ورتالىق اسكەري ىستەر كوميتەتىنىڭ ساياسي قىزمەت ٴماجىلىسى يان ـ اندا اشىلدى
شي جينپيڭ ماجىلىسكە قاتىناستى ٴارى ماڭىزدى ٴسوز سويلەپ بىلاي دەپ باسا دارىپتەدى
جاڭا داۋىردە ارميانى ساياسي جاقتان قۇرۋ جالپى جوباسىن دايەكتىلەندىرىپ، تياناقتاندىرىپ، ارميانى قۇدىرەتتەندىرۋ ىسىنە پارمەندى ساياسي كەپىلدىك ازىرلەۋ كەرەك
6 ـ ايدىڭ 17 ـ كۇنىنەن 19 ـ كۇنىنە دەيىن ورتالىق اسكەري ىستەر كوميتەتىنىڭ ساياسي قىزمەت ٴماجىلىسى شانشيدىڭ يان ـ انىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى. سۋرەتتە: 6 ـ ايدىڭ 17 ـ كۇنى تۇستەن كەيىن شي جينپيڭ ماڭىزدى ٴسوز سويلەۋدە.
□ سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن
6 ـ ايدىڭ 17 ـ كۇنىنەن 19 ـ كۇنىنە دەيىن ورتالىق اسكەري ىستەر كوميتەتىنىڭ ساياسي قىزمەت ٴماجىلىسى شانشيدىڭ يان ـ انىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى. سۋرەتتە: 6 ـ ايدىڭ 17 ـ كۇنى تۇستەن كەيىن شي جينپيڭ اسكەري ىستەر كوميتەتى القاسىنداعىلاردى جانە ٴارقايسى تاراۋلاردىڭ، ورىنداردىڭ نەگىزگى جاۋاپتى جولداستارىن باستاپ ۋاڭجياپيڭ توڭكەرىستىك بايىرعى جۇرتىن ىزەت ـ قۇرمەتپەن كورۋدە.
□سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن
شينحۋا اگەنتتىگىنىڭ 6 ـ ايدىڭ 19 ـ كۇنى يان ـ اننان بەرگەن حابارى (ٴتىلشى مەي چاڭۋي). ورتالىق اسكەري ىستەر كوميتەتىنىڭ ساياسي قىزمەت ٴماجىلىسى 6 ـ ايدىڭ 17 ـ كۇنىنەن 19 ـ كۇنىنە دەيىن شانشيدىڭ يان ـ انىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى. شي جينپيڭ بىلاي دەپ باسا دارىپتەدى: پارتيانىڭ ارمياعا شارتسىز باسشىلىعىنان جازباي، جاڭا داۋىردە ارميانى ساياسي جاقتان قۇرۋ جالپى جوباسىن دايەكتىلەندىرىپ، تياناقتاندىرىپ، ارميانى ساياسي جاقتان قۇرۋ ٴداۋىر تالابىن مىقتاپ يگەرىپ، نازاردى ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدان قامال الۋ شايقاسىن ويداعىداي جۇرگىزۋگە شوعىرلاندىرىپ، تۇبەگەيلى وزىنە ـ ٴوزى توڭكەرىس جاساۋ رۋحىن ساۋلەلەندىرىپ، ساياسي جاقتان رەتتەۋ مەن تاربيەنى ۇزدىكسىز تەرەڭدەتىپ، ساياسيدا تاباندى، قابىلەتى ەرەن مىعىم پارمەندى پارتيا ۇيىمىن شىڭداپ، ادال، كىرشكسىز، جاۋاپكەرشىلىك ارقالايتىن، ارميانى قۇدىرەتتەندىرۋ اۋىر مىندەتىن ارقالاي الاتىن جوعارى ساپالى كادرلار قوسىنىن سومداپ، ارميانى قۇدىرەتتەندىرۋ ىسىنە پارمەندى ساياسي كەپىلدىك ازىرلەۋ كەرەك.
