شينحۋا اگەنتتىگىنىڭ 8 ـ ايدىڭ 20 ـ كۇنى بەيجيڭنەن بەرگەن حابارى (ٴتىلشى ما جويان). 8 ـ ايدىڭ 20 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا مەملەكەتتىك حالىق قۇرىلتايىنىڭ ٴار ەل پارلامەنتتەر وداعىنا كىرگەندىگىنىڭ 40 جىلدىعىن ەسكە ٴتۇسىرۋ قيمىلىنا جانە 6 ـ رەتكى وركەندەپ كەلە جاتقان ەلدەر پارلامەنت مۇشەلەرى زەرتتەۋ ـ تالقى كۋرسىنا قاتىناسقان شەتەل پارلامەنت باسشىلارىمەن توپتىق كەزدەستى.
شي جينپيڭ ٴار ەل پارلامەنت باستىقتارىنىڭ جۇڭگوعا ساپارلاي كەلگەندىگىن قارسى الىپ، بىلاي دەپ اتاپ كورسەتتى: ٴارقايسى پارلامەنت باستىقتارى تۇرلىشە قۇرلىقتاردان كەلگەن، ٴبارىمىز «الەمنىڭ وڭتۇستىگىنىڭ» مۇشەلەرىمىز. ٴار ەلدىڭ مەملەكەت جاعدايى ۇقساماعانىمەن، شارت ـ جاعدايىندا پارىق بولعانىمەن، الايدا ٴبارىمىز مۇراتتاس جاقسى باۋىرلاسپىز، جاقسى سەرىكپىز. قازىر دۇنيە ٴجۇزىنىڭ جاعدايى جەدەل وزگەرۋدە. جۇڭگو جاق ٴار ەلمەن بىرگە تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن دارىپتەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ٴوزىمىز بىرگە ٴومىر ٴسۇرىپ جاتقان جەر شارىن تاتۋ ـ ٴتاتتى ۇلكەن شاڭىراق ەتىپ قۇرىپ شىعۋدى قالايدى.
شي جينپيڭ بىلاي دەپ باسا دارىپتەدى: زاڭ شىعارۋ قۇرىلىمدارىنىڭ بارىس ـ كەلىسى _ مەملەكەت پەن مەملەكەت قارىم ـ قاتىناسىنىڭ ماڭىزدى قۇرامداس بولىگى، زاڭ شىعارۋ قۇرىلىمدارىنىڭ تەرەزەسى تەڭ، ٴوزارا سەنىمدى مەملەكەتتەر قارىم ـ قاتىناسىن ورناتۋدا، ٴوزارا پايدا جەتكىزىپ تەڭ يگىلىككە كەنەلەتىن دامۋ سەلبەستىگىن كەڭەيتۋدە، اشىق تا سيىسىمدى اۋىس ـ كۇيىستى، ٴوزارا ۇلگى الۋدى جەبەۋدە، ٴادىل دە ۇيلەسىمدى الەمدىك باسقارۋدى ىلگەرىلەتۋدە بەلسەندى رول اتقارىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە وزگەشە ۇلەس قوساتىن جاۋاپكەرشىلىگى بار، قابىلەتى دە جەتەدى. جۇڭگو باستان ـ اياق ”الەمنىڭ وڭتۇستىكتىگىنىڭ“ ٴبىر مۇشەسى، قالىڭ وركەندەپ كەلە جاتقان ەلدەرمەن ىنتىماقتاسۋ، سەلبەسۋ _ جۇڭگونىڭ سىرتپەن قارىم ـ قاتىناسىنىڭ مىزعىماس نەگىزى. جۇڭگو قارا باسىنىڭ عانا قامىن كۇيتتەيتىن وسىزاماندانۋدى كوكسەمەيدى، قالىڭ وركەندەپ كەلە جاتقان ەلدەردى قامتىعان ٴارقايسى ەلدەرمەن بىرگە بەيبىت داميتىن، ٴوزارا پايدا جەتكىزىپ سەلبەسەتىن، بىرگە گۇلدەنەتىن دۇنيە ٴجۇزىنىڭ وسىزاماندانۋىن جۇزەگە اسىرۋدى ىلگەرىلەتىپ، بەيبىتشىلىكتى بىرگە قورعاۋدىڭ ورنىقتىرۋشى كۇشى، اشىق دامۋدىڭ تىرەكتى كۇشى، الەمدىك باسقارۋدىڭ گۇلدەندىرۋشى كۇشى، وركەنيەتتە ٴوزارا ۇلگى الۋدىڭ جەبەۋشى كۇشى بولۋدى قالايدى.
