاتىناسىن دامىتۋعا ايرىقشا ٴمان بەرەدى. جۇڭگو كوممۋنيستىك پارتياسى 18 ـ قۇرىلتايىنان كەيىن مەنىڭ تۇڭعىش ساپارىم افريكادا بولدى، تانزانيادا شىنايى، بۇكپەسىز، باۋىرمال، ادال بولۋ سىندى افريكاعا باعىتتالعان ساياسات ۇستانىمىن العا قويدىم ٴارى وسىدان كەيىنگى ٴار رەتكى جۇڭگو _ افريكا سەلبەستىك تالقى مىنبەرى باسشىلار ماجىلىسىنە قاتىناستىم. جۇڭگونىڭ افريكامەن سەلبەستىگىندە ەشقانداي جەكە مۇددە جوق. جارتى عاسىردىڭ الدىندا جۇڭگو ٴوزىنىڭ ەكونوميكاسى ەرەكشە قيىن جاعدايدا افريكاداعى باۋىرلاستاردىڭ تىلەگىنە ٴۇن قوسىپ، تانزانيا _ زامبيا تەمىر جولىن سالۋعا بار كۇشپەن كومەكتەسىپ، جىر ەتەرلىك جۇڭگو _ افريكا دوستىق حيكاياسىن جازدى. الگىندە باسشىلار ٴماجىلىسىنىڭ اشىلۋ سالتىندا مەن افريكاعا قاراتىلعان ناقتى ىستەر سەلبەستىگىنىڭ جاڭا ارەكەتىن، جاڭا شاراسىن جاريالادىم، كەشە مەن تاعى تانزانيا جانە زامبيا ەكى ەلدىڭ مەملەكەت باسشىلارىمەن تانزانيا _ زامبيا تەمىر جولىن جانداندىرۋ كەلىسىمىنە قول قويىلۋىنا بىرگە كۋا بولدىق، مۇنداعى ماقسات _ جۇڭگو _ افريكا دوستىعىن جالعاستىرۋ ٴۇشىن. مەنىڭ ادامزاتتىڭ تاعدىرلاس ورتاق تۇلعاسىن قۇرۋدى العا قويۋداعى ٴۇمىتىم افريكانى قامتىعان دۇنيە ٴجۇزى حالقىنىڭ باقىتتى تۇرمىس كەشىرۋىنە مۇمكىندىك جاساۋ، بۇل دۇنيە ٴجۇزىنىڭ 100 جىلدىق وزگەرىسى جاعدايىنداعى ٴار ەل حالقىنىڭ ورتاق تىلەگى مەن تالپىنىسىنا ۇيلەسەدى. جۇڭگو جاق بىرلەسكەن مەملەكەتتەر ۇيىمىنىڭ افريكاعا باستان ـ اياق باسا ٴمان بەرىپ كەلە جاتقاندىعىن القايدى، بىرلەسكەن مەملەكەتتەر ۇيىمىمەن سەلبەستىكتى كۇشەيتىپ، افريكانىڭ بەيبىتشىلىكتى، ورنىقتىلىقتى جانە دامۋدى، گۇلدەنۋدى جۇزەگە اسىرۋىنا بىرگە كۇش ۇستەۋدى قالايدى.
شي جينپيڭ جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ قاتىستى جاعدايلارىن جانە قازىرگى تاڭداعى دۇنيە ٴجۇزى جاعدايى جونىندەگى كوزقاراسىن تانىستىرا كەلىپ، بىلاي دەپ اتاپ كورسەتتى: الدا ٴتۇرلى ايقىنسىزدىق، اۋەلى، تار جول، تايعاق كەشۋلەر بولعانىمەن، الايدا ادامزاتتىڭ دامۋ، العا باسۋ ۇلكەن بەتالىسى وزگەرمەيدى. مەنىڭ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋ، سونداي ـ اق الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن العا قويۋداعى ٴۇمىتىم _ ٴار ەلدىڭ ادامزاتتىڭ تاعدىرلاس ورتاق تۇلعاسىن قول ۇستاسا قۇرىپ، ادامزات بىرگە وتىرعان وسى الىپ كەمەنىڭ بەيبىت، حاۋىپسىز، گۇلدەنگەن، العا باسقان جارقىن بولاشاققا قاراي بەت الۋىن ىلگەرىلەتۋ. جۇڭگو ۇلگىسىندەگى وسىزامانداندىرۋ دۇنيە جۇزىندەگى ٴار ەلگە اناعۇرلىم كوپ جاڭا وراي ازىرلەيدى، دۇنيە ٴجۇزىنىڭ بەيبىتشىلىگىن قورعاۋعا، بىرگە دامۋدى جەبەۋگە جاڭا قوزعاۋشى كۇش ۇستەيدى.
