قازىنا مينيسترلىگى مەن شۇعىل جاعدايلارعا توتەپ بەرۋدى باسقارۋ مينيسترلىگى 6 – ايدىڭ 19 – كۇنى ورتالىقتىڭ جاراتىلىستىق اپاتتاردان قۇتقارۋ قاراجاتىنان بوساتىپ، جەرگىلىكتى ورىنداردىڭ تاسقىننان ساقتانىپ، قۋاڭشىلىقپەن كۇرەسۋ جانە گەولوگيالىق اپاتتاردان قۇتقارۋ قىزمەتىنە قولداۋ كورسەتەدى.
وسى رەت ورتالىقتىڭ جاراتىلىستىق اپاتتان قۇتقارۋ قاراجاتىنان جيىنى 346 ميلليون يۋان قاراجات بولىنەدى، مۇنىڭ ىشىندە:
جىجياڭ، فۋجيان، جياڭشي، حۋنان، گۋاڭدۇڭ، گۋاڭشي، گۇيجوۋ قاتارلى 7 ولكەگە (اۆتونوميالى رايون) 213 ميلليون يۋان قاراجات ءبولىنىپ، تاسقىننان ساقتانىپ، اپاتتان قۇتقارۋ قىزمەتىنە قولداۋ كورسەتىلەدى، شۇعىل جاعدايعا توتەپ بەرىپ، حاۋىپتەن قۇتقارۋ جانە اپاتقا ۇشىراعان جۇرتشىلىققا كومەكتەسۋ قىزمەتىنە ءتۇيىندى تۇردە پايدالانىلادى.
حىبەي، ىشكى موڭعۇل، شاندۇڭ، حىنان قاتارلى 4 ولكەگە (اۆتونوميالى رايون) 69 ميلليون يۋان قاراجات ءبولىنىپ، قۋاڭشىلىقپەن كۇرەسىپ، اپاتتان قۇتقارۋ قىزمەتىنە قولداۋ كورسەتىلەدى، اۋىل – قالاشىقتاعى تۇرعىنداردىڭ اۋىز سۋ قيىنشىلىعىن شەشىم ەتۋ، شۇعىل جاعدايعا توتەپ بەرۋ بارىسىندا سۋ ساقتايتىن، سۋ تازارتاتىن، سۋمەن قامدايتىن قۇرىلعىلاردى ساتىپ الۋعا جانە مايعا الۋعا، قالا – اۋىل تۇرعىندارىنىڭ اۋىز سۋدان پايدالانۋىنا كەپىلدىك ەتەتىن قىزمەتكەرلەردى ۇيىمداستىرۋعا ءتۇيىندى تۇردە پايدالانىلادى.
فۋجيان، گۋاڭدۇڭ 2 ولكەگە 64 ميلليون يۋان قاراجات ءبولىنىپ، گەولوگيالىق اپاتتاردان قۇتقارۋ قىزمەتىنە قولداۋ كورسەتىلەدى، حاۋىپتى الاستاۋ قاتارلى شۇعىل جاعدايدى ءبىرجاقتى ەتۋ، قوسالقى اپاتتاردىڭ كومەسكى قاتەرىن ءبىر – بىرلەپ تەكسەرۋ جانە شۇعىل جاعدايدى جونگە سالۋ قاتارلى قىزمەتتەردى ورىستەتۋگە ءتۇيىندى تۇردە پايدالانىلادى.
