شينحۋا اگەنتتىگى، 6 - ايدىڭ 13 – كۇنى، بەيجيڭ. جۋىقتا جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى «بۇكىل ەلدەگى پارتيا، ۇكىمەت باسشىلىق القاسى قۇرىلىسى جوبا باعدارلاماسىن (2024 − 2028 - جىلدار)» (تومەندە قىسقاشا «جوبا باعدارلاماسى» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبا باعدارلاماسى» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاڭا ءداۋىر، جاڭا جورىقتاعى پارتيانىڭ بورىشى مەن مىندەتىن ارقاۋ ەتىپ، 2024 - جىلدان 2028 - جىلعا دەيىنگى بۇكىل ەلدىڭ پارتيا، ۇكىمەت باسشىلىق القالارى قۇرىلىسىنا جۇيەلى جوبا جاسادى، بۇل − ءار دارەجەلى پارتيا، ۇكىمەت باسشىلىق القالارى قۇرىلىسىن جوعارى ساپامەن ىلگەرىلەتۋدىڭ جەتەكشى قۇجاتى.
«جوبا باعدارلاماسىندا» مىنالار العا قويىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن ادالدىقپەن امالياتتا ايگىلەيتىن، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تاباندىلىقپەن دايەكتىلەندىرەتىن، تياناقتاندىراتىن، ءداۋىردىڭ ماڭىزدى مىندەتىن ارقالاي الاتىن پارمەندى باسشىلىق كوللەكتيۆىن قۇرىپ، جۇڭگو ۇلگىسىندەگى وسىزامانداندىرۋمەن مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى ۇيىمدىق كەپىلدىك ازىرلەۋ كەرەك. نازاردى ”ەكىنى قورعاۋعا“ شوعىرلاندىرىپ، پارتيانىڭ ساياسي قۇرىلىسىن كۇشەيتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ساياسي ادالدىقتى بەرىك ورناتىپ، ساياسي قابىلەتتى جوعارىلاتىپ، دەموكراتيالىق ورتالىقتاندىرۋ ءتۇزىمىن قاتاڭ اتقارۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن تىلەك توعىستىرىپ، رۋح سومداۋدان بۇلجىماي، پارتيانىڭ جاسامپاز نازارياسىمەن قارۋلانۋدى كۇشەيتىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدا، تانىمنىڭ، سەنىمنىڭ، ارەكەتتىڭ بىرلىگىندە تاباندى بولۋ كەرەك. باسشىلىق القانى ويداعىداي تاڭداپ، كۇشەيتىپ، ءبىرىنشى باسشىنى ءتۇيىندى تۇردە ويداعىداي تاڭداپ، جاس قۇرىلىمىن ساپالىلاندىرىپ، ماماندىق قۇرىلىمىن جاقسارتىپ، كەلۋ قاينارىن، كەشىرمە قۇرىلىمىن كەمەلدەندىرىپ، ۇزدىك جاس كادرلاردى باۋلۋدى، تاڭداپ ءوسىرۋدى ۇدايىلاندىرۋ قىزمەت مەحانيزمىن اقاۋسىزداندىرىپ، ايەل كادرلاردى، از ۇلت كادرلارىن جانە پارتيا سىرتىنداعى كادرلاردى ۇيلەسىمدى سەپتەۋ كەرەك. وسىزامانداندىرۋ قۇرىلىسىنا باسشىلىق ەتۋ قابىلەتىن بارىنشا جوعارىلاتىپ، مىندەت وتەۋ قابىلەتىن جەتىلدىرۋدى كۇشەيتىپ، امالياتتىق شىنىعۋدى كۇشەيتىپ، كۇرەس رۋحى مەن كۇرەس قابىلەتىن جەتىلدىرۋدى كۇشەيتۋ كەرەك. جاۋاپكەرلىك ارقالاۋعا ىنتالاندىرىپ، حالىقتى باقىتقا كەنەلتىپ، دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، جاۋاپكەرلىك ارقالاۋعا، ىسكەرلىك كورسەتۋگە ىنتالاندىرۋ جانە قورعاۋ مەحانيزمىن كەمەلدەندىرۋ كەرەك. ستيلدى دۇرىستاۋدى، ءتارتىپتى قاتايتۋدى قاتاڭ اۋەنمەن كۇشەيتىپ، شىندىققا جۇگىنىپ، ناقتى ءىس ىستەۋ ستيلىن بارىنشا ساۋلەلەندىرىپ، پارتيا ستيلى، پاكتىك قۇرىلىسىن ىشكەرىلەي ىلگەرىلەتۋ كەرەك.
«جوبا باعدارلاماسىندا» مىنالار باسا دارىپتەلدى: ءار دارەجەلى پارتكومدار (پارتيا باسشىلىق گرۋپپالارى) − ءوز ءوڭىرىنىڭ، ءوز تاراۋىنىڭ باعدارلامانى تياناقتاندىرۋداعى جاۋاپكەرلىك تۇلعالارى، ءتۇرلى مىندەتتەردىڭ تياناقتانۋىن ىلگەرىلەتۋى كەرەك.
