(ساياسي كەڭەس 14 ـ كەزەكتى مەملەكەتتىك كوميتەتىنىڭ 2 ـ ماجىلىسىندە 2024 ـ جىلى 3 ـ ايدىڭ 10 ـ كۇنى ماقۇلداندى)
جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 2 ـ ٴماجىلىسى 2024 ـ جىلى 3 ـ ايدىڭ 4 ـ كۇنىنەن 10 ـ كۇنىنە دەيىن بەيجيڭدە وتكىزىلدى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن بىرگە مەملەكەت ٴىسىن اقىلداستى. ٴماجىلىس شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ مەملەكەتتىك ەكى ٴماجىلىس كەزىندە سويلەگەن ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، بەلسەنە قىزمەت جاۋاپكەرشىلىگىن وتەپ، ناقتى ىستەر جونىندە كەڭەسىپ، ۇكىمەت ٴىسىن اقىلداسىپ، ٴتۇرلى كەڭەستىك تارتىپتەردى ٴساتتى ورىنداپ، ماڭىزدى جەتىستىكتەرگە قول جەتكىزدى.
ٴماجىلىس ۋاڭ حۋنيڭنىڭ ساياسي كەڭەس 14 ـ كەزەكتى مەملەكەتتىك كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، گاۋ يۇنلۇڭنىڭ ۇسىنىس جوبا قىزمەتى جاعدايىنان جاساعان بايانداماسىن قاراپ بەكىتتى. مۇشەلەر 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە سىرتتاي قاتىناسىپ، لي چياڭنىڭ ۇكىمەت قىزمەتىنەن جاساعان بايانداماسىن تىڭدادى جانە تالقىلادى، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە تالقىلادى، مەملەكەتتىك كەڭەس ۇيىمدىق زاڭىنا وزگەرىس ەنگىزۋ جوباسى جانە باسقا دا قاتىستى بايانداما سياقتىلاردى تالقىلادى، قۇپتايتىندىقتارىن ٴبىلدىردى ٴارى پىكىرلەرى مەن ۇسىنىستارىن العا قويدى.
ٴماجىلىس بىلاي دەپ قارادى: وتكەن ٴبىر جىلدا شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ىشكى ـ سىرتقى قيىنشىلىقتاردى باتىل جەڭىپ، رەفورما جاساۋدى، ەسىك اشۋدى جاپپاي تەرەڭدەتتى، جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋ ورنىقتى تۇردە جاڭا كەزەڭگە ٴوتتى، جوعارى ساپالى دامۋ تىڭعىلىقتى ىلگەرىلەتىلدى، عىلىم ـ تەحنيكادا جاڭالىق اشۋدا تىڭ قامال الۋ جۇزەگە اسىرىلدى، استىقتىڭ جالپى ونىمىندە تاعى دا تىڭ دەڭگەي جاراتىلدى، حاۋىپسىز دامۋدىڭ نەگىزى بەكەمدەلدى جانە نىعايتىلدى، حالىق تۇرمىسىن قامتاماسىز ەتۋ پارمەندى، ٴونىمدى بولدى، جۇڭگوشا ٴىرى ەل ديپلوماتياسىنىڭ ونىمدىلىگى كورنەكتى بولدى، ەكونوميكالىق، قوعامدىق دامۋدىڭ باستى نىسانا ـ مىندەتتەرى تابىسپەن ورىندالدى، قوعامدىق كەلەلى جاعدايدا ورنىقتىلىق ساقتالدى، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالىپ، بۇكىل ەلدەگى ٴار ۇلت حالقىنىڭ سەنىمى مەن جىگەرى بارىنشا كۇشەيدى. ناتيجەلەر وڭاي ـ وسپاق كەلگەن ەمەس، ٴسوز جوق، ايرىقشا قاستەرلەۋىمىز كەرەك.
اماليات ”ەكىنى تۇراقتاندىرۋ“ جۇڭگو كوممۋنيستىك پارتياسىنىڭ بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، بارلىق ايقىنسىزدىققا توتەپ بەرۋدەگى ەڭ ۇلكەن ايقىندىلىق، ەڭ ۇلكەن سەنىم، ەڭ ۇلكەن كەپىلدىك ەكەندىگىن تولىق دالەلدەدى. حالىق ساياسي كەڭەسى ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاۋى كەرەك.
