2024 ـ جىلعى ورتالىقتىڭ 1 ـ ٴنومىرلى حۇجاتى جاريالاندى
اۋىل ـ قىستاقتى جاپپاي گۇلدەندىرۋدى ىلگەرىلەتۋدىڭ ”جول كارتاسى“ ورتاعا قويىلدى
شينحۋا اگەنتتىگىنىڭ 2 ـ ايدىڭ 3 ـ كۇنى بەيجيڭنەن بەرگەن حابارى (تىلشىلەر يۇي ۋىنجيڭ، گاۋ جيڭ). پارتيا 18 ـ قۇرىلتايىنان بەرگى 12 ـ رەتكى اۋىل شارۋاشىلىعى، اۋىل ـ قىستاق، شارۋالار قىزمەتىنە جەتەكشىلىك ەتەتىن ورتالىقتىڭ 1 ـ ٴنومىرلى حۇجاتىن 2 ـ ايدىڭ 3 ـ كۇنى شينحۋا اگەنتتىگى بەرىلگەن ۇقىق بويىنشا جاريالادى، اۋىل ـ قىستاقتى جاپپاي گۇلدەندىرۋدى پارمەندى، ٴونىمدى ىلگەرىلەتۋدىڭ ”جول كارتاسى“ العا قويىلدى.
«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ“ ينجەنەرياسىنىڭ تاجىريبەلەرىنەن ۇيرەنىپ جانە ونى قولدانىپ، اۋىل ـ قىستاقتى جاپپاي گۇلدەندىرۋدى پارمەندى، ٴونىمدى ىلگەرىلەتۋ جونىندەگى پىكىرى» دەگەن تاقىرىپتاعى بۇل حۇجات جالپى 6 بولىكتەن قۇرالعان، وندا مىنالار قامتىلدى: مەملەكەتتىڭ استىق حاۋىپسىزدىگىنە شىنايى كەپىلدىك ەتۋ، كولەمدى قايتا كەدەيلەسۋدىڭ تۋىلماۋىنا شىنايى كەپىلدىك ەتۋ، اۋىل ـ قىستاق كاسىپ سالاسىنىڭ دامۋ دەڭگەيىن جوعارىلاتۋ، اۋىل ـ قىستاق قۇرىلىسى دەڭگەيىن جوعارىلاتۋ، اۋىل ـ قىستاقتى وڭاۋ دەڭگەيىن جوعارىلاتۋ، پارتيانىڭ اۋىل شارۋاشىلىعى، اۋىل ـ قىستاق، شارۋالار قىزمەتىنە جاپپاي باسشىلىعىن كۇشەيتۋ.
حۇجاتتا مىنالار اتاپ كورسەتىلدى: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، اۋىل شارۋاشىلىعىنىڭ نەگىزىن تاباندىلىقپەن بەكەمدەپ، اۋىل ـ قىستاقتىڭ جاپپاي گۇلدەنۋىن ىلگەرىلەتۋ كەرەك. ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىندا“ قامتىلعان دامۋ ۇستانىمىن، قىزمەت ٴادىسىن جانە ىلگەرىلەتۋ مەحانيزمىن ۇيرەنىپ، قولدانىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋدى جاڭا داۋىردەگى جاڭا جورىقتا اۋىل شارۋاشىلىعى، اۋىل ـ قىستاق، شارۋالار قىزمەتىنىڭ باس تۇتقاسى ەتىپ، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جەرگىلىكتى جاعدايعا قاراي ىستەپ، تۇرلەر بويىنشا شارا قولدانىپ، بىرتىندەپ ىلگەرىلەپ، تىنباي ەڭبەك ەتىپ، بۇقارا سەزىنە الاتىن ناقتى ىستەردى كۇش ـ قۋاتتى شوعىرلاندىرا وتىرىپ ويداعىداي مىقتى يگەرىپ، ٴبىتىرىپ ناقتى ىلگەرىلەۋشىلىككە، كەزەڭدىك جەتىستىككە ۇزدىكسىز قول جەتكىزۋ كەرەك.
حۇجاتتا مىنالار العا قويىلدى: مەملەكەتتىڭ استىق حاۋىپسىزدىگىنە شىنايى كەپىلدىك ەتۋدى، كولەمدى قايتا كەدەيلەسۋدىڭ تۋىلماۋىنا شىنايى كەپىلدىك ەتۋدى تومەنگى شەك ەتىپ، اۋىل ـ قىستاق كاسىپ سالاسىنىڭ دامۋ دەڭگەيىن جوعارىلاتۋدى، اۋىل ـ قىستاق قۇرىلىسى دەڭگەيىن جوعارىلاتۋدى، اۋىل ـ قىستاقتى وڭاۋ دەڭگەيىن جوعارىلاتۋدى ٴتۇيىن ەتىپ، عىلىم ـ تەحنيكا مەن رەفورمانىڭ قاتار دەم بەرۋىن كۇشەيتىپ، شارۋالاردىڭ كىرىسىن ارتتىرۋ شارالارىن كۇشەيتىپ، اۋىل ـ قىستاقتى جاپپاي گۇلدەندىرۋ تاماشا شايقاسىن ويداعىداي جۇرگىزىپ، قونىسقا جايلى، كاسىپكە ىڭعايلى جانە كورىكتى اۋىل ـ قىستاقتىڭ جاڭا كارتيناسىن سالىپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى جەدەلدەتۋ ارقىلى جۇڭگو ۇلگىسىندەگى وسىزامانداندىرۋ قۇرىلىسىن اناعۇرلىم ويداعىداي ىلگەرىلەتۋ كەرەك.
ورتالىق اۋىل ـ قىستاق قىزمەتى باسشىلىق گرۋپپاسى كەڭسەسىنىڭ قاتىستى جاۋاپتىسى مىنالاردى ٴبىلدىردى: پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، تياناقتاندىرىپ، اۋىل شارۋاشىلىعىندا قۇدىرەتتى ەل قۇرۋ نىساناسىن كوزدەپ، 2024 ـ جىلعى ٴتۇيىندى قىزمەتتەردى شىنايى يگەرىپ، ناقتى تۇردە جاقسى ىستەپ، بەلگىلەنگەن نىسانا ـ مىندەتتەردى قاز ـ قالپىندا ويداعىداي ورىنداپ، اۋىل ـ قىستاقتى جاپپاي گۇلدەندىرۋدى ىلگەرىلەتۋدە ۇزدىكسىز تىڭ ىلگەرىلەۋشىلىككە قول جەتكىزۋ كەرەك.
