شينحۋا اگەنتتىگىنىڭ 2 ـ ايدىڭ 22 ـ كۇنى بەيجيڭنەن بەرگەن حابارى. 2 ـ ايدىڭ 22 ـ كۇنى مەملەكەت ٴتوراعاسى شي جينپيڭ كونگو (براززاۆيل) زۇڭتۇڭى ساسوۋمەن ٴوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 60 جىلدىعىن قۇتتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن كونگو دوستىعى ۋاقىت وتكەن سايىن بەكەمدەلە ٴتۇستى. ديپلوماتيالىق قارىم ـ قاتىناس ورناتقان 60 جىلدان بەرى، حالىقارالىق جاعدايدا قانداي الماعايىپ وزگەرىستەر بولسا دا ەكى ەل باستان ـ اياق شىن نيەتپەن سەلبەسىپ، قول ۇستاسا دامىپ، ساياسيدا ٴبىرـ بىرىنە سەنىم ارتاتىن جاقسى دوستارعا، ەكونوميكادا سەلبەسىپ تەڭ يگىلىككە كەنەلەتىن جاقسى سەرىكتەرگە اينالدى. سوڭعى جىلدارى ەكى ەلدىڭ بارىس ـ كەلىسى جيىلەپ، ساياسي ٴوزارا سەنىمدىلىگى ۇزدىكسىز تەرەڭدەپ، ناقتى سەلبەستىگى نىق قاداممەن ىلگەرىلەپ، ەكى ەل حالقىنا ناقتى قۇت ـ ىرىس اكەلدى، بۇل جۇڭگو _ افريكا دوستىق سەلبەستىك رۋحىنىڭ جاندى بەينەسى. مەن جۇڭگو مەن كونگو قارىم ـ قاتىناسىنىڭ دامۋىنا ايرىقشا ٴمان بەرەمىن، ساسوۋ زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 60 جىلدىعىن جاڭا باستاما ەتىپ، جۇڭگو مەن كونگونىڭ جان ـ جاقتى ستراتەگيالىق سەلبەستىك سەرىكتەستىك قارىم ـ قاتىناسىنىڭ مازمۇنىن ۇزدىكسىز بايىتىپ، جوعارى دەڭگەيلى جۇڭگو _ افريكا تاعدىرلاس ورتاق تۇلعاسىن قول ۇستاسا قۇرۋدى قالايمىن.
ساسوۋ مىنالاردى ٴبىلدىردى: كونگو مەن جۇڭگو ديپلوماتيالىق قارىم ـ قاتىناس ورناتقان 60 جىلدان بەرى ەكى ەل حالقى باستان ـ اياق بەرەكەلى ـ تاتۋ بولىپ، بەيبىتشىلىككە، ادىلدىككە جانە گۇلدەنۋگە بىرگە ۇمتىلۋدى ۇستانىپ، كونگو مەن جۇڭگونىڭ جان ـ جاقتى ستراتەگيالىق سەلبەستىك سەرىكتەستىك قارىم ـ قاتىناسىنىڭ جەدەل دامۋىن ىلگەرىلەتتى. ەكى جاق ٴوزارا سەنىم ارتۋ، ٴوزارا پايدا جەتكىزىپ تەڭ يگىلىككە كەنەلۋ نەگىزىندە كەڭ كولەمدە سەلبەستىك ورىستەتىپ، سۇبەلى جەتىستىكتەرگە قول جەتكىزدى. مەن كونگو مەن جۇڭگونىڭ دوستىق سەلبەستىك قارىم ـ قاتىناسىن ونان ارى بەكەمدەپ، تەرەڭدەتىپ، جوعارى دەڭگەيلى جۇڭگو _ افريكا تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەنە ۇلەس قوسۋدى قالايمىن.