باس شۋجي شي جينپيڭ ٴبىر جىلدان بەرى حالىق ساياسي كەڭەسىنىڭ پارتيا مەن مەملەكەت ىستەرىنىڭ دامۋىنا قىزمەت وتەۋدە قوسقان بەلسەندى ۇلەسىن تۇراقتاندىرىپ، ساياسي كەڭەس قىزمەتىن ويداعىداي ىستەۋ جونىندە ماڭىزدى نۇسقاۋ بەردى. قالىڭ ساياسي كەڭەس مۇشەلەرى قاتتى شابىت الىپ، ايرىقشا جىگەرلەنىپ، ٴبىر اۋىزدان مىنالاردى ٴبىلدىردى: ساياسي دەڭگەيدى جوعارىلاتىپ، دايەكتىلەندىرۋدى، تياناقتاندىرۋدى ويداعىداي يگەرىپ، جۇڭگو كوممۋنيستىك پارتياسىنىڭ 20 ـ قۇرىلتايىندا العا قويىلعان كەلەلى ستراتەگيالىق مىندەتتەردى ارقاۋ ەتىپ، ىشكەرىلەي تەكسەرۋ ـ زەرتتەۋ جۇرگىزىپ، ۇكىمەت ىسىنە بەلسەنە قاتىناسىپ، اقىل ـ كەڭەس بەرىپ، ورتاق تانىمدى كەڭ كولەمدە ۇيىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنا كۇش ۇستەيمىز.
ٴماجىلىس مىنالاردى اتاپ كورسەتتى: باس شۋجي شي جينپيڭنىڭ جۇڭگو گومينداڭ توڭكەرىستىك كوميتەتىندەگى، عىلىم ـ تەحنيكا سالاسىنداعى، قورشاعان ورتا، بايلىق سالاسىنداعى مۇشەلەردىڭ بىرىككەن گرۋپپا جيىنىندا ماڭىزدى ٴسوز سويلەپ، جۇڭگو گومينداڭ توڭكەرىستىك كوميتەتىنىڭ، عىلىم ـ تەحنيكا سالاسىنىڭ، قورشاعان ورتا، بايلىق سالاسىنىڭ باسىمدىعىن، رولىن ساۋلەلەندىرۋى، فۋنكتسياسىن اناعۇرلىم ويداعىداي وتەۋى جونىندە ايقىن تالاپ قويدى، ٴسوز وتە كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە، قالىڭ ساياسي كەڭەس مۇشەلەرى مۇقيات ۇيرەنۋى، دايەكتىلەندىرۋى كەرەك. جاڭا داۋىردەگى جۇڭگو كوممۋنيستىك پارتياسىنىڭ تايۋان ماسەلەسىن شەشۋدەگى تۇتاس تۇلعالىق جالپى جوباسىنا تاباندى بولىپ، ىنتىماقتاسۋعا بولاتىن بارلىق وتانشىل كۇشتەردى ىنتىماقتاستىرىپ، ەكى جاعالاۋدىڭ ٴتۇرلى سالالاردا توعىسا دامۋىن تەرەڭدەتىپ، وتاننىڭ بەيبىت بىرلىككە كەلۋ اياق الىسىن بىرگە ىلگەرىلەتۋ كەرەك. عىلىم ـ تەحنيكا، وقۋ ـ اعارتۋ ارقىلى مەملەكەتتى گۇلدەندىرۋ، مەملەكەتتى قۇدىرەتتەندىرۋ مۇراتىن اناعۇرلىم كۇشەيتىپ، عىلىم ـ تەحنيكادا جاڭالىق اشۋ اۋىر مىندەتىن ارقالاپ، جاڭا ساپالى وندىرگىش كۇشتەردى دامىتۋعا كۇش ۇستەپ، عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى ىلگەرىلەتۋ كەرەك. شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ەكولوگيالىق ورتانى قورعاۋدى كۇشەيتۋ، جوعارى دەڭگەيدە قورعاۋ ارقىلى جوعارى ساپالى دامۋعا تىرەك بولۋ جاعىندا تىڭ ۇلەس قوسىپ، كورىكتى جۇڭگو قۇرىلىسىن ىلگەرىلەتۋ كەرەك.
