شي جينپيڭ 2024 ـ جىلعى كوكتەمگى وقۋ ماۋسىمىنداعى ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋى بايلانىسىمەن ماڭىزدى نۇسقاۋ بەرىپ، بىلاي دەپ باسا دارىپتەدى
اۋەلگى ماقساتتى، بورىشتى ەستە بەرىك ساقتاپ، قايسارلىقپەن ايانباي شايقاسىپ العا ىلگەرىلەپ، تاريحتىڭ ۇتىلامالى تاياقشاسىن قۇلشىنا ويداعىداي جەتكىزۋ كەرەك
ساي چي وقۋ باستاۋ سالتىنا قاتىناستى ٴارى ٴسوز سويلەدى
شينحۋا اگەنتتىگىنىڭ 3 ـ ايدىڭ 1 ـ كۇنى بەيجيڭنەن بەرگەن حابارى. 2024 ـ جىلعى كوكتەمگى وقۋ ماۋسىمىنداعى ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسى 3 ـ ايدىڭ 1 ـ كۇنى تۇستەن بۇرىن ورتالىق كوميتەت پارتيا مەكتەبىندە وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماڭىزدى نۇسقاۋ بەرىپ، بىلاي دەپ باسا دارىپتەدى: جاس كادرلار _ پارتيا مەن مەملەكەت ىستەرىن دامىتۋدىڭ جالىندى كۇشى، جۇڭگوشا سوتسياليزم ىستەرىنىڭ ٴىزباسارى. جاڭا جورىقتا جاس كادرلار ماڭىزدى مىندەت ارقالاپ وتىر، بولاشاعى نۇرلى، ٴسوز جوق، اۋەلگى ماقساتتى، بورىشتى ەستە بەرىك ساقتاپ، قايسارلىقپەن ايانباي شايقاسىپ العا ىلگەرىلەپ، تاريحتىڭ ۇتىلامالى تاياقشاسىن قۇلشىنا ويداعىداي جەتكىزۋى كەرەك.
شي جينپيڭ بىلاي دەپ باسا دارىپتەدى: سانالى تۇردە پارتيانىڭ جاسامپاز نازارياسىنىڭ شىنايى سەنۋشىلەرى، ادال اتقارۋشىلارى بولىپ، جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، ۇزدىكسىز سەنىم نەگىزىن بەكەمدەپ، رۋحاني كالتسيدى تولىقتاپ، يدەيا تىزگىنىن مىقتى ۇستاپ، ماركسيزم نازارياسى دەڭگەيى مەن ونى قولدانۋ قابىلەتىن شىنايى جوعارىلاتۋ كەرەك. سانالى تۇردە پارتياعا ادال بولۋدىڭ، شىنايى بولۋدىڭ ۇلگىلى امالياتتا ايگىلەۋشىلەرى بولىپ، تۋى ايقىن تۇردە ساياسيدى دارىپتەپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن كۇش سالا جوعارىلاتىپ، پارتيانىڭ ساياسي ٴتارتىبى مەن ساياسي قاعيداسىنا قاتاڭ بويسۇنىپ، شىن سويلەپ، شىنايى ٴىس ىستەپ، شىنايى ادام بولىپ، پارتيا ورتالىق كوميتەتىمەن قاي ـ قاشان دا وسكەلەڭ ٴبىر اۋىزدىلىقتى ساقتاۋ كەرەك. سانالى تۇردە حالىقتى باقىتقا كەنەلتۋدى مۇرات ەتكەن قالتقىسىز ۇلەس قوسۋشىلار بولىپ، حالىقتى قاي ـ قاشان دا كوڭىلدىڭ تورىنە قويىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرىپ، بۇقارالىق