شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 12 ـ رەتكى توپتىق ۇيرەنۋىندە بىلاي دەپ باسا دارىپتەدى
ەلىمىزدىڭ جاڭا ەنەرگيا جاعىنداعى جوعارى ساپالى دامۋىن بار كۇشپەن ىلگەرىلەتىپ، تازا دا كورىكتى دۇنيە ءجۇزىن بىرگە قۇرۋعا اناعۇرلىم زور ۇلەس قوسۋ كەرەك
شينحۋا اگەنتتىگىنىڭ 3 ـ ايدىڭ 1 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 2 ـ ايدىڭ 29 ـ كۇنى تۇستەن كەيىن جاڭا ەنەرگيا تەحنيكاسى جانە ەلىمىزدىڭ ەنەرگيا حاۋىپسىزدىگى جونىندە 12 ـ رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ەنەرگيا حاۋىپسىزدىگى ەكونوميكالىق، قوعامدىق دامۋ جالپى جاعدايىنا سايادى. تازا ەنەرگيانى بەلسەنە دامىتىپ، ەكونوميكانىڭ، قوعامنىڭ جاسىل، تومەن كومىر قىشقىل گازدى تيپ جاڭالاۋىن ىلگەرىلەتۋ حالىقارالىق قوعامنىڭ الەمدىك كليمات وزگەرىسىنە توتەپ بەرۋدەگى جالپىلىق ورتاق تانىمىنا اينالدى. ٴبىز جاعدايعا قاراي ىستەپ، قولايلى جاعدايدان ۇتىمدى پايدالانىپ، ەلىمىزدىڭ جاڭا ەنەرگيا جاعىنداعى جوعارى ساپالى دامۋىن اناعۇرلىم زور سەرپىنمەن ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىنا حاۋىپسىز، سەنىمدى ەنەرگيا قامتاماسىزدىعىن ازىرلەپ، تازا دا كورىكتى دۇنيە ٴجۇزىن بىرگە قۇرۋعا اناعۇرلىم زور ۇلەس قوسۋىمىز كەرەك.
جۇڭگو ينجەنەريا اكادەمياسىنىڭ اكادەميگى، جاڭا ەنەرگيالى ەلەكتر جۇيەسى مەملەكەتتىك ٴتۇيىندى تاجىريبەحاناسىنىڭ مەڭگەرۋشىسى ليۋ جيجىن پروفەسسور وسى ماسەلە جونىندە ٴتۇسىندىرۋ جاساپ، قىزمەت ۇسىنىسىن بەردى. ورتالىق كوميتەت ساياسي بيۋروسىنداعى جولداستار ٴتۇسىندىرۋدى دەن قويا تىڭدادى ٴارى تالقى جۇرگىزدى.
شي جينپيڭ ٴتۇسىندىرۋدى جانە تالقىنى تىڭداعاننان كەيىن ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا 18 ـ قۇرىلتايىنان بەرى ەلىمىزدىڭ جاڭاشا ەنەرگيا جۇيەسى جەدەل ورناپ، ەنەرگيا قامتاماسىزدىعى نەگىزى ۇزدىكسىز بەكەمدەلىپ، ەكونوميكالىق، قوعامدىق دامۋعا پارمەندى تىرەك ازىرلەدى. سونىمەن بىرگە، ەلىمىزدىڭ ەنەرگيا جاعىنداعى دامۋىنىڭ ٴالى دە سۇرانىس قىسىمى اسا زور، قامداۋ تەجەمى ٴبىرشاما كوپ، جاسىل، تومەن كومىر قىشقىل گازدى تيپ جاڭالاۋ مىندەتى جاپالى بولۋ سياقتى ٴبىرسىپىرا سىن ـ سايىستارعا ٴدوپ كەلىپ وتىرعاندىعىن دا كورە ٴبىلۋىمىز كەرەك. وسى سىن ـ سايىستارعا توتەپ بەرۋدىڭ شىعار جولى _ جاڭا ەنەرگيانى بار كۇشپەن دامىتۋ.
شي جينپيڭ بىلاي دەپ باسا دارىپتەدى: ەلىمىزدىڭ جەل ەلەكتر، فوتوۆولت سياقتى بايلىقتارى مول، جاڭا ەنەرگيانى دامىتۋ كومەسكى كۇشى اسا زور. ۇزدىكسىز قامال الۋ جانە توپتاۋ ارقىلى ەلىمىزدىڭ كوپ تۇردەگى جاڭا ەنەرگيا تەحنيكاسى مەن جابدىق جاساۋ دەڭگەيى دۇنيە جۇزىندە الدىڭعى قاتارعا ٴوتىپ، دۇنيە جۇزىندەگى ەڭ ٴىرى تازا ەلەكترمەن قامداۋ جۇيەسى ورناتىلدى، جاڭا ەنەرگيالى اۆتوكولىك، ليتي باتارەياسى جانە فوتوۆولتتىق ونىمدەر حالىقارالىق بازاردا كۇشتى باسەكەلىك قۋات قالىپتاستىردى، جاڭا ەنەرگيانىڭ دامۋىنا تاماشا نەگىز ازىرلەنىپ، ەلىمىز دۇنيە جۇزىلىك ەنەرگيانىڭ دامىپ، تيپ جاڭالاۋىنىڭ جانە كليمات وزگەرىسىنە توتەپ بەرۋدىڭ ماڭىزدى ىلگەرىلەتۋشىسىنە اينالدى.
