1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

ورتالىق كوميتەت كەڭسەسى، مەملەكەتتىك كەڭەس كەڭسەسى «ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلەردى كورسەتۋ، باعالاۋ قىزمەتىن ويداعىداي ىستەۋ جونىندەگى حابارلاندىرۋدى» باسىپ تاراتتى

日期:2024年06月20日
来源:天山网
【字体:

شينحۋا اگەنتتىگىنىڭ 6 ـ ايدىڭ 18 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلەردى كورسەتۋ، باعالاۋ قىزمەتىن ويداعىداي ىستەۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىندى) باسىپ تاراتتى. «حابارلاندىرۋدا» ”پارتيا ورتالىق كوميتەتى، مەملەكەتتىك كەڭەس بيىل تۇڭعىش رەت پارتيا ورتالىق كوميتەتى، مەملەكەتتىك كەڭەس اتىنان ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلەردى ماداقتاۋ ـ سيلاۋدى ورىستەتۋدى ۇيعاردى“ دەپ اتاپ كورسەتىلدى.

«حابارلاندىرۋدا» كورسەتۋ، باعالاۋ قىزمەتىنىڭ جالپى تالابى ايقىندالدى. جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە ورتالىقتىڭ ۇلت قىزمەتى ٴماجىلىسىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ باعالاۋ، ماداقتاۋ ـ سيلاۋ قىزمەتىنە باسشىلىعىنا تاباندى بولىپ، ساياسي ولشەمگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋ تالابىن كورنەكتىلەندىرىپ، ناقتى ناتيجەنى باعدار ەتۋدى كورنەكتىلەندىرىپ، 2019 ـ جىلى ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلەردى ماداقتاپ ـ سيلاعاننان بەرگى ەلىمىزدىڭ ۇلتتار ىنتىماعى، العاباسارلىعى ىستەرىندە قول جەتكەن تابىستار مەن تاجىريبەلەردى مۇقيات قورىتىندىلاپ، جەر ـ جەردە، ٴار سالا، ٴار كاسىپتە جارىققا شىققان ۇلتتار ىنتىماعىنداعى، العاباسارلىعىنداعى ۇلگىلەردى باعالاپ، ماداقتاپ ـ سيلاپ، ىزگى ىستەردى كەڭىنەن ۇگىتتەپ، ٴار ۇلت حالقىن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ تۇردە شىنايى مويىنداپ، جاڭا جورىقتا ىنتىماقتاسا ەكپىندەي ىلگەرىلەپ، جاڭا داۋىردە بەلسەنە ۇلەس قوسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا قاجىماي ـ تالماي كۇرەس جۇرگىزۋگە جەتەكتەۋ كەرەك.

«حابارلاندىرۋدا» كورسەتۋ، باعالاۋ كولەمى مەن شارتى ايقىندالدى. 2019 ـ جىلدان بەرى ەلىمىزدىڭ ۇلتتار ىنتىماعى، العاباسارلىعى ىستەرىنە كورنەكتى ۇلەس قوسقان ۇلگىلى كوللەكتيۆتەر مەن ۇلگىلى جەكەلەردىڭ كورسەتىلۋىنە بولادى، شارتقا ۇيلەسەتىن قايتىس بولعاندارعا تولىقتاپ بەرۋگە بولادى. كورسەتىلەتىن وبيەكتىلەر جۇڭحۋا ۇلتى ورتاق تۇلعا تانىمىن بەرىك ورناتۋعا قاتىستى ٴتۇرلى مىندەتتەردىڭ تياناقتانۋىن ىلگەرىلەتۋدە، جۇڭحۋا ۇلتى ورتاق تۇلعا تانىمى قۇرىلىسىن كۇشەيتۋدە كورنەكتى ناتيجەگە قول جەتكىزگەن بولۋى كەرەك. ناقتى ايتقاندا، جۇڭحۋا ۇلتىنىڭ ورتاق رۋحاني مەكەنىن قۇرۋدا، جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى نازاريالىق زەرتتەۋ مەن ۇگىت ـ تاربيەنى ىشكەرىلەي ورىستەتۋدە، ۇلتتار وڭىرلەرىنىڭ جوعارى ساپالى دامۋىن ىلگەرىلەتۋدە، مەملەكەتتىڭ تۇتاستىعىن قورعاۋدا جانە بولشەكتەۋگە قارسى تۇرۋدا، باعىتتامالى كومەكتەسۋ مەن باتىس، شىعىس بولىكتەگى وڭىرلەردىڭ ىستەستىگىن ىلگەرىلەتۋدە، ۇلتتاردىڭ ارالاسۋىن، ىشتەسۋىن، توعىسۋىن جەبەۋدە، ۇلت ىستەرىن باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋدە، ۇلت سالاسىنداعى حاۋىپ ـ قاتەرلەر مەن كومەسكى كىناراتتاردان ٴونىمدى ساقتانۋدا جانە ونى جويۋدا، ۇلتتار وڭىرلەرىنىڭ نەگىزگى ساتى ۇيىمدىق جانە اكىميات قۇرىلىسىن كۇشەيتۋدە، سونداي ـ اق باسقا دا جاقتاردا كورنەكتى ۇلەس قوسقان كوللەكتيۆتەر مەن جەكەلەردى قامتيدى.

«حابارلاندىرۋدا» كورسەتۋ، باعالاۋ ٴتارتىبى مەن قىزمەت تالاپتارى ايقىندالدى. ۇيىمدىق باسشىلىقتى كۇشەيتىپ، دەن قويا ۇيىمداستىرىپ، اتقارىپ، پارتكومنىڭ (پارتيا باسشىلىق گرۋپپاسى) باسشىلىق جانە وتكەلدى يگەرۋ رولىن شىن مانىندە ساۋلەلەندىرۋ كەرەك. بەلگىلەنگەن ولشەمگە، شارتقا جانە تارتىپكە قاتاڭ نەگىزدەلىپ، كورسەتىلەتىن وبيەكتىلەردىڭ ساياسي ساپاسىن، باستى ناتيجەسىن جانە بۇقارانىڭ قۇپتاۋ جاعدايىن جاپپاي تەكسەرىپ، كورسەتىلەتىن وبيەكتىلەردىڭ العاباسارلىق سيپاتىنا، ۋاكىلدىك سيپاتىنا جانە داۋىرلىك سيپاتىنا شىنايى كەپىلدىك ەتۋ كەرەك. دەموكراتيانى تولىق ساۋلەلەندىرىپ، پىكىرلەردى كەڭىنەن تىڭداپ، بۇقارانىڭ باعاسىنا دەن قويىپ، جاريا، ٴادىل، تۋراشىل بولۋعا شىنايى كەپىلدىك ەتۋ كەرەك.