قىزمەت ىستەۋ قابىلەتىن جوعارىلاتىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن، كۇش سالا شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك. سانالى تۇردە باتىلدىقپەن جاۋاپكەرشىلىك ارقالاپ، ىسكەرلىك كورسەتۋدىڭ قاجىماس كۇرەس جۇرگىزۋشىلەرى بولىپ، قايراتتانا رەفورما جاساپ، جاڭالىق اشىپ، باتىلدىقپەن، شەبەرلىكپەن كۇرەس جۇرگىزىپ، ەڭ اۋىر جۇكتى ارقالاۋعا پەيىل بولىپ، ەڭ قيىن ماسەلەلەردى شەشىپ، كۇردەلى ماسەلەلەردى قابىلداۋعا شەبەر بولىپ، ماسەلەگە بەتپە ـ بەت كەلۋ، قيىن ماسەلەلەردى شەشۋ بارىسىندا قىزمەت جاڭا جاعدايىن ۇزدىكسىز اشۋ كەرەك. سانالى تۇردە تاماشا ساياسي ەكولوگيانىڭ پارمەندى جەبەۋشىلەرى بولىپ، وزىنە ـ ٴوزى تۇبەگەيلى توڭكەرىس جاساۋ رۋحىن ساۋلەلەندىرىپ، ۇنەمشىل، قاراپايىم، كىشى پەيىل، باسەڭ بولىپ، فورماشىلدىققا، تورەشىلدىككە باتىل قارسى تۇرىپ، ەرەكشە ۇقىق يدەياسى مەن ەرەكشە ۇقىق ارەكەتىنە باتىل قارسى تۇرىپ، كوممۋنيستەردىڭ پاك، كىرشىكسىز ساياسي قاسيەتىن ماڭگى ساقتاۋ كەرەك.
شي جينپيڭ مىنالاردى تالاپ ەتتى: ٴار دارەجەلى پارتيا ۇيىمدارى وسكەلەڭ ساياسي جاۋاپكەرشىلىك سەزىممەن، تاريحي بورىشتىلىق سەزىممەن ٴىزباساتىن ادام بولۋ سىندى وسى ٴتۇبىرلى ۇلى جوسپاردى ويداعىداي يگەرىپ، تاڭداۋلى جاس كادرلاردى باۋلۋدىڭ، تاڭداپ ٴوسىرۋدىڭ ۇدايىلانعان قىزمەت مەحانيزمىن اقاۋسىزداندىرىپ، قاتاڭ تاربيەلەپ، باسقارىپ، باقىلاپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ اۋىر مىندەتىن ارقالاي الاتىن سەنىمدى ٴىزباسارلاردى ۇزدىكسىز باۋلۋى، جەتىلدىرۋى كەرەك.
وقۋ باستاۋ سالتىندا شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي وقۋ باستاۋ سالتىنا قاتىناستى ٴارى ٴسوز سويلەدى.
ساي چي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ ويى ورەلى، تەرەڭ تولعانىپ، الىستى ويلاعان، وتە كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە، جاس كادرلاردى جاڭا جورىقتا ەكپىندەي ىلگەرىلەۋگە، جاڭا داۋىردە ۇلەس قوسۋعا شابىتتاندىراتىن يدەيالىق جۇمىلدىرۋ، جاس كادرلاردى اقاۋسىز تولىسۋعا جەتەكتەيتىن ارەكەت باعدارناماسى، جاس كادرلار قىزمەتىن ويداعىداي ىستەۋدەگى عىلمي نۇسقاۋشى. ٴبىز ىشكەرىلەي ۇيرەنۋىمىز، ٴتۇسىنۋىمىز، مۇقيات دايەكتىلەندىرۋىمىز، تياناقتاندىرۋىمىز كەرەك.