باۋتاشان تاۋىنىڭ باۋرايىنداعى يانحى وزەنىنىڭ جاعاسىنداعى توڭكەرىستىك قاسيەتتى جەر يان ـ اندا بارلىق جەر ماساتىداي قۇلپىرىپ، تىرشىلىك تىنىسى قاۋلادى. 6 ـ ايدىڭ 17 ـ كۇنى تۇستەن كەيىن ساعات 3 مولشەرىندە شي جينپيڭ اسكەري ىستەر كوميتەتى القاسىنداعىلاردى جانە ٴارقايسى تاراۋلاردىڭ، ورىنداردىڭ نەگىزگى جاۋاپتى جولداستارىن باستاپ ۋاڭجياپيڭ توڭكەرىستىك بايىرعى جۇرتىن ىزەت ـ قۇرمەتپەن كوردى. ۋاڭجياپيڭ _ 1937 ـ جىلى 8 ـ ايدان 1947 ـ جىلى 3 ـ ايعا دەيىن ورتالىق اسكەري ىستەر كوميتەتى تۇرعان جەر، يان ـ ان مەزگىلىندەگى پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ ماڭىزدى شەشىم جاساۋ جانە قولباسشىلىق ورتالىعى. ورتالىق اسكەري ىستەر كوميتەتىنىڭ جيىن زالىندا شي جينپيڭ ٴتۇسىندىرۋدى مۇقيات تىڭداپ، يان ـ ان مەزگىلىندەگى كەلەلى شايقاستاردى جوسپارلاۋ جانە قولباسشىلىق ەتۋ جاعدايى بەينەلەنگەن تاريحي سۋرەت كورسەتپەلەرىن كورىپ، پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ باسشىلىق اقىل ـ پاراساتى مەن ونەرىن سەزىندى. شي جينپيڭ ماۋ زىدۇڭ، جوۋ ىنلاي، جۋ دى قاتارلى اعا بۋىن توڭكەرىسشىلەردىڭ كونە تۇراعىنا كەلىپ، اعا بۋىن توڭكەرىسشىلەردىڭ يان ـ انداعى توڭكەرىستىك كەشىرمەلەرىن قايتا ەسكە ٴتۇسىرىپ، ولاردىڭ وشپەس ەڭبەگىن ەسكە الدى. ”تاۋلين الاڭىنان“ وتكەندە، شي جينپيڭ شانشي ـ گانسۋ ـ نيڭشيا شەكارا رايونىنىڭ قوس قولداۋ قوزعالىسىن جاسامپازدىقپەن ورىستەتۋ جاعدايىن ۇعىسىپ، سول جىلدارداعى توڭكەرىستىك ۇمىتكەرلىك رۋحقا تولى جاۋىنگەرلىك ٴومىردى كوپشىلىكپەن بىرگە ەسكە الدى. ورتالىق اسكەري ىستەر كوميتەتىنىڭ زالىندا، شي جينپيڭ تاريحي سۋرەتتەردى زەر سالا كورىپ، كوپشىلىكپەن ىشكەرىلەي پىكىر اۋىستىرىپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ بۇكىل ۇلتتىڭ جاپون شاپقىنشىلارىنا قارسى سوعىسقا جانە ازاتتىق سوعىسىنا باسشىلىق ەتكەن شۇعىلالى تاريحي بارىسىن ەسكە الدى. شي جينپيڭ بىلاي دەپ اتاپ كورسەتتى: 10 جىلدىڭ الدىندا ٴبىز گۋتيانعا بارىپ بۇكىل ارميانىڭ ساياسي قىزمەت ٴماجىلىسىن اشتىق، بۇگىن ٴبىز يان ـ انعا كەلىپ اسكەري ىستەر كوميتەتىنىڭ ساياسي قىزمەت ٴماجىلىسىن اشىپ، تاعى ٴبىر رەت توركىنىمىزدى، قاينارىمىزدى ىزدەدىك. جاڭا داۋىردەگى جاڭا جورىقتا مەملەكەتتى قۇدىرەتتەندىرۋدىڭ، ارميانى قۇدىرەتتەندىرۋدىڭ بولاشاعى جارقىن، مىندەتى جاپالى. بۇكىل ارمياداعى جوعارى دارەجەلى كادرلار اۋەلگى ماقساتتى، بورىشتى ەستە بەرىك ساقتاپ، يان ـ ان رۋحىن باستاماشىلدىقپەن اسقاقتاتىپ، توڭكەرىستىك شىڭدالۋدى باستاماشىلدىقپەن كۇشەيتىپ، پارتيا مەن حالىق جۇكتەگەن تاريحي اۋىر مىندەتتى ارقالاپ، قالىڭ وفيتسەر ـ اسكەرلەردى ىنتىماقتاستىرىپ جانە باستاپ ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدان قامال الۋ شايقاسىن ويداعىداي جۇرگىزىپ، ارميانى قۇدىرەتتەندىرۋ ٴىسىن ۇزدىكسىز العا ىلگەرىلەتۋى كەرەك.
