5 ـ ايدىڭ 31 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپاردا بولۋ ٴارى جۇڭگو _ اراب ەلدەرى سەلبەستىك تالقى مىنبەرى 10 ـ كەزەكتى مينيستر دارەجەلىلەر ٴماجىلىسىنىڭ اشىلۋ سالتىنا قاتىناسۋ ٴۇشىن كەلگەن باحرەين پاتشاسى حامادپەن كەڭەس وتكىزدى. سۋرەتتە: شي جينپيڭ حامادپەن قول الىسۋدا.
□ سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن
شينحۋا اگەنتتىگىنىڭ 5 ـ ايدىڭ 31 ـ كۇنى بەيجيڭنەن بەرگەن حابارى (تىلشىلەر سۇن ي، ۋاڭ بين). 5 ـ ايدىڭ 31 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپاردا بولۋ ٴارى جۇڭگو _ اراب ەلدەرى سەلبەستىك تالقى مىنبەرى 10 ـ كەزەكتى مينيستر دارەجەلىلەر ٴماجىلىسىنىڭ اشىلۋ سالتىنا قاتىناسۋ ٴۇشىن كەلگەن باحرەين پاتشاسى حامادپەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن باحرەيننىڭ جالپى بەتتىك ستراتەگيالىق سەرىكتەستىك قارىم ـ قاتىناس ورناتقانىن جاريالادى.
شي جينپيڭ بىلاي دەپ اتاپ كورسەتتى: باحرەين _ جۇڭگونىڭ شىعاناق وڭىرىندەگى جاقسى دوسى، جاقسى سەرىگى. ەكى ەلدىڭ مەملەكەت جاعدايى ۇقساماعانىمەن، الايدا باستان ـ اياق ٴبىر ـ بىرىنە شىنايى مامىلە جاساپ، ەتەنە ارالاسىپ كەلدى. تاياۋ جىلدان بەرى ٴبىزدىڭ ورتاق جەتەكشىلىك ەتۋىمىزدە جۇڭگو ـ باحرەين قارىم ـ قاتىناسى ورنىقتى، اقاۋسىز دامىدى. بيىل _ جۇڭگو مەن باحرەيننىڭ ديپلوماتيالىق قارىم ـ قاتىناس ورناتقاندىعىنىڭ 35 جىلدىعى، ەكى جاق جۇڭگو ـ باحرەين قارىم ـ قاتىناسىن جالپى بەتتىك ستراتەگيالىق سەرىكتەستىك قارىم ـ قاتىناس دەڭگەيىنە كوتەرۋدى ٴبىر اۋىزدان قۇپتادى، بۇل _ جۇڭگو ـ باحرەيىن قارىم ـ قاتىناسى تاريحىنداعى جاڭا بەلەس. جۇڭگو جاق باحرەين جاقپەن بىرگە جۇڭگو مەن باحرەيننىڭ جالپى بەتتىك ستراتەگيالىق سەرىكتەستىك قارىم ـ قاتىناسىن ويداعىداي دامىتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق باحرەين جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىن باتىل قولدايدى، باحرەين جاقتىڭ دەربەس، ٴوز ـ وزىنە قوجايىن بولاتىن دامۋ جولىمەن ٴجۇرۋىن قولدايدى، باحرەيننىڭ ”2030 ـ جىلعى ەكونوميكانى دامىتۋ بولاشاق تىلەگى“ مەن كوپ نەگىزدى دامۋ ستراتەگياسىن قولدايدى، باحرەين جاقپەن ەنەرگيا، قارجى قوسۋ، قاتىناس، جاڭا ەنەرگيا، سيفرلى ەكونوميكا سياقتى سالالارداعى سەلبەستىكتى كۇشەيتىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى ىلگەرىلەتۋدە اناعۇرلىم كوپ جەتىستىككە قول جەتكىزۋدى قالايدى. ەكى جاق گۋمانيتارلىق اۋىس ـ كۇيىستى جانە ادامداردىڭ بارىس ـ كەلىسىن جيىلەتىپ، جۇڭگو مەن باحرەين دوستىعىنىڭ حالىق رايى نەگىزىن ٴۇرتىس