شينحۋا اگەنتتىگى، 6 - ايدىڭ 18 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، قۋاڭشىلىققا قارسى اتتانۋ قىزمەتى جونىندە ماڭىزدى نۇسقاۋ بەردى.
شي جينپيڭ بىلاي دەپ اتاپ كورسەتتى: جۋىقتا وڭتۇستىكتىڭ كوپ جەرىندە ءۇرتىس نوسەر جاۋىپ، گۋاڭدۇڭ، فۋجيان سياقتى جەرلەردە تاسقىن جانە گەولوگيالىق اپات تۋىلىپ، ءولىم - ءجىتىم جانە مال - مۇلىك شىعىنى تۋىلىپ، سولتۇستىكتىڭ ءىشىنارا وڭىرلەرىندە قۋاڭشىلىق جاعدايى جەدەل اسقىنىپ، وڭتۇستىكتە سەل ءجۇرىپ، سولتۇستىكتە قۋاڭشىلىق بولۋ ەرەكشەلىگى كورنەكتى بولدى.
شي جينپيڭ مىنالاردى تالاپ ەتتى: اپات جاعدايىنا بار كۇشپەن توتەپ بەرىپ، دەرەكسىز كەتكەندەردى، قامالىپ قالعانداردى مۇمكىندىكتىڭ بارىنشا ىزدەستىرىپ جانە قۇتقارىپ، اپاتقا ۇشىراعان بۇقارانى لايىقتى ورنالاستىرىپ، قالىپتى ءوندىرىس، تۇرمىس ءتارتىبىن قامتاماسىز ەتىپ، اپات زيانىن مۇمكىندىكتىڭ بارىنشا ازايتۋ كەرەك.
شي جينپيڭ بىلاي دەپ باسا دارىپتەدى: ەلىمىزدىڭ نەگىزگى تاسقىن مەزگىلىنە جاپپاي قادام تاستاۋىنا بايلانىستى، تاسقىننان ساقتانۋ جاعدايى كۇن سايىن اۋىرلاي ءتۇستى، جەر - جەر جانە قاتىستى تاراۋلار حاۋىپ - قاتەر تانىمىن، تومەنگى شەكتە ويلاۋدى اناعۇرلىم كۇشەيتىپ، جاۋاپكەرشىلىكتى ناقتىلاندىرىپ، ءبىر تۇتاس جوسپارلاۋدى كۇشەيتىپ، تاسقىننان ساقتانۋ، قۋاڭشىلىققا قارسى اتتانۋ، قاتەردەن اراشالاۋ، اپاتتان قۇتقارۋ قىزمەتتەرىن تىڭعىلىقتى ويداعىداي ىستەۋى كەرەك. اپاتتى باقىلاۋ - ولشەۋدى، ساقتاندىرۋدى كۇشەيتىپ، حاۋىپ - قاتەردى، كومەسكى قاتەرلەردى ءبىر - بىرلەپ تەكسەرىپ، جابدىقتاردى، زاتتىق ماتەريالداردى تولىق دايىنداپ، قىزمەت جوباسىن كەمەلدەندىرىپ، ءتۇرلى توسىن وقيعالارعا پارمەندى، ءونىمدى توتەپ بەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق جالپى جاعدايدىڭ ورنىقتىلىعىن شىنايى قامتاماسىز ەتۋ كەرەك.
