ءتىلشىنىڭ مەملەكەتتىك ءورت ءوشىرۋ – قۇتقارۋ مەكەمەسىنەن ۇعىسۋىنشا، 6 – ايدىڭ 18 – كۇنى ساعات 10 دا، ەلىمىز بويىنشا ءارقايسى ولكەلەردەگى (اۆتونوميالى رايون، توتە قاراستى قالا) ءورت ءوشىرۋ – قۇتقارۋ باس اترەتتەرى ءوزى تۇرعان ورىنداعى ءورت ءوشىرۋ – قۇتقارۋ مەكەمەسىنىڭ ماڭدايشالىعىن قوسا ءىلدى. 31 ولكە دارەجەلى ءورت ءوشىرۋ – قۇتقارۋ مەكەمەسىنىڭ ءبىرتۇتاس ماڭدايشالىق ءىلۋى ءورت ءوشىرۋ – قۇتقارۋ باس اترەتىنىڭ، بولىمشە اترەتىنىڭ، ۇلكەن اترەتىنىڭ جەرگىلىكتى ورىنداعى ولكە، قالا، اۋدان سىندى ءۇش دارەجەلى ءورت ءوشىرۋ – قۇتقارۋ مەكەمەسىنىڭ ماڭدايشالىعىن قوسا ءىلۋ قىزمەتىنىڭ رەسمي باستالعانىن كورسەتەدى.
بۇدان بىلاي، ءار دارەجەلى ءورت ءوشىرۋ – قۇتقارۋ اترەتتەرى جەرگىلىكتى ورىنداعى پارتكوم مەن ۇكىمەت قىزمەتىنىڭ زور اۋقىمىمەن اناعۇرلىم ويداعىداي توعىسىپ، قاراستى ورىننىڭ ءورت ءوشىرۋدى باقىلاۋ – باسقارۋ جاعىنداعى قىزمەت جاۋاپكەرشىلىگىن ارقالايدى، جەرگىلىكتى ورىنداعى ۇكىمەتتىڭ ارناۋلى مىندەتتى ءورت ءوشىرۋ اترەتىن جۇيەگە ءتۇسىرەدى، كوركەيتەدى جانە باسقارادى، ءورت ءوشىرۋ جاعىنداعى زاڭ اتقارۋدى جۇيەگە ءتۇسىرۋ قۇرىلىسىن جاپپاي تياناقتاندىرىپ، ءورت ءوشىرۋ حاۋىپسىزدىگىن جونگە سالۋ فورماسىنىڭ ىستەن بۇرىن ساقتانۋ فورماسىنا قاراي بۇرىلىس جاساۋىن ىلگەرىلەتىپ، جەرگىلىكتى ورىننىڭ ەكونوميكاسى مەن قوعامىنىڭ دامۋىنا اناعۇرلىم ويداعىداي قىزمەت وتەيدى.
ۇعىسۋعا قاراعاندا، بۇكىل ەلىمىز بويىنشا قالا، اۋدان سىندى ەكى دارەجەدەگى ءورت ءوشىرۋ – قۇتقارۋ مەكەمەلەرىنە ماڭدايشالىق ءىلۋ قىزمەتى 6 – ايدىڭ سوڭىنان بۇرىن توپقا ءبولىپ تۇگەلدەي ورىندالادى. (باس ستانسيا ورتالىق تەلەۆيزيا ءتىلشىسى زىڭ ۋىنفۋ)
