شينحۋا اگەنتتىگىنىڭ 8 ـ ايدىڭ 15 ـ كۇنى بەيجيڭنەن بەرگەن حابارى. 8 ـ ايدىڭ 15 ـ كۇنى مەملەكەت ٴتوراعاسى شي جينپيڭ برازيليانىڭ زۇڭتۇڭى لۋلامەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن برازيليا ەكەۋى دە وركەندەپ كەلە جاتقان ٴىرى ەلدەر جانە بازارى جاڭادان گۇلدەنگەن ماڭىزدى ەلدەر، مۇراتتاس جاقسى دوستار، قول ۇستاسا العا ىلگەرىلەيتىن جاقسى سەرىكتەر. ديپلوماتيالىق قارىم ـ قاتىناس ورناتقان جارتى عاسىردان بەرى، مەيلى حالىقارالىق جاعداي قالاي وزگەرسە دە، ەكى ەلدىڭ قارىم ـ قاتىناسى قاشاندا ورنىقتى دامۋدى ساقتادى، جالپى جاعدايلىق، ستراتەگيالىق، الەمدىك ىقپالى كۇن سايىن كورنەكتىلەنىپ، ٴوز ەلىنىڭ دامۋىن، گۇلدەنۋىن جەبەۋمەن بىرگە، دۇنيە ٴجۇزىنىڭ بەيبىتشىلىگى، ورنىقتىلىعى جانە گۇلدەنۋى، دامۋى ٴۇشىن ماڭىزدى رول اتقاردى.
شي جينپيڭ بىلاي دەپ باسا دارىپتەدى: بىلتىر لۋلا زۇڭتۇڭ جۇڭگودا تابىستى ساپاردا بولدى، ٴبىز جاڭا داۋىردەگى جۇڭگو _ برازيليا قارىم ـ قاتىناسىنىڭ جاڭا بولاشاعىن باستاۋ جانە اشۋ جونىندە ماڭىزدى ورتاق تانىمعا كەلدىك. جۇڭگو جاق برازيليا جاقپەن بىرگە جۇڭگو _ برازيليا ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن جاڭا باستاما ەتىپ، ەكى ەلدىڭ دامۋ ستراتەگيالارىنىڭ ٴتۇيىلىسۋىن ۇزدىكسىز كۇشەيتىپ، ەكى جاقتىڭ ٴارقايسى سالاداعى اۋىس ـ كۇيىسىن، سەلبەستىگىن تەرەڭدەتىپ، جۇڭگو _ برازيليا قارىم ـ قاتىناسىنا تىڭ داۋىرلىك ٴمان ۇستەپ، جۇڭگو _ برازيليا تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋدى قالايدى.
لۋلا مىنانى ٴبىلدىردى: جارتى عاسىردان بەرى، برازيليا _ جۇڭگو دوستىعى ۇزدىكسىز كۇشەيىپ، سەلبەستىگى كۇن سايىن كوپ نەگىزدى بولدى. كەزەكتە ەكى ەل كوپ سالادا، ٴار جىكتە سەلبەستىكتى ساقتاپ، اناعۇرلىم گۇلدەنگەن، بەيبىت، ٴادىل دۇنيە ٴجۇزىن بىرگە قۇرۋدا. برازيليا _ جۇڭگو قارىم ـ قاتىناسى كوپ ۇيەكتى ٴتارتىپ ورناتۋ جانە اناعۇرلىم ٴادىل، ٴونىمدى الەمدىك باسقارۋ جونىنەن كۇن سايىن ماڭىزدى بولىپ، ەكى ەلدىڭ جانە دۇنيە ٴجۇزىنىڭ ورنىقتىلىعى، بولجامدىلىعى جونىنەن تىرەكتى رول اتقاردى. ەكى ەل قارىم ـ قاتىناسىنىڭ كەلەسى 50 جىلىندا ٴبىز تىزە قوسا جاڭا جول اشىپ، تاعدىرلاس نۇرلى بولاشاق اشامىز.
سول كۇنى مەملەكەتتىڭ ورىنباسار ٴتوراعاسى حان جىڭ برازيليانىڭ ورىنباسار زۇڭتۇڭى الكمينمەن ٴوزارا قۇتتىقتاۋ تەلەگرامماسىن جولدادى.
