شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى (تىلشىلەر ۋىن شين، لي چۇنيۇي). 9 ـ ايدىڭ 3 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو ـ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن كەنيا زۇڭتۇڭى رۋتومەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن كەنيانىڭ دوستىعى ارىدان جالعاسقان، ۇلت ازاتتىعىنا قول جەتكىزۋ كۇرەسى بارىسىندا دامىدى، مەملەكەتتى گۇلدەندىرۋگە تالپىنۋ ساپارى بارىسىندا تەرەڭدەدى. جۇڭگو مەن كەنيا باستان ـ اياق قول ۇستاسىپ ”ٴبىر بەلدەۋ، ٴبىر جولدى“ بىرگە قۇرۋ سەلبەستىگىنىڭ الدىڭعى قاتارىندا ٴجۇرىپ، ۇلاستىرۋ ـ تۇتاستىرۋدىڭ ٴبىر توپ جەتەكشى نىسانىن سالىپ، ٴوڭىر ەكونوميكاسىنىڭ، قوعامىنىڭ دامۋىن پارمەندى جەبەپ، ەكى ەل حالقىنا تيىمدىلىك جەتكىزدى.
شي جينپيڭ ەكى جاقتىڭ ”ٴۇش سەرىك“ بەتالىسىن بويلاپ جۇڭگو مەن كەنيانىڭ جالپى بەتتىك ستراتەگيالىق سەلبەستىك سەرىكتەستىك قارىم ـ قاتىناسىن تەرەڭدەتۋىن ۇسىنىس ەتتى. ٴبىرىنشى، دوستىقتى جالعاستىرۋ، ٴوزارا سەنىم ارتاتىن ادال سەرىكتەر بولىپ، ٴبىر ـ ٴبىرىنىڭ مەملەكەتتىڭ يەلىك ۇقىعىن قورعاۋىن جانە ٴوز ەلىنىڭ مەملەكەت جاعدايىنا ۇيلەسەتىن دامۋ جولىنا دەربەس ىزدەنىس جاساۋىن باتىل قولداۋ. ەكىنشى، تۋراشىلدىقتان اينىماي جاڭالىق اشۋ، ٴوزارا پايدا جەتكىزىپ تەڭ يگىلىككە كەنەلەتىن سەلبەستىك سەرىك بولىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى كەنيا جاقتىڭ ”2030 ـ جىلعى ۇزاق بولاشاقتىق جوباسىمەن“ تىعىز ٴتۇيىلىستىرىپ، شىعىس بولىك افريكانىڭ ۇلاستىرۋ ـ تۇتاستىرۋ تورابىن جانە كاسىپ سالالارىن دامىتۋ بەلدەۋىن تۇلعالاپ، سيفرلى ەكونوميكا، جاڭا ەنەرگيا جانە ەكونوميكا ـ ساۋدا، كەدەيلىكتى ازايتۋ، اۋىل شارۋاشىلىعىنا تيىمدىلىك جەتكىزۋ سياقتى سالالارداعى سەلبەستىكتى كۇشەيتۋ. ٴۇشىنشى، سەنىمدى بەكەمدەۋ، ادىلدىكتى، ادىلەتتىلىكتى قورعايتىن ستراتەگيالىق سەرىكتەر بولىپ، حالىقارالىق جانە وڭىرلىك ماسەلەلەردە بايلانىستى، سايكەستىكتى كۇشەيتىپ، جەر شارىنىڭ وڭتۇستىگىنىڭ ورتاق مۇددەسىن قول ۇستاسا قورعاپ، ٴوڭىردىڭ بەيبىتشىلىگى مەن ورنىقتىلىعىن جەبەۋ.
