4 ـ ايدىڭ 8 ـ كۇنى مەملەكەت ٴتوراعاسى شي جينپيڭ بەيجيڭ حالىق سارايىندا ۆيەتنام پارلامەنتىنىڭ ٴتوراعاسى ۋاڭ تيڭحۇيمەن كەزدەستى.
□ سۋرەتتى شينحۋا اگەنتتىگىنىڭ ٴتىلشىسى ديڭ حايتاۋ تۇسىرگەن
شينحۋا اگەنتتىگىنىڭ 4 ـ ايدىڭ 8 ـ كۇنى بەيجيڭنەن بەرگەن حابارى (ٴتىلشى سۇن ي). 4 ـ ايدىڭ 8 ـ كۇنى مەملەكەت ٴتوراعاسى شي جينپيڭ بەيجيڭ حالىق سارايىندا ۆيەتنام پارلامەنتىنىڭ ٴتوراعاسى ۋاڭ تيڭحۇيمەن كەزدەستى.
شي جينپيڭ ۋاڭ تيڭحۇيعا ٴوزىنىڭ باس شۋجي رۋان فۋجۇڭعا ىقىلاستى سالەمىن جەتكىزىپ قويۋدى ايتتى. شي جينپيڭ بىلاي دەپ اتاپ كورسەتتى: بىلتىر جىل سوڭىندا مەن ۆيەتنامدا ساپاردا بولعان كەزىمدە باس شۋجي رۋان فۋجۇڭمەن بىرگە ستراتەگيالىق مانگە يە جۇڭگو _ ۆيەتنام تاعدىرلاس ورتاق تۇلعاسىن قۇرۋدى بىرگە جاريالاپ، جۇڭگو _ ۆيەتنام قارىم ـ قاتىناسىنىڭ جاڭا تاراۋىن اشتىق. ەكى جاقتىڭ بىرگە قۇلشىنۋىندا مەنىڭ باس شۋجي رۋان فۋجۇڭمەن كەلىسكەن ورتاق تانىمىمىز تياناقتانۋدا. مۇراتتاس، تاعدىرلاس بولۋ _ جۇڭگو _ ۆيەتنام قارىم ـ قاتىناسىنىڭ ەڭ ايقىن ەرەكشەلىگى، ”جولداس ۇستىنە باۋىرلاس بولۋ“ جۇڭگو _ ۆيەتنام ەكى پارتياسىنىڭ، ەكى ەلدىڭ ٴداستۇرلى دوستىعىنىڭ ەڭ جاندى بەينەسى. ەكى جاق بىرگە قۇلشىنىپ، جۇڭگو _ ۆيەتنام تاعدىرلاس ورتاق تۇلعاسى قۇرىلىسىندا اناعۇرلىم كوپ جەتىستىكتەرگە قول جەتكىزۋدى ىلگەرىلەتىپ، وزدەرىنىڭ وسىزامانداندىرۋ قۇرىلىسىنا قىزمەت وتەپ، ەكى ەل حالقىن اناعۇرلىم ويداعىداي باقىتقا كەنەلتۋى ٴارى دۇنيە ٴجۇزىنىڭ سوتسياليزم ىستەرىنە اناعۇرلىم زور ۇلەس قوسۋى كەرەك.
شي جينپيڭ بىلاي دەپ باسا دارىپتەدى: قازىر حالىقارالىق جانە وڭىرلىك جاعدايدا تەرەڭ دە كۇردەلى وزگەرىستەر تۋىلدى، سوتسياليستىك ٴتۇزىمدى قورعاۋ، مەملەكەتتىڭ ورنىقتىلىعى مەن دامۋىن قورعاۋ _ جۇڭگو _ ۆيەتنام ەكى جاقتىڭ ورتاق مۇددەسىنىڭ تياناعى. ەكى جاق جوعارى دەڭگەيلى ٴوزارا سەنىمدىلىك ارقىلى جۇڭگو _ ۆيەتنام تاعدىرلاس ورتاق تۇلعاسى تانىمىن بەرىك ورناتىپ، جوعارى ساپالى سەلبەستىك ارقىلى جۇڭگو _ ۆيەتنام تاعدىرلاس ورتاق تۇلعاسىنىڭ نەگىزىن بەكەمدەپ، وسكەلەڭ ساياسي پاراساتپەن جۇڭگو _ ۆيەتنام تاعدىرلاس ورتاق تۇلعاسى قۇرىلىسىن ىلگەرىلەتۋى كەرەك. جۇڭگو جاق ۆيەتنام جاقپەن بىرگە پارتيا باسقارۋ، ەل باسقارۋ تاجىريبەلەرى جونىندە اۋىس ـ كۇيىس جاساۋدى كۇشەيتىپ، جۇڭگو _ ۆيەتنام ەكى جاقتىڭ سەلبەستىگىنە، جەتەكشىلىك ەتۋ كوميتەتىنىڭ ٴبىر تۇتاس جوسپارلاپ سايكەستىرۋ رولىن ويداعىداي ساۋلەلەندىرىپ، ”ٴبىر بەلدەۋ، ٴبىر جولدى“ بىرگە قۇرۋ باستاماسىن ”ەكى ٴدالىز، ٴبىر شەڭبەر“ ستراتەگياسىمەن ٴتۇيىلىستىرۋدى جەدەل ىلگەرىلەتىپ، جاستار، دوس قالالار سياقتى ارنالارداعى اۋىس ـ كۇيىستى مولايتۋدى قالايدى. ەكى جاقتىڭ زاڭ شىعارۋ قۇرىلىمدارىنىڭ ٴار جىكتەگى اۋىس ـ كۇيىستى، سەلبەستىكتى تەرەڭدەتىپ، زاڭ شىعارۋ، باقىلاۋ تاجىريبەلەرى، ت. ب جونىندە ٴوزارا ۇيرەنۋدى، ٴبىر ـ بىرىنەن ۇلگى الۋدى كۇشەيتىپ، ەكى ەلدىڭ حالىقتار دوستىعىن نىعايتۋدا ماڭىزدى رول ساۋلەلەندىرۋىن ٴۇمىت ەتەمىن.
