شي جينپيڭ جاۋاپ حات جازىپ، حۋبەي شىيان قالاسى دانجياڭكوۋ قويما اۋماعىنداعى ورتانى قورعاۋ ەرىكتىلەرىن ىنتالاندىردى
ەرىكتى قىزمەت وتەۋ رۋحىن اسقاقتاتىپ، ٴتىپتى دە كوپ ادامدى سانالىلىقپەن سۋدى ساقتاۋعا، سۋدى قورعاۋعا، سۋدى ۇنەمدەۋگە باستاپ، ادام مەن تابيعات جاراسىمدى قاتار ٴومىر سۇرەتىن وسىزاماندانۋدى ىلگەرىلەتۋگە كۇش قوسۋ كەرەك
جاۋاپ حات
حۋبەي شىيان دانجياڭكوۋ قويما اۋماعىنداعى ورتانى قورعاۋ ەرىكتىلەرىنە:
سالەمەتسىزدەر! حاتتارىڭىزدى تاپسىرىپ الدىم. 10 جىلدان بەرى قويما اۋماعىنداعى ٴتىپتى دە كوپ بۇقارانىڭ ەرىكتى قىزمەت وتەۋ قوسىنىنا قاتىناسىپ، قويماداعى تۇنىق سۋدى دەن قويا، ىقىلاسپەن قورعاعاندىعىن، قويما اۋماعىنداعى سۋدىڭ اناعۇرلىم تۇنىق، تاۋدىڭ اناعۇرلىم جاسىل، ورتانىڭ اناعۇرلىم كوركەم بولا تۇسكەندىگىن ٴبىلىپ توتەنشە قۋاندىم.
وڭتۇستىكتىڭ سۋىن سولتۇستىككە جەتكىزۋ ينجەنەرياسى ستراتەگيالىق جالپى جاعدايعا، ۇزاق بولاشاقتىق دامۋعا جانە حالىقتىڭ قۇت ـ ىرىسىنا سايادى، سۋ قاينارىنىڭ ەكولوگيالىق ورتاسىن ويداعىداي قورعاپ، ”تۇنىق سۋلاردى ۇزدىكسىز سولتۇستىككە جەتكىزۋدى“ قامتاماسىز ەتۋ بارلىق ادامنىڭ جاۋاپكەرشىلىگىن تولىق ادا ەتۋىنە، ۇزدىكسىز قاجىماي كۇش سالۋىنا مۇقتاج. سىزدەردىڭ ەرىكتى قىزمەت وتەۋ رۋحىن تىنباي اسقاقتاتىپ، ٴتىپتى دە كوپ ادامدى سۋدى ساقتاۋعا، سۋدى قورعاۋعا، سۋدى ۇنەمدەۋگە باستاپ، تاۋى قاشاندا جاسىل، سۋى قاشاندا تۇنىق، اۋاسى قاشاندا تازا كورىكتى جۇڭگونى قول ۇستاسا تۇلعالاپ، ادام مەن تابيعات جاراسىمدى قاتار ٴومىر سۇرەتىن وسىزاماندانۋدى ىلگەرىلەتۋگە كۇش قوسۋلارىڭىزدى ٴۇمىت ەتەمىن.
2 ـ رەتكى مەملەكەتتىك ەكولوگيا كۇنى تاياپ قالدى، بۇكىل ەلدەگى ەكولوگيالىق ورتانى قورعاۋ قىزمەتكەرلەرىنەن، ەرىكتىلەرىنەن شىن ىقىلاسپەن حال سۇرايمىن!
شي جينپيڭ
2024 ـ جىلى 8 ـ ايدىڭ 13 ـ كۇنى
(شينحۋا اگەنتتىگىنىڭ 8 ـ ايدىڭ 14 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 8 ـ ايدىڭ 14 ـ كۇنى بەيجيڭنەن بەرگەن حابارى. 2 ـ رەتكى مەملەكەتتىك ەكولوگيا كۇنى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ حۋبەي شىيان قالاسى دانجياڭكوۋ قويما اۋماعىنداعى ورتانى قورعاۋ ەرىكتىلەرىنە جاۋاپ حات جازىپ، ولارعا ىستىق ىقىلاسپەن دەم بەردى، سونداي ـ اق بۇكىل ەلدەگى ەكولوگيالىق ورتانى قورعاۋ قىزمەتكەرلەرىنەن، ەرىكتىلەرىنەن شىنايى حال سۇرادى.
