شينحۋا اگەنتتىگىنىڭ 3 ـ ايدىڭ 23 ـ كۇنى بەيجيڭنەن بەرگەن حابارى. 3 ـ ايدىڭ 23 ـ كۇنى مەملەكەت ٴتوراعاسى شي جينپيڭ رەسەيدىڭ ماسكەۋ وبلىسىنداعى ٴبىر مۋزيكا زالىندا اۋىر لاڭكەستىك شابۋىل ۋاقيعاسى تۋىلىپ، اۋىر ٴولىم ـ ٴجىتىم بولعاندىعىنا بايلانىستى رەسەي زۇڭتۇڭى پۋتينگە حال سۇراۋ تەلەگرامماسىن جولدادى.
شي جينپيڭ مىنالاردى ٴبىلدىردى: ەلدەرىڭىزدىڭ ماسكەۋ وبلىسىنداعى ٴبىر مۋزيكا زالىندا اۋىر لاڭكەستىك شابۋىل ۋاقيعاسى تۋىلىپ، اۋىر ٴولىم ـ ٴجىتىم بولعاندىعىنان تىكسىنە حاباردار بولدىم، مەن جۇڭگو ۇكىمەتى مەن جۇڭگو حالقى اتىنان قازا بولعاندارعا قايعىلى ازا بىلدىرەمىن، جارالانعاندار مەن قازا بولعانداردىڭ وتباسىنداعىلاردان شىنايى حال سۇرايمىن.
شي جينپيڭ بىلاي دەپ باسا دارىپتەدى: جۇڭگو جاق ٴارقانداي فورماداعى لاڭكەستىككە قارسى تۇرادى، لاڭكەستىك شابۋىل ارەكەتىن قاتاڭ جازعىرادى، رەسەي ۇكىمەتىنىڭ مەملەكەتتىڭ حاۋىپسىزدىگىن، ورنىقتىلىعىن قورعاۋ قۇلشىنىسىن باتىل قولدايدى.
