1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن قورىتىندىلاۋ ٴماجىلىسى بەيجيڭدە اشىلدى

日期:2024年02月06日
来源:人民网
【字体:

شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن قورىتىندىلاۋ ٴماجىلىسى بەيجيڭدە اشىلدى

  ماجىلىستە شي جينپيڭنىڭ نەگىزگى تاقىرىپتىق تاربيە جەتىستىكتەرىن بەكەمدەۋ، كەڭەيتۋ جونىندەگى ماڭىزدى ٴسوزى جەتكىزىلدى، ٴسوز رۋحىن ۇيرەنۋ، دايەكتىلەندىرۋ جونىندە ورنالاستىرۋ جاسالدى

  ساي چي قورىتىندىلاۋ ماجىلىسىنە قاتىناستى ٴارى ءسوز سويلەدى

  شينحۋا اگەنتتىگىنىڭ 2 ـ ايدىڭ 4 ـ كۇنى بەيجيڭنەن بەرگەن حابارى. شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن قورىتىندىلاۋ ٴماجىلىسى 2 ـ ايدىڭ 4 ـ كۇنى بەيجيڭدە اشىلدى.

  جاقىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ورتالىق كوميتەت ساياسي بيۋروسىنىڭ ٴماجىلىسىن باسقارىپ، نەگىزگى تاقىرىپتىق تاربيە جونىندەگى قورىتىندى بايانداماسىن جانە نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ جونىندەگى پىكىردى قاراعاندا ماڭىزدى ٴسوز سويلەدى. ول بىلاي دەپ اتاپ كورسەتتى: نەگىزگى تاقىرىپتىق تاربيە باستالعاننان بەرى، بۇكىل پارتيا ”يدەيانى ۇيرەنۋ، پارتيالىلىقتى كۇشەيتۋ، امالياتقا ٴمان بەرۋ، جاڭا ۇلەس قوسۋ“ باس تالابىمەن تىعىز بايلانىستىرىپ، نازاردى نەگىزگى تاقىرىپقا، نەگىزگى جەلىگە شوعىرلاندىرىپ، نىسانا ـ مىندەتتەردى ايقىنداپ، ۇيرەنۋ ارقىلى رۋحتى سومداۋدى، ۇيرەنۋ ارقىلى پاراساتتى ارتتىرۋدى، ۇيرەنۋ ارقىلى ستيلدى دۇرىستاۋدى، ۇيرەنۋ ارقىلى ىستەۋدى جەبەۋدى كورنەكتىلەندىرىپ، باستاما جىلداعى قىزمەتتى ويداعىداي ىستەۋمەن تىعىز ۇشتاستىرىپ، اسىرەسە، جوعارى ساپالى دامۋعا تۇساۋ بولاتىن ماسەلەلەردى، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن، پارتيا قۇرىلىسىنداعى كورنەكتى ماسەلەلەردى كۇش سالا شەشىپ، مەجەلى نىساناعا جەتىپ، كورنەكتى ناتيجەگە قول جەتكىزدى.

