شينحۋا اگەنتتىگىنىڭ 3 ـ ايدىڭ 26 ـ كۇنى بەيجيڭنەن بەرگەن حابارى. 3 ـ ايدىڭ 26 ـ كۇنى مەملەكەت ٴتوراعاسى شي جينپيڭ گوندۋراس زۇڭتۇڭى كاسترومەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ ٴبىر جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: بىلتىر 3 ـ ايدا جۇڭگو گوندۋراسپەن ديپلوماتيالىق قارىم ـ قاتىناس ورناتىپ، ەكى جاقتى قارىم ـ قاتىناستىڭ جاڭا تاراۋىن اشتى. بىلتىر 6 ـ ايدا زۇڭتۇڭ حانىمنىڭ جۇڭگوداعى مەملەكەتتىك ساپارى ٴساتتى بولىپ، ٴبىز كەڭەس وتكىزىپ جانە ماڭىزدى ورتاق تانىمعا كەلىپ، ەكى جاقتى قارىم ـ قاتىناستىڭ دامۋىنا ايقىن بەتالىس كورسەتتىك. ديپلوماتيالىق قارىم ـ قاتىناس ورناتقان ٴبىر جىلدان بەرى ەكى جاق ٴبىر ـ بىرىنە قۇرمەت ەتۋ، تەڭ تۇرعىدا ٴوزارا پايدا جەتكىزۋ، بىرگە دامۋ پرينسيبىن ۇستانىپ، ەكى جاقتى قارىم ـ قاتىناستىڭ جوعارى دەڭگەيگە قادام تاستاۋىن ىلگەرىلەتتى. گوندۋراس جاق ٴبىر جۇڭگو پرينسيبىن باتىل اتقاردى، مەن مۇنى بارىنشا القايمىن.
شي جينپيڭ بىلاي دەپ باسا دارىپتەدى: فاكت جۇڭگو مەن گوندۋراستىڭ ديپلوماتيالىق قارىم ـ قاتىناس ورناتۋى _ تاريح اعىمىنا ۇيلەسىپ جاسالعان دۇرىس ساياسي تۇجىرىم ەكەندىگىن، ەكى ەلدىڭ جانە ەكى ەل حالقىنىڭ ٴتۇبىرلى مۇددەسىنە ۇيلەسەتىندىگىن دالەلدەدى. مەن جۇڭگو _ گوندۋراس قارىم ـ قاتىناسىنىڭ دامۋىنا ايرىقشا ٴمان بەرەمىن، كاسترو زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ ٴبىر جىلدىعىن وراي ەتىپ، ٴوزارا قولداۋ كورسەتۋدى بەكەمدەپ، جان ـ جاقتى سەلبەستىكتى كەڭەيتىپ، جۇڭگو _ گوندۋراس قارىم ـ قاتىناسىنىڭ اناعۇرلىم جارقىن بولاشاعىن بىرگە جازۋدى قالايمىن.
كاسترو مىنالاردى ٴبىلدىردى: جۇڭگو سان عاسىرلىق وركەنيەتكە يە، تاريح ۇردىسىندە ماڭىزدى رول اتقاردى، دۇنيە ٴجۇزىنىڭ ۇلگىسى ٴارى گوندۋراستىڭ ماڭىزدى سەرىگى. ديپلوماتيالىق قارىم ـ قاتىناس ورناتقان ٴبىر جىلدان بەرى ٴبىز جۇڭگونىڭ جاڭالىق اشا دامۋعا كۇش سالىپ، الەمدىك ماسەلەلەردى شەشۋ جوباسىن بىرگە اقىلداسىپ، الەمدىك كەدەيلىكتى ازايتۋ ىستەرىنە بارىنشا دەم بەرگەندىگىنە كۋا بولدىق. گوندۋراس جاق ٴبىر جۇڭگو پرينسيبىنە باتىل بويسۇنادى، جۇڭگو جاقپەن دەربەس، وزىنە ـ ٴوزى قوجايىن بولاتىن، ٴبىر ـ بىرىنە قۇرمەت ەتەتىن ەكى جاقتى قارىم ـ قاتىناستى دامىتۋدى قالايدى. ەكى ەل حالقى دوستىعىنىڭ ماڭگى جالعاسۋىن تىلەيمىز.
