(ساياسي كەڭەس 14 ـ كەزەكتى مەملەكەتتىك كوميتەتىنىڭ 2 ـ ماجىلىسىندە 2024 ـ جىلى 3 ـ ايدىڭ 10 ـ كۇنى ماقۇلداندى)
مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ٴماجىلىسى كەزىندە قالىڭ ساياسي كەڭەس مۇشەلەرى، ساياسي كەڭەسكە قاتىناسۋشى ورىندار شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ۇسىنىس جوبالار ارقىلى بەلسەنە اقىل ـ كەڭەس بەرىپ، جوعارى دەڭگەيدە مىندەت وتەۋ ٴىس جۇزىندىك ارەكەتتەرى ارقىلى جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن جانە حالىق ساياسي كەڭەسى قۇرىلعاندىعىنىڭ 75 جىلدىعىن قارسى الدى.
3 ـ ايدىڭ 5 ـ كۇنى ساعات 20عا دەيىن جيىنى 5898 ۇسىنىس جوبا تاپسىرىپ الىندى. «جۇڭگو حالىق ساياسي ٴماسليحات كەڭەسى مەملەكەتتىك كوميتەتىنىڭ ۇسىنىس جوبا قىزمەت ەرەجەسىنە» جانە ۇسىنىس جوبالاردى قاراپ تەكسەرۋ قىزمەتىنىڭ ەگجەي ـ تەگجەيلى ەرەجەسىنە نەگىزدەلىپ، قاراپ تەكسەرۋ ارقىلى 5006 ۇسىنىس جوبا ەستەلىككە الىندى، 160 ۇسىنىس جوبا بىرىكتىرىلدى، 732 ۇسىنىس جوبا پىكىرگە جانە ۇسىنىسقا وزگەرتىلدى.
ەستەلىككە الىنعان ۇسىنىس جوبالاردىڭ ىشىندە مۇشەلەر قويعان ۇسىنىس جوبا 4534 نۇسقا بولىپ، %90.6ىن يەلەدى؛ ٴارقايسى دەموكراتيالىق پارتيا ـ توپتار، حالىقتىق ۇيىمدار جانە سالالار، مۇشەلەر گرۋپپاسى سياقتى كوللەكتيۆ قويعان ۇسىنىس جوبا 472 نۇسقا بولىپ، %9.4ىن ۇستادى. مۇنىڭ ىشىندە ەكونوميكالىق قۇرىلىس جاعىنداعى ۇسىنىس جوبا 1985 نۇسقا بولىپ، %39.7ىن ۇستادى؛ ساياسي قۇرىلىس جاعىنداعى ۇسىنىس جوبا 465 نۇسقا بولىپ، %9.3ىن ۇستادى؛ مادەنيەت قۇرىلىسى جاعىنداعى ۇسىنىس جوبا 457 نۇسقا بولىپ، %9.1ىن ۇستادى؛ قوعامدىق قۇرىلىس جاعىنداعى ۇسىنىس جوبا 1436 نۇسقا بولىپ، %28.7ىن ۇستادى؛ ەكولوگيالىق وركەنيەت قۇرىلىسى جاعىنداعى ۇسىنىس جوبا 663 نۇسقا بولىپ، %13.2تى ۇستادى.
وسى رەتكى ماجىلىستەگى ۇسىنىس جوبالار تومەندەگىدەي ەرەكشەلىككە يە: ٴبىرىنشى، ۇسىنىس جوبا قويۋشىلار باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن مۇقيات دايەكتىلەندىرىپ، جۇڭگو كوممۋنيستىك پارتياسى ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرىپ، دۇرىس ساياسي بەتالىسقا تاباندى بولىپ، نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋگە شوعىرلاندىرىپ، جاڭا دامۋ ۇستانىمىن دايەكتىلەندىرۋمەن، جاڭا دامۋ ارناسىن قالىپتاستىرۋمەن، جوعارى ساپالى دامۋدى ىلگەرىلەتۋمەن جانە حالىق تۇرمىسىنىڭ ىرىس ـ قۇتىن ارتتىرۋمەن تىعىز ۇشتاستىرا وتىرىپ سىندارلى اقىل ـ كەڭەس بەردى. ەكىنشى، ۇسىنىس جوبا قويۋشىلار ساياسي كەڭەستىڭ سيپاتىن تۇراقتاندىرۋ، ٴوزىنىڭ قىزمەت سالاسى مەن ماماندىق ارتىقشىلىعى جاقتارىنان ىشكەرىلەي تەكسەرۋ ـ زەرتتەۋ جۇرگىزۋگە، ۇسىنىس قويۋعا باسا ٴمان بەردى، جيىنى 1860 مۇشە ۇسىنىس جوبا تاپسىردى، جالپى تۇلعالىق جاقتان قاراعاندا، ۇسىنىس جوبانىڭ ساپاسى اناعۇرلىم جوعارىلاعان. ٴۇشىنشى، ۇسىنىس جوبا ارقىلى حالىق ساياسي كەڭەسىنىڭ ارناۋلى كەڭەس قۇرىلىمى بولۋ باسىمدىعى، رولى ساۋلەلەندىرىلىپ، جالپى بارىستىق حالىق دەموكراتياسىن دامىتۋ تالابى امالياتتا ايگىلەنىپ، اقىل ـ پاراسات پەن ورتاق تانىم ۇيىستىرىلىپ، سەنىم مەن كۇش ـ قۋات جەتكىزىلىپ، مەملەكەت ٴۇشىن مىندەت اتقارۋ، حالىق ٴۇشىن بورىشتى ادا ەتۋ سىندى جاۋاپكەرشىلىك ارقالاۋ رۋحى ايگىلەندى. ٴتورتىنشى، مەملەكەتتىك ساياسي كەڭەس 14 ـ كەزەكتى كوميتەتىنىڭ 1 ـ ماجىلىسىندە ۇسىنىس جوبالاردى %100 ينتەرنەت جەلىسىندە تاپسىرۋ نەگىزىندە، وسى رەتكى ماجىلىستە ۇسىنىس جوبالاردى ٴبىر جاقتى ەتۋدىڭ جالپى بارىسىن قاعازسىز ينتەرنەتتە ىستەۋ جۇزەگە اسىرىلىپ، ۇسىنىس جوبا قىزمەتىنىڭ دەڭگەيىن جوعارىلاتۋعا كەپىلدىك ەتىلدى.
ٴماجىلىس جابىلعاننان كەيىن، ۇسىنىس جوبالار اتقارۋعا جاۋاپتى ورىنداردىڭ ٴبىر جاقتى ەتۋىنە تاپسىرىلادى. بۇل رەتكى ٴماجىلىستىڭ ۇسىنىس جوبالاردى قابىلداۋ ۋاقىتى اياقتاعاننان كەيىن تاپسىرىپ الىنعان ۇسىنىس جوبالار ادەتتەگى ۇسىنىس جوبا رەتىندە دەر كەزىندە قاراپ تەكسەرىلىپ ٴبىر جاقتى ەتىلەدى.
جوعارىداعى باياندامانى قاراپ شىعۋلارىڭىزدى وتىنەمىز.
