شي جينپيڭ حات جولداپ جۇڭگو وڭتۇستىك ۇيەك چينليڭ پۋنكتى قۇرىلعاندىعىن ٴارى پايدالانۋعا بەرىلگەندىگىن قۇتتىقتاپ، بىلاي دەپ باسا دارىپتەدى:
اناعۇرلىم ويداعىداي ۇيەكتىك ٴوڭىردى تانىپ، ۇيەكتىك ٴوڭىردى قورعاپ، ۇيەكتىك وڭىردەن پايدالانىپ، ادامزاتتى باقىتقا كەنەلتىپ، ادامزات تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسۋ كەرەك
قۇتتىقتاۋ حاتى
جۇڭگو وڭتۇستىك ۇيەك چينليڭ پۋنكتىنىڭ سالىنىپ ٴبىتۋى ٴارى پايدالانۋعا بەرىلۋى بايلانىسىمەن، مەن قىزۋ قۇتتىقتايتىندىعىمدى بىلدىرەمىن!
بيىل جۇڭگونىڭ ۇيەكتىك ٴوڭىر تەكسەرۋىن جۇرگىزگەندىگىنىڭ 40 جىلدىعى. 40 جىلدان بەرى، پارتيانىڭ باسشىلىعىندا، ەلىمىزدىڭ ۇيەكتىك ٴوڭىر ىستەرى جوقتان بارلىققا كەلىپ، السىزدەن كۇشەيىپ، ۇرپاقتان ـ ۇرپاققا جالعاسقان ۇيەكتىك ٴوڭىر قىزمەتكەرلەرى شەكتىك ايازبەن قايسارلىقپەن كۇرەس جاساپ، قايتپاس قاجىرمەن ايانباي شايقاسا وتىرىپ ۇلەس قوسىپ، قۇنىتتى بولىپ، جاعدايمەن ساناسىپ، قاجىرلىلىقپەن قىزمەت ىستەپ، سۇبەلى جەتىستىككە قول جەتكىزدى. جۇڭگو وڭتۇستىك ۇيەك چينليڭ پۋنكتىنىڭ سالىنىپ ٴبىتۋى ەلىمىزدەگى جانە بۇكىل دۇنيە جۇزىندەگى عىلىم قىزمەتكەرلەرىنىڭ تابيعاتتىڭ سىرى جونىندە ٴۇرتىس ىزدەنىس جاساۋىنا، عىلىم شىڭىنا جۇرەكتىلىكپەن شىعۋىنا پارمەندى قامتاماسىزدىق ازىرلەيدى. قالىڭ ۇيەكتىك ٴوڭىر قىزمەتكەرلەرىنىڭ وسىنى وراي ەتىپ، ۇزدىكسىز قاجىرلىلىقپەن كۇرەس جاساپ، ٴورىس اشا جاڭالىق اشىپ، حالىقارالىق قوعاممەن بىرگە اناعۇرلىم ويداعىداي ۇيەكتىك ٴوڭىردى تانىپ، ۇيەكتىك ٴوڭىردى قورعاپ، ۇيەكتىك وڭىردەن پايدالانىپ، ادامزاتتى باقىتقا كەنەلتۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسۋىن ٴۇمىت ەتەمىن.
كوكتەم مەرەكەسى تاياپ قالدى، مەن قالىڭ ۇيەكتىك ٴوڭىر قىزمەتكەرلەرىنە ىقىلاستى سالەم جولدايمىن جانە كوكتەم مەرەكەسى بايلانىسىمەن باقىت تىلەيمىن!
شي جينپيڭ
2024 ـ جىلى 2 ـ ايدىڭ 7 ـ كۇنى
(شينحۋا اگەنتتىگىنىڭ 2 ـ ايدىڭ 7 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 2 ـ ايدىڭ 7 ـ كۇنى بەيجيڭنەن بەرگەن حابارى. ۇلۋ جىلعى كوكتەم مەرەكەسى كەلۋ قارساڭىندا، جۇڭگو وڭتۇستىك ۇيەك چينليڭ پۋنكتى 2 ـ ايدىڭ 7 ـ كۇنى سالىنىپ ٴبىتتى ٴارى پايدالانۋعا بەرىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ حات جولداپ، قىزۋ قۇتتىقتايتىندىعىن ٴبىلدىردى، قالىڭ ۇيەكتىك ٴوڭىر قىزمەتكەرلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: بيىل جۇڭگونىڭ ۇيەكتىك ٴوڭىر تەكسەرۋىن جۇرگىزگەندىگىنىڭ 40 جىلدىعى. 40 جىلدان بەرى، پارتيانىڭ باسشىلىعىندا، ەلىمىزدىڭ ۇيەكتىك ٴوڭىر ىستەرى جوقتان بارلىققا كەلىپ، السىزدەن كۇشەيىپ، ۇرپاقتان ـ ۇرپاققا جالعاسقان ۇيەكتىك ٴوڭىر قىزمەتكەرلەرى شەكتىك ايازبەن قايسارلىقپەن كۇرەس جاساپ، قايتپاس قاجىرمەن ايانباي شايقاسا وتىرىپ ۇلەس قوسىپ، قۇنتتى بولىپ جاعدايمەن ساناسىپ، قاجىرلىلىقپەن قىزمەت ىستەپ، سۇبەلى جەتىستىككە قول جەتكىزدى. جۇڭگو وڭتۇستىك ۇيەك چينليڭ پۋنكتىنىڭ سالىنىپ ٴبىتۋى ەلىمىزدەگى جانە بۇكىل دۇنيە جۇزىندەگى عىلىم قىزمەتكەرلەرىنىڭ تابيعاتتىڭ سىرى جونىندە ٴۇرتىس ىزدەنىس جاساۋىنا، عىلىم شىڭىنا جۇرەكتىلىكپەن شىعۋىنا پارمەندى قامتاماسىزدىق ازىرلەيدى.