رۋتو مىنالاردى ٴبىلدىردى: جۇڭگو جاقتىڭ وسى رەتكى جۇڭگو ـ افريكا سەلبەستىك تالقى مىنبەرى بەيجيڭ باسشىلار ٴماجىلىسىن جاۋاپتى بولىپ وتكىزىپ، افريكا ـ جۇڭگو ەكى جاقتىڭ بولاشاق دامۋدى بىرگە كوزدەۋى ٴۇشىن ماڭىزدى تۇعىر جانە وراي ازىرلەگەندىگىنە العىس ايتامىن. كەنيا ـ جۇڭگو قارىم ـ قاتىناسى تەرەڭ دوستىقتى، ٴوزارا قۇرمەت ەتۋدى، ٴوزارا سەنىم ارتۋدى جانە ٴوزارا پايدا جەتكىزىپ تەڭ يگىلىككە كەنەلۋدى نەگىز ەتكەن. ەكى جاق ”ٴبىر بەلدەۋ، ٴبىر جولدى“ بىرگە قۇرۋ جۇلگەسىندە مومباسا ـ نايروبي تەمىر جولى سياقتى ماڭىزدى نەگىزدىك قۇرىلعىلار قۇرىلىسى سەلبەستىك نىسانىن ٴساتتى اتقارىپ، كەنيا ەكونوميكاسىنىڭ، قوعامىنىڭ دامۋىن پارمەندى جەبەپ، كەنيا ـ جۇڭگو دوستىعىنىڭ، ٴوزارا پايدا جەتكىزۋ سەلبەستىگىنىڭ جاڭا اتاۋىنا اينالدى. كەنيا جاق وسى رەتكى تالقى مىنبەرى باسشىلار ٴماجىلىسىن وراي ەتىپ، كەنيا مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم ـ قاتىناسىنىڭ ونان ارى دامۋىن ىلگەرىلەتۋدى ٴۇمىت ەتەدى. جۇڭگو جاقتىڭ كەنياعا قارجى قوسۋدى ۇزدىكسىز ارتتىرىپ، ٴار سالاداعى ەكى جاقتىڭ ناقتى ىستەر سەلبەستىگىن، اسىرەسە، ۇلاستىرۋ ـ تۇتاستىرۋ، جاڭا ەنەرگيا، جاستار سياقتى سالالارداعى سەلبەستىكتى كەڭەيتۋىن قارسى الادى. ٴتوراعا شي جينپيڭ العا قويعان جەلىلەس كەلەلى الەمدىك باستامالار وركەندەپ كەلە جاتقان ەلدەردىڭ جانە جەر شارىنىڭ وڭتۇستىگىندەگى ەلدەردىڭ ىنتىماقتى، سەلبەستىكتى كۇشەيتۋىندە ماڭىزدى جەتەكشىلىك رول اتقاردى، كەنيا جاق ەرەكشە سۇيىنەدى، بەلسەنە قولدايدى. كەنيا جاق ٴبىر جۇڭگو ساياساتىن تاباندىلىقپەن اتقارادى، جۇڭگو جاقپەن كوپ جاقتى ىستەستىكتى قويۋلاتىپ، باتىلدىقپەن ٴوزارا قولداۋدى قالايدى.
باسشىلار ٴماجىلىسى كەزىندە جۇڭگو ـ كەنيا ەكى جاق قارجى قۇراۋ، نەگىزدىك قۇرىلعىلار سياقتى سالالارداعى كوپتەگەن ەكى جاقتى سەلبەستىك حۇجاتىنا قول قويادى.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى (تىلشىلەر ۋىن شين، جاڭ شياۋ). 9 ـ ايدىڭ 3 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو ـ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن چاد زۇڭتۇڭى مۇحاممەدپەن كەزدەستى. ەكى ەلدىڭ مەملەكەت باسشىلارى جۇڭگو ـ چاد قارىم ـ قاتىناسىن ستراتەگيالىق سەرىكتەستىك قارىم ـ قاتىناس دەڭگەيىنە كوتەرۋدى جاريالادى.