شي جينپيڭ جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ قاتىستى جاعدايلارىن تانىستىرىپ بىلاي دەپ اتاپ كورسەتتى: جۇڭگو جوعارى دەڭگەيدەگى سىرتقا ەسىك اشۋدى تاباندىلىقپەن ىلگەرىلەتىپ، دۇنيە ٴجۇزى ەكونوميكاسىنىڭ دامۋىن جەبەۋگە جاڭا قوزعاۋشى قۋات ۇستەپ، ٴار ەلمەن ٴوزارا پايدا جەتكىزەتىن سەلبەستىكتى تەرەڭدەتۋگە جاڭا وراي ازىرلەپ، وركەندەپ كەلە جاتقان ەلدەردىڭ بىرگە دامۋىن جۇزەگە اسىرۋعا جاڭا بولاشاق اشادى. جۇڭگو جاق ٴار ەلدىڭ زاڭ شىعارۋ قۇرىلىمدارىمەن اۋىس ـ كۇيىستى، سەلبەستىكتى كۇشەيتىپ، ٴوز ەلىنىڭ مەملەكەت جاعدايىنا ۇيلەسەتىن وسىزاماندانۋ جولى جونىندە بىرگە ىزدەنىس جاساۋدى قالايدى.
شي جينپيڭ بىلاي دەپ اتاپ كورسەتتى: جۇڭگونىڭ باسقارۋ جاعىندا دۇنيە ٴجۇزىن جالت قاراتقان تابىستارعا قول جەتكىزۋىندەگى اسا ماڭىزدى ٴبىر تاجىريبە _ جۇڭگو كوممۋنيستىك پارتياسىنىڭ باسشىلىعىندا جۇڭگوشا سوتسياليستىك ساياسي دامۋ جولىمەن ٴجۇرىپ، جالپى بارىستىق حالىق دەموكراتياسىنا تاباندى بولعاندىعى جانە ونى دامىتقاندىعى. ٴىس بولسا بىرگە كەڭەسىپ، كوپتىڭ ٴىسىن كوپ بولىپ اقىلداسىپ، تۇتاس قوعامنىڭ تىلەگى مەن تالابىنىڭ ەڭ ۇلكەن ورتاق بولگىشىن تابۋ _ حالىق دەموكراتياسىنىڭ شىن ٴمانى. جالپى بارىستىق حالىق دەموكراتياسىندا كەمەلدى تۇزىمدىك ٴتارتىپ بولىپ قانا قويماي، ونىڭ ۇستىنە تولىق ات سالىسۋ امالياتى دا بار، ول كەڭ كولەمدى، شىنايى، جارامدى. جۇڭگو جاق مەملەكەتتىك حالىق قۇرىلتايىنىڭ ٴار ەل پارلامەنتتەر وداعىمەن اۋىس ـ كۇيىستى، سەلبەستىكتى تەرەڭدەتۋىن اۋەلگىسىندەي قولداپ، ٴبىر ـ ٴبىرىنىڭ تاڭداعان دامۋ جولى مەن ٴتۇزىم ۇلگىسىنە ٴوزارا قۇرمەت ەتۋ نەگىزىندە زاڭ شىعارۋ جانە ەل باسقارۋ تاجىريبەلەرىن اۋىستىرۋدى كۇشەيتىپ، مىندەت اتقارۋ قابىلەتىن بىرگە جوعارىلاتىپ، ”الەمنىڭ وڭتۇستىگىندەگى“ ەلدەردىڭ دوستىق سەلبەستىكتى تەرەڭدەتۋىنە تاماشا زاڭمەن باسقارۋ ورتاسىن ازىرلەيدى، حالىق رايى نەگىزىن بەكەمدەيدى.
