شينحۋا اگەنتتىگىنىڭ 3 ـ ايدىڭ 1 ـ كۇنى بەيجيڭنەن بەرگەن حابارى. 2 ـ ايدىڭ 29 ـ كۇنى مەملەكەت ٴتوراعاسى شي جينپيڭ سۋليوك تاماسقا تەلەگرامما جولداپ، ونىڭ ۆەنگريانىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو مەن ۆەنگريانىڭ قارىم ـ قاتىناسى جوعارى دەڭگەيدە دامۋدى ساقتادى. ەكى ەلدىڭ جوعارى جىكتەگىلەرىنىڭ بارىس ـ كەلىسى جيىلەدى، ٴار سالاداعى سەلبەستىكتە سۇبەلى جەتىستىككە قول جەتكىزىلىپ، حالىقارالىق جانە وڭىرلىك ىستەردەگى سەلبەستىگى جاقسى بولدى. بيىل _ جۇڭگو مەن ۆەنگريا ديپلوماتيالىق قارىم ـ قاتىناس ورناتقاندىعىنىڭ 75 جىلدىعى، ەكى جاقتى قارىم ـ قاتىناستىڭ دامۋى جاڭا ماڭىزدى ورايعا ٴدوپ كەلدى. مەن جۇڭگو _ ۆەنگريا قارىم ـ قاتىناسىنىڭ دامۋىنا ايرىقشا ٴمان بەرەمىن، سۋليوك زۇڭتۇڭمەن بىرگە قۇلشىنىپ، ەكى ەل حالقىنىڭ ٴداستۇرلى دوستىعىن جالعاستىرىپ، ەكى ەلدىڭ ساياسي ٴوزارا سەنىمدىلىگىن جانە ٴار سالاداعى اۋىس ـ كۇيىسىن، سەلبەستىگىن تەرەڭدەتىپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋ سەلبەستىگىن ىلگەرىلەتىپ، جۇڭگو مەن ۆەنگريانىڭ جان ـ جاقتى ستراتەگيالىق سەرىكتەستىك قارىم ـ قاتىناسىنىڭ تىڭ ساتىعا كوتەرىلۋىنە جەتەكشىلىك ەتۋدى قالايمىن.