شي جينپيڭ بىلاي دەپ اتاپ كورسەتتى: جۇڭگو _ چاد ەكى ەل ”ٴبىر بەلدەۋ، ٴبىر جولدى“ بىرگە قۇرۋ، جۇڭگو _ افريكا سەلبەستىك تالقى مىنبەرى سياقتى جۇلگەلەر ىشىندە ٴوزارا پايدا جەتكىزۋ سەلبەستىگىن بەلسەنە ورىستەتىپ، سۇبەلى جەتىستىككە قول جەتكىزدى. جۇڭگو ٴۇرتىس تالاي جىل چادتىڭ ەڭ ۇلكەن ساۋدا سەرىگى جانە قارجى قوساتىن سەرىك ەلى بولىپ كەلەدى، ەكى جاقتىڭ ناقتى ىستەر سەلبەستىگى ەكى ەل حالقىنىڭ قۇت ـ ىرىسىن ارتتىردى. جۇڭگو جاق چاد جاقپەن جۇڭگو _ افريكا دوستىق سەلبەستىك رۋحىن بەرىك ۇستانىپ، دامۋ ستراتەگيالارىن ٴتۇيىلىستىرۋدى كۇشەيتىپ، جۇڭگو _ چاد قارىم ـ قاتىناسىنىڭ تىڭ ىلگەرىلەۋشىلىككە قول جەتكىزۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق چاد جاقتىڭ جۇڭگونىڭ وزەكتى مۇددەسىنە جانە ٴجىتى قاداعالاپ وتىرعان كەلەلى ىستەرىنە ساياتىن ماسەلەلەردە جۇڭگو جاقتى باتىل قولداعاندىعىن بارىنشا القايدى، چاد جاقتىڭ دەربەس، ٴوز ـ وزىنە قوجايىن بولعان دامۋ جولىمەن ٴجۇرۋىن، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن بۇرىنعىداي قولدايدى. ەكى جاق بارىس ـ كەلىستى كۇشەيتىپ، ۇستانىم ورتاق تانىمىن كەڭەيتىپ، ساياسي ٴوزارا سەنىمدىلىكتى نىعايتىپ، ٴبىرىن ـ ٴبىرى باتىل قولداۋى كەرەك. ٴوزارا پايدا جەتكىزىپ تەڭ يگىلىككە كەنەلۋگە تاباندى بولىپ، ناقتى ىستەر سەلبەستىگىن تەرەڭدەتۋى كەرەك. چاد جاقتىڭ وسى رەتكى جۇڭگو _ افريكا سەلبەستىك تالقى مىنبەرى باسشىلار ٴماجىلىسىنىڭ جەتىستىكتەرىنەن ويداعىداي پايدالانىپ، ەكى جاقتىڭ ەكونوميكا ـ ساۋدا سەلبەستىگىن تەرەڭدەتىپ، ٴوز كۇشىنە سۇيەنىپ دامۋ قابىلەتىن كۇشەيتىپ، بىرگە دامۋدى جۇزەگە اسىرۋىن قارسى الامىز. جۇڭگو جاق چاد جاقپەن بىرگە الەمدىك حاۋىپسىزدىك باستاماسىنىڭ تياناقتاندىرىلۋىن ىلگەرىلەتىپ، مەملەكەتتىڭ حاۋىپسىزدىگىن، ورنىقتىلىعىن قورعاپ، بىرگە بەيبىتشىلىكتى قورعاۋدىڭ ورنىقتى كۇشى بولۋدى قالايدى.
مۇحاممەد مىنالاردى ٴبىلدىردى: جۇڭگو جاقتىڭ مەنى جۇڭگوعا كەلىپ جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋعا ۇسىنىس ەتكەندىگىنە ٴارى ىستىق ىقىلاسپەن كۇتىپ العاندىعىنا العىس ايتامىن، بۇل چاد _ جۇڭگو ەكى جاقتىڭ دوستىق سۇيىسپەنشىلىگىن تولىق بەينەلەدى. چاد _ جۇڭگو سەلبەستىگى ٴبىر ـ بىرىنە قۇرمەت ەتۋدى، ٴوزارا پايدا جەتكىزىپ تەڭ يگىلىككە كەنەلۋدى نەگىز ەتىپ، جەتىستىگى قوماقتى بولدى. جۇڭگو جاقتىڭ چادتىڭ ەكونوميكالىق، قوعامدىق دامۋىنا قىمباتتى كومەك بەرگەندىگىنە العىس ايتامىن، چاد جاق جۇڭگو جاقپەن دوستىقتى، ٴوزارا پايدا جەتكىزۋ سەلبەستىگىن ونان ارى تەرەڭدەتۋگە تاباندىلىقپەن كۇش سالادى. ٴتوراعا شي جينپيڭنىڭ كەمەڭگەر باسشىلىعىندا، جۇڭگونىڭ دامۋى كۇن سايىن جاڭارىپ، حالىقارالىق ورنى كۇن سايىن بەكەمدەلىپ كەلەدى. چاد جاق جۇڭگونىڭ دامۋ تابىستارىنا سۇيىنەدى، ٴتوراعا شي جينپيڭ العا قويعان جەلىلەس كەلەلى ۇستانىم ـ باستامالاردى القايدى، جۇڭگونىڭ ۇزدىكسىز دامۋىنا، زورايۋىنا قۋانا قارايدى، جۇڭگونىڭ ۇزدىكسىز دامۋى چادتىڭ، افريكانىڭ، ٴتىپتى، دۇنيە ٴجۇزىنىڭ دامۋىنا اناعۇرلىم كوپ وراي اكەلەتىندىگىنە سەنەدى، بۇل دۇنيە ٴجۇزىنىڭ 100 جىلدىق وزگەرىسىنىڭ قۇبىلۋىنا جەتەكشىلىك ەتۋ جونىنەن ايرىقشا ماڭىزدى. تايۋان _ جۇڭگو تەرريتورياسىنىڭ ايرىلماس ٴبىر بولىگى، چاد جاق ٴبىر جۇڭگو پرينسيبىنە ۇزدىكسىز باتىل بويسۇنادى.
