شي جينپيڭ جاۋاپ حات قايتارىپ، سىچۋان ولكەسى نانچۇڭ قالاسى جياليڭ رايونى جىجياڭ باستاۋىش مەكتەبىنىڭ وقۋشىلارىن جىگەرلەندىردى
احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى جەتىلۋگە تاباندى بولىپ، پارتيانى سۇيەتىن، وتاندى سۇيەتىن، ٴوز كۇشىنە سۇيەنىپ ٴوزىن الۋەتتەندىرەتىن، قايراتتانا ورگە ۇمتىلاتىن جاڭا ٴداۋىردىڭ جاقسى ورەندەرى بولۋعا تالپىنىڭدار
بۇكىل ەلدەگى بالدىرعانداردىڭ ”1 ـ ماۋسىم“ حالىقارالىق بالالار مەرەكەسىن قۇتتىقتادى
جاۋاپ حات
سىچۋان ولكەسى نانچۇڭ قالاسى جياليڭ رايونى جىجياڭ باستاۋىش مەكتەبىندەگى وقۋشىلار:
سالەمەتسىڭدەر مە! حاتتارىڭدى وقىپ، 20 جىلدىڭ الدىندا مەكتەپتەرىڭنىڭ ىرگەتاسىن قالاعان كورىنىستى ەسكە الدىم. وسىناۋ جىلداردا مەكتەپتەرىڭنىڭ بارعان سايىن جاقسى باسقارىلىپ، وقۋشىلاردىڭ قاجىرلىلىقپەن ۇيرەنىپ، ەڭبەكتى قىزۋ ٴسۇيىپ، سالامات تا كوڭىلدى ەسەيىپ كەلە جاتقاندىعىنان حاباردار بولىپ، قاتتى قۋاندىم.
وسپىرىمدەر مەن بالالار _ وتاننىڭ بولاشاعى. مەكەنىمىزدى جاقسى كوركەيتىپ، ەلىمىزدى جاپپاي سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ سەندەردەي ۇرپاقتاردىڭ كۇش جالعاپ كۇرەس جاساۋىن قاجەت ەتەدى. وقۋشىلاردىڭ اسقاق مۇرات ورناتىپ، تاماشا شاقتى قاستەرلەپ، احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى جەتىلۋگە تاباندى بولىپ، پارتيانى سۇيەتىن، وتاندى سۇيەتىن، ٴوز كۇشىنە سۇيەنىپ ٴوزىن الۋەتتەندىرەتىن، قايراتتانا ورگە ۇمتىلاتىن جاڭا ٴداۋىردىڭ جاقسى ورەندەرى بولۋعا تالپىنىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى مىندەتىن ارقالاي الاتىن تىرەكتى دارىندى بولىپ ەسەيۋگە قۇلشىنۋىن ٴۇمىت ەتەمىن.
”1 ـ ماۋسىم“ حالىقارالىق بالالار مەرەكەسى كەلىپ جەتتى، سەندەردىڭ، بۇكىل ەلدەگى بالدىرعانداردىڭ مەرەكەسىن قۇتتىقتايمىن!
شي جينپيڭ
2024 ـ جىلى 5 ـ ايدىڭ 30 ـ كۇنى
(شينحۋا اگەنتتىگىنىڭ 5 ـ ايدىڭ 31 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 5 ـ ايدىڭ 31 ـ كۇنى بەيجيڭنەن بەرگەن حابارى. ” 1ـ ماۋسىم“ حالىقارالىق بالالار مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 5 ـ ايدىڭ 30 ـ كۇنى سىچۋان ولكەسى نانچۇڭ قالاسى جياليڭ رايونى جىجياڭ باستاۋىش مەكتەبىنىڭ وقۋشىلارىنا جاۋاپ حات قايتارىپ، ولاردى ىقىلاسپەن جىگەرلەندىردى ٴارى ولاردىڭ جانە بۇكىل ەلدەگى وسپىرىمدەر مەن بالالاردىڭ مەرەكەسىن قۇتتىقتادى.
شي جينپيڭ جاۋاپ حاتىندا بىلاي دەدى: حاتتارىڭدى وقىپ، 20 جىلدىڭ الدىندا مەكتەپتەرىڭنىڭ ىرگەتاسىن قالاعان كورىنىستى ەسكە الدىم. وسىناۋ جىلداردا مەكتەپتەرىڭنىڭ بارعان سايىن جاقسى باسقارىلىپ، وقۋشىلاردىڭ قاجىرلىلىقپەن ۇيرەنىپ، ەڭبەكتى قىزۋ ٴسۇيىپ، سالامات تا كوڭىلدى ەسەيىپ كەلە جاتقاندىعىنان حاباردار بولىپ، قاتتى قۋاندىم.
شي جينپيڭ بىلاي دەپ باسا دارىپتەدى: وسپىرىمدەر مەن بالالار _ وتاننىڭ بولاشاعى. مەكەنىمزدى جاقسى كوركەيتىپ، ەلىمىزدى جاپپاي سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ سەندەردەي ۇرپاقتاردىڭ كۇش جالعاپ كۇرەس جاساۋىن قاجەت ەتەدى. وقۋشىلاردىڭ اسقاق مۇرات ورناتىپ، تاماشا شاقتى قاستەرلەپ، احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى جەتىلۋگە تاباندى بولىپ، پارتيانى سۇيەتىن، وتاندى سۇيەتىن، ٴوز كۇشىنە سۇيەنىپ ٴوزىن الۋەتتەندىرەتىن، قايراتتانا ورگە ۇمتىلاتىن جاڭا ٴداۋىردىڭ جاقسى ورەندەرى بولۋعا تالپىنىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى مىندەتىن ارقالاي الاتىن تىرەكتى دارىندى بولىپ ەسەيۋگە قۇلشىنۋىن ٴۇمىت ەتەمىن.
جىجياڭ باستاۋىش مەكتەبىنىڭ توركىنى سىچۋان ولكەسى نانچۇڭ قالاسى جياليڭ رايونىنداعى ٴبىر تاۋلى ٴوڭىر باستاۋىش مەكتەبى ەدى، تاۋى بيىك، جولى كۇدىر، مەكتەپ ۇيلەرى كونە، ەسكى بولاتىن. 2004 ـ جىلى مەكتەپ جىجياڭ ولكەسىنىڭ باعىتتامالى كومەكتەسۋ ـ سۇيەمەلدەۋىندە كوشىرىپ سالىنىپ، سول كەزدە جىجياڭ ولكەلىك پارتكومنىڭ شۋجيى بولىپ تۇرعان شي جينپيڭ سول جىلى 5 ـ ايدا مەكتەپتىڭ ىرگەتاسىن قالاعان ەدى. 2005 ـ جىلى 9 ـ ايدا مەكتەپ رەسمي اشىلدى، وقىتۋ جۇرگىزۋ شارت ـ جاعدايى كورنەكتى جاقساردى، قازىر مەكتەپتە 287 وقۋشى بار. تاياۋدا جىجياڭ باستاۋىش مەكتەبى 5 ـ جىلدىعىنىڭ 1 ـ كلاسىنداعى بارلىق وقۋشىلار باس شۋجي شي جينپيڭگە حات جازىپ، ۇيرەنۋ، تۇرمىس احۋالدارىنان مالىمەت بەرىپ، العىس سەزىمدەرى مەن جاڭا ٴداۋىردىڭ جاقسى ورەندەرى بولۋ بەكىمدەرىن بىلدىرگەن بولاتىن.
