شي جينپيڭ ”تورتتە جاقسى اۋىل ـ قىستاق جولى“ قۇرىلىسىن ونان ارى ويداعىداي ىستەۋ جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
ۇزدىكسىز كۇش سالىپ، ۇزاق ۋاقىت ەڭبەك ٴسىڭىرىپ، ”تورتتە جاقسى اۋىل ـ قىستاق جولىنىڭ“ جوعارى ساپالى دامۋىن ىلگەرىلەتۋ كەرەك
شينحۋا اگەنتتىگىنىڭ 5 ـ ايدىڭ 29 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا ”تورتتە جاقسى اۋىل ـ قىستاق جولى“ قۇرىلىسىن ونان ارى ويداعىداي ىستەۋ جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: تاياۋ جىلداردان بەرى قاتىناس ـ تاسىمال مينيسترلىگى سياقتى قاتىستى تاراۋلار جانە جەر ـ جەر پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، تاباندىلىقپەن قامال الىپ، قيىندىقتاردى جەڭدى، ”تورتتە جاقسى اۋىل ـ قىستاق جولى“ قۇرىلىسىنىڭ ونىمدىلىگى كورنەكتى بولىپ، شارۋا بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، اۋىل ـ قىستاق تاس جولى بۇقارانىڭ ەسىك الدىنداعى اۋقاتتانۋ جولىنا، باقىت جولىنا، تىلەكتەستىك جولىنا، گۇلدەنۋ جولىنا اينالدى.
شي جينپيڭ بىلاي دەپ باسا دارىپتەدى: جاڭا داۋىردەگى جاڭا جورىقتا ۇزدىكسىز كۇش سالىپ، ۇزاق ۋاقىت ەڭبەك ٴسىڭىرىپ، ساياساتتاردى، زاڭ ەرەجەلەردى ونان ارى كەمەلدەندىرىپ، باسقارۋ قابىلەتىن جوعارىلاتىپ، جاڭا ٴبىر كەزەك اۋىل ـ قىستاق تاس جولىنىڭ دارەجەسىن جوعارىلاتۋ ارەكەتىن ويداعىداي اتقارىپ، ”تورتتە جاقسى اۋىل ـ قىستاق جولىنىڭ“ جوعارى ساپالى دامۋىن ۇزدىكسىز ىلگەرىلەتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل ـ قىستاق قۇرىلىسىنا دەم بەرىپ، شارۋالاردىڭ، اۋىل ـ قىستاقتىڭ بىرگە بايۋىن جەبەۋ، اۋىل ـ قىستاقتىڭ جاپپاي گۇلدەنۋىن ىلگەرىلەتۋ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋ اياق الىسىن جەدەلدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ٴۇشىن، پارمەندى قىزمەت وتەۋ قامتاماسىزدىعىن ازىرلەۋ كەرەك.
2024 ـ جىلعى ”تورتتە جاقسى اۋىل ـ قىستاق جولىنىڭ“ جوعارى ساپالى دامۋىن ىلگەرىلەتۋ جۇمىس باسى ٴماجىلىسى 5 ـ ايدىڭ 29 ـ كۇنى جىجياڭنىڭ شاۋشيڭىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حى ليفىڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى ٴارى ٴسوز سويلەدى. حى ليفىڭ بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى جاڭا داۋىردەگى جاڭا جورىقتا ”تورتتە جاقسى اۋىل ـ قىستاق جولىنىڭ“ جوعارى ساپالى دامۋىنا العا باسۋ بەتالىسىن نۇسقاپ، ٴتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ٴتۇسىنىپ، دايەكتىلەندىرىپ، تياناقتاندىرىپ، جاۋاپكەرشىلىك سەزىمىن، كوكەي تەستىلىك سەزىمىن شىن مانىندە كۇشەيتىپ، تاياۋ، ورتا مەرزىمدىك ٴتۇيىندى قىزمەت مىندەتتەرىن تياناقتاندىرۋدى كورنەكتىلەندىرە ويداعىداي يگەرىپ، جول تورى ساپاسىن كۇش سالا جوعارىلاتىپ، باسقارۋدى، قورعاۋدى كۇشەيتىپ، قاتىناۋ دەڭگەيىن جوعارىلاتىپ، جول حاۋىپسىزدىگىنە شىنايى كەپىلدىك ەتۋ كەرەك. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، جەرگىلىكتى جاعدايعا قاراي ىستەپ، عىلمي جوسپارلاپ، ۇزدىكسىز كۇش سالىپ، ۇزاق ۋاقىت ەڭبەك ٴسىڭىرىپ، ”تورتتە جاقسى اۋىل ـ قىستاق جولى“ قىزمەتىن ويداعىداي ىستەۋ قابىلەتىن جانە دەڭگەيىن ۇزدىكسىز جوعارىلاتۋ كەرەك.
قاتىناس ـ تاسىمال مينيسترلىگىندەگى، مەملەكەتتىك دامۋ جانە رەفورما كوميتەتىندەگى، قازىنا مينيسترلىگىندەگى، جاراتىلىستىق بايلىق مينيسترلىگىندەگى، اۋىل شارۋاشىلىعى، اۋىل ـ قىستاق مينيسترلىگىندەگى، مادەنيەت جانە ساياحات مينيسترلىگىندەگى، جىجياڭ ولكەسىندەگى، شينجياڭ ۇيعۇر اۆتونوميالى رايونىنداعى، فۋجيان ولكەسىندەگى، گۇيجوۋ ولكەسىندەگى، حۋنان ولكەسىندەگى، گانسۋ ولكەسىندەگى قاتىستى جاۋاپتى جولداستار پىكىر اۋىستىرىپ، ٴسوز سويلەدى.