باسشىلار ٴماجىلىسى كەزىندە جۇڭگو _ چاد ەكى جاق الەمدىك دامۋ باستاماسىن تياناقتاندىرۋ، ادام كۇشى بايلىعىن اشۋ سەلبەستىگى، جەر جاڭعاعى مەن كۇنجۇتتى جۇڭگوعا شىعارۋ، اقپارات مەديالارى سياقتى سالالارداعى كوپتەگەن ەكى جاقتى سەلبەستىك حۇجاتتارىنا قول قويادى.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى (تىلشىلەر ۋىن شين، ليۋ ياڭ). 9 ـ ايدىڭ 3 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن مالاۆي زۇڭتۇڭى چاكۆەرامەن كەزدەستى. ەكى ەلدىڭ مەملەكەت باسشىلارى جۇڭگو _ مالاۆي قارىم ـ قاتىناسىن ستراتەگيالىق سەرىكتەستىك قارىم ـ قاتىناس دەڭگەيىنە كوتەرۋدى جاريالادى.
شي جينپيڭ بىلاي دەپ اتاپ كورسەتتى: جۇڭگو مەن مالاۆي ديپلوماتيالىق قارىم ـ قاتىناس ورناتقاننان بەرى، ەكى ەلدىڭ قارىم ـ قاتىناسى ورنىقتى، اقاۋسىز دامىپ، ساياسي ٴوزارا سەنىمدىلىگى بەكەمدەلىپ، ٴوزارا تيىمدىلىك جاساۋ سەلبەستىگىندە سۇبەلى جەتىستىكتەرگە قول جەتتى. جۇڭگو جاق بۇل جولعى جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ جەتىستىكتەرىن تياناقتاندىرۋدى وراي ەتىپ، جۇڭگو _ مالاۆي دوستىق سەلبەستىگىنىڭ تىڭ باستامادا اناعۇرلىم تەرەڭدەۋىن، اناعۇرلىم ناقتىلانۋىن ىلگەرىلەتىپ، ەكى ەلدىڭ بىرگە دامۋىن جەبەپ، ەكى ەل حالقىن ٴۇرتىس يگىلىككە كەنەلتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق مالاۆيدىڭ ٴوزىنىڭ مەملەكەت جاعدايىنا ۇيلەسەتىن دامۋ جولى جونىندە ىزدەنىس جاساۋىن قولدايدى، مالاۆي جاقپەن جۇڭگو ۇلگىسىندەگى وسىزامانداندىرۋدىڭ ورايىن ٴبولىسۋدى، مالاۆيدىڭ مەملەكەتتى دامىتۋ قۇرىلىسىنا دەم بەرۋدى قالايدى. جۇڭگو جاق مالاۆي جاقپەن اۋىل شارۋاشىلىعى، تەلەگراف، نەگىزدىك قۇرىلعىلار سياقتى سالالارداعى سەلبەستىكتى كۇشەيتۋدى قالايدى، جۇڭگو كاسىپورىندارىن مالاۆيعا بارىپ قارجى قوسۋعا شابىتتاندىرادى. ەكى جاق مالاۆي داشۋەسى كۇڭزى شۋەيۋانىنان ويداعىداي پايدالانىپ، مادەنيەت اۋىس ـ كۇيىسىن جانە حالىق تىلەگىن توعىستىرۋدى جەبەۋى كەرەك. جۇڭگو جاق مالاۆيدىڭ چاڭشاداعى باس كونسۋلحاناسىنىڭ ٴساتتى جۇمىس جۇرگىزۋىن قولدايدى، ەكى جاقتى جەرگىلىكتى ورىنداردىڭ اۋىس ـ كۇيىسى مەن سەلبەستىگىن اناعۇرلىم كوپ ورىستەتۋگە شابىتتاندىرادى. جۇڭگو جاق تا مالاۆي جاقپەن بىرگە حالىقارالىق ىستەردە سايكەسۋ مەن سەلبەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