ۋاڭ تيڭحۇي باس شۋجي رۋان فۋجۇڭنىڭ باس شۋجي شي جينپيڭگە ىقىلاستى سالەمىن جانە ىزگى تىلەگىن جەتكىزدى. ول مىنالاردى ٴبىلدىردى: جولداس ۇستىنە باۋىرلاس بولۋ رەتىندە، ۆيەتنام پارتياسى مەن ۇكىمەتى جۇڭگونىڭ دامۋىن، العا باسۋىن بارىنشا القايدى، جۇڭگو كوممۋنيستىك پارتياسى 18 ـ قۇرىلتايىنان بەرى، جۇڭگوشا سوتسياليزمنىڭ قول جەتكىزگەن تاريحي تابىستارىنا شىن جۇرەكتەن سۇيىنەدى. جۇڭگونىڭ بيىلعى ەكى ماجىلىسىندە جاڭاشا وندىرگىش كۇشتەردى دامىتۋ سياقتى نىسانالار تۇراقتاندى، بۇل سوتسياليزمنىڭ جاڭالىق اشۋ شاراسى، ۆيەتنامدى ٴتيىمدى دايەكپەن قامدادى. جۇڭگونىڭ جاپپاي سوتسياليستىك وسىزاماندانعان قۇدىرەتتى ەلدى، ٴسوز جوق، ۋاعىندا قۇرىپ شىعىپ، دۇنيە ٴجۇزىنىڭ بەيبىتشىلىگىن، ورنىقتىلىعىن جانە دامۋىن جەبەۋگە ماڭىزدى ۇلەس قوساتىندىعىنا سەنەمىز. ۆيەتنام جاق ٴبىر جۇڭگو ساياساتىن باتىل اتقارادى، تايۋان جۇڭگو تەرريتورياسىنىڭ ايرىلماس ٴبىر بولىگى دەپ قارايدى، ”تايۋاندى دەربەستەندىرۋدى“ كوزدەيتىن ٴارقانداي فورماداعى بولشەكتەۋشىلىك ارەكەتتەرگە باتىل قارسى تۇرادى، شياڭگاڭ، شينجياڭ، شيزاڭ ىستەرى دە تۇگەلدەي جۇڭگونىڭ ىشكى ٴىسى، جۇڭگونىڭ باياندى ورنىقتىلىقتى، گۇلدەنۋدى ساقتايتىندىعى ٴسوزسىز. ۆيەتنام جاق دەربەس، وزىنە ٴوزى قوجايىن بولۋ سىندى ديپلوماتيالىق ساياساتقا تاباندى بولادى، جۇڭگونى ۆيەتنامنىڭ سىرتقى قارىم ـ قاتىناسىنداعى ماڭداي الدى ورىندا تۇراتىن الدىمەن ويلاستىراتىن ستراتەگيالىق تالعامى ەتەدى، باس شۋجي رۋان فۋجۇڭ مەن باس شۋجي شي جينپيڭ تۇراقتاندىرعان ”التى اناعۇرلىم“ نىساناسىنا ساي، جۇڭگو جاقپەن ٴار جىكتەگىلەردىڭ اۋىس ـ كۇيىسىن، سەلبەستىگىن جيىلەتىپ، جوعارى دەڭگەيلى ساياسي ٴوزارا سەنىمدىلىكتى ٴۇرتىس بەكەمدەپ، ”ەكى ٴدالىز، ٴبىر شەڭبەر“ مەن ”ٴبىر بەلدەۋ، ٴبىر جولدىڭ“ ٴتۇيىلىسۋىن بەلسەنە ىلگەرىلەتەدى. ۆيەتنام پارلامەنتى جۇڭگو مەملەكەتتىك حالىق قۇرىلتايىمەن تىعىز بارىس ـ كەلىستى، اۋىس ـ كۇيىستى ساقتاپ، ەكى ەلدىڭ حالىقتار دوستىعىن بەكەمدەۋدە، ستراتەگيالىق مانگە يە ۆيەتنام _ جۇڭگو تاعدىرلاس ورتاق تۇلعاسىن قۇرۋدى ىلگەرىلەتۋدە بەلسەندى رول ساۋلەلەندىرۋدى قالايدى.
ۋاڭ ي، ۋاڭ دۇڭميڭ كەزدەسۋگە قاتىناستى.
