شينحۋا اگەنتتىگىنىڭ 4 ـ ايدىڭ 10 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «الەۋمەتتىك اۋماق قىزمەتكەرلەرى قوسىنى قۇرىلىسىن كۇشەيتۋ جونىندەگى پىكىردى» جاريالادى.
«پىكىردە» مىنالار اتاپ كورسەتىلدى: الەۋمەتتىك اۋماق قىزمەتكەرلەرى قوسىنى قۇرىلىسىن كۇشەيتۋ حالىقتىڭ تىنىش ٴومىر، شات ـ شادىمان تىرشىلىك كەشۋىن قامتاماسىز ەتۋگە سايادى، قوعامنىڭ تىنىشتىعىن، ٴتارتىبىن قورعاۋعا سايادى، پارتيانىڭ ۇزاق ۋاقىت بيلىك جۇرگىزۋ نەگىزىن بەكەمدەۋگە سايادى، نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىن كۇشەيتۋ جونىنەن ماڭىزدى مانگە يە.
«پىكىردە» مىنالار اتاپ كورسەتىلدى: الەۋمەتتىك اۋماق قىزمەتكەرلەرى قوسىنى قۇرىلىسىن كۇشەيتۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ نەگىزگى ساتىنى باسقارۋ جونىندەگى ماڭىزدى بايىمداۋىن جاپپاي دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، حالىق ٴۇشىن قىزمەت ىستەۋگە تاباندى بولىپ، ماماندانۋ بەتالىسىنا تاباندى بولىپ، شابىتتاندىرۋ مەن تەجەۋگە تەڭ ٴمان بەرۋگە تاباندى بولىپ، كاسىپتىك جۇيەنى كەمەلدەندىرۋگە كۇش سالىپ، قابىلەت قۇرىلىسىن كۇشەيتىپ، باسقارۋ ٴتۇزىمىن كەمەلدەندىرىپ، شابىتتاندىرۋ مەن قامتاماسىز ەتۋدى كۇشەيتىپ، ساياسيدا تاباندى، ساپاسى تاڭداۋلى، كاسىپتى قادىرلەپ ۇلەس قوساتىن، قۇرىلىمى ۇيلەسىمدى، بۇقارا رازى بولاتىن الەۋمەتتىك اۋماق قىزمەتكەرلەرى قوسىنىن قۇرىپ، الەۋمەتتىك اۋماقتى باسقارۋدى كۇشەيتۋگە جانە كەمەلدەندىرۋگە دارىندىلار جاعىنان مىعىم تىرەك ازىرلەۋ كەرەك.
«پىكىردە» مىنالار العا قويىلدى: 5 جىل اينالاسىندا مىناداي باستى نىسانالاردى جۇزەگە اسىرۋ كەرەك: الەۋمەتتىك اۋماق قىزمەتكەرلەرىنىڭ كاسىپتىك جۇيەسىن نەگىزىنەن ورناتۋ، قابىلەت قۇرىلىسىن ۇزدىكسىز كۇشەيتۋ، باسقارۋ ٴتۇزىمىن اناعۇرلىم عىلميلاندىرۋ، شابىتتاندىرۋ، قامتاماسىزداندىرۋ مەحانيزمىن بارعان سايىن كەمەلدەندىرۋ، الەۋمەتتىك اۋماق قىزمەتكەرلەرىنە كوڭىل ٴبولۋ، قامقورلىق جاساۋ رايىن كۇن سايىن كۇشەيتۋ؛ الەۋمەتتىك اۋماق قىزمەتكەرلەرىنىڭ ساياسي ساپاسىن، مىندەت اتقارۋ قابىلەتىن، قىزمەت ستيلىن جاپپاي كۇشەيتۋ، قوسىن قۇرىلىمىن ۇزدىكسىز ساپالىلاندىرۋ، كىرىس مامىلەسىن ۇيلەسىمدى قامتاماسىز ەتۋ، كاسىپتىك مويىنداۋ سەزىمى مەن ماقتانىش سەزىمىن شىنايى كۇشەيتىپ، حالىق ٴۇشىن قىزمەت ىستەۋ، حالىقتى ٴسۇيۋ، ٴىس تىندىرىپ، ناتيجە شىعارۋ رۋحىن ونان ارى كۇشەيتۋ.
«پىكىردە» تاعى كاسىپتىك جۇيەنى كەمەلدەندىرۋ، قابىلەت قۇرىلىسىن كۇشەيتۋ، باسقارۋ ٴتۇزىمىن كەمەلدەندىرۋ، شابىتتاندىرۋدى، قامتاماسىزداندىرۋدى كۇشەيتۋ، ۇيىمدىق باسشىلىقتى كۇشەيتۋ سياقتىلار جونىندە تالاپتار قويىلدى.