ساي چي جاس كادرلار جونىندەگى ٴۇمىتى مەن تالابىن ورتاعا قويدى: نازاريالىق ۇيرەنۋدى كۇشەيتۋدە، ەرەن قابىلەتتى يگەرۋدە ەڭ ٴتۇبىرلىسى، ەڭ ماڭىزدىسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتە ۇيرەنىپ، جەتە ٴتۇسىنىپ، وسى ماڭىزدى يدەيانىڭ عىلمي جۇيەسىن، وزەكتى مازمۇنىن، امالياتتىق تالابىن تەرەڭ يگەرىپ، ۇيرەنۋ ناتيجەسىن ٴوز قىزمەتىن جاقسى ىستەۋدىڭ، ىستەردىڭ دامۋىن ىلگەرىلەتۋدىڭ جاندى امالياتىنا اينالدىرۋ بولىپ تابىلادى. پارتياعا ادال، شىنايى بولىپ، ساياسي نەگىزدى بەكەمدەپ، باستان ـ اياق پارتيانىڭ تۋىن تۋ، پارتيانىڭ ەركىن ەرىك، پارتيانىڭ بورىشىن بورىش ەتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، مۇرات ـ سەنىمدى بەكەمدەپ، ۇيىمدىق كوزقاراستى كۇشەيتىپ، كەڭ پەيىلدى، بۇكپەسىز، ٴىشى مەن سىرتى بىردەي بولۋ كەرەك. حالىقتىق سۇيىسپەنشىلىكتى تەرەڭ ورناتىپ، حالىقتى باقىتقا كەنەلتۋدى مۇرات ەتىپ، قاشاندا حالىقتىق تۇرعىدا بەرىك تۇرىپ، بۇقارالىق كوزقاراستى بەرىك ورناتىپ، حالىقتى باقىتقا كەنەلتۋدى سانالى تۇردە ەڭ ۇلكەن ناتيجە ەتىپ، بەل شەشە كىرىسىپ، ٴبىرىنشى شەپكە بارىپ، حالىق تۇرمىسى ناقتى ىستەرىن ويداعىداي ىستەۋ كەرەك. بەلسەندى تۇردە مىندەت وتەپ، جاۋاپكەرشىلىكتى ادا ەتىپ، جۇرەكتىلىكپەن جاۋاپكەرشىلىك ارقالاپ، ىسكەرلىك كورسەتىپ، شىندىققا جۇگىنىپ، ناقتى ٴىس ىستەپ، شىنايى يگەرىپ، تىڭعىلىقتى ىستەپ، قايراتتانا رەفورما جاساپ، قامال الىپ، قيىندىقتى جەڭىپ، كۇرەس جاساۋعا باتىل بولىپ، حاۋىپ ـ قاتەردەن ساقتانىپ، تياناقتاندىرۋدى مىقتاپ يگەرىپ، ناقتى ونىمدىلىككە تالپىنۋ كەرەك. تارتىپكە، قاعيداعا قاتاڭ بويسۇنىپ، كىرشىكسىز قاسيەتتى ماڭگى ساقتاپ، ٴتارتىپ، زاڭ، قاعيدا سىندى وسى ارقاۋدى قاي ـ قاشان دا مىقتاپ شيراتىپ، ٴوز ٴمىنىن ۇعىناتىن سانالىلىقتى، اسا قىراعى بولاتىن بايىپتىلىقتى، قاتاڭ باسقارۋ، قاتاڭ جونگە سالۋ سىندى جاۋاپكەرشىلىكتى ساقتاپ، ستيلى پاك، سالتى دۇرىس تاماشا ساياسي ەكولوگيانى بىرگە قالىپتاستىرۋ كەرەك. پارتيا مەن حالىقتىڭ تاپسىرماسىن ەستە بەرىك ساقتاپ، ٴداۋىردىڭ اۋىر مىندەتىن كوڭىلدە ساقتاپ، ارقالاپ، پارتياعا ٴوزىن ارناپ، وتان ٴۇمىتىن اقتاپ، حالىق ٴۇشىن ۇلەس قوسىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋگە ۇلەس قوسۋ كەرەك.
لي گانجيە وقۋ باستاۋ سالتىن باسقاردى، جياڭ شينجى مەن چىن شي قاتىناستى.
2024 ـ جىلعى كوكتەمگى وقۋ ماۋسىمىنداعى ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنداعى كۋرسانتتار وقۋ باستاۋ سالتىنا قاتىناستى، ورتالىقتىڭ قاتىستى تاراۋلارىنداعى جاۋاپتى جولداستار وقۋ باستاۋ سالتىنا سىرتتاي قاتىناستى.
