شينحۋا اگەنتتىگىنىڭ 2 ـ ايدىڭ 23 ـ كۇنى بەيجيڭنەن بەرگەن حابارى. «شي جينپيڭ ەل باسقارۋ جونىندە» 4 ـ تومىنىڭ موڭعۇل ٴتىلى، زاڭزۋ ٴتىلى، ۇيعۇر ٴتىلى، قازاق ٴتىلى، چاۋشيان ٴتىلى سىندى 5 ٴتۇرلى ۇلت ٴتىل ـ جازۋىنداعى باسىلىمى جاقىندا جۇڭگو ۇلتتار ٴتىل ـ جازۋ اۋدارما مەكەمەسىنىڭ اۋدارۋىمەن ۇلتتار باسپاسىنان باسپادان شىعىپ، بۇكىل ەلدە تاراتىلدى.
«شي جينپيڭ ەل باسقارۋ جونىندەنىڭ» 4 ـ تومىن ورتالىق كوميتەتتىڭ ۇگىت ٴبولىمى (مەملەكەتتىك كەڭەس اقپارات كەڭسەسى) ورتالىق پارتيا تاريحىن جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرگە قۇراستىرعان، باس شۋجي شي جينپيڭنىڭ 2020 ـ جىلى 2 ـ ايدىڭ 3 ـ كۇنىنەن 2022 ـ جىلى 5 ـ ايدىڭ 10 ـ كۇنىنە دەيىنگى ارالىقتاعى 109 ماڭىزدى ٴسوزى، سۇحباتى، لەكسياسى، ارناۋ ٴسوزى، نۇسقاۋى، قۇتتىقتاۋ حاتى سياقتىلار ەنگىزىلدى جانە باس شۋجي شي جينپيڭنىڭ 2020 ـ جىلى 1 ـ ايدان بەرگى 45 فوتوسۋرەتى كىرىستىرىلدى. كىتاپ 21 ارناۋلى تاقىرىپقا ٴبولىندى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ 100 جىلدىق وزگەرىس پەن عاسىرلىق ىندەت قاباتتاسقان كۇردەلى جاعدايعا قاراتا، دۇنيەدە سيرەك كەزدەسەتىن، تاريحتا سيرەك كەزدەسەتىن حاۋىپ ـ قاتەرلەر مەن سىن ـ سايىستارعا قاراتا، ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ، ىندەتتەن ساقتانۋ ـ تىزگىندەۋدى جانە ەكونوميكانىڭ، قوعامنىڭ دامۋىن ٴبىر تۇتاس جوسپارلاپ، دامۋ مەن حاۋىپسىزدىكتى ٴبىر تۇتاس جوسپارلاپ، بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاعان ۇلى امالياتىن جاندى ەستەلىككە الىپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگىن شوعىرلى ايگىلەپ، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە، كوركەم دۇنيەنى بىرگە قۇرۋعا قوسقان ەڭ جاڭا ۇلەسىن تولىق بەينەلەگەن، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جاڭا ٴورىس اشقاندىعىن، تىڭ شارىقتاۋدى جۇزەگە اسىرعاندىعىن جاپپاي، جۇيەلى بەينەلەگەن قۇزىرلى شىعارما.
قالىڭ از ۇلت كادرلارىنىڭ، بۇقاراسىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ەڭ جاڭا دامۋىن تەرەڭ تۇسىنۋىنە كومەكتەسۋ ٴۇشىن، جۇڭگو كوممۋنيستىك پارتياسى ورتالىق كوميتەتى ۇگىت ٴبولىمى، مەملەكەتتىك ۇلت ىستەرى كوميتەتى جۇڭگو ۇلتتار ٴتىل ـ جازۋ اۋدارما مەكەمەسى مەن ۇلتتار باسپاسىن ۇيىمداستىرىپ، ەل ىشىندەگى ۇلتتار ٴتىل ـ جازۋى جاعىنداعى ماڭداي الدى ماماندار ۇجىمىن ۇيىمداستىرىپ، «شي جينپيڭ ەل باسقارۋ جونىندە» 4 ـ تومىنىڭ ۇلتتار ٴتىل ـ جازۋىنداعى باسىلىمىن اۋدارىپ باسپادان شىعارۋ قىزمەتىن ورىندادى.
«شي جينپيڭ ەل باسقارۋ جونىندە» 4 ـ تومىنىڭ ۇلتتار ٴتىل ـ جازۋىنداعى باسىلىمىنىڭ باسپادان شىعىپ تاراتىلۋى قالىڭ از ۇلت كادرلارىنىڭ، بۇقاراسىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدى“ قولداپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ٴبىر اۋىزدىلىقتى ساقتاپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىنى مىقتاپ ارقاۋ ەتىپ، جاڭا داۋىردەگى جاڭا جورىقتا ىنتىماقتاسا كۇرەس جۇرگىزىپ، ەرلىكپەن العا باسىپ، جۇڭحۋا ۇلتىنىڭ ۇلى گۇلدەنۋىنىڭ شۇعىلالى داستانىن بىرگە جازۋىن ونان ارى ىلگەرىلەتەدى.
