شينحۋا اگەنتتىگىنىڭ 3 ـ ايدىڭ 1 ـ كۇنى پاريجدەن بەرگەن حابارى (تىلشىلەر چياۋ بىنشياۋ، جاڭ بايحۇي، سۇن شينجيڭ). «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەردىڭ» (فرانسۋزشا ـ حانزۋشا سالىستىرماسى) الەمدىك تۇڭعىش تاراتۋ سالتى جانە ”الەمدىك ادامدىق ۇقىقتى باسقارۋداعى جۇڭگو اقىل ـ پاراساتى“ اۋىس ـ كۇيىس زەرتتەۋ ـ تالقى ٴماجىلىسى 2 ـ ايدىڭ 29 ـ كۇنى فرانسيانىڭ پاريجىندە ٴساتتى وتكىزىلدى.
جۇڭگونىڭ فرانسياداعى ەلشىلىگىنىڭ ۋاقىتشا ۋاكىل ەلشىسى چىن دۇڭ، ادامزاتتىڭ تاعدىرلاس ورتاق تۇلعاسى ەۆروپا زەرتتەۋ ورتالىعىنىڭ مەڭگەرۋشىسى جان كريستوفەر باس قاتارلى سيلى قوناقتار قيمىلعا قاتىناستى ٴارى ارناۋ ٴسوز سويلەدى. جۇڭگو مەن فرانسيانىڭ ساياسي، ەكونوميكا، مادەنيەت سالالارىنان كەلگەن 60تان استام ۋاكىل ماجىلىسكە قاتىناستى.
چىن دۇڭ ارناۋ سوزىندە بىلاي دەدى: «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» اتتى كىتاپقا ٴتوراعا شي جينپيڭنىڭ ادامدىق ۇقىق جونىندەگى ماڭىزدى بايىمداۋلارى شوعىرلى تۇردە ەنگىزىلىپ، جۇڭگونىڭ حالىقتى وزەك ەتكەن ادامدىق ۇقىق ۇستانىمى ايگىلەنگەن، جۇڭحۋا وركەنيەتىنىڭ ”ادامدى نەگىز ەتۋ“ سىندى تاڭداۋلى ٴداستۇرى بەينەلەنىپ، جاڭا داۋىردەگى جۇڭگو كوممۋنيستىك پارتياسىنىڭ حالىقتى وزەك ەتكەن ەل باسقارۋ يدەياسى بايىمدالىپ، جۇڭگونىڭ الەمدىك ادامدىق ۇقىقتى باسقارۋداعى ساياساتتىق قۋاتتامالارى جۇيەلى تۇردە جيناقتالىپ، جۇڭگونىڭ ادامدىق ۇقىق كوزقاراسىن تۇسىنگىسى كەلەتىن ەل ٴىشى ـ سىرتىنداعى وقىرماندارعا بەدەلدى وقۋلىق ازىرلەندى.
جان كريستوفەر باس مىنالاردى ٴبىلدىردى: بۇگىنگى دۇنيە قىم ـ قۋىت، كۇردەلى، باتىستىڭ قۇن كوزقاراسى كەرى بۇرىلىسقا ٴدوپ كەلىپ وتىر، دۇنيە جۇزىندە باتىستى وزەك ەتۋدى الاستاۋ اۋقىمى جارىققا شىعۋدا، قۇن كوزقاراسى دا ەۆروپا، امەريكا سىندى ٴبىر نەگىزدى بولۋدان كوپ تۇرلىلەنۋگە بەت الۋدا، ٴتوراعا شي جينپيڭنىڭ بايىمداۋىندا ٴدال وسى كوپ نەگىزدەنۋدى دارىپتەۋ رۋحى ايگىلەنگەن. فرانسيا جىبەك جولى ساۋدا شۋەيۋانىنىڭ پروفەسسورى، شنەيدەر توبىنىڭ بۇرىنعى جوعارى دارەجەلى باسقارۋشىسى ەرۆە ازۋلي بىلاي دەپ قارادى: «بايىمداۋلاردان ۇزىندىلەر» اتتى كىتاپتىڭ مازمۇنى باي، يدەياسى تەرەڭ، جۇڭگونىڭ ادامدىق ۇقىق ىستەرىندە باستان ـ اياق حالىق بارىنەن جوعارى ورىنعا قويىلىپ، جالپى حالىقتىڭ بىرگە بايۋىن بىرتىندەپ جۇزەگە اسىرۋعا كۇش سالىنعان.
فرانسيا مەملەكەتتىك تەحنولوگيا شۋەيۋانىنىڭ پروفەسسورى كارىم بىلاي دەپ قارادى: جۇڭگونىڭ كەدەيلىكتەن ارىلتۋى دۇنيە ٴجۇزىنىڭ ادامدىق ۇقىق ىستەرىنە كەلەلى ۇلەس قوستى، ”بۇل وراسان زور تابىس، مۇنى ەشكىم دە جوققا شىعارا المايدى“. فاجۇڭ داشۋەسى دايىندىق كۋرس شۋەيۋانىنىڭ باستىعى جوزەف ماركۋتو مىنالاردى ٴبىلدىردى: جۇڭگولىقتار”ارەكەت سوزدەن ۇستەم تۇرادى“ دەگەنگە ٴمان بەرەدى، جۇڭگونىڭ ادامدىق ۇقىق دامۋى حالىق ەڭ كوڭىل بولەتىن رەال قۇت ـ ىرىس جاراتتى، ول وقۋ ـ اعارتۋ، جۇمىستاندىرۋ، ەمدەۋ ـ دەنساۋلىق ساقتاۋ سياقتىلاردى قامتيدى.
فرانسيا زافەل ەۆروپا _ ازيا سەلبەستىگىن جەبەۋ قوعامىنىڭ باستىعى جان پەگۋرە بىلاي دەپ قارادى: جۇڭگونىڭ ادامدىق ۇقىق دامۋ جولى جۇڭگونىڭ مەملەكەت جاعدايىنا ۇيلەسەدى، جۇڭگونىڭ ادامدىق ۇقىق ىستەرىنىڭ دامۋ تابىستارى ”ادامدىق ۇقىقتا جالاڭ ٴمان مەن دامۋ ۇلگىسى جوق ەكەندىگىن“ دالەلدەدى. فرانسيا حالىقتىق وقۋ ـ اعارتۋ مينيسترلىگىنىڭ بۇرىنعى ٴمانساپتىسى روبەل پروسپەريني مىنانى ٴبىلدىردى: ادامدىق ۇقىق جولى تەك بىرەۋ عانا ەمەس، وسى تۇيىنگە تاباندى بولۋ ادامزات قوعامىنىڭ بولاشاعى ٴۇشىن توتەنشە ماڭىزدى، جۇڭگونىڭ ادامدىق ۇقىق كوزقاراسى ٴدال ونىڭ تاريحى مەن فيلوسوفياسىنا تامىر تارتقان.
«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» (فرانسۋزشا ـ حانزۋشا سالىستىرماسى) ورتالىق قۇراستىرۋ ـ اۋدارۋ باسپاسىنان باسپادان شىقتى، ول 9 ارناۋلى تاقىرىپقا ٴبولىنىپ، وعان باس شۋجي شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ توڭىرەگىندە جاريالاعان ٴبىر قىدىرۋ ماڭىزدى بايىمداۋلارى جۇيەلى تۇردە ەنگىزىلگەن.
