شينحۋا اگەنتتىگىنىڭ 8 ـ ايدىڭ 15 ـ كۇنى بەيجيڭنەن بەرگەن حابارى. 8 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 16 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «＜جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى＞ جونىندەگى تۇسىنىگىن» جاريالايدى.
شي جينپيڭ بىلاي دەپ اتاپ كورسەتتى: رەفورمانى پارتيانىڭ وزەكتى مىندەتىن ارقاۋ ەتە وتىرىپ جوسپارلاۋ جانە ورنالاستىرۋ _ پارتيانىڭ رەفورما جۇرگىزىپ، ەسىك اشۋعا باسشىلىق ەتۋدەگى تابىستى تاجىريبەسى. امالياتتىق تاجىريبە مەن رەالدىق قاجەتتى نەگىزگە الا وتىرىپ، ورتالىق كوميتەت ساياسي بيۋروسى پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ماسەلەلەرىن زەرتتەۋدى ۇيعاردى، مۇندا نەگىزىنەن مىناداي ٴبىرقانشا جاقتار ويلاستىرىلدى. ٴبىرىنشى، بۇل _ حالىق تىلەگىن توعىستىرۋدىڭ، كۇش ـ قۋاتتى ۇيىستىرۋدىڭ، جاڭا داۋىردەگى جاڭا جورىقتا پارتيانىڭ وزەكتى مىندەتىن جۇزەگە اسىرۋدىڭ كوكەي تەستى قاجەتى. ەكىنشى، بۇل _ جۇڭگوشا سوتسياليستىك ٴتۇزىمدى كەمەلدەندىرۋدىڭ جانە دامىتۋدىڭ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ كوكەي تەستى قاجەتى. ٴۇشىنشى، بۇل _ جوعارى ساپالى دامۋدى ىلگەرىلەتۋدىڭ، ەلىمىز قوعامىنداعى باستى قايشىلىقتىڭ وزگەرىسىنە اناعۇرلىم ويداعىداي ۇيلەسۋدىڭ كوكەي تەستى قاجەتى. ٴتورتىنشى، بۇل _ ەلەۋلى حاۋىپ ـ قاتەرلەر مەن سىن ـ سايىستارعا توتەپ بەرۋدىڭ، پارتيا مەن مەملەكەت ىستەرىنىڭ ورنىقتى قاداممەن الىستارعا جەتۋىن ىلگەرىلەتۋدىڭ كوكەي تەستى قاجەتى.
شي جينپيڭ بىلاي دەپ اتاپ كورسەتتى: قاۋلى نۇسقاسىن دايىنداۋ بارىسىندا ٴبىز مىنا بىرنەشە جاقتى ٴتۇيىندى يگەردىك: بىرىنشىدەن، رەفورما جاساعان، ەسىك اشقاننان بەرگى، وتە ـ موتە، جاڭا داۋىردەگى رەفورمانى جاپپاي تەرەڭدەتۋدىڭ قۇندى تاجىريبەلەرىن قورىتىندىلاپ جانە قولدانىپ، بويسۇناتىن پرينسيپتەردى تۇراقتاندىرىپ، دۇرىس ساياسي بەتالىسقا تاباندى بولدىق. ەكىنشىدەن، جۇڭگو ۇلگىسىندەگى وسىزامانداندىرۋدى ىلگەرىلەتۋدى، پارتيا 20 ـ قۇرىلتايىنىڭ ستراتەگيالىق ورنالاستىرۋىن تياناقتاندىرۋدى مىقتاپ ارقاۋ ەتە وتىرىپ رەفورمانى اناعۇرلىم جاپپاي تەرەڭدەتۋدى جوسپارلاپ، ماسەلەنى باعدار ەتۋگە تاباندى بولدىق. ۇشىنشىدەن، ٴتۇيىندى مىقتى يگەرىپ، ٴتۇزىلىس ـ مەحانيزم رەفورماسىن كورنەكتىلەندىردىك، ستراتەگيالىق، جالپى جاعدايلىق كەلەلى رەفورمالاردى كورنەكتىلەندىردىك، ەكونوميكالىق ٴتۇزىلىس رەفورماسىنىڭ جەتەكتەۋ رولىن كورنەكتىلەندىرىپ، رەفورمانىڭ جەتەكشىلىك رولىن ايگىلەدىك. تورتىنشىدەن، حالىقتى بارىنەن جوعارى قويۋعا تاباندى بولىپ، رەفورمانى حالىقتىڭ تۇتاس تۇلعالىق مۇددەسىن، ٴتۇبىرلى مۇددەسىن، بولاشاقتىق مۇددەسىن شىعار ٴتۇيىن ەتە وتىرىپ جوسپارلادىق جانە ىلگەرىلەتتىك. بەسىنشىدەن، جۇيەلى دە شوعىرلى بولۋدى كۇشەيتىپ، رەفورمانى جالپى تۇلعالىق جاقتان جوسپارلاۋدى، جۇيەلى ورنالاستىرۋدى كۇشەيتىپ، ٴار جاقتاعى رەفورمانىڭ ٴوزارا ۇشتاسۋىنا، سايكەسۋىنە، جوعارى ٴونىمدى بولۋىنا مۇمكىندىك جاراتتىق.
شي جينپيڭ بىلاي دەپ اتاپ كورسەتتى: قاۋلى نۇسقا سىندا 2035 ـ جىلى سوتسياليستىك وسىزامانداندىرۋ نىساناسىن نەگىزىنەن جۇزەگە اسىرۋ تۇراقتاندىرىلدى، الداعى 5 جىلداعى كەلەلى رەفورما شارالارى ٴتۇيىندى ورنالاستىرىلدى، مازمۇن ورنالاستىرۋ جاعىندا مىناداي بىرنەشە ەرەكشەلىك قاراستىرىلدى: ٴبىرىنشى، ەكونوميكالىق ٴتۇزىلىس رەفورماسىنىڭ جەتەكشىلىك رولىن ساۋلەلەندىرۋگە باسا ٴمان بەرۋ. ەكىنشى، جاپپاي جاڭالىق اشۋدى قولداۋ ٴتۇزىلىس ـ مەحانيزمىن ورناتۋعا باسا ٴمان بەرۋ. ٴۇشىنشى، جالپى بەتتىك رەفورماعا باسا ٴمان بەرۋ. ٴتورتىنشى، دامۋ مەن حاۋىپسىزدىكتى ٴبىر تۇتاس ەسكەرۋگە باسا ٴمان بەرۋ. بەسىنشى، پارتيانىڭ رەفورماعا باسشىلىعىن كۇشەيتۋگە باسا ٴمان بەرۋ.
