شينحۋا اگەنتتىگىنىڭ 3 ـ ايدىڭ 4 ـ كۇنى بەيجيڭنەن بەرگەن حابارى. جۇڭگو مەن بولعاريا ديپلوماتيالىق قارىم ـ قاتىناس ورناتقاندىعىنىڭ 75 جىلدىعى قارساڭىندا 3 ـ ايدىڭ 4 ـ كۇنى «شي جينپيڭ ەل باسقارۋ جونىندە» 1 ـ تومىنىڭ بولعار تىلىندەگى باسىلىمى رەسمي باسپادان شىعىپ تاراتىلدى.
«شي جينپيڭ ەل باسقارۋ جونىندە» 1 ـ تومىن جۇڭگو كوممۋنيستىك پارتياسى ورتالىق كوميتەتى ۇگىت ٴبولىمى (مەملەكەتتىك كەڭەس اقپارات كەڭسەسى) ورتالىق پارتيا تاريحىن جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرلەسىپ رەداكسيالاعان، وعان باس شۋجي شي جينپيڭنىڭ پارتيا 18 ـ قۇرىلتايى جابىلعاننان 2014 ـ جىلى 6 ـ ايدىڭ 13 ـ كۇنىنە دەيىنگى ارالىقتاعى ماڭىزدى شىعارمالارى ەنگىزىلگەن، ٴسوز، سۇحبات، لەكسيا، سۇراۋعا جاۋاپ، بەكىتۋ، قۇتتىقتاۋ حاتى سياقتى جالپى 79 ماقالا بار، 18 ارناۋلى تاقىرىپقا بولىنگەن. بۇل كىتاپ حالىقارالىق قوعامنىڭ زامانىمىزداعى جۇڭگونى جانە جۇڭگو كوممۋنيستىك پارتياسىن تۇسىنۋىنە ماڭىزدى حۇجات ـ ماتەريال ازىرلەدى.
«شي جينپيڭ ەل باسقارۋ جونىندە» 1 ـ تومىنىڭ بولعار تىلىندەگى باسىلىمىن شەتەل تىلدەرى باسپاسى مەن بولگاريا شىعىس ـ باتىس باسپاسى بىرلەسىپ اۋدارىپ باسپادان شىعاردى. بۇل كىتاپتىڭ باسپادان شىعۋى بولگارياداعى ٴار سالا وقىرماندارىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ٴتۇسىنۋى، جۇڭگو ۇلگىسىندەگى وسىزامانداندىرۋدى جانە جۇڭحۋا ۇلتىنىڭ وسى زامانعى وركەنيەتىن ٴتۇسىنۋى، سەزىنۋى، جۇڭگو مەن بولگاريانىڭ ٴداستۇرلى دوستىعىن كۇشەيتۋ جونىنەن ماڭىزدى مانگە يە.
قازىرگە دەيىن «شي جينپيڭ ەل باسقارۋ جونىندە» كىتابىنىڭ 4 تومى اۋدارىلىپ باسپادان شىقتى، مۇنىڭ ىشىندە 1 ـ تومى 41 تىلدە شىعارىلدى.