  شي جينپيڭ بىلاي دەپ باسا دارىپتەدى: نەگىزگى تاقىرىپتىق تاربيەنىڭ جەتىستىكتەرىن بەكەمدەپ، كەڭەيتىپ، پىكىردى تياناقتاندىرۋدى مىقتى يگەرىپ، ۇزاق ۋاقىت ٴونىمدى مەحانيزم قالىپتاستىرۋ كەرەك. نازاريامەن قارۋلانۋدى ۇزدىكسىز كۇشەيتىپ، پارتيا مۇشەلەرىن، كادرلاردى پارتيانىڭ جاسامپاز نازارياسىن ۇيرەنۋگە تاباندى بولۋ ارقىلى زاڭدىلىقتى تۇسىنۋگە، بەتالىستى ايقىنداۋعا، ٴادىستى ۇيرەنۋگە، اقىل ـ پاراساتتى ارتتىرۋعا، وزەكتى بەكەمدەپ، نەگىزدى جەتىلدىرۋگە، زەيىن ـ زەردەنى ۇيىستىرىپ، رۋحتى سومداۋعا تاربيەلەپ جانە جەتەكتەپ، پارتيانىڭ ىنتىماعىنىڭ، بىرلىگىنىڭ يدەيالىق نەگىزىن ونان ارى بەكەمدەۋ كەرەك. ماسەلەلەردىڭ شەشىلۋىن ۇزدىكسىز ىلگەرىلەتىپ، رەتتەۋ ـ تۇزەتۋدى، رەتتەۋ ـ جونگە سالۋدى، ەرەجە ـ ٴتۇزىم ورناتۋدى ۇزدىكسىز ويداعىداي يگەرىپ، حالىق بۇقاراسىنا ماسەلەنى شەشۋدىڭ ناقتى ناتيجەسىن شىنايى سەزىندىرىپ، حالىق بۇقاراسىندا تابىس سەزىمى بولۋعا مۇمكىندىك جاساۋ كەرەك. ستيلدى ۇزدىكسىز جاقسارتىپ، ”ٴتورتتى نەگىزگى ساتىعا ٴتۇسىرۋدى“ تياناقتاندىرىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، جاڭا داۋىردەگى بۇقارالىق لۋشيانمەن ويداعىداي ٴجۇرىپ، فورماشىلدىقتى، تورەشىلدىكتى تۇزەتىپ، جونگە سالىپ، فورماشىلدىقتى رەتتەپ، جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن شىن مانىندە ويداعىداي يگەرۋ كەرەك. ناقتى ىستەۋ ستيلىن، پاكتىك ستيلىن، قاراپايىمدىلىق ستيلىن بارىنشا ساۋلەلەندىرىپ، وزىنە ـ ٴوزى توڭكەرىس جاساۋ رۋحىن اسقاقتاتىپ، بۇكىل پارتيادا شوعىرلى ٴتارتىپ تاربيەسىن ويداعىداي ۇيىمداستىرۋ، ورىستەتۋ كەرەك. نەگىزگى ساتىنىڭ نەگىزىن ۇزدىكسىز بەكەمدەپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى ىلگەرىلەتىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، نەگىزگى ساتىنى باسقارۋ جۇيەسىن جانە باسقارۋ قابىلەتىن وسىزامانداندىرۋدى ىلگەرىلەتۋ كەرەك. تياناقتاندىرۋدى ۇزدىكسىز ويداعىداي يگەرىپ، دۇرىس ناتيجە كوزقاراسىن مىقتاپ ورناتىپ، ماسەلەنى باعدار ەتۋدەن جازباي، شىندىقتى ٴىس جۇزىنەن ىزدەپ، جەرگىلىكتى ورىننىڭ جاعدايىنا قاراي ىستەپ، ناقتى ىستەۋگە دەن قويىپ، ناقتى ۇلەس قوسىپ، ناقتى ونىمدىلىككە ۇمتىلىپ، نەگىزگى تاقىرىپتىق تاربيەنىڭ جەتىستىكتەرىن جوعارى ساپالى دامۋدى ىلگەرىلەتۋدىڭ ونىمدىلىگىنە اناعۇرلىم ويداعىداي اينالدىرۋ كەرەك. ٴار دارەجەلى پارتكومدار (پارتيا باسشىلىق گرۋپپاسى) نەگىزگى تاقىرىپتىق تاربيەنىڭ جەتىستىكتەرىن بەكەمدەۋدى، كەڭەيتۋدى كەلەلى ساياسي مىندەت ەتىپ، تۇلعالىق جاۋاپكەرشىلىكتى ارقالاپ، تياناقتاندىرۋدى قاز ـ قالپىندا ويداعىداي يگەرۋى كەرەك.

  ٴماجىلىس شي جينپيڭنىڭ ورتالىق كوميتەت ساياسي بيۋروسىنىڭ ماجىلىسىندە سويلەگەن ماڭىزدى ٴسوزىن جەتكىزدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى باسشىلىق گرۋپپاسىنىڭ باستىعى ساي چي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ٴسوزى نەگىزگى تاقىرىپتىق تاربيەدە قول جەتكىزگەن كورنەكتى ناتيجەلەردى تولىق تۇراقتاندىرىپ، نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ جونىندە ايقىن تالاپتاردى ورتاعا قويدى. ٴبىز تەرەڭ ٴتۇسىنىپ، مۇقيات دايەكتىلەندىرۋىمىز، تياناقتاندىرۋىمىز كەرەك.

