حالىق گازەتىنىڭ ءتىلشىسى كوۋ جياڭزى 6 – ايدىڭ 13 – كۇنى بەيجيڭنەن حابارلايدى. ءتىلشىنىڭ ەكولوگيالىق ورتانى قورعاۋ مينيسترلىگىنەن ۇعىسۋىنشا، ورتالىقتىڭ ەكولوگيالىق ورتانى قورعاۋ ىستەرىن باقىلاۋعا جاۋاپتى بولعان 3 – كەزەكتى 2 – توپتاعى گرۋپپالارى ورنالاسۋ كەزەڭىندەگى قىزمەتتەردى تولىق ورىنداپ بولعان. 6 – ايدىڭ 9 – كۇنىنە دەيىن، ءارقايسى باقىلاۋ گرۋپپالارى تەلەفون، حات ارقىلى بۇقارادان كەلگەن 38773 اشكەرەلەۋدى تاپسىرىپ العان، 32781 رەتكى شىن اشكەرەلەۋدى بىتىرۋگە قابىلداعان، رەتتەۋ جانە قايتالانعان مازمۇنداردى بىرىكتىرۋ ارقىلى 24314 ماسەلەنى قاتىستى ولكەلەردىڭ (توتە قاراستى قالالاردىڭ) بىتىرۋىنە جوتكەپ بەرگەن. قاتىستى ولكەلەر (توتە قاراستى قالالار) 14692 ماسەلەنى ءبىتىرىپ بولعان نەمەسە بىتىرۋدە. مۇندا، 2258 ماسەلە جونىندە دەلو تۇرعىزىلىپ، جازالاۋ اتقارىلعان، 77 ماسەلە جونىندە دەلو تۇرعىزىلىپ تەكسەرۋ جۇرگىزىلگەن؛ پارتيا – ۇكىمەت ورىندارىنداعى باسشى كادرلەردەن 877 ادامدى شاقىرىپ سويلەسكەن، پارتيا ۇكىمەت ورىندارىنداعى باسشى كادرلەردەن 208 ادامنىڭ جاۋاپكەرشىلىگىن قۋزاستىرعان.
ورتالىقتىڭ ەكولوگيالىق ورتانى قورعاۋ ىستەرىن باقىلاۋعا جاۋاپتى بولعان 3 – كەزەكتى 2 – توپتاعى گرۋپپالارىنان 7 گرۋپپا 5 – ايدىڭ 7 – كۇنىنەن 9 – كۇنىنە دەيىن شاڭحاي، جىجياڭ، جياڭشي، حۋبەي، حۋنان، چۇڭچيڭ، يۇننان قاتارلى 7 ولكەگە ورنالاسىپ، وزەن الابى بويىنشا باقىلاۋ جۇرگىزۋ مەن ولكە بويىنشا باقىلاۋ جۇرگىزۋدى ءبىرتۇتاس جوسپارلاپ ورىستەتكەن.