وسىدان كەيىن، شي جينپيڭ جۇڭگو يان ـ ان كادرلار شۋەيۋانىنا بارىپ، قىزۋ قول شاپالاق ٴۇنى ىشىندە، ورتالىق اسكەري ىستەر كوميتەتى ساياسي قىزمەت ٴماجىلىسىنىڭ بارلىق ۋاكىلدەرىمەن ىستىق ىقىلاسپەن كەزدەسىپ، كوپشىلىكپەن بىرگە ەستەلىك سۋرەتكە ٴتۇستى.
شي جينپيڭ ماجىلىستە ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا 18 ـ قۇرىلتايىنان بەرى، پارتيا ورتالىق كوميتەتى باتىل شەشىم جاساپ، گۋتياندا بۇكىل ارميانىڭ ساياسي قىزمەت ٴماجىلىسىن اشىپ، ستيل دۇرىستاۋ رۋحىمەن ساياسي رەتتەۋ ـ تاربيەلەۋدى ىلگەرىلەتىپ، بۇلجىماي پارتيانى جاپپاي قاتاڭ باسقاردى، ارميانى جاپپاي قاتاڭ باسقاردى، بەكىمىنىڭ پارمەندىلىگى بۇرىن بولماعان، تەبىنىنىڭ كۇشتىلىگى بۇرىن بولماعان، جاڭا داۋىردە ارميانى ساياسي جاقتان قۇرۋدا تاريحي سيپاتتى جەتىستىككە قول جەتكىزدى. ەگەر ساياسي جاقتاعى توڭكەرىستىك شىڭدالۋ بولماسا، جاڭا داۋىردەگى حالىق ارمياسىنىڭ ۇلى وزگەرىسى دە بولماس ەدى.
