مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ٴماجىلىسى بۇگىن تۇستەن كەيىن ساعات 3تە اشىلادى
14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى بۇگىن دايىندىق جيىنىن وتكىزەدى
شينحۋا اگەنتتىگىنىڭ 3 ـ ايدىڭ 3 ـ كۇنى بەيجيڭنەن بەرگەن حابارى. مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ٴماجىلىسى 3 ـ ايدىڭ 4 ـ كۇنى تۇستەن كەيىن ساعات 3تە بەيجيڭ حالىق سارايىندا اشىلادى.
اشىلۋ جينالىسىندا جينالىسقا قاتىناسقان مەملەكەتتىك ساياسي كەڭەستىڭ مۇشەلەرى ساياسي كەڭەس مەملەكەتتىك 14 ـ كەزەكتى كوميتەتى 2 ـ ٴماجىلىسىنىڭ كەڭەستىك ٴتارتىبىن قاراپ ماقۇلدايدى، ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن جانە ساياسي كەڭەس مەملەكەتتىك كوميتەتى تۇراقتى كوميتەتىنىڭ مەملەكەتتىك ساياسي كەڭەس 14 ـ كەزەكتى كوميتەتىنىڭ 1 ـ ماجىلىسىنەن بەرگى ۇسىنىس جوبا قىزمەتىنىڭ جاعدايى جونىندەگى بايانداماسىن تىڭدايدى.
ورتالىق راديو ـ تەلەۆيزيا باس ستانسياسى اشىلۋ جينالىسىندا ۋاڭ حۋنيڭنىڭ مەملەكەتتىك ساياسي كەڭەس تۇراقتى كوميتەتىنىڭ قىزمەتىنەن جاساعان بايانداماسىن ۇستىنەن تىكە تاراتادى؛ شينحۋا سايتى اشىلۋ جينالىسىنىڭ ماقالاسى مەن سۋرەتىن قوسا ۇستىنەن تىكە تاراتادى.
3 ـ ايدىڭ 4 ـ كۇنى تۇستەن بۇرىن 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى دايىندىق جيىنىن وتكىزىپ، ٴماجىلىستىڭ ٴتوراعالار القاسى مەن باس حاتشىسىن سايلايدى، ٴماجىلىستىڭ كەڭەستىك ٴتارتىپ جوباسىن داۋىسقا سالادى. دايىندىق جيىننان كەيىن ٴماجىلىستىڭ ٴتوراعالار القاسى 1 ـ جيىنىن وتكىزەدى. ساعات 12دە 14 ـ كەزەكتى مەملەكەتتىك حالىق قۇرىلتايىنىڭ 2 ـ ٴماجىلىسى اقپار جاريالاۋ ٴماجىلىسىن وتكىزەدى، ٴماجىلىس مالىمدەمەشىسى ٴماجىلىستىڭ كەڭەستىك ٴتارتىبى مەن حالىق قۇرىلتايى قىزمەتىنە قاتىستى ماسەلەلەر جونىندە جۇڭگولىق، شەتەلدىك تىلشىلەردىڭ سۇراۋىنا جاۋاپ بەرەدى.
