مەملەكەت ءتوراعاسى شي جينپيڭ 5 – ايدىڭ 4 – كۇنى تايلاند پاتشالىعىنىڭ پاتشاسى ۆازيلونعا قۇتتىقتاۋ تەلەگرامماسىن جولدادى.
شي جينپيڭ قۇتتىقتاۋ تەلەگرامماسىندا مىنانى ءبىلدىردى: مارتەبەلى پاتشانىڭ تاققا وتىرغان ساتىندە مەن جۇڭگو ۇكىمەتى مەن جۇڭگو حالقى اتىنان جانە ءوز اتىمنان تايلاند حالقىنا شىن جۇرەكتەن قۇتتى بولسىن ايتامىن جانە ىزگى تىلەك بىلدىرەمىن. ءسىز جۇڭگو حالقىنىڭ كونە دوسىسىز، جۇڭگو مەن تايلاندتىڭ دوستىق ىستەرىنە ۇزاق ۋاقىت كوڭىل ءبولىپ، قولداۋ كورسەتتىڭىز. مەن جۇڭگو - تايلاند قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، جۇڭگو مەن تايلاندتىڭ ءداستۇرلى دوستىعىن ۇزدىكسىز ساۋلەلەندىرىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن تەرەڭدەتىپ، ەكى ەلدىڭ جالپى بەتتىك ستراتەگيالىق سەلبەستىك ارىپتەستىك قاتىناسىنىڭ اناعۇرلىم زور ىلگەرىلەۋشىلىككە قول جەتكىزۋىن ىلگەرىلەتۋدى قالايمىن. تايلاند پاتشالىعىنىڭ گۇلدەنىپ - كوركەيۋىن، حالىقتىڭ باقىتتى، الاڭسىز بولۋىن تىلەيمىن.