ٴماجىلىس بىلاي دەپ قارادى: جۇڭگو كوممۋنيستىك پارتياسىنىڭ 18 ـ قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قازىرگى نەگىزدە ۇزدىكسىز العا ىلگەرىلەپ، نازاريا جانە اماليات جاعىنداعى جاڭالىق اشۋدى، تىڭ سەرپىلىستى ۇزدىكسىز ىسكە اسىرىپ، جۇڭگو ۇلگىسىندەگى وسىزامانداندىرۋدى تابىستى تۇردە ىلگەرىلەتتى جانە كەڭەيتتى. جۇڭگو كوممۋنيستىك پارتياسىنىڭ باسشىلىعىنا تاباندى بولىپ، جۇڭگوشا سوتسياليزم جولىنا تاباندى بولىپ، قالىڭ حالىق بۇقاراسىن ىنتىماقتاستىرۋعا تاباندى بولىپ، جۇڭگو ۇلگىسىندەگى وسىزامانداندىرۋدىڭ دۇرىس بەتالىستى بويلاي ورنىقتى قاداممەن الىسقا جەتۋىنە شىنايى كەپىلدىك ەتىپ، جۇڭگو كوممۋنيستىك پارتياسىنىڭ 20 ـ قۇرىلتايى كەسكىندەگەن ايبىندى جوبانى بىرتىندەپ تاماشا رەالدىققا اينالدىرۋ كەرەك. حالىق ساياسي كەڭەسى جاڭا ٴداۋىردىڭ جاڭا جورىعىنداعى پارتيا مەن مەملەكەتتىڭ وزەكتى مىندەتىنە سانالى قىزمەت وتەپ، جۇڭگو كوممۋنيستىك پارتياسى ورتالىق كوميتەتىنىڭ كەلەلى شەشىمدەرىمەن، ورنالاستىرۋلارىمەن، مەملەكەتتىڭ كەلەلى ستراتەگيالىق قاجەتىمەن، دامۋ بارىسىنداعى كەلەلى رەال ماسەلەلەرمەن تىعىز بايلانىستىرىپ، تاماشا شارالاردى كەڭىنەن قاراستىرىپ، ورتاق تانىمدى كەڭ كولەمدە ۇيىستىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل ـ پاراسات جانە كۇش ـ قۋات ارناۋى كەرەك.
ٴماجىلىس بىلاي دەپ قارادى: جۇڭگو كوممۋنيستىك پارتياسىنىڭ 18 ـ قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى اسا زور ساياسي باتىلدىقپەن رەفورمانى جاپپاي تەرەڭدەتىپ، ٴار جاقتاعى ٴتۇزىلىس، مەحانيزم كەمشىلىكتەرىن باتىل جويىپ، كوپتەگەن سالادا تاريحي وزگەرىستى، جۇيەلى جاڭارۋدى، جالپى تۇلعالىق قايتا قۇرۋدى جۇزەگە اسىردى. رەفورمانى ىشكەرىلەي جاپپاي تەرەڭدەتىپ، سىرتقا جوعارى دەڭگەيلى ەسىك اشۋدى ىلگەرىلەتىپ، قوعامدىق وندىرگىش كۇشتەردى ۇزدىكسىز ازات ەتىپ جانە دامىتىپ، قوعامنىڭ ومىرشەڭدىك كۇشىن قاۋلاتۋ جانە ارتتىرۋ كەرەك. حالىق ساياسي كەڭەسى نازاردى كەلەلى رەفورما مىندەتتەرىنە شوعىرلاندىرا وتىرىپ ىشكەرىلەي تەكسەرۋ ـ زەرتتەۋ جۇرگىزىپ، كەڭەسىپ، كەلەلى رەفورما شارالارىنىڭ تياناقتانىپ ونىمدىلىك كورسەتۋىن ارقاۋ ەتە وتىرىپ دەموكراتيالىق باقىلاۋ ورىستەتىپ، رەفورماعا دەم بەرىپ، بىرىككەن كۇش ۇيىستىرۋى كەرەك.
