_ مەملەكەتتىك ساياسي كەڭەس 14 ـ كەزەكتى كوميتەتى 2 ـ ٴماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
حالىق گازەتى باسماقالاسى
ٴبىر نيەتكە كەلۋگە ورتاق تانىم ۇيىستىرىلدى، ۇلى ىستەر جاراتۋعا تاماشا شارالار كەڭىنەن قاراستىرىلدى. 3 ـ ايدىڭ 10 ـ كۇنى مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ٴماجىلىسى ماڭىزدى تاپسىرمانى اقتاپ، بورىشىن وتەپ، ٴتۇرلى كەڭەستىك تارتىپتەردى تولىق ورىنداپ، بەيجيڭدە جەڭىسپەن جابىلدى. ٴبىز ٴماجىلىستىڭ تابىستى بولعاندىعىن قىزۋ قۇتتىقتايمىز!
بۇل تۋدى بيىك ۇستاعان، دەموكراتيالى، ىنتىماقتى، شىندىققا تالپىنىپ، ەكپىندەي ىلگەرىلەگەن ٴماجىلىس بولدى. ٴماجىلىس كەزىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ٴماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، ماجىلىسكە قاتىناسقان مۇشەلەرگە امانداستى ٴارى بىرىككەن گرۋپپا جيىنىنا قاتىناسىپ پىكىر ـ ۇسىنىستاردى تىڭداپ، مۇشەلەرمەن بىرگە مەملەكەت ٴىسىن اقىلداستى، دامۋدى بىرگە جوسپارلادى. قالىڭ ساياسي كەڭەس مۇشەلەرى مۇقيات مىندەت وتەپ، جاۋاپكەرشىلىگىن ادا ەتىپ، ۇكىمەت ٴىسىن اقىلداسىپ ـ كەڭەسىپ، سىندارلى اقىل ـ كەڭەس بەرىپ، مەملەكەتتىك ساياسي كەڭەس تۇراقتى كوميتەتىنىڭ قىزمەتىنەن باياندامانى جانە ۇسىنىس جوبا قىزمەتىنىڭ جاعدايى جونىندەگى باياندامانى تىڭداپ جانە قاراپ، 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى، سونداي ـ اق باسقا دا قاتىستى باياندامالاردى تىڭداپ ٴارى تالقىلاپ، ەلىمىزدىڭ جالپى بارىستىق حالىق دەموكراتياسىنىڭ ەرەكشەلىگىن جانە ٴتۇزىم ابزالدىلىعى مەن جالىندى ومىرشەڭدىك كۇشىن تولىق ايگىلەدى.
باس شۋجي شي جينپيڭ بىلاي دەپ باسا دارىپتەدى: ”بيىل _ حالىق ساياسي كەڭەسى قۇرىلعاندىعىنىڭ 75 جىلدىعى. حالىق ساياسي كەڭەسى تاڭداۋلى ٴداستۇردى ساۋلەلەندىرىپ، ساياسي جاۋاپكەرشىلىكتى ەستە بەرىك ساقتاپ، يدەيالىق ـ ساياسي جەتەكشىلىكتى كۇشەيتىپ، ارناۋلى كەڭەس قۇرىلىمى ٴتۇزىم قۇرىلىسىن كۇشەيتۋى، ٴوز قۇرىلىسىن كۇشەيتۋى كەرەك، ساياسي كەڭەس مۇشەلەرى ٴوز ساپاسى مەن مىندەت وتەۋ قابىلەتىن جوعارىلاتىپ، جاڭا داۋىردەگى ساياسي كەڭەس قىزمەتىنىڭ جانە كوپ پارتيا سەلبەستىگى ىستەرىنىڭ جاڭا جاعدايىن ۇزدىكسىز اشۋى كەرەك“. 75 جىلدان بەرى تىلەكتەس، ساپارلاس بولىپ، جاڭا جورىقتا قول ۇستاسا ەكپىندەي ىلگەرىلەدى. اماليات جۇڭگو كوممۋنيستىك پارتياسىنىڭ باسشىلىعىنا تاباندى بولۋ _ حالىق ساياسي كەڭەسىن قۇرعان كەزدەگى اۋەلگى ماقسات، 75 جىلدان بەرى حالىق ساياسي كەڭەسى باستان ـ اياق اينىماعان ٴتۇبىرلى ساياسي پرينسيپ، حالىق ساياسي كەڭەسى ىستەرى دامۋىنىڭ، العا باسۋىنىڭ ٴتۇبىرلى كەپىلى ەكەندىگىن بەينەلەدى. بولاشاقتى بەتكە العاندا، پارتيا باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالى ۇشتاسۋىنا تاباندى بولىپ، ىنتىماق پەن دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، حالىق ساياسي كەڭەسىنىڭ سيپاتىن، ورنىن دالمە ـ ٴدال يگەرىپ، حالىق ساياسي كەڭەسى تۇزىمىنە ويداعىداي تاباندى بولساق، حالىق ساياسي كەڭەسى ىستەرىن ويداعىداي دامىتساق، پارتيا مەن مەملەكەت ىستەرىنىڭ دامۋىنا، ٴسوزسىز، تىڭ ۇلەس قوسا الامىز.
