جاۋ لىجي باسقاردى
شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسى ٴتوراعالار القاسى تۇراقتى ٴتوراعالارىنىڭ 2 ـ جيىنى 3 ـ ايدىڭ 10 ـ كۇنى تۇستەن كەيىن بەيجيڭ حالىق سارايىندا وتكىزىلدى. ٴماجىلىس ٴتوراعالار القاسىنىڭ تۇراقتى ٴتوراعاسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي جيىندى باسقاردى.
جيىن مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ جاساعان مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەملەكەتتىك كەڭەس ۇيىمدىق زاڭىنا وزگەرىس ەنگىزۋ جوباسىنىڭ تۇزەتىلگەن نۇسقاسىنا وزگەرىس ەنگىزۋ پىكىرى جونىندەگى باياندامانى تىڭدادى، مەملەكەتتىك كەڭەس ۇيىمدىق زاڭىنىڭ وزگەرىس ەنگىزىلگەن جوباسىنىڭ داۋىسقا سالۋ نۇسقاسىن قارادى.
جيىن ٴماجىلىس ٴتوراعالار القاسىنىڭ تۇراقتى ٴتوراعاسى، ٴماجىلىستىڭ ورىنباسار باس حاتشىسى، مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ليۋ چي جەكە ـ جەكە جاساعان ٴماجىلىس حاتشىلار باسقارماسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قاراۋ جانە وعان وزگەرىس ەنگىزۋ جاعدايى جونىندەگى مالىمەتىن تىڭدادى، 3 باياندامانىڭ قارار جوباسىنىڭ وكىلەتتى دايىندالعان نۇسقاسىن جەكە ـ جەكە قارادى.
جيىن ٴماجىلىستىڭ ورىنباسار باس حاتشىسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باس حاتشىسى ليۋ جۇنچىن جاساعان ٴماجىلىس حاتشىلار باسقارماسىنىڭ ۋاكىلدەردىڭ قويعان كەڭەستىك جوبالارىن ٴبىر جاقتى ەتۋ پىكىرى جونىندەگى باياندامانى تىڭدادى جانە قارادى.
جيىن جوعارىداعى وزگەرىس ەنگىزۋ پىكىرى جونىندەگى باياندامانى، سونداي ـ اق جوبانىڭ داۋىسقا سالۋ نۇسقاسىن، قارار جوباسىن جانە باياندامانى ٴماجىلىس ٴتوراعالار القاسىنىڭ 3 ـ جيىنىندا قاراۋعا ۇسىنۋعا قوسىلدى.
ٴماجىلىس ٴتوراعالار القاسىنىڭ تۇراقتى ٴتوراعالارى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر جيىنعا قاتىناستى.