چاكۆەرا مىنالاردى ٴبىلدىردى: ٴار جولى جۇڭگوعا كەلگەنىمدە ۇيگە ورالعانداي سەزىنەمىن، جۇڭگو جاقتىڭ ىقىلاستى، دوستىق بەينەدە كۇتىپ العاندىعىنا العىس ايتامىن. مالاۆي جۇڭگونى ەڭ شىنايى دوسىنا بالايدى. سوڭعى جىلدارى مەن باعىما جاراي ٴتوراعا شي جينپيڭمەن ٴجيى بارىس ـ كەلىستى ساقتاپ، ەكى ەل سەلبەستىگىنىڭ بەلسەندى ىلگەرىلەۋشىلىككە قول جەتكىزۋىنە جەتەكشىلىك ەتتىك. ٴتوراعا شي جينپيڭنىڭ باسشىلىعىندا، جۇڭگو كوممۋنيستىك پارتياسى سان ميلليونداعان جۇڭگولىقتى كەدەيلىكتەن ارىلتتى. ٴتوراعا شي جينپيڭ العا قويعان ”ٴبىر بەلدەۋ، ٴبىر جولدى“ بىرگە قۇرۋ سياقتى كەلەلى باستامالار ٴار ەلدىڭ بىرگە دامىپ گۇلدەنۋدى جۇزەگە اسىرۋىنا ماڭىزدى وراي ازىرلەدى. مالاۆي جاق ٴبىر جۇڭگو ساياساتىن تاباندىلىقپەن اتقارادى، جۇڭگونىڭ ٴوزىنىڭ وزەكتى مۇددەسىن قورعاۋىن قولدايدى. مالاۆي جاق جۇڭگو _ افريكا سەلبەستىك تالقى مىنبەرى مەحانيزمى قۇرىلىسىن كۇشەيتۋدى قولدايدى، بۇل جولعى تالقى مىنبەرى باسشىلار ٴماجىلىسىن وراي ەتىپ، ”ٴبىر بەلدەۋ، ٴبىر جولدى“ بىرگە قۇرۋ سەلبەستىگىن ۇزدىكسىز ىلگەرىلەتىپ، وڭىرلەردى ۇلاستىرۋدى ـ تۇتاستىرۋدى كۇشەيتىپ، مالاۆي مەن جۇڭگونىڭ دوستىعىن، ٴوزارا تيىمدىلىك جاساۋ سەلبەستىگىن تەرەڭدەتۋدى ٴۇمىت ەتەدى.
باسشىلار ٴماجىلىسى كەزىندە جۇڭگو مەن مالاۆي ەكى جاق جەر جاڭعاعىن جۇڭگوعا شىعارۋ، اقپارات مەديالارى، دامۋ سەلبەستىگى سياقتى سالالارداعى كوپتەگەن ەكى جاقتى سەلبەستىك حۇجاتتارىنا قول قويادى.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى (تىلشىلەر ما جويان، جي نيڭ). 9 ـ ايدىڭ 3 ـ كۇنى كەشتە مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن ماۆريتانيا زۇڭتۇڭى عازۋانيمەن كەزدەستى. ەكى ەلدىڭ مەملەكەت باسشىلارى جۇڭگو _ ماۆريتانيا قارىم ـ قاتىناسىن ستراتەگيالىق سەرىكتەستىك قارىم ـ قاتىناس دەڭگەيىنە كوتەرۋدى جاريالادى.