  ساي چي بىلاي دەپ اتاپ كورسەتتى: وسى رەتكى نەگىزگى تاقىرىپتىق تاربيەدە كورنەكتى ناتيجەگە قول جەتكىزۋىمىز، تۇپتەپ كەلگەندە، پارتيا ورتالىق كوميتەتىنىڭ پارمەندى باسشىلىعىنىڭ ارقاسى، باس شۋجي شي جينپيڭنىڭ ٴوزى جوسپارلاۋىنىڭ، تىكەلەي باسشىلىق ەتۋىنىڭ، تۇتاس بارىسقا جەتەكشىلىك ەتۋىنىڭ، ۇلگى كورسەتىپ، باستاۋىنىڭ ارقاسى. باس شۋجي شي جينپيڭ نەگىزگى تاقىرىپتىق تاربيە قىزمەتى ماجىلىسىنە قاتىناستى ٴارى اتتانىسقا كەلتىرىپ، ورنالاستىرۋ جاسادى، ورتالىق كوميتەت ساياسي بيۋروسى تۇراقتى كوميتەتىنىڭ ٴماجىلىسىن، ورتالىق كوميتەت ساياسي بيۋروسىنىڭ ٴماجىلىسىن باسقارىپ اشىپ، قاتىستى حۇجاتتاردى قارادى، نەگىزگى تاقىرىپتىق تاربيەنى ارقاۋ ەتىپ ورتالىق كوميتەت ساياسي بيۋروسىنىڭ توپتىق ۇيرەنۋىن جانە ارناۋلى تاقىرىپتىق دەموكراتيالىق تۇرمىس جيىنىن باسقاردى ٴارى كوپ رەت ناقتى ورىندا قىزمەت تەكسەرىپ، تەكسەرۋ ـ زەرتتەۋ جۇرگىزىپ، نەگىزگى تاقىرىپتىق تاربيە جونىندە تالاپتاردى ورتاعا قويىپ، ٴبىر قىدىرۋ ماڭىزدى بايىمداۋلار جاساپ، نەگىزگى تاقىرىپتىق تاربيەنىڭ جوعارى ساپالى ورىستەتىلۋىنە ايقىن بەتالىس نۇسقاپ، ماڭىزدى بويسۇنۋ ولشەمىن ازىرلەدى.

  ساي چي بىلاي دەپ باسا دارىپتەدى: بۇل رەتكى نەگىزگى تاقىرىپتىق تاربيە جاڭا داۋىردە پارتيا ىشىندە شوعىرلى تاربيە ورىستەتۋگە جاڭا تاجىريبە توپتادى، بۇل، باستىسى، مىنالاردى قامتيدى: نازاريالىق ۇيرەنۋدى باستان ـ اياق ساباقتاستىرۋعا تاباندى بولۋ، ماسەلەنى باعدار ەتۋدى كورنەكتىلەندىرۋ، وزەكتى مىندەتكە قىزمەت وتەۋ، فورماشىلدىقتان ساقتانۋ، جوعارى ارقىلى تومەنگە جەتەكشىلىك ەتىپ، ۇلگى كورسەتۋ ـ جەتەكشىلىك ىستەۋ سياقتىلار، ويداعىداي قورىتىندىلاۋعا، ويداعىداي پايدالانۋعا كوڭىل ٴبولۋ كەرەك.

