«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
حالىق ساياسي كەڭەسى قىزمەتىن كۇشەيتىپ جانە جاقسارتىپ، كەڭەستىك دەموكراتيانى جاپپاي دامىتۋ كەرەك
شينحۋا اگەنتتىگىنىڭ 2 ـ ايدىڭ 29 ـ كۇنى بەيجيڭنەن بەرگەن حابارى. 3 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 5 ـ سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «حالىق ساياسي كەڭەسى قىزمەتىن كۇشەيتىپ جانە جاقسارتىپ، كەڭەستىك دەموكراتيانى جاپپاي دامىتۋ كەرەك» اتتى ماڭىزدى ماقالاسىن جاريالايدى. بۇعان باس شۋجي شي جينپيڭنىڭ 2013 ـ جىلى 2 ـ ايدان 2023 ـ جىلى 6 ـ ايعا دەيىنگى مەزگىلدەگى قاتىستى ماڭىزدى بايىمداۋلارىنان ۇزىندىلەر ەنگىزىلگەن.
ماقالادا مىنالار اتاپ كورسەتىلدى: حالىق ساياسي كەڭەسى _ جۇڭگو كوممۋنيستىك پارتياسىنىڭ ماركسيزم ـ لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ٴىس جۇزىندىك جاعدايىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا ـ توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ٴار ۇلت، ٴار سالاداعى قايراتكەرلەرگە باسشىلىق ەتىپ ساياسي ٴتۇزىم جاعىندا جۇرگىزگەن ۇلى جاسامپازدىعى. جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەسى ىنتىماق جانە دەموكراتيا سىندى ەكى ۇلكەن نەگىزگى تاقىرىپتان جازباي، پارتيا مەن مەملەكەتتىڭ وزەكتى مىندەتىنە قىزمەت ەتىپ، جاڭا جۇڭگونى قۇرۋ جانە سوتسياليستىك توڭكەرىس، قۇرىلىس، رەفورما سىندى ٴاربىر تاريحي مەزگىلدە توتەنشە ماڭىزدى رولىن ساۋلەلەندىردى. اماليات حالىق ساياسي كەڭەسى ٴتۇزىمىنىڭ كوپ جاقتا وزگەشە باسىمدىققا يە ەكەندىگىن دالەلدەدى.
ماقالادا مىنالار اتاپ كورسەتىلدى: پارتيا 18 ـ قۇرىلتايىنان بەرى ٴبىز تاجىريبەلەردى قورىتىندىلاپ، حالىق ساياسي كەڭەسى قىزمەتىنە ٴبىر قىدىرۋ جاڭا تالاپ قويدىق، بۇل، باستىسى، مىنالار: ٴبىرىنشى، پارتيانىڭ حالىق ساياسي كەڭەسى قىزمەتىنە باسشىلىعىن كۇشەيتۋ كەرەك. ەكىنشى، حالىق ساياسي كەڭەسىنىڭ سيپاتىن تۇراقتاندىرۋدى دۇرىس يگەرۋ كەرەك. ٴۇشىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرۋ كەرەك. ٴتورتىنشى، ەلىمىزدىڭ جاڭاشا ساياسي پارتيا تۇزىمىنە تاباندى بولۋ جانە ونى كەمەلدەندىرۋ كەرەك. بەسىنشى، حالىقتىڭ تىلەگى مەن كۇشىن كەڭ كولەمدى ۇيىستىرۋ كەرەك. التىنشى، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتۋ كەرەك. جەتىنشى، حالىق ساياسي كەڭەسىنىڭ حالىق ٴۇشىن قىزمەت ىستەۋىنە تاباندى بولۋ كەرەك. سەگىزىنشى، رەفورما جاساۋ، جاڭالىق اشۋ رۋحىمەن مىندەت وتەۋ قابىلەتى قۇرىلىسىن ىلگەرىلەتۋ كەرەك. جاڭا جاعدايدا، ٴسوز جوق، حالىق ساياسي كەڭەسى تۇزىمىنە ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتىپ، بىرلىكساپ قىزمەتىن ورىستەتۋ جاۋاپكەرشىلىگىن ارقالاۋدى كۇشەيتىپ، اناعۇرلىم كوپ ادامدى پارتيانىڭ توڭىرەگىندە ىنتىماقتاستىرۋىمىز كەرەك.
ماقالادا مىنالار اتاپ كورسەتىلدى: جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي كەڭەس ٴتۇزىمى _ ەلىمىزدىڭ نەگىزگى ساياسي ٴتۇزىمى، جۇڭگو توپىراعىندا ٴوسىپ ـ ونگەن جاڭاشا ساياسي پارتيا ٴتۇزىمى. ول قازىرگى زامانعى جۇڭگونىڭ ٴىس جۇزىندىگىنە ۇيلەسىپ قانا قويماي، جۇڭحۋا ۇلتى دايەكتى تۇردە دارىپتەپ كەلە جاتقان دۇنيە كوپكە ورتاق، ٴبارىن تۇگەل قامتۋ، پارىقتاردى ساقتاپ، ورتاقتىققا ۇمتىلۋ سياقتى تاڭداۋلى ٴداستۇرلى مادەنيەتكە دە ۇيلەسەدى، ادامزاتتىڭ ساياسي وركەنيەتى جونىنەن كەلەلى ۇلەس بولىپ تابىلادى. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، دەموكراتيانى ساۋلەلەندىرۋ مەن ىنتىماقتى نىعايتۋدى ٴوزارا ساباقتاستىرۋعا، ۇسىنىس قويىپ، ۇكىمەت ىسىنە ارالاسىپ اقىل ـ كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ساۋلەلەندىرىپ، تۇزىمدەندىرۋ، جۇيەلىلەندىرۋ، تارتىپتەندىرۋ سياقتى فۋنكتسيا قۇرىلىسىن كۇشەيتۋ كەرەك.
ماقالادا مىنالار باسا دارىپتەلدى: كەڭەستىك دەموكراتيانى جاپپاي دامىتۋ كەرەك. كەڭەستىك دەموكراتيا _ جالپى بارىستىق حالىق دەموكراتياسىن امالياتتا ايگىلەۋدىڭ ماڭىزدى فورماسى. حالىق ساياسي كەڭەسى كەڭەسۋ بارىسىندا كەڭ كولەمدە ىنتىماقتاسۋدى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن امالياتتا ايگىلەدى، ٴارى تاريحي داستۇرگە مۇراگەرلىك ەتتى، ٴارى ٴداۋىر ەرەكشەلىگىن بەينەلەدى، ەلىمىزدىڭ سوتسياليستىك دەموكراتياسىنىڭ ىستەردى كوپ اقىلداسۋ، ىسكە جولىققاندا كوپ اقىلداسۋ، ٴىس ىستەگەندە كوپ اقىلداسۋ ەرەكشەلىگى مەن باسىمدىعىن تولىق ايگىلەدى. كەڭەستىك دەموكراتيا جۇيەسىن كەمەلدەندىرىپ، ساياسي پارتيا كەڭەسىن، حالىق قۇرىلتايى كەڭەسىن، ۇكىمەت كەڭەسىن، ساياسي كەڭەس كەڭەسىن، حالىقتىق توپتار كەڭەسىن، نەگىزگى ساتى كەڭەسىن جانە قوعامدىق ۇيىمدار كەڭەسىن ٴبىر تۇتاس جوسپارلاپ ىلگەرىلەتىپ، ٴار ٴتۇرلى تۇزىمدەنگەن كەڭەس تۇعىرىن اقاۋسىزداندىرىپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ىلگەرىلەتۋ كەرەك.