شي جينپيڭ بىلاي دەپ باسا دارىپتەدى: جۇڭگو مەن ماۆريتانيا ەكى ەل ٴبىر ـ بىرىنە سەنىم ارتاتىن جاقسى دوستار، ٴبىر ـ بىرىنە قارايلاساتىن جاقسى باۋىرلاستار. ەكى جاق باستان ـ اياق ٴوزارا قۇرمەت ەتىپ، تەڭ تۇرعىدا مامىلە جاساپ، ساياسي ٴوزارا سەنىمدىلىگى بەكەمدەلىپ، سەلبەستىكتە مول جەتىستىكتەرگە قول جەتكىزىپ، حالىقتار دوستىعى جۇرت جۇرەگىنە تەرەڭ ۇيالادى. جۇڭگو جاق ماۆريتانيا جاقتىڭ جۇڭگو جاقتىڭ وزەكتى مۇددەسىنە ساياتىن ماسەلەلەردە جۇڭگو جاقپەن تاباندىلىقپەن بىرگە تۇرعاندىعىن القايدى، ماۆريتانيانىڭ ٴوزىنىڭ مەملەكەت جاعدايىنا ۇيلەسەتىن دامۋ جولىمەن ٴجۇرۋىن بۇرىنعىداي باتىل قولدايدى. جۇڭگو جاق ماۆريتانيا جاقپەن بىرگە ”ٴبىر بەلدەۋ، ٴبىر جولدى“ بىرگە قۇرۋ سەلبەستىگىن ىلگەرىلەتۋدى، بالىقشىلىق، نەگىزدىك قۇرىلعىلار سياقتى سالالارداعى سەلبەستىكتى تەرەڭدەتۋدى، ماۆريتانياعا كومەكتەسۋ بويىنشا اۋىل شارۋاشىلىعى، مال شارۋاشىلىعى تەحنيكاسىنان ۇلگى كورسەتۋ ورتالىعىنىڭ رولىن ساۋلەلەندىرىپ، ساڭىراۋقۇلاق ەگىمشىلىگى تەحنيكالىق سەلبەستىگىن جەدەلدەتىپ، جۇڭگو _ ماۆريتانيا قارىم ـ قاتىناسىن مەملەكەتتەر ارا دوستىق بارىس ـ كەلىستىڭ، سەلبەسىپ تەڭ يگىلىككە كەنەلۋدىڭ تيپتىك ۇلگىسى ەتىپ تۇلعالاۋدى قالايدى.
شي جينپيڭ عازۋانيدىڭ افريكا ەلدەرى وداعىنىڭ كەزەكتى ٴتوراعاسى رەتىندە، جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە دايىندىق جاساۋعا بەلسەنە ۇلەس قوسقاندىعىن القاپ مىنالاردى ٴبىلدىردى: جۇڭگو جاق ماۆريتانيا جاقپەن تىعىز ىستەستىك جاساسىپ، بۇل جولعى باسشىلار ٴماجىلىسىن وراي ەتىپ، جۇڭگو _ افريكا حالىقتارىنىڭ كۇش ـ قۋاتىن ۇيىستىرىپ، جوعارى دەڭگەيلى جۇڭگو _ افريكا تاعدىرلاس ورتاق تۇلعاسىن قۇرۋدى، جەر شارىنىڭ وڭتۇستىگىندەگى ەلدەردىڭ الەمدىك باسقارۋداعى ٴسوز سويلەۋ ۇقىعى مەن ۋاكىلدىك سيپاتىن جوعارىلاتىپ، حالىقارالىق ادىلدىكتى، ادىلەتتىلىكتى بىرگە قورعاۋدى قالايدى.
عازۋاني مىنالاردى ٴبىلدىردى: ماۆريتانيا _ جۇڭگو دوستىعى بەرىك تە تەرەڭ، ماۆريتانيا جاق جۇڭگومەن دوستىق قارىم ـ قاتىناسىن ەرەكشە ماقتانىش ەتەدى. جۇڭگو جاقتىڭ ماۆريتانيانىڭ جاڭا تيپتى ايدارشا ۆيرۋس ىندەتىنە قارسى اتتانۋىن قامتىعان ەكونوميكالىق، قوعامدىق دامۋىنا كورسەتكەن قىمباتتى قولداۋىنا العىس ايتامىن. ماۆريتانيا جاق ٴبىر جۇڭگو پرينسيبىنە تاباندىلىقپەن بويسۇنادى، ٴبىر جۇڭگو پرينسيبىنە قايشى كەلەتىن ٴسوز، ٴىس ـ ارەكەت اتاۋلىعا باتىل قارسى تۇرادى. قازىر دۇنيە ٴجۇزى كوپتەگەن حاۋىپ ـ قاتەرلەر مەن سىن ـ سايىستارعا ٴدوپ كەلىپ وتىر، جۇڭگومەن سەلبەستىكتى تەرەڭدەتۋ ماۆريتانيا قاتارلى ەلدەردىڭ باياندى دامۋدى جۇزەگە اسىرۋىنىڭ ٴۇمىت تياناعى. ماۆريتانيا مەن جۇڭگونىڭ پالەستينا سياقتى كەلەلى ماسەلەلەردەگى تۇرعىسى وتە ۇقساس. ەكى جاق تا وزگە ەلدىڭ ىشكى ىسىنە كيلىگۋگە باتىل قارسى تۇرادى. ٴار ەلدىڭ دەربەس، وزىنە ـ ٴوزى قوجايىن بولۋىنا قۇرمەت ەتۋگە ۇندەيدى، زورلىقتى كۇشكە، ۇشقارىلىققا قارسى تۇرادى. ٴتوراعا شي جينپيڭ العا قويعان ”ٴبىر بەلدەۋ، ٴبىر جولدى“ بىرگە قۇرۋ باستاماسى جانە الەمدىك دامۋ باستاماسى، الەمدىك حاۋىپسىزدىك باستاماسى، الەمدىك وركەنيەت باستاماسى ٴار ەلدىڭ ورتاق حاۋىپسىزدىك پەن دامۋدى جۇزەگە اسىرۋىنا جوبا ازىرلەدى، ماۆريتانيا جاق مۇنى بارىنشا القايدى، بەلسەنە قولدايدى، جۇڭگو جاقپەن ىستەستىكتى جيىلەتىپ، بۇل جولعى جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسىنىڭ تابىستى بولۋىن ىلگەرىلەتىپ، افريكانىڭ جانە دۇنيە ٴجۇزىنىڭ بەيبىتشىلىگى مەن دامۋىن جەبەۋدى ٴۇمىت ەتەدى.