شي جينپيڭ بىلاي دەپ باسا دارىپتەدى: ناعىز كوپ جاقتىلىقتى امالياتتا ايگىلەپ، بىرلەسكەن مەملەكەتتەر ۇيىمىنىڭ حالىقارالىق ىستەردە وزەكتى رولىن ساۋلەلەندىرۋىنە قولداۋ كورسەتۋ _ قاي ـ قاشان دا جۇڭگو ديپلوماتياسىنىڭ باتىل بويسۇناتىن پرينسيبى، ول وزگەرمەيدى. كەزەكتە حالىقارالىق جاعدايدا وزگەرىس پەن بىلىقپالىق قاباتتاسىپ، بىرلەسكەن مەملەكەتتەر ۇيىمىنىڭ ماڭىزدى رولى اناعۇرلىم كورنەكتىلەنىپ وتىر، اناعۇرلىم بەلسەندى ىسكەرلىك كورسەتۋگە ٴتيىس. جۇڭگو جاق بىرلەسكەن مەملەكەتتەر ۇيىمىنىڭ ٴار سالاداعى قىزمەتىنە ۇزدىكسىز بەلسەنە ات سالىسىپ، بىرلەسكەن مەملەكەتتەر ۇيىمىنىڭ بولاشاق باسشىلار ٴماجىلىسىن وتكىزۋىن قولداپ، حالىقارالىق فينانس جۇلگەسى رەفورماسىن ىلگەرىلەتىپ، جاساندى زەردەنى باسقارۋدى كۇشەيتىپ، دۇنيە ٴجۇزىنىڭ بەيبىتشىلىك جانە دامۋ ىستەرىنە اناعۇرلىم زور ۇلەس قوسادى.
گۋتەرەس مىنالاردى ٴبىلدىردى: جۇڭگو جاقتىڭ مەنى جۇڭگوعا كەلىپ جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋعا ۇسىنىس ەتكەندىگىنە العىس ايتامىن. تاريحتا افريكا وتارشىلدىقتىڭ باستى زيانعا ۇشىراۋشىسى بولعان. جۇڭگونىڭ افريكامەن سەلبەستىگى افريكا ۇشىراعان تاريحي ادىلەتسىزدىكتى ازايتۋعا سەپتىگىن تيگىزىپ، افريكانىڭ بەيبىتشىلىك پەن دامۋدى جۇزەگە اسىرۋىنا كومەكتەسەدى. جۇڭگونىڭ بەيبىت دامۋى _ ادامزات تاريحىنداعى وسكەلەڭ ٴىس، بۇكىل ادامزاتتىڭ بەيبىتشىلىگى مەن العا باسۋىنا پايدالى. بىرلەسكەن مەملەكەتتەر ۇيىمى جۇڭگو جاقپەن ىستەستىكتى كۇشەيتىپ، قولدان جاسالعان بولشەكتەۋشىلىك، بىرگە العا باسۋعا زيان جەتكىزۋ سىندى ارەكەتتەردى تەجەپ، كوپ جاقتىلىقتى بىرگە امالياتتا ايگىلەپ، الەمدىك باسقارۋدىڭ اناعۇرلىم ٴادىل، ۇيلەسىمدى بەتالىسقا قاراي دامۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى قالايدى. بىرلەسكەن مەملەكەتتەر ۇيىمى بولاشاق باسشىلار ماجىلىسىنە بار كۇشىمەن دايىندالۋدا، جۇڭگو جاقپەن ٴجيى تىلدەسىپ، حالىقارالىق فينانس جۇلگەسى رەفورماسىن ىلگەرىلەتىپ، الەمدىك جاساندى زەردەنى باسقارۋدى كۇشەيتۋدى ٴۇمىت ەتەدى.
ۋاڭ ي كەزدەسۋگە قاتىناستى.