  ساي چي بىلاي دەپ اتاپ كورسەتتى: نەگىزگى تاقىرىپتىق تاربيەنىڭ جەتىستىكتەرىن ۇزدىكسىز بەكەمدەپ، كەڭەيتىپ، پارتيانى بۇلجىماي، جاپپاي قاتاڭ باسقارۋ، پارتيانىڭ ٴوزىن ـ ٴوزى كىرشىكسىزدەندىرۋىن، ٴوزىن ـ ٴوزى كەمەلدەندىرۋىن، ٴوزىن ـ ٴوزى جاڭارتۋىن، ٴوز دەڭگەيىن جوعارىلاتۋىن جاپپاي ىلگەرىلەتۋ كەرەك. بۇكىل پارتيانىڭ ىنتىماعىنىڭ، بىرلىگىنىڭ يدەيالىق نەگىزىن بەكەمدەپ، پارتيانىڭ جاسامپاز نازارياسىمەن قارۋلانۋدى تاباندىلىقپەن ويداعىداي يگەرۋ، قالىڭ پارتيا مۇشەلەرى مەن كادرلاردىڭ ماركسيزمدىك ەرەن قابىلەتتى شىن مانىندە جەتە يگەرۋىن ىلگەرىلەتۋ كەرەك. بۇكىل پارتيانىڭ جاسامپازدىق ومىرشەڭدىك كۇشىن تاسقىنداتىپ، بۇكىل پارتيانىڭ اقىل ـ پاراساتى مەن كۇش ـ قۋاتىن جاڭا داۋىردەگى جاڭا جورىقتاعى پارتيانىڭ وزەكتى مىندەتىنە ۇيىستىرۋ كەرەك. جاڭا داۋىردەگى بۇقارالىق لۋشيانمەن ويداعىداي ٴجۇرىپ، ”ٴتورتتى نەگىزگى ساتىعا ٴتۇسىرۋ“ تاجىريبەلەرىنەن ويداعىداي پايدالانىپ، پارتيامىزدىڭ بۇقارامەن تىعىز بايلانىس جاسايتىن تاڭداۋلى ستيلىن ساۋلەلەندىرە ٴتۇسۋ كەرەك. پارتيانىڭ ٴتارتىبىن قاتايتىپ، بۇكىل پارتيادا شوعىرلى ٴتارتىپ تاربيەسىن ورىستەتىپ، قالىڭ پارتيا مۇشەلەرى مەن كادرلاردىڭ سانالى تۇردە تەمىردەي ٴتارتىپتى كۇندەلىكتى ادەت پەن قيمىل ولشەمىنە اينالدىرۋىن ىلگەرىلەتۋ كەرەك. پارتيانى ٴتۇزىم ارقىلى باسقارۋ، پارتيانى قاعيدا بويىنشا باسقارۋ دەڭگەيىن جوعارىلاتۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا قاجىماي ـ تالماي كۇرەس جۇرگىزۋ كەرەك.

  لي گانجيە ٴماجىلىستى باسقاردى، لي شۋلەي، جياڭ شينجى جانە مياۋ حۋا ماجىلىسكە قاتىناستى.

  ورتالىق شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى باسشىلىق گرۋپپاسىنىڭ مۇشەلەرى مەن كەڭسەنىڭ جاۋاپتى جولداستارى، ٴارقايسى ولكە، اۆتونوميالى رايون، قالالاردىڭ جانە ورىنباسار ولكە دارەجەلى قالالاردىڭ، شينجياڭ ٴوندىرىس ـ قۇرىلىس بيڭتۋانىنىڭ پارتكوم ۇيىمداستىرۋ بولىمدەرىنىڭ باستىقتارى، ورتالىق پەن مەملەكەت ورگاندارىنىڭ ٴارقايسى تاراۋىنداعى، ٴارقايسى حالىقتىق ۇيىمدارداعى، ورتالىق باسقاراتىن فينانس قۇرىلىمدارىنداعى، ٴىشىنارا كاسىپورىندار مەن جوعارى مەكتەپتەردەگى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار، ورتالىق ارالاپ جەتەكشىلىك ەتۋ گرۋپپاسى مەن ولكە دارەجەلى ارالاپ قۋزاۋ ـ جەتەكشىلىك ەتۋ گرۋپپاسىنىڭ باستىقتارى، ورىنباسار گرۋپپا باستىقتارى، ت.ب ماجىلىسكە قاتىناستى. ٴماجىلىس تەلەۆيزور ـ تەلەفون ٴماجىلىسى فورماسىندا اشىلدى، ٴارقايسى ولكەدە، اۆتونوميالى رايونداردا، قالالاردا جانە شينجياڭ ٴوندىرىس ـ قۇرىلىس بيڭتۋانىندا بولىمشە ٴماجىلىس الاڭى ورنالاستىرىلدى.

  شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى بىلتىر 4 ـ ايدا باستالىپ، جوعارىدان تومەنگە قاراي 2 توپقا ٴبولىنىپ جۇرگىزىلدى، قازىر نەگىزىنەن اياقتادى.