شينحۋا اگەنتتىگى، 6 - ايدىڭ 13 – كۇنى، بەيجيڭ (ءتىلشى جۋ چاۋ). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 6 - ايدىڭ 13 - كۇنى بەيجيڭدە ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق ۇگىت - تاربيە ءبولىمىنىڭ باستىعى رۋان جۇڭ - ي باستاعان ۋاكىلدەر ۇيىرمەسىندەگىلەرمەن كەزدەستى.
ۋاڭ حۋنيڭ بىلاي دەپ اتاپ كورسەتتى: بىلتىر 12 - ايدا باس شۋجي، مەملەكەت ءتوراعاسى شي جينپيڭ مەملەكەت ءتوراعاسى رۋان فۋجۇڭمەن بىرگە ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن ورناتۋدى جاريالاپ، جاڭا داۋىردەگى ەكى پارتيا، ەكى ەل قارىم - قاتىناسىنىڭ جاڭا ورنىن تۇراقتاندىردى. جۇڭگو مەن ۆيەتنام ەكى جاق ەكى پارتيانىڭ باس شۋجيلەرىنىڭ ستراتەگيالىق جەتەكشىلىگىندە تاباندى بولىپ، جۇڭگو مەن ۆيەتنامنىڭ تاعدىرلاس ورتاق تۇلعاسى قۇرىلىسىنىڭ تەرەڭدەۋىن، ناقتىلانۋىن ىلگەرىلەتۋى كەرەك. جۇڭگو مەملەكەتتىك ساياسي كەڭەسى بۇعان بەلسەندى ۇلەس قوسۋدى قالايدى.
رۋان جۇڭ - ي مىنانى ءبىلدىردى: ۆيەتنام جاق جۇڭگو جاقتىڭ ۆيەتنام توڭكەرىسى مەن قۇرىلىس ىستەرىنە كورسەتكەن قاستەرلى قولداۋىنا شىن جۇرەكتەن العىس ايتادى، ”جولداس ۇستىنە باۋىرلاس بولۋ“، ”ەڭ الدىمەن ويلاستىرۋ“ رۋحى مەن پرينسيبى بويىنشا ەكى پارتيا، ەكى ەل قارىم - قاتىناسىن ىلگەرىلەتۋدەن جازباي، ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسى قۇرىلىسىن تاباندىلىقپەن ىلگەرىلەتەدى. ۆيەتنام جاق ءبىر جۇڭگو پرينسيبىن باتىل اتقارادى، ءارقانداي فورماداعى ”تايۋان دەربەستىگىنە“ باتىل قارسى تۇرادى، جۇڭگو ورتاعا قويعان دۇنيە جۇزىلىك كەلەلى باستامالاردى قولدايدى، جۇڭگونىڭ دۇنيە ءجۇزىنىڭ بەيبىتشىلىگى مەن العا باسۋىن جەبەپ، ادىلدىك، ادىلەتتىلىك ىستەرىندە ماڭىزدى ماڭىزدى رول اتقارۋىن قولدايدى.
شى تايفىڭ، ۋاڭ دۇڭفىڭ كەزدەسۋدە بىرگە بولدى.