شي جينپيڭ قالىڭ ۇيەكتىك ٴوڭىر قىزمەتكەرلەرىنىڭ وسىنى وراي ەتىپ، ۇزدىكسىز قاجىرلىلىقپەن كۇرەس جاساپ، ٴورىس اشا جاڭالىق ەنگىزىپ، حالىقارالىق قوعاممەن بىرگە اناعۇرلىم ويداعىداي ۇيەكتىك ٴوڭىردى تانىپ، ۇيەكتىك ٴوڭىردى قورعاپ، ۇيەكتىك وڭىردەن پايدالانىپ، ادامزاتتى باقىتقا كەنەلتۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسۋىن ٴۇمىت ەتتى.
جۇڭگو وڭتۇستىك ۇيەك چينليڭ پۋنكتىنىڭ اشىلۋ قيمىلى 2 ـ ايدىڭ 7 ـ كۇنى وتكىزىلدى، بەيجيڭدە نەگىزگى ٴماجىلىس الاڭى ورنالاستىرىلدى، وڭتۇستىك ۇيەك چاڭچىڭ پۋنكتىندە، وڭتۇستىك ۇيەك جۇڭشان پۋنكتىندە، وڭتۇستىك ۇيەك چينليڭ پۋنكتىندە، سولتۇستىك ۇيەك حۋاڭحى پۋنكتىندە، ”شۋەلۇڭ“ اتتى كەمەدە، ”شۋەلۇڭ “2 اتتى كەمەدە بولىمشە ٴماجىلىس الاڭى ورنالاستىرىلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حى ليفىڭ بەيجيڭدەگى نەگىزگى ٴماجىلىس الاڭىندا قيمىلعا قاتىناسىپ، شي جينپيڭنىڭ قۇتتىقتاۋ حاتىن وقىدى، جاڭا پۋنكتتىڭ اتىن جانە جۇمىس باستاعاندىعىن جاريالادى ٴارى ٴسوز سويلەدى. ول بىلاي دەدى: باس شۋجي شي جينپيڭنىڭ قۇتتىقتاۋ حاتى جاڭا ٴداۋىردىڭ جاڭا جورىعىندا ەلىمىزدىڭ ۇيەكتىك ٴوڭىر ىستەرىن دامىتۋعا ايقىن العا باسۋ بەتالىسىن كورسەتتى، ٴتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ قۇتتىقتاۋ حاتىنىڭ رۋحىن ىشكەرىلەي ۇيرەنىپ، ٴتۇسىنىپ، باتىل دايەكتىلەندىرىپ، تياناقتاندىرىپ، جۇڭگو وڭتۇستىك ۇيەك چينليڭ پۋنكتىنىڭ اشىلۋ جانە جۇمىس جۇرگىزۋ قىزمەتتەرىن جوعارى ولشەممەن، جوعارى دەڭگەيمەن ويداعىداي ىستەپ، سايكەستى قۇرىلعىلاردى ۋاقىتتى مىقتى ۇستاپ كەمەلدەندىرىپ، ٴوندىرىس حاۋىپسىزدىگىن باسقارۋدى ويداعىداي يگەرىپ، عىلمي تەكسەرۋ ـ زەرتتەۋدى تەرەڭدەتىپ، حالىقارالىق اۋىس ـ كۇيىستى، سەلبەستىكتى كۇشەيتۋ كەرەك. ۇيەكتىك ٴوڭىر تەكسەرۋىن جۇرگىزۋدىڭ 40 جىلدىق باعالى تاجىريبەلەرىن قورىتىندىلاپ جانە ودان ويداعىداي پايدالانىپ، پارتيانىڭ جالپى بەتتىك باسشىلىعىن كۇشەيتىپ، كۇشتى شوعىرلاندىرىپ ٴىرى ٴىس تىندىرۋ باسىمدىعىن ساۋلەلەندىرىپ، تاڭداۋلى ستيلدى شىڭداپ، ۇيەكتىك ٴوڭىر قىزمەتكەرلەرىنە كوڭىل ٴبولۋدى، قامقورلىق جاساۋدى كۇشەيتىپ، ۇيەكتىك ٴوڭىر ىستەرىنىڭ جاڭا جاعدايىن ۇزدىكسىز اشۋ كەرەك.
جۇڭگو وڭتۇستىك ۇيەك چينليڭ پۋنكتى روس تەڭىزىندەگى ەنكەسبۋرگ ارالىنا ورنالاسقان، ول _ ەلىمىزدىڭ وڭتۇستىك ۇيەكتەگى 5 ـ تەكسەرۋ پۋنكتى.