شي جينپيڭ بىلاي دەپ اتاپ كورسەتتى: جاڭا ەنەرگيانىڭ دامۋى مەن مەملەكەتتىڭ ەنەرگيا حاۋىپسىزدىگىن ويداعىداي ٴبىر تۇتاس جوسپارلاپ، جوبالاۋدى الدىمەن جۇرگىزۋگە تاباندى بولىپ، جوعارى دەڭگەيلى جوبالاۋدى كۇشەيتىپ، ٴبىر تۇتاس جوسپارلاپ، تەڭ ٴمان بەرۋدى ويداعىداي ىستەپ، جاڭا ەنەرگيا مەن ٴداستۇرلى ەنەرگيانىڭ، جالپى جاعداي مەن ٴىشىنارالىق جاعدايدىڭ، ۇكىمەت پەن بازاردىڭ، ەنەرگيا اشۋ مەن ۇنەمدەپ پايدالانۋدىڭ ت.ب قاتىناسىن ويداعىداي ٴبىر جاقتى ەتۋگە نازار اۋدارىپ، جاڭا ەنەرگيانىڭ جوعارى ساپالى دامۋىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: دۇنيە ٴجۇزى ەنەرگيا عىلىم ـ تەحنيكاسىنىڭ الدىڭعى لەگىن كوزدەپ، نازاردى ەنەرگيانىڭ شەشۋشى سالالارى مەن ماڭىزدى سۇرانىسقا شوعىرلاندىرىپ، تەحنيكالىق جولدى ۇيلەسىمدى تاڭداپ، جاڭاشا بۇكىل مەملەكەتتىك ٴتۇزىلىس باسىمدىعىن ساۋلەلەندىرىپ، شەشۋشى، وزەكتى تەحنيكالاردان بىرلەسىپ قامال الۋدى كۇشەيتىپ، عىلمي زەرتتەۋ جەتىستىگىن كادەگە جاراتۋدى، قولدانۋدى كۇشەيتىپ، ەنەرگيا تەحنيكاسىن جانە ونىمەن بايلانىستى كاسىپ سالالارىن ەلىمىز كاسىپ سالاسىنىڭ دارەجەسىن جوعارىلاتۋعا باستاماشىلدىق ەتەتىن جاڭا ارتۋ ٴتۇيىنى ەتىپ جەتىلدىرىپ، جاڭا ساپالى وندىرگىش كۇشتىڭ دامۋىن جەبەۋ كەرەك.
شي جينپيڭ بىلاي دەپ اتاپ كورسەتتى: ەنەرگيانىڭ تيپ جاڭالاۋ قاجەتىنە ۇيلەسۋدە، جاڭا ەنەرگيا نەگىزدىك قۇرىلعىلار تورىن اناعۇرلىم ويداعىداي ورناتىپ، ەلەكتر تورى نەگىزدىك قۇرىلعىلارىن زەردەلىلەندىرىپ جاڭالاۋ مەن زەردەلى ميكرو ەلەكتر تورى قۇرىلىسىن ىلگەرىلەتىپ، ەلەكتر تورىنىڭ تازا ەنەرگيانى قابىلداۋ، ۇلەستىرۋ جانە رەتتەۋ ـ مەڭگەرۋ قۋاتىن جوعارىلاتۋ كەرەك. زاريادتاۋ نەگىزدىك قۇرىلعىلارى تورى جۇيەسىن جەدەل ورناتىپ، جاڭا ەنەرگيالى اۆتوكولىكتەردىڭ جەدەل دامۋىنا دەم بەرۋ كەرەك.
شي جينپيڭ بىلاي دەپ باسا دارىپتەدى: جاڭا ەنەرگيا عىلىم ـ تەحنيكاسىندا جاڭالىق اشۋ حالىقارالىق سەلبەستىگىن تەرەڭدەتۋ كەرەك. جاڭا ەنەرگيا كاسىپ سالاسى تىزبەگى سەلبەستىگىن تارتىپپەن ىلگەرىلەتىپ، ەنەرگيانىڭ جاسىل، تومەن كومىر قىشقىل گازدى تيپ جاڭالاۋ، تەڭ يگىلىككە كەنەلۋ جاڭا ۇلگىسىن ورناتۋ كەرەك. حالىقارالىق ەنەرگيا باسقارۋ وزگەرىسىنە تەرەڭدەي ات سالىسىپ، ٴادىل، تۋراشىل، بىركەلكى، جالپىعا ٴتيىمدى الەمدىك ەنەرگيا باسقارۋ جۇيەسىن ورناتۋدى ىلگەرىلەتۋ كەرەك.
شي جينپيڭ سوڭىندا بىلاي دەپ باسا دارىپتەدى: عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋدا بۇگىنگى تاڭداعى عىلىم ـ تەحنيكا دامۋىنىڭ ۇلكەن بەتالىسىن يگەرۋمەن بىرگە، ٴوزىن نەگىز ەتۋگە تاباندى بولىپ، ماسەلەنى باعدار ەتۋدى جانە سۇرانىستى باعدار ەتۋدى كورنەكتىلەندىرىپ، عىلىم ـ تەحنيكادا جاڭالىق اشۋعا ۇسىنىلىم ونىمدىلىگىن جوعارىلاتۋ كەرەك.