ٴماجىلىس بىلاي دەپ قارادى: 14 ـ كەزەكتى مەملەكەتتىك ساياسي كەڭەس شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسىنىڭ جالپى بەتتىك باسشىلىعىنا جانە جۇڭگو كوممۋنيستىك پارتياسى ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، پارتيا مەن مەملەكەت قىزمەتىنىڭ كەلەلى جاعدايى تۇرعىسىنان قىزمەتتى جوسپارلاۋعا جانە ىلگەرىلەتۋگە تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن تىڭعىلىقتى ورىستەتىپ، جۇڭگو كوممۋنيستىك پارتياسى 20 ـ قۇرىلتايىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋدى ارقاۋ ەتە وتىرىپ تەكسەرۋ ـ زەرتتەۋ ورىستەتىپ، ۇكىمەت ٴىسىن كەڭەسىپ، دەموكراتيالىق باقىلاۋ جۇرگىزىپ، ىنتىماقتى، دوستىقتى كەڭەيتىپ جانە تەرەڭدەتىپ، قىزمەتتى تۇزىمدەندىرۋ، جۇيەلىلەندىرۋ، تارتىپتەندىرۋ دەڭگەيىن جوعارىلاتىپ، تۋراشىلدىقتان اينىماي جاڭالىق اشىپ، مىندەتىن اتقارىپ، جاۋاپكەرشىلىگىن ادا ەتىپ، ٴتۇرلى قىزمەتتە جاڭا ناتيجەلەرگە قول جەتكىزىپ، ٴساتتى باستامانى جۇزەگە اسىرىپ، پارتيا مەن مەملەكەت ىستەرىنىڭ دامۋىنا جاڭا ۇلەس قوستى.
ٴماجىلىس مىنالاردى باسا دارىپتەدى: بيىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا ـ مىندەتتەردى جۇزەگە اسىرۋداعى شەشۋشى جىل ٴارى حالىق ساياسي كەڭەسى قۇرىلعاندىعىنىڭ 75 جىلدىعى. ٴتىپتى دە مىزعىماي جۇڭگو كوممۋنيستىك پارتياسىنىڭ باسشىلىعىنا تاباندى بولىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، ”ەكىنى قورعاۋدى“ باتىل ورىنداۋدى حالىق ساياسي كەڭەسى قىزمەتىنىڭ ٴار جاعىندا جانە تۇتاس بارىسىندا دايەكتىلەندىرۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، نەگىزگى تاقىرىپتىق تاربيە جەتىستىكتەرىن بەكەمدەپ، كەڭەيتىپ، نازاريا ۇيرەنۋ مەن ساياسي باۋلۋدى ۇدايىلاندىرا ورىستەتىپ، ۇيرەنۋ ناتيجەسىن ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ قابىلەت ـ ونەرىنە اناعۇرلىم ويداعىداي اينالدىرۋ كەرەك. ەلىمىزدىڭ جاڭاشا ساياسي پارتيا ٴتۇزىمىنىڭ ابزالدىلىعىن ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ەلىمىزدىڭ ٴدىندى جۇڭگوشالاندىرۋ بەتالىسىنا تاباندى بولىپ، پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىق قايراتكەرلەرىمەن، جاڭا قوعامدىق جىك قايراتكەرلەرىمەن بايلانىستى كۇشەيتىپ، ”ٴبىر ەل، ەكى ٴتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي دۇرىس، بۇلجىماي دايەكتىلەندىرىپ، ساياسي پارتيالار قاتىناسىنىڭ، ۇلتتار قاتىناسىنىڭ، دىندەر قاتىناسىنىڭ، جىكتەر قاتىناسىنىڭ، ەل ٴىشى ـ سىرتىنداعى باۋىرلاستار قاتىناسىنىڭ جاراسىمدىلىعىن جەبەپ، ەڭ كەڭ كولەمدى وتانشىلدىق بىرلىكساپتى بەكەمدەۋ جانە دامىتۋ كەرەك. مۇشەلەردىڭ ٴار سالاداعى بۇقارامەن بايلانىس جاساۋ قىزمەتى مەن مۇشەلەردىڭ مىندەت وتەۋدەگى ”حالىق ٴۇشىن قىزمەت وتەۋ“ قيمىلىن ىشكەرىلەي ورىستەتىپ، پارتيا مەن ۇكىمەتكە سەلبەسىپ سەنىمدى سەرپىلتۋ، جۇرت تىلەگىن ۇيىستىرۋ، كۇدىك ـ كۇماننان ارىلتۋ قىزمەتىن ويداعىداي ىستەۋ كەرەك. شەتەلمەن دوستىق بارىس ـ كەلىستى بەلسەنە ورىستەتىپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن ۇگىتتەپ، تانىستىرىپ، جۇڭگو حيكاياسىن ويداعىداي بايانداپ، جۇڭگو ٴۇنىن ويداعىداي تاراتۋ كەرەك. حالىق ساياسي كەڭەسى قۇرىلعاندىعىنىڭ 75 جىلدىعىن قۇتتىقتاۋعا قاتىستى قيمىلدارعا ويداعىداي دايىندالىپ، ويداعىداي ۇيىمداستىرىپ، تاڭداۋلى ٴداستۇردى ساۋلەلەندىرىپ، ساياسي جاۋاپكەرشىلىكتى ەستە بەرىك ساقتاپ، يدەيالىق ـ ساياسي جەتەكشىلىكتى كۇشەيتىپ، ارناۋلى كەڭەس قۇرىلىمى ٴتۇزىم قۇرىلىسىن كۇشەيتىپ، ٴوز قۇرىلىسىن كۇشەيتىپ، حالىق ساياسي كەڭەسى ىستەرىن ۇزدىكسىز العا ىلگەرىلەتۋ كەرەك.
ٴماجىلىس مىنالاردى باسا دارىپتەدى: ساياسي كەڭەس مۇشەلەرى مەن ورگان كادرلارىنىڭ ”ەكى قوسىن“ قۇرىلىسىن ۇزدىكسىز كۇشەيتۋ كەرەك. قالىڭ ساياسي كەڭەس مۇشەلەرى باس شۋجي شي جينپيڭنىڭ ”ساياسي كەڭەستى ٴبىلۋ، كەڭەسۋدى ٴبىلۋ، ۇكىمەت ٴىسىن كەڭەسۋگە شەبەر بولۋ، تارتىپكە بويسۇنۋ، قاعيدانى دارىپتەۋ، ٴمورالعا ٴمان بەرۋ“ جونىندەگى ماڭىزدى تالابىن تياناقتاندىرىپ، ٴوز ساپاسى مەن مىندەت اتقارۋ قابىلەتىن جوعارىلاتىپ، شىن سويلەپ، ناقتى جاعدايدى بايانداپ، ناقتى ٴادىس ـ امال قاراستىرىپ، قايراتتانا ۇمتىلاتىن رۋحاني بەت ـ بەينەنى ايگىلەۋى كەرەك. ورگان كادرلارىنىڭ جالپىلىق ساپاسى مەن قىزمەت وتەۋ دەڭگەيىن جوعارىلاتىپ، كەمەلدەندىرە بەرۋ، مۇلتىكسىز ىستەۋگە تالپىنۋ سىندى قىزمەت ستيلىن دارىپتەپ، فورماشىلدىقتى، تورەشىلدىكتى جەڭىپ جانە تۇزەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىلگەرىلەتىپ، پارتيا الاڭسىز بولاتىن، حالىق ريزا بولاتىن ۇلگىلى ورگان قۇرۋ كەرەك.
ٴماجىلىس مىناعان ۇندەدى: حالىق ساياسي كەڭەسىنە قاتىناسقان ورىندار، ٴار دارەجەلى ۇيىمدار جانە قالىڭ مۇشەلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴبىر نيەت، ٴبىر تىلەكتە بولىپ، كوپ بولىپ اقىل قوسىپ، جاڭا داۋىردەگى حالىق ساياسي كەڭەسى قىزمەتىنىڭ جاڭا جاعدايىن ۇزدىكسىز اشۋى كەرەك.
