شينحۋا اگەنتتىگىنىڭ 2 ـ ايدىڭ 16 ـ كۇنى بەيجيڭنەن بەرگەن حابارى (ٴتىلشى باي يىڭ). جۇڭگو كوممۋنيستىك پارتياسى ورتالىق كوميتەتى ۇگىت ٴبولىمى، ورتالىق راديو ـ تەلەۆيزيا باس ستانسياسى بىرلەسىپ جاساعان ەرەكشە باعدارلاما «كوكەيگە قونىمدى ”سوزدەر“ _ شي جينپيڭ ۇناتاتىن قاناتتى سوزدەر» (3 ـ بولىك) 2 ـ ايدىڭ 17 ـ كۇنىنەن باستاپ ورتالىق تەلەۆيزياسىنىڭ ۋنيۆەرسال كانالىندا قويىلادى.
ورتالىق راديو ـ تەلەۆيزيا باس ستانسياسىنىڭ تانىستىرۋىنا قاراعاندا، باعدارلاما باس شۋجي شي جينپيڭنىڭ جەلىلەس ماڭىزدى سوزدەرىندە، ماقالالارىندا، اڭگىمەلەرىندە قولدانىلعان ارعى زامان كىتاپتارىمەن كلاسسيك ايگىلى سوزدەردى جاڭالىق اشۋ تاسىلىمەن جاندى تۇردە تۇسىندىرەدى ەكەن، مۇنداعى ماقسات پارتيا 20 ـ قۇرىلتايىنىڭ رۋحىن ۇگىتتەۋدى، دايەكتىلەندىرۋدى ىلگەرىلەتىپ، باس شۋجي شي جينپيڭنىڭ مول ٴبىلىمىن تولىق كورسەتىپ، شي جينپيڭ مادەنيەت يدەياسىندا قامتىلعان ۇلى اقيقات كۇشىن، اماليات كۇشىن ايگىلەپ، قالىڭ كادرلار مەن بۇقارانى شي جينپيڭ جاڭا ٴداۋىر جۇڭگوشا سوتسياليزم يدەياسى جونىندەگى تانىمى مەن تۇسىنىگىن تەرەڭدەتۋگە جەتەكتەۋ.
12 ٴبولىمدى باعدارلاما جەكە ـ جەكە ”بيلىك دەگەنىمىز حالىق“، ”90 مىڭ شاقىرىمدىق اسپاندا سامۇرىق سامعاپ بارادى“، ”باسىندا سارقىلمايتىن ٴمولدىر بۇلاق بولعاندىعى ٴۇشىن“، ”مىڭ بوياۋلى تۇسكە ەندى“، ”توڭىرەككە قاراعان ٴجون كوز جىبەرىپ كەڭ ـ جىراق“، ”تۇنىق اسپان، تەڭىز سۋى وزگەرمەگەن ەجەلدەن“، ”ٴداۋىردىڭ العا باسۋ دابىلى“، ”جاسىل تاۋدى ارداقتاسا، جاسىل تاۋ دا ادامنىڭ ٴۇمىتىن اقتايدى“، ”تۇسىمدە ساۋىتتى اتپەن مۇز قۇرسانعان وزەننەن ٴوتتىم“، ”ٴور اسۋدى قۇرىش قامال دەمە استە وتە الماس“، ”مەكەن ورتاق، ورتاق ٴارى ايلى اسپان“، ”داۋىلدى تولقىنداردى قاق جارىپ، العا ۇمتىلاتىن ساتتەر بار“ دەگەندەردى تاقىرىپ ەتىپ، نازاردى حالىقتى بارىنەن جوعارى قويۋ، پارتيانىڭ باسشىلىعى، ماركسيزمنىڭ جۇڭگوشالانۋى، زامانالانۋى، بىرلىكساپ، بىرگە بايۋ، مەملەكەتتى جاپپاي زاڭمەن باسقارۋ، مادەنيەت قۇرىلىسى، ەكولوگيالىق وركەنيەت، ارميانى قۇدىرەتتەندىرۋ جولى، مەملەكەت حاۋىپسىزدىگى، تاعدىرلاس بولۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سياقتى تاقىرىپتارعا شوعىرلاندىردى.
تانىستىرۋعا قاراعاندا، ٴاربىر ٴبولىم باعدارلاما ”باس شۋجي شي جينپيڭنىڭ اۋەلگى دىبىستىق قىسقا فيلمى“، ”مادەنيەت كلاسسيك شىعارمالارعا تۇسىنىك“، ”يدەياعا، نازارياعا تۇسىنىك“، ”وتانىمىزدىڭ بايتاق دالاسىندا جازىلعان يدەيا ـ ساياسي ساباعى“، ”جالىندى جۇڭگو حيكاياسى“، ”كلاسسيكالىق ولەڭدەردى مانەرلەپ وقۋ“ قاتارلى 6 بۋىن ارقىلى ەرتەدەگى مەن بۇگىنگىنى ساباقتاستىرعان، ۋاقيعالاردى توعىستىرعان، تەرەڭ ويدى تۇسىنىكتى تىلمەن بايانداعان يدەيا، نازاريا جاقتان وي سالاتىن جانە شىنايى سۇيىسپەنشىلىكتى جەتكىزەتىن تۇعىر قالىپتاستىرعان. باعدارلامادا 10 يدەيالىق ٴتۇسىندىرۋشى مەن 4 كلاسسيكالىق ٴتۇسىندىرۋشى باس شۋجي شي جينپيڭنىڭ ماڭىزدى سوزدەرىندە قولدانىلعان قاناتتى سوزدەردىڭ شىعۋ ارتقى كورىنىسىن، تاريحي اڭگىمەلەرىن ٴتۇسىندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ نازاريالىق جاسامپازدىعىنا جانە رەال ماڭىزىنا تالداۋ جاسالعان.