شي جينپيڭ بىلاي دەپ باسا دارىپتەدى: پارتيا 18 ـ قۇرىلتايىنان بەرى، ٴبىز ارميانى ساياسي جاقتان قۇرۋ نازارياسى جونىندەگى ىزدەنىس پەن امالياتتىق جاسامپازدىقتى ىشكەرىلەي ىلگەرىلەتىپ، جاڭا داۋىردە ارميانى ساياسي جاقتان قۇرۋ جالپى جوباسىن قالىپتاستىرىپ، ارميانى ساياسي جاقتان قۇرۋدىڭ حالىق ارمياسىنىڭ ارميا قۇرۋىنىڭ نەگىزى ەكەندىگىن ايقىندادىق، ساياسي قىزمەتتىڭ ماڭگى ارميامىزدىڭ جان تامىرى ەكەندىگىن ايقىندادىق، ساياسي رەتتەۋ ـ تاربيەلەۋدە ساياسي جاقتاعى توركىنىن تۇزەپ، قاينارىن تازالاۋدى كورنەكتىلەندىرۋ كەرەكتىگىن ايقىندادىق، يدەيالىق باسشىلىقتى يگەرۋ بارلىق باسشىلىقتى يگەرۋدىڭ نەگىزى ەكەندىگىن ايقىندادىق، پارتيانىڭ كۇش ـ قۋاتى ۇيىمنان كەلەتىندىگىن، اسكەري ٴبولىمنىڭ ۇيىسۋ قۋاتى مەن جاۋىنگەرلىك قۋاتى ۇيىمنان كەلەتىندىگىن ايقىندادىق، مىلتىقتىڭ قاشاندا پارتياعا ادال، سەنىمدى ادامداردىڭ قولىندا بولۋى كەرەكتىگىن ايقىندادىق، قاتاڭ بولعاندا عانا زاڭ ـ ٴتارتىپتى دۇرىستاۋعا، قاتاڭ بولعاندا عانا ارميانىڭ ايبىنىن ارتتىرۋعا، قاتاڭ بولعاندا عانا جاۋىنگەرلىك قۋاتتى تاسقىنداتۋعا بولاتىندىعىن ايقىندادىق، ارميادا استە شىرىكتەسكەن ەلەمەنتتەردىڭ جاسىرىناتىن جەرى بولماۋى كەرەكتىگىن ايقىندادىق، ستيلى تاڭداۋلى بولعاندا عانا قاھارمان قوسىن سومداۋعا بولاتىندىعىن ايقىندادىق، ارميا مەن ۇكىمەت، ارميا مەن حالىق ىنتىماعى ارميامىزدىڭ جەڭىسكە جەتۋىنىڭ اسىلى ەكەندىگىن ايقىندادىق. جاڭا داۋىردە ارميانى ساياسي جاقتان قۇرۋ جالپى جوباسىن جاپپاي، دالمە ـ ٴدال ۇيرەنىپ، ٴتۇسىنىپ، مىزعىماي دايەكتىلەندىرۋ، تياناقتاندىرۋ ٴارى اماليات بارىسىندا ۇزدىكسىز بايىتۋ، دامىتۋ كەرەك.
شي جينپيڭ بىلاي دەپ اتاپ كورسەتتى: قازىر دۇنيە ٴجۇزى جاعدايىندا، مەملەكەت جاعدايىندا، پارتيا جاعدايىندا، ارميا جاعدايىندا كۇردەلى دە تەرەڭ وزگەرىستەر تۋىلۋدا، ارميامىزدىڭ ساياسي جاقتا ٴدوپ كەلگەن سىن ـ سىناقتارى توتەنشە كۇردەلى. ارميانى ساياسي جاقتان قۇرۋ سىندى ٴداۋىر تالابىن مىقتاپ يگەرىپ، ارميانى ساياسي جاقتان قۇرۋدى ٴبىر ٴسات تە توقتاتپاي ىلگەرىلەتىپ، حالىق ارمياسىنىڭ سيپاتىن، باستى ماقساتىن ماڭگى ساقتاۋىنا، قاشاندا جۇرەكتىلىكپەن شايقاس جۇرگىزىپ، ٴسوزسىز، جەڭىسكە جەتۋىنە، قاشاندا ىنتىماقتاسا كۇرەس جۇرگىزۋىنە، قاشاندا دارىندىلاردىڭ مولىنان شىعۋىنا، قاشاندا كىرشىكسىز، داڭقتى بولۋىنا، قاشاندا زاڭ ـ ٴتارتىبى قاتاڭ، ايقىن بولۋىنا شىنايى كەپىلدىك ەتىپ، جاڭا ٴداۋىر شارت ـ جاعدايىندا ارميامىزدىڭ ساياسي باسىمدىعىن ۇزدىكسىز كۇشەيتۋ كەرەك.