شي جينپيڭ جاۋاپ حاتىندا بىلاي دەدى: 10 جىلدان بەرى قويما اۋماعىنداعى ٴتىپتى دە كوپ بۇقارانىڭ ەرىكتى قىزمەت وتەۋ قوسىنىنا قاتىناسىپ، قويماداعى تۇنىق سۋدى دەن قويا، ىقىلاسپەن قورعاعاندىعىن، قويما اۋماعىنداعى سۋدىڭ اناعۇرلىم تۇنىق، تاۋدىڭ اناعۇرلىم جاسىل، ورتانىڭ اناعۇرلىم كوركەم بولا تۇسكەندىگىن ٴبىلىپ توتەنشە قۋاندىم.
شي جينپيڭ بىلاي دەپ باسا دارىپتەدى: وڭتۇستىكتىڭ سۋىن سولتۇستىككە جەتكىزۋ ينجەنەرياسى ستراتەگيالىق جالپى جاعدايعا، ۇزاق بولاشاقتىق دامۋعا جانە حالىقتىڭ قۇت ـ ىرىسىنا سايادى، سۋ قاينارىنىڭ ەكولوگيالىق ورتاسىن ويداعىداي قورعاۋ، ”تۇنىق سۋدى ۇزدىكسىز سولتۇستىككە جەتكىزۋدى“ قامتاماسىز ەتۋ بارلىق ادامنىڭ جاۋاپكەرشىلىگىن تولىق ادا ەتۋىنە، ۇزدىكسىز قاجىماي كۇش سالۋىنا مۇقتاج. سىزدەردىڭ ەرىكتى قىزمەت وتەۋ رۋحىن تىنباي اسقاقتاتىپ، ٴتىپتى دە كوپ ادامدى ىرىقتىلىقپەن سۋدى ساقتاۋعا، سۋدى قورعاۋعا، سۋدى ۇنەمدەۋگە باستاپ، تاۋى قاشاندا جاسىل، سۋى قاشاندا تۇنىق، اۋاسى قاشاندا تازا كورىكتى جۇڭگونى قول ۇستاسا تۇلعالاپ، ادام مەن تابيعات جاراسىمدى قاتار ٴومىر سۇرەتىن وسىزاماندانۋدى ىلگەرىلەتۋگە كۇش قوسۋلارىڭىزدى ٴۇمىت ەتەمىن.
2014 ـ جىلى وڭتۇستىكتىڭ سۋىن سولتۇستىككە جەتكىزۋ ورتا جەلىسىنىڭ 1 ـ مەرزىمدىك ينجەنەرياسىندا رەسمي سۋ جۇرگەندە باس شۋجي شي جينپيڭ ماڭىزدى نۇسقاۋ بەرگەن ەدى. 10 جىلدان بەرى وڭتۇستىكتىڭ سۋىن سولتۇستىككە جەتكىزۋ ورتا جەلى ينجەنەرياسىنداعى ماڭىزدى سۋ قاينارى رەتىندە، دانجياڭكوۋ قويما اۋماعى سۋ ساپاسىن قورعاۋدى ۇزدىكسىز ىشكەرىلەتتى، ەرىكتىلەردى قامتىعان قالىڭ كادر ـ بۇقارا سۋدى تىزگىندەۋ، سۋدى قورعاۋ قىزمەتىنە بەلسەنە ات سالىسىپ، دانجياڭكوۋ سۋ قويماسىنداعى سۋ ساپاسىنىڭⅡدارەجەلى جانە ودان جوعارى ولشەمگە ورنىقتى جەتۋىنە مۇمكىندىك جاسادى. جاقىندا حۋبەي ولكەسى شىيان قالاسى دانجياڭكوۋ قويما اۋماعىنداعى ورتانى قورعاۋ ەرىكتىلەرى باس شۋجي شي جينپيڭگە حات جازىپ، وزدەرىنىڭ سۋدى ساقتاۋعا، سۋدى قورعاۋعا ەرىكتى قىزمەت وتەۋ سياقتى جاعدايلارىنان مالىمەت بەرىپ، باس شۋجي شي جينپيڭنىڭ ماڭىزدى تاپسىرماسىن ەستەرىندە بەرىك ساقتاپ، قويماداعى تۇنىق سۋدى ويداعىداي قورعاۋ بەرىك سەنىمىن ٴبىلدىردى.
