شينحۋا اگەنتتىگىنىڭ 3 ـ ايدىڭ 21 ـ كۇنى بەيجيڭنەن بەرگەن حابارى. 3 ـ ايدىڭ 20 ـ كۇنى مەملەكەت ٴتوراعاسى شي جينپيڭ پرابوۋو سۋبيانتوعا تەلەگرامما جولداپ، ونىڭ يندونەزيا رەسپۋبليكاسىنىڭ زۇڭتۇڭدىعىنا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن يندونەزيا ٴداستۇرلى دوس كورشى ەلدەر. ەكى جاقتىڭ بىرگە قۇلشىنۋىندا، ەكى ەل قارىم ـ قاتىناسىنىڭ دامۋى جەدەل ارناعا ٴتۇسىپ، ساياسي ٴوزارا سەنىمدىلىگى كۇن سايىن بەكەمدەلىپ، دامۋ ستراتەگيالارىن ٴتۇيىلىستىرۋ ۇزدىكسىز تەرەڭدەپ، ٴوزارا پايدا جەتكىزۋ سەلبەستىگىندە سۇبەلى جەتىستىكتەرگە قول جەتىپ، ەكى جاق جۇڭگو _ يندونەزيا تاعدىرلاس ورتاق تۇلعاسىن بىرگە قۇرۋدىڭ جاڭا تاراۋىن اشتى. مەن جۇڭگو _ يندونەزيا قارىم ـ قاتىناسىنىڭ دامۋىنا ايرىقشا ٴمان بەرەمىن، سايلانعان زۇڭتۇڭ پرابوۋومەن بىرگە قۇلشىنىپ، ەكى ەلدىڭ تاعدىرلاس ورتاق تۇلعاسى قۇرىلىسىندا اناعۇرلىم زور جەتىستىكتەرگە قول جەتكىزۋگە جەتەكشىلىك ەتىپ، وركەندەپ كەلە جاتقان ٴىرى ەلدەردىڭ تاعدىرلاس بولۋىنىڭ، ىنتىماقتاسا ىستەستىك جاساسۋىنىڭ، دامۋعا بىرگە ۇمتىلۋىنىڭ ۇلگىسىن تۇلعالاپ، ەكى ەل حالقىنا اناعۇلىم كوپ قۇت ـ ىرىس اكەلىپ، ٴوڭىردىڭ جانە دۇنيە ٴجۇزىنىڭ گۇلدەنۋىنە، ورنىقتىلىعىنا پارمەندى قوزعاۋشى كۇش ۇستەۋدى ٴۇمىت ەتەمىن.