شي جينپيڭ كەزەكتەگى ارميانى ساياسي جاقتان قۇرۋدا شەشۋگە ٴتيىستى تەرەڭ قاتپارلى قايشىلىقتار مەن ماسەلەلەرگە ىشكەرىلەي تالداۋ جاسادى. ول بىلاي دەپ باسا دارىپتەدى: بۇل ماسەلەلەر ساياسي، يدەيا، ۇيىم، ستيل، ٴتارتىپ سياقتى جاقتاردا بەينەلەنەدى، ونىڭ تامىرى مۇرات ـ سەنىمدە، پارتيالىلىق جاقتان تاربيەلەۋدە، ۇلىقتىق احىلاق ـ ٴمورالدا، ٴار دارەجەلى، اسىرەسە، جوعارى دارەجەلى كادرلار وزىمەن شىنايى بايلانىستىرىپ، بەتىڭ ـ ٴجۇزىڭ دەمەي، ايىبىن اشىپ، كەمىستىگىن كورسەتەتىن باتىلدىقپەن، ٴتۇپ تامىرىن تەرەڭ قازاتىن، جان جۇيەسىن وياتاتىن پوزيتسيامەن، تەرەڭ تولعانىپ، مۇقيات رەتتەپ ـ تۇزەتىپ، يدەيالىق تامىرداعى ماسەلەنى ويداعىداي شەشىپ، ارميانى ساياسي جاقتان قۇرۋدىڭ تەرەڭدەۋىن، ناقتىلانۋىن ىلگەرىلەتۋى كەرەك.
شي جينپيڭ بىلاي دەپ اتاپ كورسەتتى: جاڭا جورىقتا ارميانى ساياسي جاقتان قۇرۋدى ىلگەرىلەتۋدە 6 جاقتاعى ٴتۇيىندى قىزمەتتى ويداعىداي يگەرۋ كەرەك. ٴبىرىنشى، يدەيانى وزگەرتۋدەگى سانالىلىق پەن تۇبەگەيلىلىكتى كۇشەيتۋ كەرەك. پارتيانىڭ جاسامپاز نازارياسىمەن قارۋلانۋدى ۇزدىكسىز ويداعىداي يگەرىپ، ٴتۇپ نۇسقانى وقۋعا، اۋەلگى ٴماتىندى ۇيرەنۋگە، قاعيدانى تۇسىنۋگە تاباندى بولىپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، جوعارى دارەجەلى كادرلاردىڭ تاربيەنى الدىمەن قابىلداۋىنا تاباندى بولىپ، ارميامىزدىڭ يدەيالىق ـ ساياسي تاربيە جۇيەسىنىڭ تياناقتانۋىن ىلگەرىلەتىپ، ٴىس جۇزىندىك ونىمدىلىكپەن ۇيرەنۋ جەتىستىگىن سىننان وتكىزۋ بەتالىسىن بەرىك ورناتۋ كەرەك. ەكىنشى، پارتيا ۇيىمىنىڭ باسشىلىق قابىلەتىن، ۇيىمداستىرۋ قابىلەتىن، اتقارۋ قابىلەتىن جوعارىلاتۋ كەرەك. ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن كۇشەيتىپ، سوعىسقا دايىندالۋ، سوعىس جۇرگىزۋ قابىلەتىن جوعارىلاتىپ، پارتيانىڭ باسشىلىعىن سوعىسقا دايىندالۋدىڭ، سوعىس جۇرگىزۋدىڭ ٴارقايسى سالاسىمەن جانە جالپى بارىسىمەن ساباقتاستىرۋ كەرەك. دەموكراتيالىق ورتالىقتاندىرۋ ٴتۇزىمىن قاتاڭ تياناقتاندىرىپ، پارتكومنىڭ كەڭەسۋ، شەشىم جاساۋ ەرەجەسىن ساپالىلاندىرىپ، كەلەلى شەشىم جاساۋ، اقىل ـ كەڭەس بەرۋ، باعالاۋ قىزمەتىن كۇشەيتۋ كەرەك. پارتكوم شۋجيلەرىنىڭ پارتيانى باسقارۋداعى، پارتيانى جونگە سالۋداعى ٴبىرىنشى جاۋاپتى ادام جاۋاپكەرشىلىگىن كۇشەيتۋ كەرەك. ٴۇشىنشى، كادرلار قوسىنى قۇرىلىسىن كۇشەيتۋ كەرەك. جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، ارميانىڭ جاقسى كادر ولشەمىن تولىق، دالمە ـ ٴدال ٴتۇسىنىپ، يگەرىپ، وسى ولشەمدى كادرلار قىزمەتىنىڭ ٴار بۋىنىندا جاپپاي تياناقتاندىرۋ كەرەك. كادرلاردى باعالاۋ قىزمەتىن جاقسارتىپ، ىستەگەن ىسىنەن ادامدى تانۋ وتكىرلىگى مەن دالدىگىن جوعارىلاتۋ كەرەك. تولىق تىزبەك بويىنشا قۇرۋدى يگەرۋ ۇستانىمىن دايەكتىلەندىرىپ، قولباسشىلىق قابىلەتى بار دارىندىلاردى باۋلۋدى ستراتەگيالىق مىندەت رەتىندە يگەرىپ، كادرلار قوسىنى قۇرىلىسىنىڭ تۇلعالىق رولىن جوعارىلاتۋ كەرەك. ٴتورتىنشى، شىرىكتەسۋ ٴوسىپ ـ ٴوربيتىن توپىراق پەن شارت ـ جاعدايدى الاستاۋ كەرەك. قاتاڭدىق نەگىزگى اۋەنىنەن اۋىتقىماۋعا تاباندى بولىپ، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرىپ، جۇيەلى باسقارىپ، پارتكومنىڭ تۇلعالىق جاۋاپكەرشىلىگىن، ٴتارتىپ تەكسەرۋ كوميتەتىنىڭ باقىلاۋ ـ قۋزاۋ جاۋاپكەرشىلىگىن، كاسىپتىك تاراۋلاردىڭ پاكتىك ىستەرىن باسقارۋ جاۋاپكەرشىلىگىن ساباقتاستىرىپ، ناقتىلاندىرىپ، شىرىكتەسۋگە قارسى تۇرۋ كۇرەسىنىڭ تەرەڭدىگىن، كەڭدىگىن كەڭەيتۋ كەرەك. ۇقىقتى ورنالاستىرۋدى جانە جۇرگىزۋدى تەجەۋ مەحانيزمىن كەمەلدەندىرىپ، جاڭاشا شىرىكتەسۋ مەن جاسىرىن شىرىكتەسۋدى جازالاۋدىڭ قۇرال ساندىعىن بايىتىپ، جوعارى دارەجەلى كادرلاردىڭ قىزمەت مىندەتىن وتەۋىن، ۇقىقتان پايدالانۋىن جان ـ جاقتى باقىلاۋ ـ باسقارۋدى كۇشەيتۋ كەرەك. بەسىنشى، ٴىس تىندىرىپ، ناتيجە شىعارۋ رۋحاني كۇيىن سەرپىلتۋ كەرەك. ناتيجەنى عىلمي تەكسەرۋ، باعالاۋ جۇيەسىن ورناتىپ، فورماشىلدىق، تورەشىلدىك ماسەلەلەرى ٴتىزىمىن يكەمدى جاڭالاپ، ”بەس كوپ بولۋدى“ ىشكەرىلەي تۇزەتىپ، جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ كەرەك. اسكەريلەردىڭ مامىلەسىن قامتاماسىز ەتۋ سياقتى ساياساتتى، ٴتۇزىمدى تياناقتاندىرۋدىڭ ”ەڭ سوڭعى ٴبىر كيلومەترىن“ ىركىلىسسىزدەندىرىپ، نەگىزگى ساتىنىڭ قيىنشىلىعىن شەشۋگە شىن مانىندە كومەكتەسىپ، وفيتسەر ـ اسكەرلەردىڭ تابىس سەزىمىن جانە تاۋەلدىلىك سەزىمىن كۇشەيتۋ كەرەك. التىنشى، ساياسي قىزمەتتىڭ تاڭداۋلى ٴداستۇرىن قالپىنا كەلتىرۋ جانە ساۋلەلەندىرۋ كەرەك. شىندىقتى ٴىس جۇزىنەن ىزدەۋگە تاباندى بولۋ، ايتىپ ۇيرەتكەننەن ىستەپ ۇيرەتۋ ۇتىمدى بولادى دەگەنگە تاباندى بولۋ، ٴار دارەجەلى، اسىرەسە، جوعارى دارەجەلى كادرلار ٴوزى ونەگە بولىپ، باستاماشىلدىقپەن ۇلگى كورسەتىپ، ىسىلعان ستيلمەن جانە وبرازبەن اسكەري ٴبولىمدى جىگەرلەندىرۋى، جەتەكتەۋى كەرەك.