ىنتىماق _ كۇش، كۇرەس بولاشاقتى جاراتادى. جۇڭگو ۇلگىسىندەگى وسىزامانداندىرۋ جالپى حالىقتىڭ ورتاق ٴىسى ٴارى حاۋىپ ـ قاتەرگە، سىن ـ سايىسقا تولى، قاجىرلى قۇلشىنىس جاساۋدى قاجەت ەتەتىن ۇلى ٴىس، ٴسوز جوق، جالپى جۇڭحۋا پەرزەنتتەرىن بىرگە ويلاۋعا، بىرگە ىستەۋگە جۇمىلدىرىپ، جالپى حالىققا تىعىز سۇيەنىپ، قيىندىقتى بىلەك بىرىكتىرە جەڭۋ، ۇلى ٴىستى بىرگە ورىنداۋ كەرەك. العا باسۋ جولىندا ٴبىز ەڭ كەڭ وتانشىلدىق بىرلىكساپتى بەكەمدەپ جانە دامىتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەڭ ۇلكەن سەنترلەس شەڭبەرىن ويداعىداي سىزىپ، كوپتىڭ تىلەگىن توعىستىرىپ، كوپتىڭ كۇش ـ قۋاتىن توپتاپ، كوپتىڭ اقىل ـ پاراساتىن ۇيىستىرىپ، جۇڭگو ارمانىن ٴبىر نيەتپەن بىرگە ىسكە اسىراتىن قۋاتتى بىرىككەن كۇش قالىپتاستىرۋىمىز كەرەك. حالىق ساياسي كەڭەسىنىڭ ەڭ كەڭ وتانشىلدىق بىرلىكساپ ۇيىمى رەتىندەگى رولىن ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ ايبىندى جوباسى مەن جاندى امالياتى ارقىلى ادامدى جىگەرلەندىرۋگە، ادامدى شابىتتاندىرۋعا، ادامدى باۋراۋعا شەبەر بولىپ، ۇلى ىنتىماققا، ۇلى بىرلىككە تاباندى بولىپ، ىنتىماقتاسۋعا بولاتىن بارلىق كۇشتەردى ىنتىماقتاستىرىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ورتاق كۇرەس جۇرگىزۋ كۇشىن ەڭ جوعارى شەكتە ۇيىستىرۋىمىز كەرەك.
داڭق پەن ارمانعا تولى جاڭا جورىقتا ەكپىندەي ىلگەرىلەگەن حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. جۇڭگو كوممۋنيستىك پارتياسىنىڭ باسشىلىعىنداعى ساياسي ۇيىم رەتىندە، سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى رەتىندە حالىق ساياسي كەڭەسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ٴوزارا ساباقتاسۋىنا، ۇكىمەت ىسىنە قاتىناسىپ، اقىل ـ كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، نازاردى جۇڭگو ۇلگىسىندەگى وسىزامانداندىرۋدىڭ نىسانا ـ مىندەتتەرىنە شوعىرلاندىرىپ كەڭەس بەرىپ، كۇش شىعارىپ، حالىق ساياسي كەڭەسىنىڭ ٴتۇزىم ابزالدىلىعىن مەملەكەتتى باسقارۋ ونىمدىلىگىنە اناعۇرلىم ويداعىداي اينالدىرۋ كەرەك. حالىق ساياسي كەڭەسىندەگى ٴارقايسى پارتيا ـ توپتار، ٴارقايسى ۇيىمدار، ٴار ۇلت، ٴار سالا، ٴار جاق قايراتكەرلەرى جۇڭگو كوممۋنيستىك پارتياسىنىڭ 20 ـ قۇرىلتايىندا ورتاعا قويىلعان كەلەلى ستراتەگيالىق مىندەتتەر مەن ورتالىقتىڭ ەكونوميكالىق قىزمەت ٴماجىلىسىنىڭ ورنالاستىرۋلارىن ارقاۋ ەتىپ، ىشكەرىلەي تەكسەرۋ ـ زەرتتەۋ جۇرگىزىپ، ۇكىمەت ىسىنە بەلسەنە قاتىناسىپ، اقىل ـ كەڭەس بەرىپ، ورتاق تانىمدى كەڭ كولەمدە ۇيىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنا كۇش ۇستەۋى كەرەك.
جۇڭگو ۇلگىسىندەگى وسىزامانداندىرۋ مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ داڭعىل جولى، ول ادامزاتتىڭ وسىزاماندانۋعا بەت الۋىنىڭ جاڭا جولىن اشتى، ادامزات وركەنيەتىنىڭ جاڭا فورماتسياسىن جاراتتى. وسى داڭعىل جولدى بويلاي العا ىلگەرىلەپ، پارتيانىڭ 20 ـ قۇرىلتايى كەسكىندەگەن ۇلى جوبانى تاماشا رەالدىققا اينالدىرۋ سەنىمدى بەكەمدەۋدى، ٴورىس اشا ەكپىندەي ىلگەرىلەۋدى ايرىقشا قاجەت ەتەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ ،”ەكىنى تۇراقتاندىرۋدىڭ“ شەشۋشى ٴمانىن جەتە ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ٴبىرنيەت، ٴبىر تىلەكتە بولىپ، كوپ بولىپ امال قاراستىرىپ، كۇش سالىپ، جاڭا جورىقتا جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازايىق.