ٴار ەل پارلامەنتتەر وداعىنىڭ ٴتوراعاسى، تانزانيا حالىقتىق پارلامەنتىنىڭ باستىعى اكسون، نامبيا حالىقتىق پارلامەنتىنىڭ باستىعى كاجياۆيۆي، سۋرينام حالىقتىق پارلامەنتىنىڭ باستىعى بەي شەتەل ۋاكىلدەرى اتىنان ٴسوز سويلەپ، مىنالاردى ٴبىلدىردى: ٴار ەل پارلامەنتتەر وداعىنىڭ جۇڭگو مەملەكەتتىك حالىق قۇرىلتايىمەن ۇزاق ۋاقىتتىق دوستىق ەتەنە سەلبەستىگى بار، جۇڭگو جاقتىڭ ٴار ەل پارلامەنتتەرى اراسىنداعى ىنتىماقتى، ٴوزارا سەنىمدىلىكتى، دوستىقتى جانە سەلبەستىكتى جەبەۋگە باستان ـ اياق كۇش سالىپ، ٴار ەل پارلامەنتتەرى وداعىنىڭ ٴتۇرلى ىستەرىنىڭ دامۋىنا، سونداي ـ اق بىرلەسكەن مەملەكەتتەر ۇيىمىنىڭ 2030 ـ جىلعا دەيىنگى باياندى دامۋ نىساناسىن تياناقتاندىرۋعا بەلسەندى ۇلەس قوسقاندىعىنا العىس ايتامىز. دۇنيە جۇزىندەگى ەڭ ٴىرى وركەندەپ كەلە جاتقان ەل رەتىندە، جۇڭگو نەشە ٴجۇز ميلليون ادامدى كەدەيلىكتەن ٴساتتى ارىلتتى، ٴارى دۇنيە ٴجۇزىن جالت قاراتقان ۇلى دامۋ جەتىستىكتەرىنە قول جەتكىزىپ، باسقا دا وركەندەپ كەلە جاتقان ەلدەرگە ۇلگى ورناتىپ، سەنىمىن كۇشەيتتى، ٴارى ماڭىزدى وراي ازىرلەدى. ٴار ەل پارلامەنتتەر وداعى جۇڭگو جاقتىڭ حالىقارالىق ىستەردە ٴادىل، تۋراشىل تۇرعى ۇستانىپ، ٴىرى، شاعىن ەلدەردىڭ تۇگەلدەي تەرەزەسى تەڭ بولۋىن دارىپتەپ، دۇنيە ٴجۇزىنىڭ بەيبىتشىلىگى مەن ورنىقتىلىعىن جانە بىرگە دامۋىن جەبەۋگە ماڭىزدى ۇلەس قوسقاندىعىن القايدى. ٴار جاق مىنالاردى ٴبىلدىردى: جۇڭگو جاق العا قويعان ”ٴبىر بەلدەۋ، ٴبىر جولدى“ بىرگە قۇرۋ باستاماسىن جانە الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن القايمىز، جۇڭگومەن دوستىق سەرىكتەستىك قارىم ـ قاتىناستى نىعايتۋعا كۇش سالامىز، ٴبىر جۇڭگو پرينسيبىنە باتىل بويسۇنىپ، جۇڭگو جاقپەن تىعىز سەلبەسىپ، كوپ جاقتىلىقتى بىرگە قورعاپ، بۇكىل ادامزاتقا ورتاق قۇندى امالياتتا ايگىلەپ، تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن دارىپتەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەمىز.
ساي چي، ۋاڭ ي، لي حۇڭجۇڭ قاتارلىلار كەزدەسۋگە قاتىناستى.