ۋاڭ ي كەزدەسۋگە قاتىناستى.
شينحۋا اگەنتتىگىنىڭ 9 ـ ايدىڭ 3 ـ كۇنى بەيجيڭنەن بەرگەن حابارى (تىلشىلەر ۋىن شين، جي نيڭ). 9 ـ ايدىڭ 3 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگو _ افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ٴۇشىن جۇڭگوعا كەلگەن افريكا ەلدەرى وداعى كوميتەتىنىڭ ٴتوراعاسى فاكيمەن كەزدەستى.
شي جينپيڭ بىلاي دەپ اتاپ كورسەتتى: افريكا وداعى _ افريكانىڭ بىرلەسىپ ٴوزىن الۋەتتەندىرۋىنىڭ تۋى جانە حالىقارلىق سەلبەستىك ورىستەتۋدەگى ماڭىزدى تۇعىر. جۋىق جىلداردان بەرى جۇڭگونىڭ افريكا ەلدەرى وداعىمەن ساياسي ٴوزارا سەنىمدىلىگى ۇزدىكسىز تەرەڭدەپ، حالىقارالىق جانە وڭىرلىك ىستەردە تىعىز سەلبەسىپ، سايكەسىپ كەلەدى. جۇڭگونىڭ افريكا ەلدەرى وداعىنا كومەكتەسىپ سالعان افريكا جۇقپالى اۋرۋدى تىزگىندەۋ جانە الدىن الۋ ورتالىعىنىڭ سالىنىپ بولىپ ٴارى پايدالانۋعا بەرىلىپ، افريكانىڭ دەنساۋلىق ساقتاۋ ىستەرى مەن حالىقتىڭ سالاماتتىعىنا، قۇت ـ ىرىسىنا ۇلەس قوسقاندىعىن كورىپ قۋاندىم. جۇڭگو جاق افريكا ەلدەرى وداعىنىڭ جۇڭگو مەن افريكانىڭ دوستىق ىستەرىندە اناعۇرلىم زور رول ساۋلەلەندىرۋىنە قولداۋ كورسەتەدى، وسى رەتكى جۇڭگو _ افريكا سەلبەستىك تالقى مىنبەرى باسشىلار ٴماجىلىسىن وراي ەتىپ، جۇڭگونىڭ افريكا ەلدەرى وداعىمەن ٴار سالاداعى سەلبەستىگىندە اناعۇرلىم كوپ جەتىستىكتەرگە قول جەتكىزۋىن ىلگەرىلەتۋدى، جۇڭگو _ افريكا تاعدىرلاس ورتاق تۇلعا قۇرىلىسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: قازىر دۇنيە ٴجۇزىنىڭ 100 جىلدىق وزگەرىسى جەدەل قۇبىلىپ، جۇڭگو مەن افريكانى قامتىعان جەر شارىنىڭ وڭتۇستىگىندەگى ەلدەردىڭ ىقپالى كورنەكتى نىعايىپ، دۇنيە ٴجۇزىنىڭ بەيبىتشىلىگى مەن دامۋىنا ورنىقتىلىق جانە وڭ ەنەرگيا ۇستەدى. افريكا _ دۇنيە ٴجۇزىنىڭ ماڭىزدى ٴبىر ۇيەگى، جۇڭگو ديپلوماتياسىنداعى ماڭىزدى الدىمەن ەسكەرىلەتىن بەتالىس. جۇڭگو جاق افريكا جاقپەن ساياسي بارىس ـ كەلىستى جيىلەتىپ، ستراتەگيالىق ٴوزارا سەنىمدىلىكتى تەرەڭدەتىپ، ناقتى ىستەر سەلبەستىگىن كۇشەيتىپ، دامۋ تاجىريبەلەرىن ٴبولىسىپ، بىرگە دامۋدى جەبەۋدى قالايدى. ىنتىماقتاسا سايكەسۋدى جيىلەتىپ، تاباندىلىقپەن ٴوزارا قولداۋ كورسەتىپ، تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن دارىپتەپ، حالىقارالىق ادىلدىكتى، ادىلەتتىلىكتى جانە وركەندەپ كەلە جاتقان ەلدەردىڭ ورتاق مۇددەسىن بىرگە قورعاۋ كەرەك.
