«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، حالىقتىڭ وزىنە ـ ٴوزى قوجايىن بولۋىن قامتاماسىز ەتۋ كەرەك
شينحۋا اگەنتتىگىنىڭ 2 ـ ايدىڭ 15 ـ كۇنى بەيجيڭنەن بەرگەن حابارى. 2 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 4 ـ سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، حالىقتىڭ وزىنە ـ ٴوزى قوجايىن بولۋىن قامتاماسىز ەتۋ كەرەك» اتتى ماڭىزدى ماقالاسىن جاريالايدى. بۇل باس شۋجي شي جينپيڭنىڭ 2012 ـ جىلى 12 ـ ايدان 2023 ـ جىلى 6 ـ ايعا دەيىنگى مەزگىلدەگى قاتىستى ماڭىزدى بايىمداۋلارىنان ٴۇزىندى.
ماقالادا مىنالار باسا دارىپتەلدى: جۇڭگودا حالىق قۇرىلتايى ٴتۇزىمىن اتقارۋ _ تاياۋ زاماننان بەرگى جۇڭگونىڭ ساياسي ومىرىندەگى اشتى ساباقتاردى تەرەڭ قورىتىندىلاۋ ارقىلى شىعارىلعان نەگىزگى تۇجىرىم، جۇڭگو قوعامىنىڭ 100 جىلدان استام ۋاقىتتاعى تەبىندى وزگەرىسىنىڭ، توقتاۋسىز دامۋىنىڭ تاريحي ناتيجەسى، جۇڭگو حالقىنىڭ ەڭسە كوتەرىپ، قوجايىن بولۋىنىڭ، ٴوز تاعدىرىن يگەرۋىنىڭ تابيعي تاڭداۋى. حالىق قۇرىلتايى ٴتۇزىمى پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالىق بىرلىگىنە تاباندى بولۋداعى ٴتۇبىرلى ساياسي تۇزىمدىك ورنالاستىرۋ، پارتيانىڭ حالىققا باسشىلىق ەتىپ، مەملەكەتتى زاڭ بويىنشا ٴونىمدى باسقارۋىنا كەپىلدىك ەتەدى. اماليات حالىق قۇرىلتايى ٴتۇزىمى ەلىمىزدىڭ مەملەكەت جاعدايى مەن ٴىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ وزىنە ـ ٴوزى قوجايىن بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتەتىن جاقسى ٴتۇزىم، پارتيامىزدىڭ حالىققا باسشىلىق ەتىپ، ادامزاتتىڭ ساياسي ٴتۇزىم تاريحىندا جاراتقان ۇلى جاسامپازدىعى، ەلىمىز ساياسيىنىڭ دامۋ تاريحىنداعى، اۋەلى، دۇنيە ٴجۇزى ساياسيىنىڭ دامۋ تاريحىنداعى كەلەلى ماڭىز الاتىن شىت جاڭا ساياسي ٴتۇزىم ەكەندىگىن دالەلدەدى.
ماقالادا مىنالار اتاپ كورسەتىلدى: پارتيا 18 ـ قۇرىلتايىنان بەرى پارتيا ورتالىق كوميتەتى حالىق قۇرىلتايى ٴتۇزىمىنىڭ نازاريالىق جانە امالياتتىق جاسامپازدىعىن ۇزدىكسىز ىلگەرىلەتىپ، ٴبىر قىدىرۋ جاڭا ۇستانىمداردى، جاڭا يدەيالاردى، جاڭا تالاپتاردى ورتاعا قويدى، باستىسى، تومەندەگى بىرنەشە جاق. ٴبىرىنشى، ٴسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ كەرەك، ەكىنشى، ٴسوز جوق، حالىقتىڭ وزىنە ـ ٴوزى قوجايىن بولۋىن ٴتۇزىم جۇيەسىمەن قامتاماسىز ەتۋگە تاباندى بولۋ كەرەك، ٴۇشىنشى، ٴسوز جوق، مەملەكەتتى جاپپاي زاڭمەن باسقارۋعا تاباندى بولۋ كەرەك، ٴتورتىنشى، ٴسوز جوق، دەموكراتيالىق ورتالىقتاندىرۋ تۇزىمىنە تاباندى بولۋ كەرەك، بەسىنشى، ٴسوز جوق، جۇڭگوشا سوتسياليستىك ساياسيدىڭ دامۋ جولىنا تاباندى بولۋ كەرەك، التىنشى، ٴسوز جوق، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋگە تاباندى بولۋ كەرەك.