بەكەمدەۋى كەرەك. جۇڭگو جاق تۇرلىشە تۇزىمدەگى، تۇرلىشە وركەنيەتتى ەلدەردىڭ ٴوزارا قۇرمەت ەتۋىن، بەيبىت قاتار تۇرۋىن دارىپتەيدى، ورتا شىعىس وڭىرىندەگى ەلدەردىڭ ىنتىماقتى، ىستەستىكتى نىعايتۋىن، بەيبىتشىلىكتى، راقايلاسۋدى جۇزەگە اسىرۋىن، دامۋدى، كوركەيۋدى جەبەۋىن قولدايدى، باحرەيندى قامتىعان وڭىردەگى ەلدەرمەن بىرگە جۇڭگونىڭ شىعاناقتاعى اراب ەلدەرى سەلبەستىك كوميتەتى ەلدەرىمەن قارىم ـ قاتىناسىن ىلگەرىلەتۋدە اناعۇرلىم زور دامۋعا قول جەتكىزىپ، 2 ـ كەزەكتى جۇڭگو ـ اراب ەلدەرى باسشىلار ٴماجىلىسىن ويداعىداي وتكىزىپ، جۇڭگو ـ اراب ەلدەرى تاعدىرلاس ورتاق تۇلعاسى قۇرىلىسىن جەدەل ىلگەرىلەتۋدى قالايدى. بىرلەسكەن مەملەكەتتەر ۇيىمى سياقتى كوپ جاقتى تۇعىرلاردا بايلانىس جاساۋدى، سايكەسۋدى كۇشەيتىپ، ناعىز كوپ جاقتىلىقتى امالياتتا ايگىلەپ، قالىڭ وركەندەپ كەلە جاتقان ەلدەردىڭ ورتاق مۇددەسىن قورعايدى.
حاماد مىنالاردى ٴبىلدىردى: جۇڭگو _ ۇلى مەملەكەت، باحرەيننىڭ مەملەكەت قۇرىلىسىنا قىرۋار قولداۋ كورسەتتى، باحرەين جاق ايرىقشا العىس ايتادى. باحرەين جاق جالپى بەتتىك ستراتەگيالىق سەرىكتەستىك قارىم ـ قاتىناس ورناتۋدى وراي ەتىپ، ەكى ەلدىڭ دامۋ ستراتەگيالارىن ٴتۇيىلىستىرىپ، ٴار سالاداعى ناقتى ىستەر سەلبەستىگىن جيىلەتىپ، باحرەيننىڭ كوپ نەگىزدى دامۋدى جۇزەگە اسىرۋىنا كۇش ۇستەۋدى ٴۇمىت ەتەدى. باحرەين جاق جۇڭگو جاقتىڭ ۇستانعان اسىل قۇن ۇستانىمى مەن ۇستامدى، پاراساتتى ساياساتتىق دارىپتەمەسىن بارىنشا القايدى ٴارى بۇكىلدەي قۇپتايدى. جۇڭگو ويداعىداي دامىعاندا عانا، وركەندەپ كەلە جاتقان باسقا ەلدەر دە ويداعىداي داميدى، دۇنيە ٴجۇزىنىڭ كوپ ۇيەكتەنۋ اياق الىسى سوندا عانا ٴۇرتىس ىلگەرىلەيدى. باحرەين جاق جۇڭگونىڭ، ٴسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىندىعىنا، سونداي ـ اق دۇنيە ٴجۇزىنىڭ بەيبىتشىلىگىنە، گۇلدەنىپ ـ كوركەيۋىنە اناعۇرلىم زور ۇلەس قوساتىندىعىنا كامىل سەنەدى. باحرەين جاق ٴبىر جۇڭگو پرينسيبىنە بۇلجىماي تاباندى بولادى، جۇڭگونىڭ بەيبىت بىرلىككە كەلۋدى جۇزەگە اسىرۋىن قولدايدى. جۇڭگو جاقپەن كوپ جاقتى ىستەستىكتى جيىلەتىپ، ٴار ەل حالقىنىڭ تەرەزەسى تەڭ ٴومىر ٴسۇرۋ ۇقىعى مەن دامۋ ۇقىعىنان يگىلىكتەنۋىن اناعۇرلىم ويداعىداي قامتاماسىز ەتۋدى قالايدى. باحرەين جاق جۇڭگو جاقپەن بىرگە شىعاناقتاعى اراب ەلدەرى سەلبەستىك كوميتەتى _ جۇڭگو ەركىن ساۋدا كەلىسىمىنىڭ ەرتەرەك جاسالۋىن ىلگەرىلەتىپ، اراب ەلدەرى ـ جۇڭگو دوستىق رۋحىن اسقاقتاتىپ، جاڭا ٴداۋىردى بەتكە العان اراب ەلدەرى ـ جۇڭگو تاعدىرلاس ورتاق تۇلعاسىن قول ۇستاسا قۇرۋدى قالايدى.
