شينحۋا اگەنتتىگىنىڭ 3 ـ ايدىڭ 24 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى رەداكسيالاعان «شي جينپيڭنىڭ فينانس قىزمەتى جونىندەگى بايىمداۋلارىنان ۇزىندىلەر» جۋىردا ورتالىق حۇجات باسپاسىنان باسپادان شىعىپ، بۇكىل ەلدە تاراتىلدى.
فينانس _ حالىق شارۋاشىلىعىنىڭ قان تامىرى، جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىنا سايادى. پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جالپى جاعدايدى شىعار ٴتۇيىن ەتىپ، فينانس قىزمەتىنە جاپپاي باسشىلىقتى جانە ونى ٴبىر تۇتاس جوسپارلاۋدى كۇشەيتىپ، فينانس ىستەرىنىڭ دامۋىن ىلگەرىلەتۋدە تىڭ دا كەلەلى تابىستارعا قول جەتكىزىپ، جاڭا داۋىردەگى فينانستىڭ دامۋ زاڭدىلىعىنا بەلسەنە ىزدەنىس جاساپ، جۇڭگوشا سوتسياليستىك فينانستىڭ ٴمانى جونىندەگى تانىمدى ۇزدىكسىز تەرەڭدەتىپ، فينانستىڭ امالياتتىق جاسامپازدىعىن، نازاريالىق جاسامپازدىعىن، تۇزىمدىك جاسامپازدىعىن ۇزدىكسىز ىلگەرىلەتىپ، فينانستى دامىتۋدىڭ جۇڭگوشا جولىن بىرتىندەپ اشتى. شي جينپيڭ جولداستىڭ فينانس ىستەرىن دامىتۋدىڭ كەلەلى نازاريالىق جانە امالياتتىق ماسەلەلەرى جونىندە جاساعان ٴبىر قىدىرۋ ماڭىزدى بايىمداۋلارىنىڭ ماقساتى اسقاق، مازمۇنى باي، يدەياسى تەرەڭ بولىپ، پارتيامىزدىڭ فينانس قىزمەتىنىڭ ماندىك زاڭدىلىعى مەن دامۋ جولى جونىندەگى تانىمىن جاڭا بەلەسكە كوتەردى، بۇل ماركسيزمدىك ساياسي ەكونوميانىڭ فينانس ماسەلەلەرى جونىندەگى ماڭىزدى جاسامپازدىق جەتىستىگى بولىپ، شي جينپيڭ ەكونوميكا يدەياسىنىڭ فينانس تاراۋىن قالىپتاستىردى، جاڭا داۋىردەگى جاڭا جورىقتا فينانستى دامىتۋدىڭ جۇڭگوشا جولىمەن بۇلجىماي ٴجۇرىپ، فينانستىڭ جوعارى ساپالى دامۋىن ىلگەرىلەتىپ، فينانستا قۋاتتى ەل قۇرۋدى جەدەلدەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى فينانس تىرەگىن ازىرلەۋدە توتەنشە كەلەلى مانگە يە.
«بايىمداۋلاردان ۇزىندىلەر» 10 ارناۋلى تاقىرىپقا بولىنگەن، جالپى 324 بولىك بايىمداۋدان قۇرالعان، وندا شي جينپيڭ جولداستىڭ 2012 ـ جىلى 11 ـ ايدان 2024 ـ جىلى 2 ـ ايعا دەيىنگى مەزگىلدەگى بايانداماسى، ٴسوزى، تۇسىندىرمەسى، لەكسياسى سياقتى 120 نەشە ماڭىزدى حۇجاتتان ٴۇزىندى الىنعان. مۇنىڭ ىشىندە ٴبىر ٴبولىم بايىمداۋلار تۇڭعىش رەت اشىق جاريالانىپ وتىر.
