1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ مالايزيانىڭ ەڭ جوعارى مەملەكەت باسشىسى ىبىراھيممەن جۇڭگو مەن مالايزيانىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعى بايلانىسىمەن ٴوزارا قۇتتىقتاۋ تەلەگرامماسىن جولدادى

日期:2024年06月02日
来源:新疆日报
【字体:

   شينحۋا اگەنتتىگىنىڭ 5 ـ ايدىڭ 31 ـ كۇنى بەيجيڭنەن بەرگەن حابارى. 5 ـ ايدىڭ 31 ـ كۇنى مەملەكەت ٴتوراعاسى شي جينپيڭ مالايزيانىڭ ەڭ جوعارى مەملەكەت باسشىسى ىبىراھيممەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن قۇتتىقتادى.

  شي جينپيڭ بىلاي دەپ اتاپ كورسەتتى: جۇڭگو مالايزيامەن مىڭ جىلدىق تاتۋ كورشى، كوڭىلى توعىسقان دوس، سەلبەسىپ تەڭ يگىلىككە كەنەلەتىن سەرىك. ديپلوماتيالىق قارىم ـ قاتىناس ورناتقان جارتى عاسىردان بەرى ەكى ەل باستان ـ اياق بۇكپەسىز مامىلەمەن قيىندىقتى بىلەك بىرىكتىرە جەڭىپ، دامۋدى بىرگە كوزدەدى، جۇڭگو _ مالايزيا قارىم ـ قاتىناسى وڭىردەگى مەملەكەتتەردىڭ الدىڭعى لەگىندە بولدى. 2023 ـ جىلى ەكى جاق جۇڭگو _ مالايزيا تاعدىرلاس ورتاق تۇلعاسىن بىرگە قۇرۋ جونىندە ماڭىزدى ورتاق تانىمعا كەلىپ، ەكى ەل قارىم ـ قاتىناسى تىڭ تاريحي دامۋ كەزەڭىنە قادام تاستادى. جۇڭگو _ مالايزيا دوستىعى جۇرت جۇرەگىنە تەرەڭ ۇيالاپ، ەكى ەل قارىم ـ قاتىناسىنىڭ ۇزدىكسىز دامۋىنا سارقىلماس قوزعاۋشى كۇش ازىرلەدى. تاياۋدا جۇڭگو تيانجين داشۋەسىندە وقىپ جاتقان مالايزيالىق وقۋشىلاردىڭ بىرلەسىپ جازعان حاتىن تاپسىرىپ الدىم، ولار جۇڭگو _ مالايزيا دوستىعىنىڭ تاراتۋشىسى جانە ىلگەرىلەتۋشىسى بولۋعا بەل بايلاپ، ۇيرەنگەن بىلىمدەرىمەن جۇڭگو _ مالايزيا تاعدىرلاس ورتاق تۇلعاسى قۇرىلىسىنا قىزمەت كورسەتۋدى ٴۇمىت ەتىپتى. ەكى ەلدىڭ دوستىق ىستەرىن جالعاستىراتىن ادام بار ەكەن، مەن بۇعان قاتتى ريزا بولدىم.

  شي جينپيڭ بىلاي دەپ باسا دارىپتەدى: جۇڭگو _ مالايزيا قارىم ـ قاتىناسى تىڭ تاريحي باستامادا تۇر. مەن ەڭ جوعارى مەملەكەت باسشىسى ىبىراھيممەن بىرگە جۇڭگو _ مالايزيا تاعدىرلاس ورتاق تۇلعاسى قۇرىلىسىن ۇزدىكسىز تىڭ جەتىستىكتەرگە جەتۋگە باستاپ، ەكى ەل حالقىن اناعۇرلىم ويداعىداي باقىتقا كەنەلتىپ، ٴوڭىردىڭ گۇلدەنۋى، ورنىقتىلىعى ٴۇشىن اناعۇرلىم زور ۇلەس قوسىپ، جۇڭگو _ مالايزيا قارىم ـ قاتىناسىنىڭ كەلەسى شۇعىلالى 50 جىلىن بىرگە اشۋدى قالايمىن.

  ىبىراھيم مىنانى ٴبىلدىردى: ديپلوماتيالىق قارىم ـ قاتىناس ورناتقان 50 جىلدان بەرى مالايزيا، جۇڭگو ەكى ەل باستان ـ اياق ٴوزارا قۇرمەت ەتىپ جانە سەنىم ارتىپ، ەكى جاقتى قارىم ـ قاتىناس ۇزدىكسىز تىڭ دامۋعا قول جەتكىزدى. 2013 ـ جىلى جالپى بەتتىك ستراتەگيالىق سەرىكتەستىك قارىم ـ قاتىناس ورناتقاننان بەرى ەكى ەلدىڭ ەكونوميكا ـ ساۋدا، قارجى قوسۋ، مادەنيەت، حالىقتىق سياقتى سالالارداعى سەلبەستىگى، اۋىس ـ كۇيىسى ٴتىپتى دە تەرەڭدەدى، كەڭەيدى. مالايزيا مەن جۇڭگونىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن بىرگە قۇتتىقتاۋ قارساڭىندا، مالايزيا جۇڭگومەن ماڭگى قول ۇستاسا ەكپىندەي ىلگەرىلەپ، گۇلدەنۋدى بىرگە جاراتىپ، ەكى ەل حالقىنا ۇزدىكسىز قۇت ـ ىرىس سيلايدى.

  سول كۇنى مەملەتتىك كەڭەستىڭ زۇڭليى لي چياڭ مالايزيانىڭ زۇڭليى انۋارمەن ٴوزارا قۇتتىقتاۋ تەلەگرامماسىن جولدادى. لي چياڭ مىنانى ٴبىلدىردى: جۇڭگو جاق مالايزيا جاقپەن قول ۇستاسا قۇلشىنىپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن جاڭا باستاما ەتىپ، دامۋ ستراتەگيالارىنىڭ ٴتۇيىلىسۋىن تەرەڭدەتىپ، ٴوزارا پايدا جەتكىزۋ، ٴوزارا تيىمدىلىك جاساۋ سەلبەستىگىن كەڭەيتىپ، حالىقتاردىڭ ٴوزارا تۇسىنىستىگىن، ٴوزارا ەتەنەلىگىن جەبەپ، جۇڭگو _ مالايزيا تاعدىرلاس ورتاق تۇلعاسىنىڭ مازمۇنىن ۇزدىكسىز بايىتۋدى قالايدى.

  ٴانۋار مىنانى ٴبىلدىردى: ەكى ەل ديپلوماتيالىق قارىم ـ قاتىناس ورناتقاننان بەرى مالايزيا _ جۇڭگو قارىم ـ قاتىناسى ٴوزارا قۇرمەت ەتۋ جانە سەنىم ارتۋ نەگىزىندە بەلەستىك تابىسقا قول جەتكىزدى. ەكى جاقتىڭ جوعارى جىكتەگىلەردىڭ ٴوزارا ساپاردا بولۋى ٴارى باي مازمۇندى، الۋان ٴتۇرلى اتاپ ٴوتۋ قيمىلدارىن وتكىزىپ، ديپلوماتيالىق قارىم ـ قاتىناس ورناتقاندىعىنىڭ 50 جىلدىعىن قۇتتىقتاۋى ەكى ەلدىڭ سەرىكتەستىك قارىم ـ قاتىناسىنىڭ جوعارى دەڭگەيى مەن ستراتەگيالىق ٴمانىن تولىق ايگىلەدى.