شينحۋا اگەنتتىگىنىڭ 8 ـ ايدىڭ 18 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ بەكىتۋىمەن جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ ورنى قۇراستىرعان «20 ـ قۇرىلتايدان بەرگى ماڭىزدى حۇجاتتاردان تاڭدامالىلاردىڭ» ٴبىرىنشى ٴبولىمى ورتالىق حۇجاتتار باسپاسىنان باسپادان شىقتى، سول كۇننەن باستاپ بۇكىل ەل كولەمىندە تاراتىلدى.
«20 ـ قۇرىلتايدان بەرگى ماڭىزدى حۇجاتتاردان تاڭدامالىلاردىڭ» ٴبىرىنشى بولىمىنە 2022 ـ جىلى 10 ـ ايدا پارتيا 20 ـ قۇرىلتايى اشىلعاننان 2024 ـ جىلى 3 ـ ايدا 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى جابىلعانعا دەيىنگى مەزگىلدەگى ماڭىزدى حۇجاتتار ەنگىزىلگەن، جالپى 75 حۇجات، شامامەن 620 مىڭ ٴارىپ. مۇنىڭ ىشىندە باس شۋجي شي جينپيڭنىڭ 33 ماقالاسى، ورتالىقتاعى باسقا باسشى جولداستاردىڭ 18 ماقالاسى، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ورتالىق اسكەري ىستەر كوميتەتىنىڭ قاتىستى 24 حۇجاتى بار. ماڭىزدى 19 حۇجات تۇڭعىش رەت اشىق جاريالانىپ وتىر.
وسى ماڭىزدى حۇجاتتاردان تاڭدامالىلاردا وسى ٴبىر مەزگىلدەگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قاتاڭ دا كۇردەلى حالىقارالىق ورتا جانە جاپالى دا اۋىر ەل ٴىشى رەفورما، دامۋ، ورنىقتىلىق مىندەتتەرىنە مەڭزەس، جۇڭگوشا سوتسياليزم ۇلى تۋىن بيىك ۇستاپ، پارتيا 20 ـ قۇرىلتايىنىڭ جانە پارتيا 20 ـ كەزەكتى ورتالىق كوميتەتىنىڭ ٴبىرىنشى، ەكىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ماركسيزم ـ لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن ىنتماقتاستىرىپ، باستاپ، جىگەرلەنە ۇمتىلىپ، ەرلىكپەن العا باسىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس جوسپارلاپ، دامۋ مەن حاۋىپسىزدىكتى ٴبىر تۇتاس جوسپارلاپ، سىرتتىڭ قىسىمىنا توتەپ بەرىپ، ىشكى قيىنشىلىقتاردى جەڭىپ، جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋ ورنىقتى تۇردە جاڭا كەزەڭگە وتكەن، ەكونوميكا قايتا ورلەپ جاقسارعان، حالىق تۇرمىسىن قامتاماسىز ەتۋ پارمەندى دە ٴونىمدى بولعان، جوعارى ساپالى دامۋ تىڭعىلىقتى ىلگەرىلەتىلگەن، قوعامدىق كەلەلى جاعداي ورنىقتىلىقتى ساقتاعان، جاپپاي سوتسياليستىك وسىزاماندانعان مەملەكەت قۇرۋعا نىق قادام تاستالعان ايبىندى ٴۇردىس شىنايى ەستەلىككە الىنعان؛ وسى مەزگىلدەگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى جاڭا جورىقتا جۇڭگو كوممۋنيستىك پارتياسىنىڭ بورىشىن، مىندەتىن ارقاۋ ەتە وتىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، عىلىم ـ تەحنيكادا ٴوز كۇشىنە سۇيەنىپ ٴوزىن الۋەتتەندىرۋدى جەدەلدەتىپ، جاڭاشا وندىرگىش كۇشتەردى جەدەل دامىتىپ، رەفورما جاساۋدى، ەسىك اشۋدى جاپپاي تەرەڭدەتىپ، جالپى بارىستىق حالىق دەموكراتياسىن بار كۇشپەن دامىتىپ، سوتسياليستىك زاڭمەن باسقارۋ قۇرىلىسىن تىڭعىلىقتى ىلگەرىلەتىپ، ۇگىت، يدەيا، مادەنيەت قىزمەتىن ۇزدىكسىز كۇشەيتىپ، حالىق تۇرمىسىن قامتاماسىز ەتۋ مەن ەكولوگيالىق ورتانى قورعاۋدى شىن مانىندە تىڭعىلىقتى يگەرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن باتىل قورعاپ، مەملەكەت قورعانىسى مەن ارميا قۇرىلىسىن پارمەندى ىلگەرىلەتىپ، شياڭگاڭ، اۋمىن قىزمەتىن جانە تايۋانعا قاراتىلعان قىزمەتتەردى ۇزدىكسىز ىلگەرىلەتىپ، جۇڭگوشا ٴىرى ەل ديپلوماتياسىن ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدى بۇلجىتپاي ىلگەرىلەتۋ سياقتى جاقتاردا العا قويعان ماڭىزدى يدەيا، جاسالعان كەلەلى شەشىم، قول جەتكىزگەن كورنەكتى تابىستار جانە جارىققا شىققان جاڭا تاجىريبەلەر شوعىرلى اڭىس ەتىلگەن؛ ”ەكىنى تۇراقتاندىرۋدىڭ“ پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋدى ىلگەرىلەتەتىن شەشۋشى فاكتور، جاپا ـ ماشاقات، قيىنشىلىق، حاۋىپ ـ قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىل ەكەندىگى تولىق دالەلدەنگەن.
«20 ـ قۇرىلتايدان بەرگى ماڭىزدى حۇجاتتاردان تاڭدامالىلاردىڭ» ٴبىرىنشى ٴبولىمىنىڭ باسپادان شىعۋى بۇكىل پارتيانىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن جانە پارتيا ورتالىق كوميتەتىنىڭ كەلەلى باعىت ـ ساياساتتارىن ىشكەرىلەي ۇيرەنۋىنە، دايەكتىلەندىرۋىنە ماڭىزدى وقۋلىق ازىرلەدى، بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، اناعۇرلىم سانالىلىقپەن ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ كەڭ بولاشاعىن ەكپىندەي اشىپ، جاڭا داۋىردەگى جۇڭگوشا سوتسياليزمنىڭ اناعۇرلىم ايبىندى تاراۋىن جازۋ جونىنەن ماڭىزدى ٴمان الادى.