حاماد تاياۋداعى 33 ـ كەزەكتى اراب ەلدەرى وداعى باسشىلار ٴماجىلىسىنىڭ جاعدايىن، اسىرەسە، اراب ەلدەرىنىڭ پالەستينا ماسەلەسىندەگى تۇرعىسىن، سونداي ـ اق گازا قاقتىعىسىن تەزىرەك اياقتاتۋدى ىلگەرىلەتۋ جولىندا جاساعان قۇلشىنىسىن حابارلادى، جۇڭگو جاقتىڭ باستان ـ اياق ادىلدىك تۇرعىسىن ۇستانعاندىعىن القادى ٴارى العىس ايتتى، جۇڭگو جاقتىڭ اناعۇرلىم زور رول اتقارۋىن ٴۇمىت ەتتى. شي جينپيڭ بىلاي دەپ باسا دارىپتەدى: جۇڭگو ـ باحرەين ەكى جاقتىڭ پالەستينا ماسەلەسىندەگى تۇرعىسى بىردەي. جۇڭگو جاق اراب ەلدەرى وداعى باسشىلار ٴماجىلىسىنىڭ پالەستينا ـ يزرايل ماسەلەسى جونىندە اراب ەلدەرىنىڭ ورتاق ٴۇنىن جاريالاعاندىعىن القايدى، باحرەينمەن جانە باسقا دا اراب ەلدەرىمەن بىرگە قۇلشىنىپ، پالەستينا ماسەلەسىنىڭ ەرتەرەك جاپپاي، ٴادىل، باياندى شەشىلۋىن ىلگەرىلەتۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى قارجى قوسۋ، جاسىل، تومەن كومىر قىشقىل گازدى بولۋ، ەلەكتروندى ساۋدا، سيفرلى ەكونوميكا سياقتى سالالارعا قاتىستى كوپ ٴتۇرلى ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن باحرەين پاتشالىعىنىڭ جالپى بەتتىك ستراتەگيالىق سەرىكتەستىك قارىم ـ قاتىناس ورناتۋ جونىندەگى بىرلەسكەن مالىمدەمەسىن» جاريالادى.
كەڭەستىڭ الدىندا شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا حامادتى قارسى الۋ سالتىن وتكىزدى.
حاماد كەلگەندە قۇرمەت قاراۋىلى قاتار تۇزەپ قۇرمەت ٴبىلدىردى. ەكى ەلدىڭ مەملەكەت باسشىلارى سالتانات مىنبەسىنە شىقتى، اسكەري وركەستر جۇڭگو مەن باحرەين ەكى ەلدىڭ مەملەكەت ٴانىن ورىندادى، تيان ـ انمىن الاڭىندا 21 رەت ساليۋت اتىلدى. حاماد شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ٴارى قاتارعا ٴبولىنىپ پاراتتان ٴوتۋىن كوردى.
سول كۇنى كەشتە شي جينپيڭ حالىق سارايىنىڭ جينسى زالىندا حامادتى قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.