شي جينپيڭ بىلاي دەپ باسا دارىپتەدى: ارميانى ساياسي جاقتان قۇرۋدى ىلگەرىلەتۋ _ بۇكىل ارميانىڭ ورتاق جاۋاپكەرشىلىگى، اسكەري ىستەر كوميتەتى ٴبىر تۇتاس باسشىلىقتى كۇشەيتىپ، اسكەري ىستەر كوميتەتى ساياسي قىزمەت ٴبولىمى، ٴتارتىپ تەكسەرۋ كوميتەتى، ساياسي ـ زاڭ كوميتەتى سايكەسۋدى، سەلبەسۋدى كۇشەيتىپ، ٴارقايسى ورىندار، ٴارقايسى تاراۋلار مىندەت اتقارىپ، جاۋاپكەرشىلىگىن ادا ەتىپ، ارميانى ساياسي جاقتان قۇرۋ جاڭا جاعدايىن قۇلشىنا اشىپ، پارتيامىز باسشىلىعىنداعى وسى قاھارمان ارميانى ٴتىپتى دە قۇدىرەتتى ەتىپ شىڭداپ، ارميا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋى كەرەك.
وسى رەتكى ورتالىق اسكەري ىستەر كوميتەتىنىڭ ساياسي قىزمەت ٴماجىلىسىن شي جينپيڭ ٴوزى شەشىم جاساپ اشتى. ٴماجىلىس شي جينپيڭنىڭ ماڭىزدى سوزدەرىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، جاڭا داۋىردەگى جاڭا جورىقتا ارميانى ساياسي جاقتان قۇرۋدى ىلگەرىلەتۋگە قاتىستى كەلەلى ماسەلەلەر جونىندە زەرتتەۋ جۇرگىزىپ، ورنالاستىرۋ جاسادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق اسكەري ىستەر كوميتەتىنىڭ ورىنباسار ٴتوراعالارى جاڭ يوۋشيا، حى ۋيدۇڭ، ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين ماجىلىسكە قاتىناستى. اسكەري ىستەر كوميتەتى ورگانىنىڭ ٴارقايسى ٴبولىم ـ كوميتەتتەرىنىڭ، اسكەري ىستەر كوميتەتىنە توتە قاراستى قۇرىلىمداردىڭ، اسكەري ىستەر كوميتەتى بىرلەسكەن قولباسشىلىق شتابىنىڭ، ٴارقايسى سوعىس رايونىنىڭ، ٴارقايسى ارميا ـ اسكەر ٴتۇرىنىڭ، اسكەري ىستەر كوميتەتىنە توتە قاراستى ورىنداردىڭ، قارۋلى ساقشى ٴبولىمىنىڭ نەگىزگى جاۋاپتى جولداستارى، ت. ب ماجىلىسكە قاتىناستى.