ماقالادا مىنالار اتاپ كورسەتىلدى: پارتيا 18 ـ قۇرىلتايىنان بەرى ٴبىز دەموكراتيالىق ساياسيدىڭ دامۋ زاڭدىلىعى جونىندەگى تانىمدى تەرەڭدەتىپ، جالپى بارىستىق حالىق دەموكراتياسى سىندى كەلەلى ۇستانىمدى العا قويدىق. ەلىمىزدىڭ جالپى بارىستىق حالىق دەموكراتياسىنىڭ كەمەلدى تۇزىمدىك ٴتارتىبى بار بولىپ عانا قويماي، كەمەلدى ات سالىسۋ امالياتى دا بار. ەلىمىزدىڭ جالپى بارىستىق حالىق دەموكراتياسى بارىستىق دەموكراتيا مەن جەتىستىك دەموكراتيانىڭ، ٴتارتىپ دەموكراتياسى مەن ماندىك دەموكراتيانىڭ، تىكە دەموكراتيا مەن جاناما دەموكراتيانىڭ، حالىق دەموكراتياسى مەن مەملەكەت ەركىنىڭ ٴوزارا بىرلىگىن جۇزەگە اسىردى، ول جالپى تىزبەكتى، جان ـ جاقتى، تولىق قامتىمدى دەموكراتيا، ەڭ كەڭ كولەمدى، ەڭ شىنايى، ەڭ جارامدى سوتسياليستىك دەموكراتيا بولىپ تابىلادى. ٴبىز جالپى بارىستىق حالىق دەموكراتياسى قۇرىلىسىن ۇزدىكسىز ىلگەرىلەتىپ، حالىقتىڭ وزىنە ـ ٴوزى قوجايىن بولۋىن پارتيانىڭ ەل باسقارۋداعى ساياسات ـ شارالارىندا ناقتى، رەال تۇردە ايگىلەۋىمىز، پارتيا مەن مەملەكەت ورگاندارىنىڭ ٴار جاعىنداعى، ٴار ساتىسىنداعى قىزمەتتەرىندە ناقتى، رەال تۇردە ايگىلەۋىمىز، حالىقتىڭ تاماشا تۇرمىسقا تالپىنىسىن جۇزەگە اسىرۋ قىزمەتتەرىندە ناقتى، رەال تۇردە ايگىلەۋىمىز كەرەك.
ماقالادا مىنالار باسا دارىپتەلدى: حالىق قۇرىلتايى ٴتۇزىمى _ ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەرى. حالىقتىڭ وزىنە ـ ٴوزى قوجايىن بولۋ ٴتۇزىمىن قامتاماسىز ەتۋدى كۇشەيتۋ كەرەك. حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىن قولداپ جانە وعان كەپىلدىك ەتىپ، ٴار دارەجەلى حالىق قۇرىلتايلارىنىڭ بارلىعىنىڭ دەموكراتيالىق سايلاۋدا جارىققا شىعۋىنا، حالىققا جاۋاپتى بولۋىنا، حالىقتىڭ باقىلاۋىن قابىلداۋىنا كەپىلدىك ەتۋ كەرەك. حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ شىعارۋ ۇقىعىن، باقىلاۋ ۇقىعىن، ۇيعارىم جاساۋ ۇقىعىن، مىندەتكە تاعايىنداۋ، مىندەتتەن بوساتۋ ۇقىعىن زاڭ بويىنشا جۇرگىزۋىن قولداپ جانە وعان كەپىلدىك ەتىپ، حالىق قۇرىلتايلارىنىڭ اكىمشىلىك ورگاندارىن، باقىلاۋ ورگاندارىن، سوت جۇرگىزۋ ورگاندارىن، پروكۋراتۋرا ورگاندارىن باقىلاۋ ٴتۇزىمىن اقاۋسىزداندىرىپ، مەملەكەتتى زاڭمەن باسقارۋ تۇتاستىعىن، مارتەبەسىن، بەدەلىن قورعاۋ كەرەك. حالىق قۇرىلتايى ۋاكىلدەرىنىڭ قىزمەت قابىلەتى قۇرىلىسىن كۇشەيتىپ، حالىق قۇرىلتايى ۋاكىلدەرىنىڭ حالىق بۇقاراسىمەن بايلانىسىن جيىلەتۋ كەرەك. حالىقتىڭ اڭىسىن قابىلداپ، حالىقتىڭ اقىل ـ پاراساتىن شوعىرلاندىرۋ قىزمەت مەحانيزمىن اقاۋسىزداندىرىپ، نەگىزگى ساتىداعى زاڭ شىعارۋ بايلانىس تۇيىندەرىن ويداعىداي قۇرۋ كەرەك.