فاكي مىنالاردى ٴبىلدىردى: مەن افريكا ەلدەرى وداعى ٴتوراعاسى مىندەتىن وتەگەن 8 جىلدان بەرى، افريكا ەلدەرى وداعىنىڭ جۇڭگومەن قارىم ـ قاتىناسىنىڭ تەز قارقىنمەن دامىعاندىعىنا كۋا بولدىم، جۇڭگو جاقتىڭ، اسىرەسە، ٴتوراعا شي جينپيڭنىڭ افريكا مەن جۇڭگونىڭ سەرىكتەستىك قارىم ـ قاتىناسىن دامىتۋدا جانە جۇڭگو _ افريكا سەلبەستىك تالقى مىنبەرى مەحانيزم قۇرىلىسىن جەبەۋدە ساۋلەلەندىرگەن ەرەن باسشىلىق قابىلەتىنە العىس ايتامىن. جارتى عاسىردان استام ۋاقىتتان بەرى، جۇڭگو باستان ـ اياق افريكانىڭ وتارشىلدىققا قارسى تۇرۋ، جيھانگەرلىككە قارسى تۇرۋ، ناسىلدىك كەمسىتۋشىلدىككە قارسى تۇرۋ كۇرەسىنە باتىل قولداۋ كورسەتىپ، نەگىزدىك قۇرىلعى، دەنساۋلىق ساقتاۋ، ەنەرگيا، كاسىپ سالاسى، حاۋىپسىزدىك سياقتى سالالاردا افريكا ەلدەرىن قۇندى كومەكپەن قامدادى، سونىمەن بىرگە افريكا ەلدەرى وداعىنىڭ جيىرما ەل توبىنا قوسىلۋىنا الدىمەن قولداۋ كورسەتتى، افريكا جاق مۇنى بارىنشا القايدى، شىن جۇرەكتەن العىس ايتادى. ٴدال وسىلاي بولعاندىقتان، افريكا جاق ٴبىر جۇڭگو ساياساتىن تاباندىلىقپەن اتقارادى، جۇڭگونىڭ ٴوزىنىڭ وزەكتى مۇددەسىن قورعاۋىن باتىل قولدايدى. ٴتوراعا شي جينپيڭ العا قويعان ”ٴبىر بەلدەۋ، ٴبىر جولدى“ بىرگە قۇرۋ، الەمدىك دامۋ باستاماسى، الەمدىك حاۋىپسىزدىك باستاماسى، الەمدىك وركەنيەت باستاماسى سياقتى ٴبىر قىدىرۋ جەلىلەس ماڭىزدى باستامالار ٴار ەل حالقىن بەيبىتشىلىك پەن دامۋ ورايىنان بىرگە يگىلىكتەندىرۋگە كۇش سالدى، بۇل جەر شارىنىڭ وڭتۇستىگىندەگى ەلدەردىڭ ىنتىماقتى، سەلبەستىكتى كۇشەيتىپ، الەمدىك باسقارۋ جۇيەسىنىڭ اناعۇرلىم ٴادىل، ۇيلەسىمدى بولۋىن ىلگەرىلەتۋ جونىنەن ايرىقشا ماڭىزدى. افريكا جاق جۇڭگونىڭ شەشۋشى باستاماشىلدىق رولىن ۇزدىكسىز ساۋلەلەندىرىپ، افريكانىڭ وسىزامانداندىرۋدى جۇزەگە اسىرۋىنا كومەكتەسۋىن، دۇنيە ٴجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوسۋىن ٴۇمىت ەتەدى.
ۋاڭ ي كەزدەسۋگە قاتىناستى.
