جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىس اشتى
ۇكىمەت قىزمەتىنەن باياندامانى تالقىلادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 2 ـ ايدىڭ 29 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 2 ـ ايدىڭ 29 ـ كۇنى ٴماجىلىس اشىپ، مەملەكەتتىك كەڭەستىڭ 14 ـ كەزەكتى مەملەكەتتىك حالىق قۇرىلتايى 2 ـ ٴماجىلىسىنىڭ قاراۋىنا ۇسىنىلاتىن «ۇكىمەت قىزمەتىنەن باياندامانىڭ» نۇسقاسىن تالقىلادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس بىلاي دەپ قارادى: وتكەن ٴبىر جىلدا، توتەنشە كۇردەلى حالىقارالىق ورتا مەن جاپالى دا اۋىر رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، سىرتقى قىسىمعا توتەپ بەرىپ، ىشكى قيىنشىلىقتى جەڭىپ، قاجىرلى قۇلشىنىس جاسادى، جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋ ورنىقتى تۇردە جاڭا كەزەڭگە ٴوتتى، ەكونوميكا قايتا ورلەپ، جاقساردى، حالىق تۇرمىسىن قامتاماسىز ەتۋ پارمەندى دە ٴونىمدى بولدى، تۇتاس جىلداعى ەكونوميكالىق، قوعامدىق دامۋدىڭ باستى نىسانالارى مەن مىندەتتەرى تابىسپەن ورىندالدى، جوعارى ساپالى دامۋ تىڭعىلىقتى ىلگەرىلەتىلدى، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى.
ٴماجىلىس بىلاي دەپ باسا دارىپتەدى: بيىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانالاردى، مىندەتتەردى جۇزەگە اسىرۋدىڭ شەشۋشى ٴبىر جىلى. ۇكىمەت قىزمەتىن ويداعىداي ىستەۋدە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ٴماجىلىسىنىڭ ورنالاستىرۋى بويىنشا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، رەفورمانى، ەسىك اشۋدى جاپپاي تەرەڭدەتىپ، جوعارى دەڭگەيلى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى ىلگەرىلەتىپ، ماكرولىق رەتتەۋ ـ تىزگىندەۋ تەبىنىن ارتتىرىپ، ىشكى سۇرانىستى كەڭەيتۋ مەن قامداۋ جاعىنداعى قۇرىلىمدىق رەفورمانى تەرەڭدەتۋدى ٴبىر تۇتاس جوسپارلاپ، جاڭاشا قالا ـ قالاشىقتاندىرۋ مەن اۋىل ـ قىستاقتى جاپپاي گۇلدەندىرۋدى ٴبىر تۇتاس جوسپارلاپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتى ٴبىر تۇتاس جوسپارلاپ، ەكونوميكانىڭ ومىرشەڭدىك كۇشىن شىنايى ارتتىرىپ، حاۋىپ ـ قاتەرلەردەن ساقتانىپ جانە ونى جويىپ، قوعامدىق مەجەنى جاقسارتىپ، ەكونوميكانىڭ قايتا ورلەۋ، جاقسارۋ بەتالىسىن بەكەمدەپ جانە كۇشەيتىپ، ەكونوميكانىڭ ساپا جاعىندا ٴونىمدى جوعارىلاۋى مەن سان جاعىندا ۇيلەسىمدى ارتۋىن ۇزدىكسىز ىلگەرىلەتىپ، حالىق تۇرمىسىنىڭ قۇت ـ ىرىسىن ارتتىرىپ، قوعام ورنىقتىلىعىن ساقتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ كەرەك.
ٴماجىلىس بىلاي دەپ اتاپ كورسەتتى: بيىلعى قىزمەتتە ورنىقتىلىق بارىسىندا ىلگەرىلەۋگە، ىلگەرىلەۋ بارىسىندا ورنىقتىلىقتى جەبەۋگە، الدىمەن ورناتىپ، سوڭىنان كۇشىنەن قالدىرۋعا تاباندى بولۋ كەرەك. بەلسەندى قازىنا ساياساتىندا تەبىندى ۇيلەسىمدى ارتتىرىپ، ساپانى جوعارىلاتىپ، ونىمدىلىكتى ارتتىرۋ كەرەك، ورنىقتى اقشا ساياساتى يكەمدى، ۇيلەسىمدى، دالمە ـ ٴدال، ٴونىمدى بولۋى كەرەك، ماكرولىق ساياسات بەتالىسىنىڭ ٴبىرىڭعايلىعىن كۇشەيتىپ، ورنىقتى، جاريا، مەجەلى ساياساتتىق ورتا جاراتۋ كەرەك. وسىزاماندانعان كاسىپ سالاسى جۇيەسى قۇرىلىسىن زور كۇشپەن ىلگەرىلەتىپ، جاڭا ساپالى وندىرگىش كۇشتەردى جەدەل دامىتۋ كەرەك. عىلىم ـ تەحنيكا، وقۋ ـ اعارتۋ ارقىلى مەملەكەتتى گۇلدەندىرۋ ستراتەگياسىن ىشكەرىلەي اتقارىپ، مەملەكەتتىڭ ىشكى سۇرانىسىن زور كۇشپەن ۇلعايتىپ، رەفورمانى تەرەڭدەتۋدەن بۇلجىماي، جوعارى دەڭگەيدە سىرتقا ەسىك اشۋدى كەڭەيتىپ، ٴتۇيىندى سالالارداعى حاۋىپ ـ قاتەرلەردەن ٴونىمدى ساقتانۋ جانە ونى جويۋ كەرەك. اۋىل شارۋاشىلىعى، اۋىل ـ قىستاق، شارۋالار قىزمەتىن تاباندىلىقپەن ويداعىداي يگەرىپ، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، قالا مەن اۋىلدىڭ توعىسۋىن جانە وڭىرلەردىڭ سايكەستى دامۋىن ىلگەرىلەتۋ كەرەك. ەكولوگيالىق وركەنيەت قۇرىلىسىن كۇشەيتىپ، جاسىل، تومەن كومىر قىشقىل گازدى دامۋدى ىلگەرىلەتۋ كەرەك. حالىق تۇرمىسىن شىن مانىندە قامتاماسىز ەتىپ جانە ونى جاقسارتىپ، قوعامدىق باسقارۋدى كۇشەيتۋ جانە وندا جاڭالىق اشۋ كەرەك. ۇكىمەتتىڭ وزىندىك قۇرىلىسىن كۇشەيتىپ، فورماشىلدىقتى، تورەشىلدىكتى باتىل وڭاپ، شىنايى يگەرىپ ناقتى ىستەپ، بەرىلە شوگەلدىكپەن ىستەپ، شەبەرلىكپەن ىستەپ، شەبەرلىكپەن ناتيجە جاراتىپ، تۇتاس جىلدىق ەكونوميكالىق، قوعامدىق دامۋدىڭ نىسانالارىن، مىندەتتەرىن قۇلشىنا ورىنداۋ كەرەك.
